ଅର୍ଗସ ବ୍ୟୁରୋ: କୋରେଇ ଥାନା ତେନ୍ତୁଲିଖୁଣ୍ଟା ଓଭରବ୍ରିଜ ନିକଟରେ ବାଇକକୁ ପଛପଟୁ ଧକ୍କା ଦେଲା ଟ୍ରକ,ଜଣେ ମୃତ ଅନ୍ୟଜଣେ ଗୁରୁତର ।ସୂଚନା ଅନୁଯାୟୀ ଆଜି ଫଜାଲପୁର ଗାଁର ଏସ.କେ ସବୀର ଓ ସେକ ଜୁଲପି ପୁକାର ଏକ ବାଇକ ଯୋଗେ ଯାଜପୁର ରୋଡ ରୁ କୋରାଇ ଅଭିମୁଖେ ଫେରୁଥିଲେ l ହଠାତ ତେନ୍ତୁଲିଖୁଣ୍ଟା ଓଭର ବ୍ରିଜ ଛକରେ ଏକ ଟ୍ରକ ଦ୍ରୁତ ଗତିରେ ଆସି ତାଙ୍କ ବାଇକ ପଛରୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଏସ.କେ ସବୀରଙ୍କ ମୃତ୍ୟୁ ହେଇଥିବା ବେଳେ ସେକ ଜୁଲପି ପୁକାର ଗୁରୁତର ହେଇଥିଲେ । ତାଙ୍କୁ ଯାଜପୁର ରୋଡ଼ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରାଯାଇଛି । ସେପଟେ ଦୁର୍ଘଟଣା ଖବର ପାଇ କୋରେଇ ପୋଲିସ ଘଟଣା ସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।

ଅଧିକ ପଢନ୍ତୁ ଓଡ଼ିଶା ଖବର