ଅର୍ଗସ ବ୍ୟୁରୋ: ମତଦାନ କେନ୍ଦ୍ରକୁ ମୋବାଇଲ ନ ନୋବାକୁ ନିୟମ ହୋଇଥିବା ବେଳେ ଅନେକ ଲୋକ ଏହ ବିଷୟରେ ଜାଣିନାହାନ୍ତି । ଅନେକ  ଲୋକ ଫୋନ ନେଇ ମତଦାନ କେନ୍ଦ୍ରକୁ ଯାଇଥିବାରୁ ଅସୁବିଧାର ସମ୍ମୁଖିନ ହେଉଛନ୍ତି । ଏପଟେ ମତଦାନ କେନ୍ଦ୍ରରେ ବି ମୋବାଇଲ ରଖିବାକୁ କୌଣସି ବ୍ୟବସ୍ଥା ହୋଇନଥିବାରୁ ଭୋଟର ଅସନ୍ତୋଷ  ଦେଖାଯାଇଛି । ଖାଲି ତାହା ନୁହେଁ ସ୍ମାର୍ଟ ୱାଚ ମଧ୍ୟ ନେଇ ଭିତରକୁ ଯାଇପାରିବେ ନାହିଁ ।ମତଦାନ କେନ୍ଦ୍ରକୁ ଫୋନ ସାଙ୍ଗରେ ନ ନେବାକୁ ସବୁ ମତଦାତାଙ୍କୁ ପ୍ରେସମିଟ୍ ଜରିଆରେ ଅନୁରୋଧ କରିଛନ୍ତି ମୁଖ୍ୟ ର୍ନିବାଚନ ଅଧିକାରୀ ନୁକୁଂଜ ବିହାରୀ ଧଳ । 

 ୨୦୨୪ ଲୋକସଭା ନିର୍ବାଚନର ଷଷ୍ଠ ପର୍ଯ୍ୟାୟରେ ସମସ୍ତ ଭୋଟରଙ୍କୁ ଅଧିକ ସଂଖ୍ୟାରେ ଭୋଟ ଦେବାକୁ ଅନୁରୋଧ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରତ୍ୟେକ ଭୋଟ ଗୁରୁତ୍ବପୂର୍ଣ୍ଣ, ଆପଣଙ୍କ ଭୋଟ ମଧ୍ୟ ଗୁରୁତ୍ବପୂର୍ଣ୍ଣ । ଗଣତନ୍ତ୍ର ସେତେବେଳେ ସୁଦୃଢ ହୁଏ ଯେତେବେଳେ ଲୋକମାନେ ନିର୍ବାଚନ ପ୍ରକ୍ରିୟାରେ ସକ୍ରିୟ ଭାବେ ସାମିଲ ହୁଅନ୍ତି ।ବିଶେଷ କରି ମହିଳା ଓ ଯୁବ ଭୋଟରଙ୍କୁ ଅଧିକ ସଂଖ୍ୟାରେ ଭୋଟ ଦେବାକୁ ଅନୁରୋଧ କରିଛନ୍ତି ପ୍ରଧାନମନ୍ତ୍ରୀ । ସେପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ମତ ସାବସ୍ତ୍ୟ କରିବା ପାଇଁ ଭୋଟରଙ୍କୁ ନିବେଦନ କରିଛନ୍ତ।

ଅଧିକ ପଢ଼ନ୍ତୁ ଓଡ଼ିଶା ଖବର