କେରଳର ରାଜ୍ୟପାଳ ହେଲେ ଆରିଫ୍‌ ଖାନ୍‌, ଶାହ ବାନୋ ମାମଲାରେ ରାଜୀବ ଗାନ୍ଧିଙ୍କ ସରକାରରୁ ଦେଇଥିଲେ ଇସ୍ତଫା

କେରଳର ରାଜ୍ୟପାଳ ହେଲେ ଆରିଫ୍‌ ଖାନ୍‌, ଶାହ ବାନୋ ମାମଲାରେ ରାଜୀବ ଗାନ୍ଧିଙ୍କ ସରକାରରୁ ଦେଇଥିଲେ...

by Aryan Cross

ନୂଆଦିଲ୍ଲୀ: ପୂର୍ବତନ କେନ୍ଦ୍ରମନ୍ତ୍ରୀ ଆରିଫ ମହମ୍ମଦ ଖାନ କେରଳର ନୂଆ ରାଜ୍ୟପାଳ ଭାବେ ନିଯୁକ୍ତ ହୋଇଛନ୍ତି । ନିକଟରେ ଟ୍ରିପଲ୍‌ ତଲାକ୍‌ ବିରୋଧୀ ବିଲ୍‌ ସମେତ ମୋଦି ସରକାରଙ୍କ ବହୁ ନିଷ୍ପତ୍ତିକୁ ସ୍ୱାଗତ କରିଛନ୍ତି ଆରିଫ । 1986ରେ ବହୁ ଚର୍ଚ୍ଚିତ ଶାହ ବାନୋ ମାମଲାରେ ତତ୍କାଳୀନ ପ୍ରଧାନମନ୍ତ୍ରୀ ରାଜୀବ ଗାନ୍ଧି ଏବଂ କଂଗ୍ରେସର ଷ୍ଟାଣ୍ଡକୁ ବିରୋଧ କରି ପାର୍ଟି ସମେତ କେନ୍ଦ୍ରମନ୍ତ୍ରୀ ପଦରୁ ଇସ୍ତଫା ଦେଇଥିଲେ ଆରିଫ ମହମ୍ମଦ । ଶାହ ବାନୋ ମାମଲାରେ ରାଜୀବ ଗାନ୍ଧି ମୁସଲମାନ ମନ୍ତ୍ରୀଙ୍କ ପ୍ରରୋଚନାରେ ସୁପ୍ରିମକୋର୍ଟଙ୍କ ରାୟକୁ ଚାଲେଞ୍ଜ କରି ନିୟମକୁ ସଂସଦରେ ବଦଳାଇ ଦେଇଥିଲେ ।

ଆରିଫ ମହମ୍ମଦ ଖାନଙ୍କ ବ୍ୟତୀତ ରାଷ୍ଟ୍ରପତି ରାମନାଥ କୋବିନ୍ଦ ଅନ୍ୟ 4ଟି ରାଜ୍ୟ ପାଇଁ ନୂଆ ରାଜ୍ୟପାଳ ନିଯୁକ୍ତ କରିଛନ୍ତି । ହିମାଚଳ ପ୍ରଦେଶର ରାଜ୍ୟପାଳ କଲରାଜ୍‌ ମିଶ୍ରଙ୍କୁ ରାଜସ୍ଥାନର ରାଜ୍ୟପାଳ ଭାବେ ନିଯୁକ୍ତ କରାଯାଇଛି । ମିଶ୍ରଙ୍କ ସ୍ଥାନରେ ବଣ୍ଡାରୁ ଦତ୍ତାତ୍ରେୟଙ୍କୁ ହିମାଚଳ ପ୍ରଦେଶର ରାଜ୍ୟପାଳ ଭାବେ ନିଯୁକ୍ତ କରାଯାଇଛି । ସେହିପରି ଭଗତ ସିଂହ କୋଶ୍ୟାରି ମହାରାଷ୍ଟ୍ରର ନୂତନ ରାଜ୍ୟପାଳ ହେବେ । ସେହିପରି ଡ.ତାମିଲିସାଇ ସୁନ୍ଦରରାଜନ୍‌ ତେଲେଙ୍ଗାନାର ରାଜ୍ୟପାଳ ଭାବେ ନିଯୁକ୍ତି ପାଇଛନ୍ତି ।

Kalraj Mishra, Governor of Himachal is transferred & appointed as Governor of Rajasthan. Bhagat Singh Koshyari appointed as Governor of Maharashtra, Bandaru Dattatreya as Governor of Himachal, Arif Mohammed Khan as Guv of Kerala, Tamilisai Soundararajan as Governor of Telangana pic.twitter.com/oKOe8xUOOz
— ANI (@ANI) September 1, 2019

ପ୍ରଗତିଶୀଳ ମୁସଲିମ୍‌ ଚିନ୍ତାଧାରର ପ୍ରତୀକ ଆରିଫ ମହମ୍ମଦ 1951 ମସିହାରେ ଉତ୍ତରପ୍ରଦେଶର ବୁଲନ୍ଦଶହରରେ ଜନ୍ମଗ୍ରହଣ କରିଥିଲେ । 12ଟି ଗାଁକୁ ନେଇ ଗଠିତ ବୁଲନ୍ଦଶହରରେ ଜନ୍ମଗ୍ରହଣ କରିଥିବା ଆରିଫ ଖାନ ଦିଲ୍ଲୀର ଜାମିଆ ମିଲିୟା ସ୍କୁଲରେ ଅଧ୍ୟୟନ କରିଥିଲେ । ପରବର୍ତ୍ତୀ ସମୟରେ ଆଲିଗଡ଼ ମୁସଲିମ ୟୁନିଭର୍ସିଟି ଏବଂ ଶିୟା କଲେଜରୁ ଉଚ୍ଚଶିକ୍ଷା ହାସଲ କରିଥିଲେ ଆଲିଫ୍‌ ଖାନ ।

ଆରିଫ ଖାନ୍‌ ଛାତ୍ର ଜୀବନରୁ ରାଜନୀତିରେ ଜଡ଼ିତ ଥିଲେ । ଭାରତୀୟ କ୍ରାନ୍ତି ଦଳ ନାମକ ଏକ ଛୋଟ ପାର୍ଟି ଟିକେଟରୁ ସେ ପ୍ରଥମେ ବୁଲନ୍ଦଶହରର ସିୟାନା ସିଟ୍‌ରୁ ବିଧାନସଭା ନିର୍ବାଚନ ଲଢି ହାରିଥିଲେ । ଏହାପରେ 26 ବର୍ଷ ବୟସରେ 1977ରେ ଆରିଫ ବିଧାନସଭାକୁ ନିର୍ବାଚିତ ହୋଇଥିଲେ । 1980ରେ କାନପୁର ଏବଂ 1984ରେ ବାହାରଇଚ୍‌ରୁ ନିର୍ବାଚିତ ହୋଇ ଲୋକସଭା ଯାଇଥିଲେ । ରାଜୀବ ଗାନ୍ଧିଙ୍କ ସରକାରରେ ମନ୍ତ୍ରୀ ମଧ୍ୟ ହୋଇଥିଲେ ଆରିଫ । ସେତେବେଳେ ଶାହ ବାନୋ ମାମଲାରେ ସୁପ୍ରିମକୋର୍ଟଙ୍କ ରାୟକୁ ଜୋରଦାର ସମର୍ଥନ କରିବା ସହ 23 ଅଗଷ୍ଟ 1985ରେ ଲୋକସଭାରେ ଆରିଫ ଦେଇଥିବା ବକ୍ତବ୍ୟ ଆଜି ବି ଲୋକଙ୍କ ମନରୁ ଲିଭିନି ।

କଂଗ୍ରେସରୁ ଦୁଇ ଥର, ପରେ ଜନତା ଦଳ ଏବଂ ବସପାରୁ ଥରେ ଲେଖାଏଁ ଲୋକସଭାକୁ ନିର୍ବାଚିତ ହୋଇଥିବା ଆରିଫ ମହମ୍ମଦ ଖାନ ପରବର୍ତ୍ତୀ ସମୟରେ ବିଜେପିରେ ଯୋଗ ଦେଇଥିଲେ । ବିଜେପି ଟିକେଟରୁ କୈସରଗଞ୍ଜ ସିଟ୍‌ରୁ ନିର୍ବାଚନ ଲଢି ହାରିଥିଲେ ଆରିଫ । ଏହାପରେ 2007ରେ ବିଜେପି ଛାଡ଼ିଥିଲେ । ଆରିଫଙ୍କର ଆଉ ଏକ ପରିଚୟ ହେଉଛି ଯେ, ସେ ବନ୍ଦେ ମାତରମକୁ ଉର୍ଦ୍ଧୁ ଭାଷାରେ ଅନୁବାଦ କରିଥିଲେ ।

4 ରୁ ପାଞ୍ଚ ଖଣ୍ଡ ଗ୍ରାମକୁ ଯାତାୟାତ ବାଧାପ୍ରାପ୍ତ

by Smruti Parija

କୋରାପୁଟ: ବୈପାରୀଗୁଡା ବ୍ଲକରେ ଲଗାଣ ବର୍ଷା ଯୋଗୁଁ ଭାଙ୍ଗିଲା ବ୍ରିଜ । ବୈପାରୀଗୁଡା ବ୍ଲକ ହଳଦିକୁଣ୍ଡ ପଞ୍ଚାୟତର ଘିଅରିଆଗୁଡା ଗ୍ରାମରୁ ତାଲୁର ଗ୍ରାମକୁ ସଂଯୋଗ କରୁଥିବା ରାସ୍ତା ନିକଟରେ ଥିବା ବ୍ରିଜଟି ଲଗାଣ ବର୍ଷା ଯୋଗୁଁ ଭାଙ୍ଗିଯାଇଛି । ଯାହାଫଳର ଗୁପ୍ତେଶ୍ୱର, ସିରିବେଡା, ତାଲୁର, ଡାଙ୍ଗରିଗୁଡା ଭଳି 4 ରୁ ପାଞ୍ଚ ଖଣ୍ଡ ଗ୍ରାମକୁ ଯାତାୟାତ ବାଧାପ୍ରାପ୍ତ ହୋଇଛି ।

ସୂଚନା ଅନୁଯାୟୀ ଦୁଇ ଦିନ ପୂର୍ବେ ହୋଇଥିବା ଲଗାଣ ବର୍ଷା ଯୋଗୁଁ ଏହି ବ୍ରିଜଟି ଭାଙ୍ଗିଯାଇଛି କିନ୍ତୁ ଏବେ ପର୍ଯ୍ୟନ୍ତ କୈଣସି ପ୍ରଶାସନିକ ଅଧିକାରି ପହଁଚି ନାହାନ୍ତି । କିମ୍ୱା ଏହାର ମରାମତି କାମ ଆରମ୍ଭ ହୋଇନାହିଁ । ଗ୍ରାମବାସୀ ଏହି ବ୍ରିଜର ମରାମତି ପାଇଁ ଦାବି କରିଛନ୍ତି ।

ଆହୁରି ପଢନ୍ତୁ ଓଡିଶା ଖବର...

‘ଜନସମ୍ପର୍କ ଅଭିଯାନ’ ନୁହେଁ, ବିଜେଡିର ‘ଜନପ୍ରତାରଣା ଅଭିଯାନ’

by Jitendra Dash

ଅର୍ଗସ ବ୍ୟୁରୋ : ଆଜି ବିଜୁ ଜନତା ଦଳ ଏକ ଜନସମ୍ପର୍କ ଅଭିଯାନ ଆରମ୍ଭ କରିବା ପାଇଁ ଯାଉଛି । ଏଇଟା “ଜନସମ୍ପର୍କ ଅଭିଯାନ ନୁହେଁ, ବିଜେଡିର ଜନପ୍ରତାରଣା ଅଭିଯାନ” । ୨୩ ବର୍ଷରେ ରାଜ୍ୟର ବିକାଶ ନୁହେଁ ବିନାଶ କରିଛି ବିଜେଡି ସରକାର । ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ୫୦୦କୋଟି ଟଙ୍କା ଜନଶୁଣାଣି ଅଭିଯାନରେ ଖର୍ଚ୍ଚ କଲେ, ତାହା କ’ଣ ବିଫଳ ହୋଇଗଲା କି? ଏବେ ବିଧାନସଭା ସମ୍ମୁଖକୁ ଶିକ୍ଷକ, ଗାଁ ସାଥୀ, ସରପଂଚ, ସମିତି ସଭ୍ୟ, ଆୟୁଷ ଡାକ୍ତର, ଆଉଟ ସୋର୍ସିଙ୍ଗ, ଠିକା କର୍ମଚାରୀ, ମିଶନଶକ୍ତି, ପାରା ମେଡିକାଲ ଷ୍ଟାଫ, ଅଙ୍ଗନୱାଡି କର୍ମୀ, ଆଶା, ପାଚିକା, କଲେଜ ଅଧ୍ୟାପକ, ଡ୍ରାଇଭରମାନେ ସେମାନଙ୍କ ଦାବି ପୂରଣ ପାଇଁ ଆସିଥିଲେ । ସେମାନଙ୍କ ସହିତ ନା କୌଣସି ଜନସମ୍ପର୍କ କରାଗଲା ନା କୌଣସି ଜନଶୁଣାଣି କରାଗଲା ।

ଅଧିକ ପଢନ୍ତୁ ଓଡ଼ିଶା ଖବର

ବିଜେଡି ନେତାମାନେ ଏବେ ସେହି ପରିବାରମାନଙ୍କୁ ଜନସମ୍ପର୍କ ଅଭିଯାନ ସମୟରେ କ’ଣ ଉତର ରଖିବେ? ୨୦୧୪ ନିର୍ବାଚନ ସମୟରେ ମୁଖ୍ୟମନ୍ତ୍ରୀ କହିଥିଲେ, ୨୦୨୨ସୁଦ୍ଧା ଓଡ଼ିଶାରେ କେହି କଚ୍ଚା ଘରେ ରହିବେ ନାହିଁ, କୁଆଡେ ଗଲା ସେହି ପ୍ରତିଶ୍ରୁତି । ସେହିପରି ୨୦୧୪ରେ କହିଥିଲେ, ପ୍ରତି ବ୍ଲକରେ ଶୀତଳ ଭଣ୍ଡାର କରିବେ ବୋଲି, କୁଆଡେ ଗଲା ସେହି ପ୍ରତିଶ୍ରୁତି । ୨୦୧୪ରେ ଚିଟ୍‌ଫଣ୍ଡ କ୍ଷତିଗ୍ରସ୍ତମାନଙ୍କୁ ଟଙ୍କା ଫେରାଇଦେବେ ବୋଲି କହିଥିଲେ, କୁଆଡେ ଗଲା ସେହି ୩୦୦କୋଟି ଟଙ୍କାର କର୍ପସ ଫଣ୍ଡ? ମୁଖ୍ୟମନ୍ତ୍ରୀ ଘୋଷଣା କରିଥିଲେ ଠିକା ନିଯୁକ୍ତି ହଟିଗଲା ବୋଲି, କୁଆଡେ ଗଲା ସେହି ପ୍ରତିଶ୍ରୁତି? ବିଜୁ ଜନତା ଦଳ ସରକାର କେବଳ ପ୍ରତାରଣା ଦେଇ ଜାଣିଛି । କାଳିଆ ଯୋଜନାରେ ବର୍ଷକୁ ଚାଷୀକୁ ୧୦ହଜାର ଟଙ୍କା ଦେବା କହି ଦେଉଛନ୍ତି ୪ହଜାର ଟଙ୍କା । ୨୦୧୮ରେ ମହାନଦୀରେ ୭ଟି ବ୍ୟାରେଜ ଓ ୨୨ଟି ଅନ୍ୟ ପ୍ରକଳ୍ପ କରିବୁ ବୋଲି ଘୋଷଣା କରିଥିଲେ, କୁଆଡେ ଗଲା ସେହି ପ୍ରତିଶ୍ରୁତି? ଆଜି ସେମାନଙ୍କର ଏହି ଜନସମ୍ପର୍କ ଅଭିଯାନ ବାସ୍ତବରେ ଜନପ୍ରତାରଣା ଅଭିଯାନ ବୋଲି ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖପାତ୍ର ଅନିଲ ବିଶ୍ୱାଳ କହିଛନ୍ତି ।

ଶ୍ରୀ ବିଶ୍ୱାଳ କହିଛନ୍ତି ଯେ, ଓଡ଼ିଶାରେ ଗରୀବ ଲୋକମାନଙ୍କ କଲ୍ୟାଣ ଯାହା ହେଉଛି ସବୁ କେନ୍ଦ୍ର ସରକାରଙ୍କ ଯୋଜନାରେ ହେଉଛି । ଓଡ଼ିଶାରେ ୨୮ଲକ୍ଷ ପକ୍କାଘର ନିର୍ମାଣ ହେଲା କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନାରେ । ରାଜ୍ୟ ସରକାରଙ୍କ ବିଜୁ ପକ୍କାଘର ଯୋଜନାରେ “ମୋ ଘର” ଯୋଜନା ସମ୍ପୂର୍ଣ୍ଣଭାବେ ବିଫଳ । ପିଇବା ପାଣି ମିଳୁଛି କେନ୍ଦ୍ର ସରକାରଙ୍କ ଜଳ ଜୀବନ ମିଶନ ଯୋଜନାରେ । କୁଆଡେ ଗଲା ରାଜ୍ୟ ସରକାରଙ୍କ ବସୁଧା ଯୋଜନା । ରାଜ୍ୟର ୩ କୋଟି ୨୫ ଲକ୍ଷ ଲୋକଙ୍କୁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ମାଗଣା ଚାଉଳ ମିଳୁଛି । ସୌଭାଗ୍ୟ ଯୋଜନାରେ ମାଗଣା ବିଜୁଳି ସଂଯୋଗ ମିଳିଛି । ଉଜ୍ଜ୍ୱଳା ଯୋଜନାରେ ମାଗଲା ଗ୍ୟାସ ମିଳିଛି । ସବୁ କେନ୍ଦ୍ର ସରକାର ଯୋଜନାରେ ହେଉଥିବାବେଳେ ବିଜୁ ଜନତା ଦଳ କେଉଁ ପ୍ରସଙ୍ଗରେ ଏବେ ଜନସମ୍ପର୍କ ଅଭିଯାନ କରିବା ପାଇଁ ବାହାରିଛି ତାହା ବୁଝିହେଉନାହିଁ ।

ଓଡ଼ିଶାରୁ ୩୦ଲକ୍ଷ ଲୋକ ଦାଦନ ଯାଉଛନ୍ତି । ମହିଳା ବିରୋଧୀ ହିଂସାରେ ଓଡ଼ିଶା ଦେଶରେ ଏକ ନମ୍ବର । ଓଡିଶାର ଚାଷୀ ଦେଶର ସବୁଠାରୁ ଅଧିକ ଗରିବ । ମିଶନଶକ୍ତି ଯୋଜନାରେ ଥିବା ମହିଳାଙ୍କର ହାରାହାରି ରୋଜଗାର ହେଉଛି ଦିନକୁ ମାତ୍ର ୩ଟଙ୍କା । ୨୩ବର୍ଷର ନିରବଚ୍ଛିନ୍ନ ଶାସନ କ୍ଷମତାରେ ଏହା କ’ଣ ଓଡ଼ିଶାକୁ ନବୀନ ବାବୁଙ୍କ ଉପହାର କି ବୋଲି ଶ୍ରୀ ବିଶ୍ୱାଳ ପ୍ରଶ୍ନ କରିଛନ୍ତି ।

ଜର୍ମାନୀର ଏକଛତ୍ରବାଦୀ ଶାସକ ହିଟଲର ଯେଭଳି ଏକ ସରକାରର ପ୍ରୋପାଗଣ୍ଡା ମିନିଷ୍ଟ୍ରି କରି ମିଛ ପ୍ରଚାର କରୁଥିଲେ ସେମିତି ନବୀନ ବାବୁଙ୍କ ସିଏମ୍‌ଓ ଏବେ ମିଛ ପ୍ରଚାରରେ ଲାଗିଛି । ସମ୍ବିଧାନର ମୁଖବନ୍ଧରେ ଅହିଂସା ଲେଖିବା ପାଇଁ ଦାବି କରୁଥିବା ମୁଖ୍ୟମନ୍ତ୍ରୀଙ୍କ ଗଞ୍ଜାମରେ ଗୋଟିଏ ମାସରେ ୧୧ଟି ରାଜନୈତିକ ହତ୍ୟାକାଣ୍ଡ ହୋଇସାରିଲାଣି । ଢେଙ୍କାନାଳରେ ୫ଟି ହତ୍ୟାକାଣ୍ଡ ଘଟିସାରିଲାଣି । ସବୁ ଘଟଣାରେ ଶାସକ ଦଳର ନେତାଙ୍କ ହାତ ଅଛି । ବିଧାନସଭାରେ ମୁଖ୍ୟମନ୍ତ୍ରୀ କହୁଛନ୍ତି ଆଇନ କାନୁନ ଠିକ୍ ଅଛି । ଏପଟେ ଗୋଟିଏ ପରେ ଗୋଟିଏ ହତ୍ୟାକାଣ୍ଡ ଘଟି ଚାଲିଛି । କେବଳ ପ୍ରୋପାଗଣ୍ଡା ମିନିଷ୍ଟ୍ରିମାନେ ହିଁ ଏଭଳି କହିପାରନ୍ତି । ବିଜୁ ଜନତା ଦଳର ସମସ୍ତ ବିଧାୟକ ଜନବିରୋଧୀ । ମାହାଙ୍ଗାର ବିଧାୟକ ପ୍ରତାପ ଜେନା ୩ଟି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ । ବିଧାୟକ ଅରୁଣ ସାହୁଙ୍କ ନାଁରେ ପରୀ ହତ୍ୟାକାଣ୍ଡ ମାମଲାର ଅଭିଯୋଗ ଅଛି । ମମିତା ମେହେର ହତ୍ୟାକାଣ୍ଡରେ ଦିବ୍ୟଶଙ୍କର ମିଶ୍ରଙ୍କ ସମ୍ପୃକ୍ତି କଥା ସାମ୍ନାକୁ ଆସିଥିଲା । ଧର୍ମେନ୍ଦ୍ର ସାହୁ ଆତ୍ମହତ୍ୟା ମାମଲାରେ ନିମାପଡା ବିଧାୟକ ସମୀର ଦାସଙ୍କ ସମ୍ପୃକ୍ତି ସ୍ପଷ୍ଟ ହୋଇସାରିଛି । ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖଙ୍କର ଏସ୍‌ସିଏଫ ସୌମ୍ୟରଞ୍ଜନ ହତ୍ୟାକାଣ୍ଡରେ ସମ୍ପୃକ୍ତି କଥା ସୌମ୍ୟରଞ୍ଜନଙ୍କ ପରିବାର ଲୋକ ଅଭିଯୋଗ କରିଛନ୍ତି । ତାଳଚେର ବିଧାୟକ ବ୍ରଜ ପ୍ରଧାନ, ବିଧାୟକ ବିଜୟ ଶଙ୍କର ଦାସ, ବିଧାୟକ ଶ୍ରୀକାନ୍ତ ସାହୁ ଏମାନେ ସମସ୍ତେ ମହିଳା ନିଯ୍ୟାତନା, ମହିଳା ବିରୋଧୀ ହିଂସାରେ ଅଭିଯୁକ୍ତ । ଏବେ ଏହି ଜନବିରୋଧୀ ବିଧାୟକମାନଙ୍କୁ ମୁଖ୍ୟମନ୍ତ୍ରୀ ପଠାଉଛନ୍ତି ଜନସମ୍ପର୍କ କରିବା ପାଇଁ ବୋଲି ଶ୍ରୀ ବିଶ୍ୱାଳ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖପାତ୍ର ରାଜେନ୍ଦ୍ର ପଣ୍ଡା, ସୋନାଲୀ ସାହୁ ପ୍ରମୁଖ ଉପସ୍ଥିତ ଥିଲେ ।

୨ ଅକ୍ଟୋବରରେ ଅଜୟ ଦେବଗନଙ୍କ ସହ କଣ ହୋଇଥିଲା ?

by Swayangprajna Mishra

What happened to Ajay Devgan on October 2?

ଅର୍ଗସ ବ୍ୟୁରୋ : ଆଜି ହେଉଛି ଗାନ୍ଧୀ ଜୟନ୍ତୀ. ସାରା ଭାରତବର୍ଷର ପ୍ରତ୍ୟେକ ଲୋକେ ଅକ୍ଟୋବର ୨କୁ ଜାତିର ପିତା ମହାତ୍ମା ଗାନ୍ଧୀଙ୍କ ଜୟନ୍ତୀ ଭାବେ ମନେ ରଖିଥାନ୍ତି. ତେବେ ୨ ଅକ୍ଟୋବରରେ ମନେପଡେ ବଲିଉଡର ଦ୍ରିଶମ ମୁଭି. ବଲିଉଡର ଦ୍ରିଶମ ମୁଭିର ଏକ ଡାଇଲଗ ପାଇଁ ଅନେକ ଜଣ ଏହି ଦିନକୁ ମନେ ରଖିଛନ୍ତି. ଯାହାର ମିମ୍ସ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି.

Tomorrow is 2nd October.

One of the important day for India.

On this day Vijay Salgaonkar and his family went to Swami Chinmayanand Ji's Panaji ashram to attend satsang and returned on the next day.#October1st #Drishyam pic.twitter.com/45g4Qegv6F — TeeKay (@iTannu) October 1, 2023

୨୦୧୫ରେ ରିଲିଜ ହୋଇଥିବା ଏହି ମୁଭିରେ ଅକ୍ଟୋବର ୨କୁ ନେଇ ଏକ ଫେମସ ଡାଇଲଗ ରହିଥିଲା. ଏହି ଫିଲ୍ମରେ ଅଜୟ ଦେବଗନ ନିଜକୁ ମର୍ଡରରୁ ବଞ୍ଚାଇବା ପାଇଁ ଏହି ଡେଟରେ ସେ ପାନାଜୀ ଆଶ୍ରମ ଯାଇଥିବା କଥା କହିଥିଲେ. ଏବଂ ଅକ୍ଟୋବର ୩ ରେ ସେ ସତସଙ୍ଗ ସାରି ଫେରି ଆସିବା କଥା କହିଥିଲେ. ଏହି ଡେଟ ଦ୍ରିଶମ ଫିଲ୍ମର ସବୁଠୁ ଗୁରୁତ୍ବପୂର୍ଣ୍ଣ ଡେଟ ଥିଲା. ତେବେ ଅନେକ ଜଣ ଆଜି ସୋସିଆଲ ମିଡିଆ ଏକ୍ସରେ ଏହାର ମିମ୍ସ ଛାଡିଛନ୍ତି. ଯେଉଁଠି ଜଣେ ଲେଖିଛନ୍ତି, ମନେ ଅଛି ତ, ଅକ୍ଟୋବର ୨ରେ କଣ ହୋଇଥିଲା ? ସୋସିଆଲ ମିଡିଆରେ ଏହି ମିମ୍ସ ଏବେ ବେଶ ଭାଇରାଲ ହେବାରେ ଲାଗିଛି.