ଅର୍ଗସ ବ୍ୟୁରୋ: କେନ୍ଦ୍ରାପଡ଼ା ରାଜନଗର ଡାଙ୍ଗମାଳ ପଞ୍ଚାୟତର ବଡ଼ଆଡିଆ ଗାଁରେ ଶୁଦ୍ଧ ପାନୀୟ ଜଳ ପାଇବା ବଡ଼ କଷ୍ଟ । ବର୍ଷ ବର୍ଷ ଧରି ପାଣି ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଗ୍ରାମବାସୀ l ଗାଁରେ ବସବାସ କରୁଥିବା ପ୍ରାୟ 1000 ରୁ ଉର୍ଦ୍ଧ ଲୋକେ ପାଣିପାଇଁ ଡହଳ ବିକଳ ହୁଅନ୍ତି । ଗାଁରେ ଥିବା 4 ଟି ନଳକୂପରୁ 3ଟି ଅଚଳ । ଆଉ ଗୋଟିଏ ନଳକୂପରୁ ବାହାରୁଛି ଲୁହା ଗୁଣ୍ଡ ମିଶା ଲୁଣି ପାଣି l ମାତ୍ର ସେହି ପାଣି ପିଇବାକୁ ବାଧ୍ୟ ହେଉଛନ୍ତି ଲୋକେ ।
ଅନ୍ୟପଟେ 25 ବର୍ଷ ପରେ ବି ଏହି ଗାଁର ଲୋକଙ୍କ ପାଖରେ ପହଞ୍ଚି ପାରିନାହିଁ ବସୁଧା ଯୋଜନା । ଏନେଇ ଲୋକେ ସ୍ଥାନୀୟ ଜନ ପ୍ରତିନିଧି ଠାରୁ ଆରମ୍ଭ କରି ପ୍ରଶାସନ ଓ ବିଭାଗୀୟ ଅଧିକାରୀଙ୍କୁ ବାରମ୍ବାର ଅଭିଯୋଗ କରି ଆସୁଥିଲେ ମଧ୍ୟ କେବଳ ମିଳିଛି ମିଛ ପ୍ରତିଶୃତି । ସେପଟେ ନଳକୂପ ମରାମତି ସହ ବିଶୁଦ୍ଧ ପାନୀୟ ଜଳ ପାଇପ ଯୋଗେ ଯୋଗାଇ ଦେବାକୁ ଦାବି କରିଛନ୍ତି ଗ୍ରାମବାସୀ । ବାଇଟ -ଖଗେଶ୍ୱର ବାରିକ ଗ୍ରାମବାସୀ । 25 ବର୍ଷ ହେଲା.. ନା ସରପଞ୍ଚ ନା ବିଧାୟକ ନା ପ୍ରଶାସନ କେହି ବି ସେମାନଙ୍କ ସମସ୍ୟା ବୁଝିନାହାନ୍ତି । ଏବେ ଖବର ବାଜିବା ପରେ ଆଶା କରିବା ବଡ଼ଆଡିଆ ଗାଁରୁ ଦୂର ହେବ ଜଳ କଷ୍ଟ ।
ଅଧିକ ପଢ଼ନ୍ତୁ ଓଡିଶା ଖବର: