A labourer from Madhya Pradesh's Sheopur cremated after being presumed dead in an accident in Rajasthan walked home on his terhavi

ଅନ୍ତିମ ସଂସ୍କାର ପରେ ମଲା ପୁଅ ଜୀବିତ ହୋଇ ଫେରିଲା

by Manini Pattanayak

A labourer from Madhya Pradesh's Sheopur cremated after being presumed dead in an accident in Rajasthan walked home on his terhavi

ନୂଆଦିଲ୍ଲୀ: ମଧ୍ୟ ପ୍ରଦେଶର ଶେୟପୁରର ଏକ ଗାଁରେ ଆଶ୍ଚର୍ଯ୍ୟ କଲା ଭଳି ଘଟଣା ଘଟିଛି। ଯେଉଁ ଯୁବକର ମୃତ୍ୟୁ ହୋଇଯାଇଥିଲା ଏବଂ ପରିବାର ଲୋକ ତାହାର ଅନ୍ତିମ ସଂସ୍କାର କରିଦେଇଥିଲେ କିନ୍ତୁ ଯୁବକ ଜଣଙ୍କ ଜୀବିତ ହୋଇ ଘରକୁ ଫେରିବା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ମୃତ ପୁଅ ଜୀବିତ ଥିବା ଦେଖି ପରିବାର ଲୋକେ ବିଶ୍ୱାସ କରିପାରୁନାହାଁନ୍ତି। କିନ୍ତୁ ଅନ୍ୟପଟେ ପୁଅ ଜୀବିତ ଥିବା ଦେଖି ପରିବାରରେ ଖୁସି କହିଲେ ନ ସରେ। ସୂଚନାମୁତାବକ, କିଛି ଦିନ ତଳେ ସୋସିଆଲ ମିଡିଆରେ ଏକ ଦୁର୍ଘଟଣାର ଫଟୋ ଜାରି କରାଯାଇଥିଲା। ଯେଉଁଥିରେ କୁହାଯାଇଥିଲା ଜଣେ ଅଜଣା ଯୁବକଙ୍କ ମୃତ୍ୟୁ ଘଟିଛି। ପରିବାର ଲୋକ ଏ ଫଟୋ ଦେଖି ପୁଅକୁ ଚିହ୍ନି ଥିଲେ। ତୁରନ୍ତ ପରିବାର ଲୋକେ ମାଧୋପୁରରୁ ଜୟପୁର ପହଞ୍ଚିଗଲେ। ଯେଉଁଠି ତାଙ୍କ ପୁଅର ଚିକିତ୍ସା ଚାଲିଥିଲା। ପରିବାରକୁ ଡାକ୍ତର କହିଲେ ଚିକିତ୍ସା ସମୟରେ ସୁରେନ୍ଦ୍ରଙ୍କ ମୃତ୍ୟୁ ଘଟିଛି। ପୋଷ୍ଟମର୍ଟମ ପରେ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିଥିଲା ପୋଲିସ୍‌।
ଗତ ୨୮ ମଇ ରେ ଶବର ଅନ୍ତିମ ସଂସ୍କାର ମଧ୍ୟ କରାଗଲା। ଏହାପରେ ତାହାର ୧୩ ପାଇଁ ପ୍ରସ୍ତୁତ ଚାଲିଥିଲା ସେତେବେଳେ ଆସି ହଠାତ୍‌ ପହଞ୍ଚିଗଲେ ମୃତ ସୁରେନ୍ଦ୍ର। ସୁରେନ୍ଦ୍ରଙ୍କୁ ଜୀବିତ ଦେଖି ପରିବାର ଲୋକଙ୍କ ଆଖିରୁ ଖୁସିର ଲୁହ ଧାର ଧାର ବୋହିବାରେ ଲାଗିଥିଲା। ସୁରେନ୍ଦ୍ରଙ୍କ ମା କୃଷ୍ଣା ଦେବୀ କହିଛନ୍ତି, ଅଜଣା ଲୋକର ଶବକୁ ପୁଅର ଶବ ବୋଲି ଭାବି ସଂସ୍କାର କରିଦେଇଥିଲୁ। ଏବେ ପୁଅ ବଞ୍ଚିଛି ବହୁତ ଖୁସି ଲାଗୁଛି।

ଅଧିକ ପଢନ୍ତୁ ଭାରତ ଖବର

"ଭାରତ-ଚୀନ LAC ଚୁକ୍ତିର ଅର୍ଥ ସମସ୍ୟାର ସମାଧାନ ନୁହେଁ"-ଏସ. ଜୟଶଙ୍କର

by Swayangprajna Mishra

"India-China LAC agreement does not solve money problem"-S. Jayash's

ଅର୍ଗସ ବ୍ୟୁରୋ : ଭାରତ-ଚୀନ LAC ଚୁକ୍ତିର ଅର୍ଥ ସମସ୍ୟାର ସମାଧାନ ନୁହେଁ । ସୀମାରୁ ସୈନ୍ୟ ପ୍ରତ୍ୟାହାର ପରବର୍ତ୍ତୀ ପଦକ୍ଷେପ ଉପରେ ବିଚାର କରିବାକୁ ଏହା ସୁଯୋଗ ସୃଷ୍ଟି କରିଥିବା କହିଛନ୍ତି ବୈଦେଶିକି ବ୍ୟାପାର ମନ୍ତ୍ରୀ ଏସ ଜୟଶଙ୍କର । ୪ ବର୍ଷରୁ ଅଧିକ ସମୟ ଧରି ଲଦାଖ ସୀମାବର୍ତ୍ତୀ ଏଲ୍‌ଏସିରେ ଲାଗି ରହିଥିବା ଅଶାନ୍ତକୁ ଦୂର କରିବା ପାଇଁ ଏହି ବୁଝାମଣା ଉଭୟ ଦେଶ ପାଇଁ ଶୁଭଙ୍କର ହେବ ବୋଲି ପୁଣେରେ ଆୟୋଜିତ ଏକ କାର୍ଯ୍ୟକ୍ରମରେ କହିଛନ୍ତି ଜୟଶଙ୍କର । ଚୁକ୍ତି ଅନୁଯାୟୀ ଉଭୟ ଦେଶର ସେନା ପଛକୁ ହଟିବା ଆରମ୍ଭ କରିଛନ୍ତି। ଭାରତ-ଚୀନ୍ ଲାଇନ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ ଚୁକ୍ତିର ସଫଳତା ପାଇଁ ସେନା ଓ କୂଟନୀତିଜ୍ଞକୁ ଶ୍ରେୟ ଦେଇଛନ୍ତି ବୈଦେଶିକ ମନ୍ତ୍ରୀ ।

ଅଧିକ ପଢନ୍ତୁ ଭାରତ ଖବର

ଭାରତ-ଚୀନ ମଧ୍ୟକେ ବିଶ୍ୱାସ ବୃଦ୍ଧି ଏବଂ ଏକତ୍ର କାର୍ଯ୍ୟ କରିବା ପରି ସ୍ଥିତି ପାଇଁ ଅଧିକ ସମୟ ଲାଗିବ ବୋଲି ସେ କହିଛନ୍ତି। ଉଭୟ ଦେଶର ସେନା ପଛକୁ ହଟିବା ନେଇ ଅକ୍ଟୋବର ୨୧ ତାରିଖରେ ଚୁକ୍ତି ସ୍ବାକ୍ଷରିତ ହୋଇଥିଲା । ଚୁକ୍ତି ଅନୁଯାୟୀ ଡେପସାଙ୍ଗ ଓ ଡେମଚୋକରେ 4 ବର୍ଷ ପୂର୍ବରୁ ଯେପରି ପାଟ୍ରୋଲିଂ ହେଉଥିଲା, ସେହି ଧାରା ପୁନଃ ଆରମ୍ଭ କରାଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଚୀନ୍‌ ରାଷ୍ଟ୍ରପତି ସି ଜିନ୍‌ପିଙ୍ଗଙ୍କ ମଧ୍ୟରେ ଗତ ୨୩ ତାରିଖରେ ହୋଇଥିବା ଦ୍ୱିପାକ୍ଷିକ ବୈଠକରେ ଏହି ବଡ଼ ନିଷ୍ପତ୍ତି ନିଆଯାଇଥିଲା ବୋଲି ଜୟଶଙ୍କର କହିଛନ୍ତି । ବୁଝାମଣା ଅନୁଯାୟୀ ଆସନ୍ତା ୨୯ ତାରିଖ ସୁଦ୍ଧା ଡେପ୍‌ସାଙ୍ଗ ଏବଂ ଡେମ୍‌ଚୋକ୍‌ରୁ ସେନା ପ୍ରତ୍ୟାହାର ଶେଷ ହେବ । ୩୧ତାରିଖ ସୁଦ୍ଧା ଉଭୟ ପକ୍ଷ ପାଟ୍ରୋଲିଂ ଆରମ୍ଭ କରିବାକୁ ଯାଉଛନ୍ତି।

ଗୁଜରାଟ ପରେ ଲକ୍ଷ୍ନୌରେ 10 ହୋଟେଲ ଓ ରେଲୱେ ଷ୍ଟେସନକୁ ବୋମା ଧମକ

by Swayangprajna Mishra

After Gujarat, 10 hotels and railway stations were bombed threat in Lucknow

ଅର୍ଗସ ବ୍ୟୁରୋ : ଗୁଜରାଟ ପରେ ଲକ୍ଷ୍ନୌରେ 10 ହୋଟେଲ ଓ ରେଲୱେ ଷ୍ଟେସନକୁ ବୋମା ଧମକ । ଗତକାଲି ରାଜକୋଟର ପଞ୍ଚତାରକା ହୋଟେଲ ସହ 10 ହୋଟେଲରେ ବିସ୍ଫୋରଣ କରିବାକୁ ଧମକପୂର୍ଣ୍ଣ ଇମେଲ ମିଳିଥିଲା । ଆଜି ଲକ୍ଷ୍ନୌର ହୋଟେଲ ଫର୍ଚୁନ, ହୋଟେଲ ଲେମନ ଟ୍ରି, ହୋଟେଲ ମ୍ୟାରିଅନ ସହ ବିଭିନ୍ନ ସ୍କୁଲ, କଲେଜ, ରେଲୱେ ଷ୍ଟେସନ ଓ ବିମାନ ବନ୍ଦରକୁ ମିଳିଥିଲା ବୋମା ଧମକ । ଇମେଲରେ ଧମକ ମିଳିବା ସହ ବିସ୍ଫୋରଣରୁ ବର୍ତ୍ତିବାକୁ ମୋଟା ଅଙ୍କର ଟଙ୍କା ଦାବି କରିଥିଲେ ସାଇବର ଠକ । ଧମକ ମିଳିବା ପରେ ତୁରନ୍ତ ପୋଲିସ ପକ୍ଷରୁ କଡ଼ା ଯାଞ୍ଚ ହୋଇଥିଲା । ଲୋକଙ୍କୁ ଆତଙ୍କିତ ନହେବାକୁ ପୋଲିସ ପରାମର୍ଶ ଦେଇଥିଲା ।

ଅଧିକ ପଢନ୍ତୁ ଭାରତ ଖବର

କିନ୍ତୁ ଧମକ ଅନୁଜାୟୀ କୌଣସି ସ୍ଥାନରେ ବି କୌଣସି ଅଘଟଣ ଘଟିନାହିଁ । ଲୋକେ ସୁରକ୍ଷିତ ଭାବେ ଲକ୍ଷ୍ନୌ, ଅଯୋଧ୍ୟା ବିମାନ ବନ୍ଦରରେ ଅବତରଣ କରିଛନ୍ତି । ଗତ କିଛିଦିନ ଧରି ଲଗାତାର ଏପରି ଘଟଣା ସାମ୍ନାକୁ ଆସୁଛି । ଗତ ସପ୍ତାହରେ ଫେକ୍ କଲ୍ କୁ ନେଇ ଇଣ୍ଡିଗୋ , ଆକାଶା ଏୟାରଲାଇନ୍ସ ବିପୁଳ କ୍ଷତି ସହିଛନ୍ତି । ଅନୁସନ୍ଧାନରୁ ଏହା ଫେକ୍ କଲ୍ ହୋଇଥିବା ଜଣାପଡ଼ିଥିଲା ।

ସ୍ବଦେଶୀ ସ୍ପେଶ ଷ୍ଟାର୍ଟଅପକୁ ମୋଦି ସରକାରଙ୍କ ପ୍ରୋତ୍ସାହନ

by Swayangprajna Mishra

Modi government's promotion of indigenous space startups

ଅର୍ଗସ ବ୍ୟୁରୋ : ସ୍ବଦେଶୀ ସ୍ପେଶ ଷ୍ଟାର୍ଟଅପକୁ ମୋଦି ସରକାରଙ୍କ ପ୍ରୋତ୍ସାହନ । ଭାରତୀୟ ସେନାକୁ ହାଇଟେକ କରିବା ସହ ଆଗାମୀ ସମୟର ଆହ୍ବାନକୁ ମୁକାବିଲା କରିବାକୁ ସମର୍ଥ କରିବାକୁ ବଡ଼ ଯୋଜନା ହୋଇଥିବା କହିଛନ୍ତି ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ । ଦେଶରେ ସ୍ପେଶ ଷ୍ଟାର୍ଟଅପ ଗୁଡ଼ିକୁ ବଳ ଦେବାକୁ ମୋଦି ସରକାର 1 ହଜାର କୋଟିର ଫଣ୍ଡ ଯୋଗାଇ ଦେଇଥିବା କେନ୍ଦ୍ରମନ୍ତ୍ରୀ କହିଛନ୍ତି ।

ଅଧିକ ପଢନ୍ତୁ : ୧୧୫ତମ ‘ମନ କୀ ବାତ୍‌’ରେ ଆନିମେସନ ଉପରେ କହିଲେ ପ୍ରଧାନମନ୍ତ୍ରୀ ମୋଦି

ଏଥିପାଇଁ ବାୟୋ ଇକୋନୋମି ବୃଦ୍ଧି କରିବାକୁ ସରକାର ବାୟୋ-ଇ-ଥ୍ରୀ ପଲିସି ପ୍ରଣୟନ କରିବା ସହ ଷ୍ଟାର୍ଟଅପ ଗୁଡ଼ିକୁ ପ୍ରଥମ ଶହେ ଦିନର ଟାର୍ଗେଟ୍ ଦେଇଛନ୍ତି । ଏହି ଯୋଜନାରେ ଭାରତୀୟ ସେନାକୁ ବିଶ୍ବସ୍ତରୀୟ ଯୁଦ୍ଧାସ୍ତ୍ର ସହ ରୋବୋଟିକ ଯାନ ଯୋଗାଇ ଦେବାକୁ ଲକ୍ଷ୍ୟ ରଖାଯାଇଛି ।

Download Argus News App

A labourer from Madhya Pradesh's Sheopur cremated after being presumed dead in an accident in Rajasthan walked home on his terhavi

Download Mobile App