Increased Omfed rates in odisha

ଅର୍ଗସ ବ୍ୟୁରୋ: ବାରମ୍ବାର ଦାବି ପରେ ମଧ୍ୟ ଗ୍ରାମବାସୀଙ୍କୁ ମିଳି ପାରୁନାହିଁ ଶୁଦ୍ଧ ପାନୀୟ ଜଳ ବୁନ୍ଦାଏ । ବାରମ୍ବାର ଅଭିଯୋଗ କରିବା ପରେ ମଧ୍ୟ ଶୁଦ୍ଧ ପାନୀୟ ଜଳ ବୁନ୍ଦାଏ ନ ମିଳିବାରୁ ଶେଷରେ ରାଜରାସ୍ତାକୁ ଓହ୍ଲାଇଛନ୍ତି ଗ୍ରାମବାସୀ । ହାତରେ ଗରା ବାଲଟି ଧରି ରାଜପଥ ଅବରୋଧ କରିଛନ୍ତି ଗ୍ରାମବାସୀ । କପ୍ତିପଦା ବ୍ଲକ ରାମଚନ୍ଦ୍ରପୁର ପଂଚାୟତର ଆଦରପଦା ଗ୍ରାମବାସୀମାନେ ରାସ୍ତା ଅବରୋଧ କରିଛନ୍ତି । ଏହି ଗ୍ରାମବାସୀଙ୍କର ପାନୀୟ ଜଳ ସମସ୍ୟା ଦୀର୍ଘ ଦିନରୁ ରହି ଆସିଥିବା ବେଳେ ବାରମ୍ବାର ଉପରିସ୍ଥ ଅଧିକାରୀ ତଥା ଜନପ୍ରତିନିଧିଙ୍କୁ ଅବଗତ କରାଯାଇଛି । ହେଲେ କୌଣସି ପଦକ୍ଷେପ ନିଆଯାଇନାହିଁ । ଯାହାକୁ ନେଇ ତାତିଛନ୍ତି ଗ୍ରାମବାସୀ । ଗ୍ରାମବାସୀମାନେ ଆଜକୁ ୬ ମାସ ହେବ ପାନୀୟ ଜଳ ବୁନ୍ଦାଏ ପାଇଁ ଡହଳବିକଳ ହେଉଛନ୍ତି । ଗ୍ରାମରେ ଥିବା ଦୁଇ ଗୋଟି ନଳକୂପ ଦୀର୍ଘ ଦିନ ହେବ ଅଚଳ ହୋଇ ପଡି ରହିଥିବା ବେଳେ ତାହାକୁ ମରାମତି କରାଯାଉନାହିଁ । ଯାହାକି ପିଇବା ପାଣି ଯୋଗାଇ ଦେବା ଦାବିରେ ଆଜି ଗ୍ରାମବାସୀମାନେ ରାଜରାସ୍ତାକୁ ଓହ୍ଲାଇଛନ୍ତି । ଯାହାଫଳରେ କପ୍ତିପଦା-କଳମଗଡିଆ ରାସ୍ତାରେ ଯୋଗାଯୋଗ ବାଧାପ୍ରାପ୍ତ ହୋଇଛି । ଅଧିକ ପଢ଼ନ୍ତୁ ଓଡିଶା ଖବର: 

ଅର୍ଗସ ବ୍ୟୁରୋ: କଟକ ଏସ୍ ସିବିରୁ ପୁଣି ଜଣେ କଏଦୀ ଫେରାର। ଚିକିତ୍ସା ପାଇଁ ଆସି ଏସସିବିରୁ ଫେରାର ହୋଇଗଲା କଏଦୀ। ଚୌଦ୍ୱାର ଜିଲ୍ଲାରୁ ଚିକିତ୍ସା ପାଇଁ ଆସିଥିଲା ଏସସିବି  ଫେରାର ଅଭିଯୁକ୍ତ । ନା ସାଜନ ଦାସ ଘର ଜଗତସିଂହପୁର ଜିଲ୍ଲା ନାଉଗାଁରେ ବୋଲି ଜଣାପଡିଛି । ୱାର୍ଡରୁ ମହିଳା ବେଶରେ ଶାଢ଼ୀ ପିନ୍ଧି ଫେରର ହୋଇଗଲା କଏଦୀ। ଏନେଇ ମଙ୍ଗଳା ବାଗ ଥାନାରେ ଏତଲା ହୋଇଛି। ପୋଲିସ ତନାଘନା ଜାରି ରଖିଥିବାବେଳେ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ସୃଷ୍ଟି ହେଉଛି। କିଭଳି ଭାବରେ ଜଣେ କଏଦୀ ମେଡିକାଲରୁ ଫେରାର ହେଲା ତାକୁ ନେଇ ବିଭିନ୍ନ ମହଲରେ ପ୍ରଶ୍ନ ଉଠୁଛି। ଅଧିକ ପଢ଼ନ୍ତୁ ଓଡିଶା ଖବର:

ଯାଜପୁର: ଛତୁଆ ବଣ୍ଟନ ଦିବସରେ ମିଳିଲାନି ଛତୁଆ । ICDS ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅଙ୍ଗନବାଡି କେନ୍ଦ୍ରରେ ଏପରି କେଳେଙ୍କାରୀ ସାମ୍ନାକୁ ଆସିଛି । ଅଙ୍ଗନବାଡି କେନ୍ଦ୍ରକୁ ଆସି ଛତୁଆ ନପାଇ ଫେରିଛନ୍ତି ଗର୍ଭବତୀ ମହିଳା ଓ ଶିଶୁଙ୍କ ଅଭିଭାବକ । ପ୍ରତି ମାସ 1ତାରିଖ ରେ ଛତୁଆ ବଣ୍ଟା ଯାଇଥାଏ । ଧର୍ମଶାଳା ବ୍ଲକର 45ଟି ପଞ୍ଚାୟତର 14ଟି ସେକ୍ଟରରେ ମୋଟ 321ଟି ଅଙ୍ଗନବାଡି କେନ୍ଦ୍ର ରହିଛି ।  ଧର୍ମଶାଳାର ଦୁଇଟି ସ୍ୱୟଂସହାୟକ ଗୋଷ୍ଠୀକୁ ଛତୁଆ ବଣ୍ଟନ ପାଇଁ ଦାୟିତ୍ବ ଦିଆଯାଇଥିଲା । ସେଥିମଧ୍ୟରୁ ଗୋଟିଏ ସ୍ବୟଂସହାୟକ ଗୋଷ୍ଠୀକୁ ବଣ୍ଟନ ଦାୟିତ୍ୱରୁ ବାଦ୍ ଦିଆଯାଇଥିବାବେଳେ ଅନ୍ୟ ସ୍ବୟଂ ସହାୟକ ଗୋଷ୍ଠୀ ଠିକ୍ ସମୟରେ କେନ୍ଦ୍ରରେ ଛତୁଆ ପହଞ୍ଚାଇବାରେ ବିଫଳ ହୋଇଛି ।    ଅଧିକ ପଢନ୍ତୁ ଓଡ଼ିଶା ଖବର