ଅର୍ଗସ ବ୍ୟୁରୋ : କଂଗ୍ରେସ ଉପରେ ବର୍ଷିଲେ ପ୍ରଧାନମନ୍ତ୍ରୀ ମୋଦି। ବାବା ସାହେବ ଆମ୍ବେଦକରଙ୍କୁ କଂଗ୍ରେସ ଦଳ ଅପମାନ କରିବା ପ୍ରସଙ୍ଗରେ `X'ରେ ପୋଷ୍ଟ କରି ବର୍ଷିଛନ୍ତି ପ୍ରଧାନମନ୍ତ୍ରୀ। କହିଛନ୍ତି ଦୀର୍ଘ ବର୍ଷ ଧରି ଲୋକଙ୍କୁ ଭ୍ରମିତ କରିଆସୁଛି କଂଗ୍ରେସ, ଯାହା ଗ୍ରହଣୀୟ ନୁହେଁ। କଂଗ୍ରେସ ଦଳ ବାବା ସାହେବ ଡକ୍ଟର V.R ଆମ୍ବେଦକରଙ୍କୁ ଯଥୋଚିତ ସମ୍ମାନ ଦେଇନାହିଁ। ଏତେ ଦିନ ଶାସନ କଲା ପରେ ବୀର ପୁରୁଷଙ୍କୁ କଂଗ୍ରେସ ଭୁଲିଯିବା ହୀନମନ୍ୟତାର ପରିଚୟ। SC/ST ସମୁଦାୟଙ୍କ ସ୍ଵାର୍ଥ ପ୍ରତି ଅଣଦେଖା କରିଆସିଛି କଂଗ୍ରେସ।

ଅଧିକ ପଢନ୍ତୁ : ରାଜ୍ୟସଭାରେ କଂଗ୍ରେସ ଉପରେ ଶାହଙ୍କ ହମଲା

ବାବା ସାହେବ ଆମ୍ବେଦକରଙ୍କ ଦୂରଦୃଷ୍ଟିକୁ ସାକାର କରିବା ପାଇଁ ଆମେ ଚେଷ୍ଟିତ। ପଛୁଆବର୍ଗଙ୍କ ହିତସାଧନ ପାଇଁ ଆମ ସରକାର ପ୍ରତିଶ୍ରୁତିବଦ୍ଧ ବୋଲି କହିଛନ୍ତି ପ୍ରଧାନମନ୍ତ୍ରୀ। ଗତକାଲି ରାଜ୍ୟସଭାରେ ସମ୍ବିଧାନ ପ୍ରସଙ୍ଗରେ ଆଲୋଚନାବେଳେ ଆମ୍ବେଦକରଙ୍କୁ ଅପମାନିତ କରିବାର କଳା ଇତିହାସର ଖୁଲାସା କରିଥିଲେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ। ଶାହ କହିଥିଲେ SC-ST ସମ୍ପ୍ରଦାୟଙ୍କୁ କଂଗ୍ରେସ ଦଳ ବାରମ୍ବାର ଅଣଦେଖା କରିଆସିଛି।