ଗତକାଲି ସନ୍ଧ୍ୟା ସମୟରେ ସାର ଘରେ ଥିବା ବେଳେ ତାଙ୍କ ଦିଅର ଭରତ, ଦେଢଶୂର ଶ୍ୟାମ ପ୍ରସାଦ ନିଜର ଅନ୍ୟ ତିନି ସହଯୋଗୀଙ୍କ ସହିତ ସାରଙ୍କ ଘର ନିକଟରେ ପହଂଚି ତାଙ୍କୁ ଘରୁ ବାହାରକୁ ଡାକି ମାଡ ମାରିଥିଲେ । ବିଧା ଗୋଇବା ମାରିବା ସହିତ ସେ ପିନ୍ଧିଥିବା ଲୁଗା ଚିରି ତାଙ୍କୁ ଉଲଗ୍ନ କରି ମାଡ ମାରିଥିଲେ ଅଭିଯୁକ୍ତମାନେ । ଯାହାକି ସେହି ସମୟରେ ସାରଙ୍କ ବଡବାପା ଶ୍ୟାମ ମୁର୍ମୁ ସେଠାରେ ପହଂଚି ସେମାନଙ୍କ ନିକଟରୁ ସାରଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିବା ବେଳେ ତାଙ୍କୁ ମଧ୍ୟ ଅଭିଯୁକ୍ତମାନେ ମରଣାନ୍ତକ ଆକ୍ରମଣ କରିଥିଲେ । ଯାହାକି ଅଭିଯୁକ୍ତମାନେ ମାଡ ମାରି ଲହୁଲୁହାଣ କରିବା ସହିତ ସାରଙ୍କୁ ଜୀବନରୁ ମାରିଦେବାକୁ ଧମକ ଦେଇ ସେଠାରୁ ଖସି ଚାଲିଯାଇଥିଲେ । ପରେ ଏ ନେଇ ସାର କପ୍ତିପଦା ଥାନାରେ ଲିଖିତ ଅଭିଯୋଗ କରିଥିବା ବେଳେ ସାରଙ୍କ ବଡବାପା ଶ୍ୟାମ ଗୁରୁତର ଅବସ୍ଥାରେ ଏବେ ଉଦଳା ଡାକ୍ତରଖାନାରେ ଚିକିତ୍ସାଧୀନ ରହିଛନ୍ତି । ତେବେ ଡାହାଣୀ ସନ୍ଦେହରେ ଜଣେ ଅଙ୍ଗନବାଡି କର୍ମୀଙ୍କୁ ଏପରି ମାଡ ମରାଯିବା ଘଟଣା ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ପାଲଟିଛି ।
