ଅର୍ଗସ ବ୍ୟୁରୋ: ବିଶ୍ବଗୁରୁ ବନୁଛି ଭାରତ । ଦେଶ ବିକାଶରେ ଶିକ୍ଷାକୁ ସର୍ବାଧିକ ଗୁରୁତ୍ବ । ପ୍ରଧାନମନ୍ତ୍ରୀ ମୋଦିଙ୍କ ମାର୍ଗଦର୍ଶନରେ ମାତ୍ର ୧୦ ବର୍ଷ ମଧ୍ୟରେ ଦେଶର ଶିକ୍ଷା କ୍ଷେତ୍ରରେ ଆସିଛି ବୈପ୍ଳବିକ ପରବର୍ତ୍ତନ । ଆଗାମୀ ସମୟର ଆହ୍ବାନକୁ ସ୍ବୀକାର କରି ଶିକ୍ଷା ଭିତ୍ତିଭୂମିକୁ ନୂଆ ରୂପ ଦେବାରେ ସଫଳ ହୋଇଛି ଶିକ୍ଷା ମନ୍ତ୍ରାଳୟ। ସ୍କୁଲ ସ୍ବଚ୍ଛତା କ୍ଷେତ୍ରରେ ୨୦୦୪ରୁ ୨୦୧୪ରେ UPA ସରକାର ତୁଳନାରେ NDA ସରକାରରେ ୨୦୧୪ରୁ ୨୦୨୪ ମଧ୍ୟରେ ହୋଇଛି ବ୍ୟାପକ ପରବର୍ତ୍ତନ । ଶିକ୍ଷା ଭିତ୍ତିଭୂମି, ଶିକ୍ଷାଦାନ ଓ ଶିକ୍ଷାଗ୍ରହଣ ବ୍ୟବସ୍ଥା, ଶିକ୍ଷା ପାଇଁ କେନ୍ଦ୍ରୀୟ ବଜେଟ ପ୍ରାବଧାନରେ ହୋଇଥିବା ବ୍ୟାପକ ପରିବର୍ତ୍ତନର ହିସାବ ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କେବଳ ଶିକ୍ଷିତ ନୁହେଁ ବରଂ ଆଗାମୀ ସମୟରେ ବିଶ୍ବକୁ ନୂଆ ଦିଶା ଦେଖାଇବାକୁ ଯୁବପିଢିକୁ ସମର୍ଥ କରିବାକୁ ନୂଆ ଶିକ୍ଷାନୀତି-୨୦୨୦ର ଲକ୍ଷ୍ୟ ହେଉଛି ପୂରଣ । 

୨୦୦୪ରୁ ୨୦୧୪ ତୁଳନାରେ ୩୦ ପ୍ରତିଶତ ବୃଦ୍ଧି ପାଇଛି ମହିଳା ଶିକ୍ଷକ ସଂଖ୍ୟା । ଦେଶରେ କଲେଜ ସଂଖ୍ୟା ୨୧ ପ୍ରତିଶତ ବୃଦ୍ଧି ସହ ଦଶମ ଓ ଦ୍ବାଦଶ ଶ୍ରେଣୀ ପାସ୍ ହାର ମଧ୍ୟ ବୃଦ୍ଧି ପାଇଛି । ଦେଶର ୨୩ ହଜାର ଡାକ ପିନକୋଡରେ ଉବଲବ୍ଧ ହୋଇଛି NCERT ପ୍ରକାଶିକ ପାଠ୍ୟ ପୁସ୍ତକ । ଏଥିପାଇଁ Flipkart, Amazon ସହ ହୋଇଛି MoU ସ୍ବାକ୍ଷର । ସାରା ଦେଶରେ ଆରମ୍ଭ ହୋଇଛି ବିଦ୍ୟା ସମୀକ୍ଷା କାର୍ଯ୍ୟକ୍ରମ । ଶିକ୍ଷା ସହିତ ଛାତ୍ରଛାତ୍ରୀଙ୍କ ଶାରୀରିକ ଓ ମାନସିକ ସୁସ୍ଥତା ବୃଦ୍ଧି ପାଇଁ ପିଏମ ପୋଷଣ ଯୋଜନାରେ ଅନୁଦାନ ବୃଦ୍ଧି ସହ ୧୦ ବର୍ଷ ମଧ୍ୟରେ ଛାତ୍ରଛାତ୍ରୀଙ୍କ ମୁଣ୍ଡ ପିଛା ଖର୍ଚ୍ଚ ୧୩୦% ବୃଦ୍ଧି ପାଇଥିବା ପାଇଥିବା କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ।  

୧୦ ବର୍ଷ ମଧ୍ୟରେ ଗୁଣାତ୍ମକ ଓ ପରିମାଣାତ୍ମକ ଶିକ୍ଷାରେ ବ୍ୟାପକ ପରିବର୍ତ୍ତନ
୨୦୧୩-୧୪ରେ ଦଶମ ଶ୍ରେଣୀରେ ପାସ୍ ହାର ୫୮ ପ୍ରତିଶତ ଥିଲା
ଏବେ ପାସ୍ ହାର ୬୪ ପ୍ରତିଶତ ବୃଦ୍ଧି ସହ ୯୫.୫ ପ୍ରତିଶତରେ ପହଞ୍ଚିଛି
କେବଳ ଦଶମ ଶ୍ରେଣୀରେ ଝିଅଙ୍କ ପାସ୍ ହାର ୭୨ପ୍ରତିଶତ ବୃଦ୍ଧି 
୧୦ ବର୍ଷରେ ମହିଳା ଶିକ୍ଷକ ସଂଖ୍ୟା ୩୦ ପ୍ରତିଶତରୁ ଅଧିକ ବୃଦ୍ଧି  

NTAକୁ ନେଇ ଡକ୍ଟର କେ. ରାଧାକ୍ରିଷ୍ଣନଙ୍କ ଅଧ୍ୟକ୍ଷତାରେ ଗଠିତ କମିଟି ରିପୋର୍ଟକୁ ସାର୍ବଜନୀନ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ । ୩୧ ଅକ୍ଟୋବରରେ କମିଟି ଏହି ରିପୋର୍ଟ ସରକାରଙ୍କୁ ଦେଇଥିଲେ ।  ଆଗାମୀ ସମୟରେ ରିପୋର୍ଟକୁ ସୁପ୍ରିମକୋର୍ଟଙ୍କୁ ଦିଆଯିବ । କମିଟି ପ୍ରସ୍ତାବ ଅନୁସାରେ ନ୍ୟାସନାଲ ଟେଷ୍ଟିଂ ଏଜେନ୍ସିର ପୁନର୍ଗଠନ ହେବ ।   ୨୦୨୫ରୁ NTA କେବଳ ଉଚ୍ଚ ଶିକ୍ଷା ପ୍ରବେଶିକା ପରୀକ୍ଷା ଆୟୋଜନ କରିବ । କମିଟି ସୁପାରିଶ ଆଧାରରେ ପେପର ଲିକ୍ ଉପରେ ରୋକ୍, AI ଟେକ୍ନୋଲୋଜିର ଉପଯୋଗ ସହ ଶିକ୍ଷାର ଗୁଣାତ୍ମକ ମାନ ବୃଦ୍ଧି ପାଇଁ ବଡ଼ ପଦକ୍ଷେପ ଗ୍ରହଣ କରିଛନ୍ତି ସରକାର। 

ଅଧିକ ପଢ଼ନ୍ତୁ ଓଡ଼ିଶା ଖବର