ଅର୍ଗସ ବ୍ୟୁରୋ: 24 ବର୍ଷ ଧରି ରାଜ୍ୟରେ ଶାସନ କରିଥିବା ବିଜେଡି ଶିକ୍ଷାର ବିକାଶ ନିମନ୍ତେ କୋଟି କୋଟି ଟଙ୍କା ବିନିଯୋଗ କରିଥିବା କହି ଡିଣ୍ଡିମ ପିଟୁଥିବା ବେଳେ, ଏ ହେଉଛି ଗ୍ରାଉଣ୍ଡରେ ବିକାଶର ଅସଲ ଚିତ୍ର। ପ୍ରଥମରୁ ପଞ୍ଚମ ଶ୍ରେଣୀର 51 ଜଣ ଛାତ୍ର ଛାତ୍ରୀମାନଙ୍କ ନିମନ୍ତେ ରହିଛି ଗୋଟିଏ ମାତ୍ର ଶ୍ରେଣୀଗୃହ। ତାହା ବି ବିପଦ ସଂକୁଳ ଅବସ୍ଥାରେ । ବର୍ଷା ହେଲେ ଶ୍ରେଣୀଗୃହର ଛାତରୁ ପାଣି ଝରୁଛି, ଶ୍ରେଣୀଗୃହର ଅବସ୍ଥା ଅତି ଶୋଚନୀୟ । ଖାଲି ସେତିକି ନୁହେଁ ମାତ୍ର 2ଜଣ ଶିକ୍ଷକରେ ଏଠି ଚାଲିଛି ପାଠପଢା। ଫଳରେ ବିଦ୍ୟାଳୟରେ ବିଭିନ୍ନ ସମସ୍ୟାର ସମ୍ମୁଖୀନ ହୁଅନ୍ତି ପିଲାମାନେ ।
ଏ ହେଉଛି କୋରାପୁଟ କୁନ୍ଦୁରା ବ୍ଲକ ଆସନା ପଞ୍ଚାୟତର ସରକାରି ପ୍ରାଥମିକ ବିଦ୍ୟାଳୟ କୁମ୍ଭୀଖାରି । ପ୍ରାଥମିକ ବିଦ୍ୟାଳୟ ନିର୍ମାଣ ହୋଇ ବହୁତ ବର୍ଷ ହୋଇ ସାରିଲାଣି କିନ୍ତୁ ପ୍ରଶାସନର ଇଚ୍ଛାଶକ୍ତିର ଅଭାବ ଯୋଗୁଁ ବିଦ୍ୟାଳୟରେ ନୂତନ ଶ୍ରେଣୀଗୃହ ନିର୍ମାଣ ହୋଇପାରୁନାହିଁ। ରୋଷଇ ନଥିବାରୁ ବାଧ୍ୟ ହୋଇ ଶିକ୍ଷକ ମାନେ ନିଜସ୍ପ ଖର୍ଚ୍ଚରେ ରୋଷେଇ ଘର ମରାମତି କରିଛନ୍ତି । ତେବେ ଖାଇବାକୁ ସ୍ଥାନ ନଥିବାରୁ ଖରା ବର୍ଷାରେ ବାରଣ୍ଡାରେ ବସି ଖାଆନ୍ତି ଛାତ୍ରଛାତ୍ରୀ l ସ୍କୁଲ ପରିସରରେ ଚାରିଟି ଶୌଚାଳୟ ରହିଛି l କିନ୍ତୁ କୌଣସିଟି ବ୍ୟବହାର ଯୋଗ୍ୟ ନୂହେଁ ଫଳେର ଛାତ୍ରଛାତ୍ରୀଙ୍କୁ ଶୌଚ ପାଇଁ ବହୁ ଦୁରକୁ ଯିବାକୁ ପଡୁଛି। ବର୍ଷ ବର୍ଷ ଧରି ବିଦ୍ୟାଳୟରେ ସମସ୍ୟା ଲାଗି ରହିଥିବା ବେଳେ ପ୍ରଶାସନ ସ ବୁ ଦେଖି ସାଜିଛି ନିରବଦ୍ରଷ୍ଟା। ଛାତ୍ରଛାତ୍ରୀଙ୍କୁ ପ୍ରତିଶ୍ରୁତି ନାଁରେ ମିଳୁଛି କେବଳ ପ୍ରତାରଣା।
ଅଧିକ ପଢ଼ନ୍ତୁ ଓଡ଼ିଶା ଖବର: