ମାଲକାନଗିରି : ଅନ୍ଧାରରେ ପିଲାଙ୍କ ଭବିଷ୍ୟତ । ଦୀର୍ଘ ୮ ବର୍ଷ ହେଲା ପାଠପଢା ସମ୍ପୁର୍ଣ୍ଣ ଭାବେ ବନ୍ଦ । ମାଲକାନଗିରି ଜିଲ୍ଲାର ଅଧ୍ୟୁଷିତ ଅଞ୍ଚଳ ଖଇରପୁଟରେ ବ୍ଲକ ଡୁରାହାଲ ପଞ୍ଚାୟତର କୁଟୁନିପଦର ଗ୍ରାମରେ ଦେଖିବାକୁ ମିଳିଛି ଶିକ୍ଷାର ବିକଳ ଚିତ୍ର । ଏହି ଗାଁକୁ ଲାଗି ରହିଛି ନୂଆକୂଡ ଗାଁ । ଉଭୟ ଗାଁର ପିଲାସଂଖ୍ୟା ପ୍ରାୟ ୬୦। ହେଲେ ସରକାରୀ କାଗଜ ପତ୍ରରେ ରହିଛି ନାଁକୁ ମାତ୍ର ୨୦ ପିଲାଙ୍କ ନାମ ଲେଖା ଯାଇଛି । ଅନ୍ୟ ୪୦ ପିଲାଙ୍କ ଠିକଣା ପାଉନି ପ୍ରଶାସନ । ସ୍କୁଲର ମଧ୍ୟ କୌଣସି ଚିହ୍ନବର୍ଣ୍ଣ ନାହିଁ । ୨୦୧୪ ବାତ୍ୟା ପରେ ସ୍କୁଲର ଛାତ ଉଡିଯାଇଛି । ହେଲେ ଏନେଇ କୌଣସି ଅଧିକାରୀ କିମ୍ବା ପ୍ରଶାସନ ବାବୁଙ୍କ ପାଦ ପଡୁନି ଏଠାରେ । ରକ୍ଷଣବେକ୍ଷଣ ପାଇଁ ଆସୁଛି ଲକ୍ଷ ଲକ୍ଷ ଟଙ୍କା । ନିଯୁକ୍ତି ପାଇଥିବା ଶିକ୍ଷକ ଦରମା ମଧ୍ୟ ପାଉଛନ୍ତି । କିନ୍ତୁ ପାଠପଢା ୮ ବର୍ଷ ହେଲାଣି ବନ୍ଦ ।
ଅଧିକ ପଢନ୍ତୁ ବାରଣ୍ଡାରେ ଚାଲିଛି ପାଠପଢ଼ା, ଶ୍ରେଣୀଗୃହ ଅଭାବ
କେବଳ କାଗଜ କଲମରେ ହିଁ ସବୁକିଛି ଠିକ ଚାଲିଛି । ହେଲେ ବାସ୍ତବ ଚିତ୍ର କିଛି ଅଲଗା । ପିଲାଙ୍କ ଭବିଷ୍ୟତକୁ ନେଇ ଖେଳ ଖେଳୁଛି ଶିକ୍ଷା ବିଭାଗ । ଏନେଇ ଗ୍ରାମବାସୀମାନେ ଜିଲ୍ଲା ପ୍ରଶାସନ ଏବଂ ଶିକ୍ଷା ବିଭାଗକୁ ଏହାର ଜବାବ ମାଗିଛନ୍ତି । ଭିଜିଲାନ୍ସ ପକ୍ଷରୁ ଏହାର ନିରପେକ୍ଷ ତଦନ୍ତ ପାଇଁ ଦାବି କରାଯାଇଛି । ତେବେ କେବେ ବଦଳୁଛି ଏଠାକାର ପିଲାଙ୍କ ଭବିଷ୍ୟତ ଏବେ ତାକୁ ହିଁ ଅପେକ୍ଷା ରହିଛି ।
ଅଧିକ ପଢନ୍ତୁ : ଗୋଟିଏ ଶିକ୍ଷକରେ ଚାଲିଛି ବିଦ୍ୟାଳୟ
