ଅର୍ଗସ ବ୍ୟୁରୋ:  ଦିନରେ ଜଳ କଷ୍ଟ ରାତିରେ ଅନ୍ଧାର । ଏହା ହେଉଛି କୁମ୍ଭିଟାଙ୍ଗିରୀରେ ନିତିଦିନିଆ ଘଟଣା । 25 ବର୍ଷର ବିଜେଡି ସରକାରରେ ପ୍ରତାରିତ କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଶଗଡପଟା ପଞ୍ଚାୟତର କୁମ୍ଭିଟାଙ୍ଗିରୀ ଗାଁ । ଆଜି ବି ଗାଁରେ ଅପହଞ୍ଚ ମୌଳିକ ସୁବିଧା । ଅପହଁଚ ବସୁଧା ଯୋଜନା । ବର୍ଷ ବର୍ଷ ଧରି ଜଳଯନ୍ତ୍ରଣା ଭୋଗୁଛନ୍ତି ସ୍ଥାନୀୟ ଲୋକେ । ଗାଁରେ ଥିବା ଗୋଟିଏ ମାତ୍ର ନଳକୂପ ଲୋକଙ୍କ ଶୋଷ ମେଣ୍ଟାଇ ପାରୁନି । ବାଧ୍ୟ ହୋଇ ଜଙ୍ଗଲ ଭିତରେ ଥିବା ଚୂଆ ଉପରେ ନିର୍ଭର କରୁଛନ୍ତି ଲୋକେ । ଏଥିପାଇଁ ବି ମାଇଲ ମାଇଲ ବାଟ ଚାଲିବାକୁ ପଡୁଛି।

ଗାଁକୁ ଆଜି ପର୍ଯ୍ୟନ୍ତ ହୋଇ ପାରିନି ବିଦ୍ୟୁତ ସଂଯୋଗ। ବିଜୁଳି ଆଲୁଅ ନଥିବାରୁ ଅନ୍ଧାରରେ ଜୀବନ ବିତାଉଛନ୍ତି କୁମ୍ଭିଟାଙ୍ଗିରୀ ଗାଁ ଲୋକେ । ଗାଁରେ କିଛି ବର୍ଷ ତଳେ ସୋଲାର ପ୍ରକଳ୍ପ ରେ କିଛି ଘରକୁ ସାମିଲ କରାଯାଇଥିଲା ମାତ୍ର ତାହା ଏବେ ଅଚଳ। ଫଳରେ ରାତି ହେବା କ୍ଷଣି ଅନ୍ଧାର ମୂଲକକୁ ପଳାଉଛନ୍ତି ଅଞ୍ଚଳବାସୀ।ପଦାରେ ପଡ଼ିଛି ବିଜେଡି ସରକାରର ମିଛ ଆଦିବାସୀ ପ୍ରୀତି । 25 ବର୍ଷର ବିଜେଡି ସରକାରରେ କୁମ୍ଭିଟାଙ୍ଗିରୀ ଗାଁକୁ  ବାଟବଣା ହୋଇଯାଇଛି ବିକାଶ। ଏବେ ସରକାର ବଦଳିଛି । ସମସ୍ତ ମୌଳିକ ସମସ୍ୟାର ସମାଧାନ ନେଇ ନୂଆ ସରକାରଙ୍କ ଉପରେ ଆଶା ରଖିଛନ୍ତି ଲୋକେ ।

ଅଧିକ ପଢ଼ନ୍ତୁ ଓଡିଶା ଖବର: