ଅର୍ଗସ ବ୍ୟୁରୋ : ଗୋଟିଏ ଯୁଗର ଅନ୍ତ । ରୋହିତ ଶର୍ମାଙ୍କୁ ମୁମ୍ବାଇ ଇଣ୍ଡିଆନ୍ସର ଅଧିନାୟକ ପଦରୁ ହଟାଇ ଦିଆଯାଇଛି । ତାଙ୍କ ସ୍ଥାନ ନେଇଛନ୍ତି ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ରୋହିତ ଶର୍ମା ଅଧିନାୟକ ଭାବେ ମୁମ୍ବାଇକୁ ୫ଟି ଟ୍ରଫି ଭେଟି ଦେଇଛନ୍ତି । ଆଇପିଏଲ ଆରମ୍ଭରୁ ୫ ବର୍ଷର ବିଫଳତା ପରେ ମୁମ୍ବାଇ ରୋହିତଙ୍କୁ ଦଳର ଅଧିନାୟକ କରିଥିଲା, ଏବଂ ସେବେଠାରୁ ମୁମ୍ବାଇ ଇଣ୍ଡିଆନ୍ସର ଭାଗ୍ୟ ବଦଳି ଯାଇଥିଲା ।
ଅଧିକ ପଢନ୍ତୁ ଖେଳ ଖବର
ଚେନ୍ନାଇ ସହ ମିଳିତ ଭାବେ ସର୍ବାଧିକ ଥର ଆଇପିଏଲ ଟ୍ରେଫି ଉଠାଇଛି ମୁମ୍ବାଇ, ଏବଂ ୫ଟି ଯାକ ରୋହିତଙ୍କୁ ନେତୃତ୍ବରେ । ସେପଟେ ମୁମ୍ବାଇ ତାର ସୋସିଆଲ ମିଡିଆ ପେଜରେ ଏହି ଘୋଷଣା କରିବା ପରେ ଫ୍ୟାନ୍ସ ନାଖୁସ ଥିବା ଦେଖିବାକୁ ମିଳିଛି । ମୁମ୍ବାଇ ଇଣ୍ଡିଆନ୍ସର ଏହି ନିଷ୍ପତ୍ତିକୁ ଅଧିକାଂଶ ପ୍ରଶଂସକ ନାପସନ୍ଦ କରିଛନ୍ତି ।
ଅର୍ଗସ ବ୍ୟୁରୋ : ବେଙ୍ଗଲ ମୁହାଁ ଓଡ଼ିଶା ରାଜନୀତି । ଭଦ୍ରକରେ ସୀମା ଟପିଲା ବିଜେଡିର ବର୍ବରତା । ଯାହା ଇତିହାସରେ ବର୍ଣ୍ଣିତ ମଧ୍ୟଯୁଗୀୟ ବର୍ବରତାର ସ୍ମରଣ କରାଇଛି । ଭଦ୍ରକ ଜିଲ୍ଲା ପିରହାଟ ଥାନା ସାଲପୁରରେ ଗାଁରେ ଦେଖିବାକୁ ମିଳିଛି ଏପରି ତାଲିବାନୀ ମାନସିକତା । ପିଲରରେ ବନ୍ଧା ହୋଇଥିବା ବାଇଧର ମାଝିଙ୍କର ଭୁଲ ଏଇଆ ଯେ ସେ ବିଜେଡି ଛାଡ଼ି ବିଜେପିରେ ଯୋଗଦେଲେ । ସେଥିପାଇଁ ଗାଁରେ ଥିବା ବିଜେଡିର ସମର୍ଥକ ସଂଘବଦ୍ଧ ଭାବେ ବାଇଧରଙ୍କୁ ମାଡ଼ମାରି ଏଠାରେ ବାନ୍ଧି ଦେଇଥିଲେ । ଏକଥା ଜଣିବା ପରେ ବାଇଧରଙ୍କ ସ୍ତ୍ରୀ ଝରଣା ମାଝି ଉଦ୍ଧାର କରିବାକୁ ଆସିଥିଲେ ।
ତେବେ ବିଜେଡି ସମର୍ଥକ ତାଙ୍କୁ ବି ଛାଡ଼ିନଥିଲେ । ମାଡ଼ ମାରିବା ସହ ଝରଣାଙ୍କ ଶୀଢୀ ଚିରିଦେଇଥିବା ଅଭିଯୋଗ କରିଛନ୍ତି ନିଜ ଝରଣା । ପୋଲିସକୁ ଖବର ପାଇଁ ଆସି ଉଭୟଙ୍କୁ ଉଦ୍ଧାର କରିଥିଲା । ଏ ନେଇ ଶୁକ୍ରବାର ଝରଣା ମାଝି ପୀରହାଟ ଥାନାରେ ଏତଲା ଦେଇଛନ୍ତି । ଯେଉଁଥିରେ ୫ ମହିଳାଙ୍କ ସମେତ ୧୮ ଜଣଙ୍କ ବିରୋଧରେ ଅଭିଯୋଗ କରାଯାଇଛି ।
ଅଧିକ ପଢନ୍ତୁ ଓଡ଼ିଶା ଖବର
ଏବେ ପ୍ରଶ୍ନ ଉଠୁଛି ଯେଉଁ ଦଳ ସମ୍ବିଧାନର ମୁଖବନ୍ଧରେ ଅହିଂସା ଶବ୍ବକୁ ସାମିଲ ପାଇଁ ଓକିଲାତି କରୁଛି ଏହାକି ସେହି ଦଳର ଆଚରଣ । ଏହିପରି ନିଜ କର୍ମୀଙ୍କୁ ଭଦ୍ର ଓ ନମ୍ରତାର ପାଠ ପଢାଇଥିଲେ ବିଜେଡି ସୁପ୍ରିମୋ ? ଭଦ୍ରକ ପୀରହାଟର ଏହି ଘଟଣା ବିଜେଡି ତଥା ନବୀନଙ୍କ ଦୋମୁହାଁ ଚରିତ୍ର ସାମ୍ନାକୁ ଆଣିଛି । ଥାନାରେ ଅଭିଯୋଗର ୨୪ ଘଣ୍ଟାରୁ ଅଧିକ ସମୟ ବିତିଥିଲେ ବି ଏଯାଏ କାହିଁକି ହେଲାନି କାର୍ଯ୍ୟାନୁଷ୍ଠାନ ? ନା ବିଜେଡି ସମର୍ଥକ ବୋଲି ସାହସ ଜୁଟାଇ ପାରୁନି ପୋଲିସ ?
ଆସିଲା ବିଜେଡିର ଅଷ୍ଟମ ପର୍ଯ୍ୟାୟ ବିଧାନସଭା ପ୍ରାର୍ଥୀ ତାଲିକା । ୬ଜଣରୁ ୩ ଜଣଙ୍କ ନାଁ ଘୋଷଣା କଲେ ବିଜେଡି ସୁପ୍ରିମୋ ।
ଖୋର୍ଦ୍ଧା - ରାଜେନ୍ଦ୍ର ସାହୁ
ବେଗୁନିଆ- ପ୍ରଦୀପ କୁମାର ସାହୁ
ଭୋଗରାଇ- ଗୌତମବୁଦ୍ଧ ଦାସ
ଅଧିକ ପଢନ୍ତୁ : ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ବିଜେଡି
ଅର୍ଗସ ବ୍ୟୁରୋ : କ'ଣ ଆପଣ ନିଜ ମୋବାଇଲ ଠାରୁ ଅଳ୍ପ ସମୟ ବି ଦୁରେଇ ରହିପାରୁନାହାନ୍ତି କି ? ତାହାଲେ ଆପଣଙ୍କୁ ବି ହୋଇପାରେ 'ନୋମୋଫୋବିୟା' ( NO MObile PHone PhoBIA) ଆମ ଦୈନନ୍ଦିନ ଜୀବନରେ ମୋବାଇଲ ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଯାଇଛି । ଫୋନ ଠାରୁ ଦୂରେଇରହିବା ଅସମ୍ଭବ । କିନ୍ତୁ କ'ଣ ଆପଣ ଏତେ ନିର୍ଭର ହୋଇଯାଇଛନ୍ତି ଯେ ଏହା ଆପଣଙ୍କ ମାନସିକ ସ୍ବାସ୍ଥ୍ୟ ଉପରେ ପ୍ରଭାବ ପକାଉଛି ? ଯଦି ହଁ ତାହାଲେ ସାବଧାନ ହୋଇଯାଆନ୍ତୁ କାରଣ ଏହା 'ନୋମୋଫୋବିୟା' ର ସଙ୍କେତ ହୋଇପାରେ ।
ନୋମୋଫୋବିୟା କ'ଣ ଏବଂ କିପରି ହୁଏ?
'ନୋମୋଫୋବିୟା' ହେଉଛି ମାନସିକ ସ୍ୱାସ୍ଥ୍ୟବସ୍ଥା । ଏଥିରେ ଜଣେ ଲୋକ ଯଦି ନିଜର ଫୋନ ଠାରୁ ଦୁରେଇ ରୁହେ ତେବେ ସେ ବ୍ୟକ୍ତି ଭୟ ,ଚିନ୍ତା ,ଉତ୍ତେଜନା ଏବଂ ଶ୍ୱାସକ୍ରିୟାରେ ଅସୁବିଧା ଆଦି ଲକ୍ଷଣ ଅନୁଭବ କରିଥାଏ। ସ୍ୱାସ୍ଥ୍ୟ ବିଶେଷଜ୍ଞ ମାନେ ଏହା ମଧ୍ୟ କହିଛନ୍ତି ଯେ ନୋମୋଫୋବିୟା ଅନ୍ୟ କିଛି ସମସ୍ୟା ମଧ୍ୟ ସୃଷ୍ଟି କରିପାରେ ଯାହାକୁ ଧ୍ୟାନ ଦେବା ନିହାତି ଦରକାର । ଯଥା ମୋବାଇଲ ଠାରୁ କିଛି ସମୟ ଦୁରେଇ ରହିଲେ ଶରୀରରେ କମ୍ପନ ସୃଷ୍ଟି ହେବା, ଝାଳ ବୋହିବା, ଚିଡଚିଡା ଲାଗିବା ତାସହିତ କେତେକ ପରିସ୍ଥିତିରେ ହୃଦସ୍ପନ୍ଦନରେ ଅନିୟମିତତା ଭଳି ସମସ୍ୟା ସୃଷ୍ଟି ହେବା ଇତ୍ୟାଦି। ନୋମୋଫୋବିୟା ସମସ୍ୟାକୁ ଅବସେସିଭ୍ ବାଧ୍ୟତାମୂଳକ ଡିସଅର୍ଡର୍ (ଓସିଡି) ରୋଗୀ ଭାବେ ବିବେଚନା କରାଯାଇପାରେ ।
୨୦୨୦ ମସିହାରେ ହୋଇଥିବା ଏକ ରିସର୍ଚ୍ଚରୁ ଜଣା ପଡିଛି ଯେ ଏହି ଫୋବିଆ ସେହି ମାନଙ୍କୁ ହୋଇଥାଏ ଯେଉଁମାନେ ସ୍ମାର୍ଟ ଫୋନକୁ ବାଧ୍ୟତାମୂଳକ ଭାବେ ବ୍ୟବହାର କରିଥାନ୍ତି | ଏହା ବ୍ୟତୀତ ଯେଉଁ ବ୍ୟକ୍ତି ନିଜ ଭାବନାକୁ ଅନ୍ୟମାନଙ୍କ ସହ ବାଣ୍ଟିବାକୁ ସକ୍ଷମ ନହୋଇଥାନ୍ତି ସେହିମାନେ ଏହି ଫୋବିଆର ଶିକାର ହୋଇଥାନ୍ତି।
'ନୋମୋଫୋବିୟା' ଆପଣଙ୍କ ଚିନ୍ତାଧାରାକୁ ପ୍ରଭାବିତ କରିପାରେ | ଯେହେତୁ 'ନୋମୋଫୋବିୟା' ଏକ ଆନୁଷ୍ଠାନିକ ଭାବେ ମାନସିକ ବିକୃତି ନୁହେଁ। ବର୍ତ୍ତମାନ ପର୍ଯ୍ୟନ୍ତ ଏହାର କୌଣସି ପ୍ରକାରର ଚିକିତ୍ସା ନାହିଁ । କିଛି ଥେରାପି ଏବଂ ପରାମର୍ଶ ଏହି ଫୋବିଆ ଠାରୁ ଆପଣଙ୍କୁ ଦୁରେଇ ରଖିବାରେ ସହାୟକ ହେଵ । କିନ୍ତୁ ତା ପାଇଁ ସର୍ବପ୍ରଥମେ ଆପଣଙ୍କୁ ଏହା ଦୃଷ୍ଟିରେ ରଖିବାକୁ ପଡିବ ଯେ ଯଦି ଆପଣ ଏଭଳି କୌଣସି ପ୍ରକାରର ଲକ୍ଷଣ ଆପଣଙ୍କ ନଜରକୁ ଆସେ ତେବେ ପ୍ରଥମେ ଆପଣ ମାନସିକ ରୋଗୀ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ ଏବଂ ଯଥା ସମ୍ଭବ ବାହାର ପରିବେଶରେ ନିଜ ସମୟ ଅତିବାହିତ କରନ୍ତୁ ।
ଅଧିକ ପଢ଼ନ୍ତୁ ସ୍ବାସ୍ଥ୍ୟ ଖବର
