ଅର୍ଗସ ବ୍ୟୁରୋ : ଆଜି ଲୋକଙ୍କ ଅଭିଯୋଗ ଶୁଣିବେ ମୁଖ୍ୟମନ୍ତ୍ରୀ । ଭୁବନେଶ୍ୱର ଠାରେ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଅଭିଯୋଗ ଶୁଣିବେ ସିଏମ । ଓଡ଼ିଶାର କୋଣ ଅନୁକୋଣରୁ ନିଜ ନିଜ ଅଭିଯୋଗ ସହ ସମାଧାନର ଆଶା ନେଇ ଆସିଛନ୍ତି ଲୋକେ । ମୁଖ୍ୟମନ୍ତ୍ରୀଙ୍କ ସହ ସ୍ବାସ୍ଥ୍ୟ, ଗଣଶିକ୍ଷା, ଗୃହ ଓ ନଗର ଉନ୍ନୟନ, ଶିଳ୍ପ ଏବଂ ଜଙ୍ଗଲ ଓ ପରିବେଶ ବିଭାଗ ମନ୍ତ୍ରୀ ମଧ୍ୟ ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣିବାର କାର୍ଯ୍ୟକ୍ରମ ରହିଛି ।

ଅଧିକ ପଢନ୍ତୁ : ଆଜି ଜନସାଧାରଣଙ୍କର ଅଭିଯୋଗ ଶୁଣିବେ ମୁଖ୍ୟମନ୍ତ୍ରୀ

ବିଶେଷ କରି ଗତ ଅକ୍ଟୋବର 28 ତାରିଖ ପାଇଁ ପୂର୍ବରୁ ମୁଖ୍ୟମନ୍ତ୍ରୀଙ୍କୁ ସାକ୍ଷାତ ଅଭିଯୋଗ ପାଇଁ ପଞ୍ଜୀକରଣ କରିଥିବା ଆବେଦନକାରୀ ମାନେ ଆଜି ଉପସ୍ଥିତ ରହିବେ । ଏ ନେଇ ବିଜ୍ଞପ୍ତି ମାଧ୍ୟମରେ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ତରଫରୁ ସୂଚନା ଦିଆଯାଇଛି  l ଦରଖାସ୍ତକାରୀ ସେମାନଙ୍କର ରେଜିଷ୍ଟ୍ରେସନ୍ ସ୍ଲିପ ଓ ବ୍ୟକ୍ତିଗତ ପରିଚୟ ପତ୍ର ସହିତ ଉପସ୍ଥିତ ରହିବାକୁ କୁହାଯାଇଛି । ବିଜେଡି ଶାସନରେ 2008ଠାରୁ ବନ୍ଦ ରହିଥିଲା ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ। ବିଜେପି ସରକାର ହେବା ପରେ ଖୋଲାଗଲା 16 ବର୍ଷ ଧରି ବନ୍ଦ ଥିବା ଅଭିଯୋଗ ପ୍ରକୋଷ୍ଠ ।