ଅର୍ଗସ ବ୍ୟୁରୋ: ଆଜି ଆସିବ ବହୁଚର୍ଚ୍ଚିତ ପରୀ ହତ୍ୟା ମାମଲାର ରାୟ । ଏନେଇ ନୟାଗଡ଼ କୋର୍ଟରେ ପହଞ୍ଚିଛି ଅଭିଯୁକ୍ତ । ନୟାଗଡ଼ ଅତିରିକ୍ତ ଦୌରା ଜଜଙ୍କ ନିର୍ଦ୍ଦେଶକ୍ରମେ କ୍ରାଇମବ୍ରାଞ୍ଚ ଓ ଅଭିଯୁକ୍ତଙ୍କ ଓକିଲ ପକ୍ଷରୁ ଗତ ୧ ତାରିଖରେ ଚୂଡ଼ାନ୍ତ ଲିଖିତ ଜବାବ ଦାଖଲ ହୋଇଥିଲା । ଆଉ କିଛି ସମୟ ମଧ୍ୟରେ ମାମଲାର ଚୂଡ଼ାନ୍ତ ରାୟ ପ୍ରକାଶ ପାଇବ । ନୟାଗଡ଼ ଅତିରିକ୍ତ ଦୌରାଜଜଙ୍କ କୋର୍ଟରେ ଏହି ମାମଲାର ଶୁଣାଣି ଶେଷ ହେବ । 2020 ଜୁନରେ ନୟାଗଡ଼ ଯଦୁପୁରରେ ଘଟିଥିଲା ନାରକୀୟ କାଣ୍ଡ । କୁନି ଝିଅ ପରୀର ଅପହରଣ ହେଲା

ପୋଲିସକୁ ଜଣାଇଲେ, ପୋଲିସ ଶୁଣିଲାନି । ଚାପ ପଡିବା ପରେ ତଦନ୍ତ ହେଲା, ଡଗ ସ୍କ୍ବାର୍ଡ ଆସିଲା । ହେଲେ କିଛି ବି ପତ୍ତା ମିଳିଲାନି । 9 ଦିନ ପରେ ଘର ପାଖ ଗାଡିଆ ନିକଟରୁ ଉଦ୍ଧାର ହେଲା ମୃତଦେହ । ବାବୁଲି ନାୟକ ଓ ତା ଲୋକ ହତ୍ୟାକାରୀ ବୋଲି ଘରଲୋକ ଅଭିଯୋଗ କରିଥିଲେ । ବାବୁଲି ନାୟକ ସେତେବେଳର ମନ୍ତ୍ରୀ ଅୁଣ ସାହୁଙ୍କ ଖାସ୍ । ନୟାଗଡ଼ ପୋଲିସ ଶୁଣିଲାନି, ମାମଲାକୁ ଚାପିଦେଲା । ଏନେଇ ଅର୍ଗସରେ ବାରମ୍ବାର ଖବର ପ୍ରସାରଣ ହୋଇଥିଲା । ଏସଆଇଟି ଗଠନ କରି ତଦନ୍ତ ନିର୍ଦ୍ଦେଶ ଦେଇଥିଲେ ରାଜ୍ୟ ସରକାର । ହେଲେ ତଦନ୍ତ ପରିସରକୁ ଆସିଲେନି ଅରୁଣ ସାହୁ । ଗିରଫ ପୂର୍ବରୁ ନାବାଳକକୁ 5 ଲକ୍ଷ ଟଙ୍କାର ପ୍ରଲୋଭନ କଥା ସାମ୍ନାକୁ ଆସିଥିଲା । ପରେ ନାବାଳକକୁ ପରୀ ହତ୍ୟା ମାମଲାରେ ଗିରଫ କରାଗଲା। ଦୁଷ୍କର୍ମ ଉଦ୍ୟମ ଓ ହତ୍ୟାର ଦଫା ଲାଗିଲା ଅଭିଯୁକ୍ତ ନାଁରେ । ହେଲେ ଅଭିଯୋଗକୁ ବାରମ୍ବାର ଖଣ୍ଡନ କରିଥିଲା ନାବାଳକ । ଆଇନଜୀବୀ ମାନେ ମଧ୍ୟ ତଦନ୍ତକୁ ନେଇ ଉଠାଇଥିଲେ ପ୍ରଶ୍ନ । ପରୀର ପରିବାର ବି ନାବାଳକ ହତ୍ୟାକାରୀ ନୁହେଁ ବୋଲି କହିଥିଲେ। 

ଅଧିକ ପଢ଼ନ୍ତୁ ଓଡ଼ିଶା ଖବର