The work of National Highway 55 and 53 has been accelerated, there will be no obstacles, the rules for the start of the election

ଜାତୀୟ ରାଜପଥ ୫୫ ଓ ୫୩ର କାମ ତ୍ୱରାନ୍ୱିତ, ବାଧକ ସାଜିବ ନାହିଁ ନିର୍ବାଚନ ଆରଣ ବିଧି

by Banajyotshna Ray

The work of National Highway 55 and 53 has been accelerated, there will be no obstacles, the rules for the start of the election

ଅର୍ଗସ ବ୍ୟୁରୋ: ଜାତୀୟ ରାଜପଥ 55 ଓ 53ର କାମ ତ୍ବରାନ୍ବିତ ପାଇଁ ନିର୍ବାଚନ ଆରଣ ବିଧି ବାଧକ ସାଜିବ ନାହିଁ। ଭାରତୀୟ ନିର୍ବାଚନ ଆୟୋଗ ଅନୁଗୋଳ-ସମ୍ବଲପୁର ସେକ୍ସନ ଏନଏଚ-୫୫ର କିଛି କାର୍ଯ୍ୟ, ସମ୍ବଲପୁରର ଅଇଁଠାପାଲି ଠାରେ ୩.୫ କିଲୋମିଟର ଦୀର୍ଘ ୬ ଲେନ୍ ବିଶିଷ୍ଟ ଫ୍ଲାଏ ଓଭର ଏବଂ ସମ୍ବଲପୁର ଜିଲ୍ଲାର ଜାତୀୟ ରାଜପଥ-୫୩ରେ ୨ ଲେନ୍ ବିଶିଷ୍ଟ ରୋଡ୍ ଓଭର ବ୍ରୀଜ କାମ ପାଇଁ ଅନୁମତି ଦେଇଛନ୍ତି । ଖୁବ ଶୀଘ୍ର ରାସ୍ତାର ସମ୍ପ୍ରସାରଣ କାମ ଆରମ୍ଭ ହେବ ବଲି ଜଣା ପଡ଼ିଛି। ଅନୁଗୋଳ - ସମ୍ବଲପୁର ସେକ୍ସନର କିଛି କାର୍ଯ୍ୟ ପାଇଁ ୨୦୨ କୋଟି ଟଙ୍କା ବ୍ୟୟବରାଦ ହୋଇଥିବା ବେଳେ ସମ୍ବଲପୁରର ଅଇଁଠାପାଲି ଠାରେ ୬ ଲେନ୍ ବିଶିଷ୍ଟ ଫ୍ଲାଏ ଓଭର ଓ ସମ୍ବଲପୁର ଜିଲ୍ଲାର ଜାତୀୟ ରାଜପଥ-୫୩ରେ ୨ ଲେନ୍ ବିଶିଷ୍ଟ ରୋଡ୍ ଓଭର ବ୍ରୀଜ କାମ ପାଇଁ ୩୭୪.୧୭ କୋଟି ଟଙ୍କା ମଞ୍ଜୁର ହୋଇସାରିଛି।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗତ ବର୍ଷ ନଭେମ୍ବର ୨୮ ତାରିଖରେ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀଙ୍କୁ ଏ ନେଇ ଚିଠି ଲେଖିଥିଲେ । ସେ ପତ୍ରରେ ଉଲ୍ଲେଖ କରଥିଲେ ଜାତୀୟ ରାଜପଥ-୫୩ ବରାଇପାଲି ଛକ ଓ ଅଇଁଠାପାଲି ଦେଇ ଝାରସୁଗୁଡା, ଦେବଗଡ ଓ ସମ୍ବଲପୁର ସହରକୁ ଯୋଗାଯୋଗ କରୁଥିବା ବେଳେ ଫ୍ଲାଏ ଓଭରର ବ୍ୟବସ୍ଥା ନ ଥିବାରୁ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି । ଏହି କାର୍ଯ୍ୟକୁ ତ୍ବରାନ୍ବିତ କରିବା ପାଇଁ ଶ୍ରୀ ପ୍ରଧାନ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀଙ୍କ ବ୍ୟକ୍ତିଗତ ହସ୍ତକ୍ଷେପ ଲୋଡିଥିଲେ। ଚିଠି ପାଇବା ପରେ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରଣାଳୟ ଚଳିତବର୍ଷ ମାର୍ଚ୍ଚ ୧୨ ତାରିଖରେ ସମ୍ବଲପୁରର ଅଇଁଠାପାଲି ଠାରେ ୩.୫ କିଲୋମିଟର ଦୀର୍ଘ ୬ ଲେନ୍ ବିଶିଷ୍ଟ ଫ୍ଲାଏ ଓଭର ଏବଂ ସମ୍ବଲପୁର ଜିଲ୍ଲାର ଜାତୀୟ ରାଜପଥ-୫୩ ରେ ୨ ଲେନ୍ ବିଶିଷ୍ଟ ରୋଡ୍ ଓଭର ବ୍ରୀଜ ନିର୍ମାଣ ପାଇଁ ୩୭୪.୧୭ କୋଟି ଟଙ୍କା ମଞ୍ଜୁର କରାଯାଇଥିଲା।

ଅଧିକ ପଢ଼ନ୍ତୁ ଦେଶ ଖବର:

5 ବର୍ଷରେ ଆଖି ବୁଜିଲେଣି 15 ଜଣ

by Manini Pattanayak

BJD government failed to provide clean drinking water

ଅନୁଗୁଳ: ସ୍ବଚ୍ଛ ପାନୀୟ ଜଳ ଯୋଗାଇବାରେ ବିଫଳ ବିଜେଡି ସରକାର । ଫେଲ୍ ମାରିଛି ବସୁଧା ଯୋଜନା ଓ ମେଗା ପାନୀୟ ଜଳ ପ୍ରକଳ୍ପ । 50 ପରିବାରର ଶୋଷ ମେଣ୍ଟାଉଛି ଗୋଟିଏମାତ୍ର ନଳକୂପରୁ ବାହାରୁଥିବା ଲୁହା ଗୁଣ୍ଡ ଯୁକ୍ତ ନାଲି ପାଣି । ଯାହାକୁ ନେଇ ବ୍ୟାପୁଛି କିଡନୀ, ଗଲାଣି 15 ଜୀବନ । ଘରେ ଘରେ ପାଇପ୍ ଯୋଗେ ପହଞ୍ଚିବ ପାଣି ସାରା ରାଜ୍ୟରେ ଡିଣ୍ଡିମ ପିଟୁଛନ୍ତି ରାଜ୍ୟ ସରକାର । ହେଲେ ଏ ଚିତ୍ର ଖୋଲିଛି ସତ ବନାମ ବାସ୍ତବତାର ପୋଲ୍ । ଇଏ ଦେଖନ୍ତୁ, ଯେଉଁ ପାଣିରେ ଗାଧୋଇବାକୁ ବି ଆମେ କୁଣ୍ଠାବୋଧ ହେବା । ସେଇ ପାଣିକୁ ପିଇ ବର୍ଷ ବର୍ଷ ଧରି ବଞ୍ଚୁଛନ୍ତି 50 ପରିବାର । ଅନଗୁଳ ଜିଲ୍ଲା ପାଳଲହଡା ବ୍ଲକ ରୋହିଲା ପଞ୍ଚାୟତ ବେଣୀପଥର ଗାଁକୁ ବାଟ ଭୁଲୁଛି ବିକାଶ । ଗାଁରେ 300ରୁ ଅଧିକ ଲୋକଙ୍କ ପାଇଁ ଗୋଟିଏ ହିଁ ମାତ୍ର ନଳକୂପ ରହିଛି । ସେଥିରୁ ମଧ୍ୟ ଲୌହ ଗୁଣ୍ଡ ଯୁକ୍ତ ନାଲି ପାଣି ବାହାରୁଛି ।

ଯାହାକୁ ପିଇ 5 ବର୍ଷରେ 15ରୁ ଅଧିକ ଲୋକଙ୍କ କିଡନୀ ରୋଗରେ ଜୀବନ ଗଲାଣି । ଗାଁରେ କେବଳ ଗାତ ଖୋଳି ପାଇପ ବିଛା ଯାଇଛି । ହେଲେ ଆଜି ପର୍ଯ୍ୟନ୍ତ ପାଣି ମୁନ୍ଦେ ଆସିଲା ନାହିଁ । ଜଳ ସମସ୍ୟା ନେଇ ଅନେକ ଥର ଜିଲ୍ଲା ପ୍ରଶାସନକୁ ଜଣାଇଛନ୍ତି । ହେଲେ କୌଣସି ସୁଫଳ ନାହିଁ । ଫଳରେ ବାଧ୍ୟ ହୋଇ ଏହି ଦୂଷିତ ଆଉ ଗନ୍ଧିଆ ପାଣିକୁ ପିଇବାକୁ ବାଧ୍ୟ ହେଉଛନ୍ତି ଗ୍ରାମବାସୀ । ଖାଲି ସେତିକି ନୁହେଁ, ଗାଁରେ ଅଙ୍ଗନୱାଡି କେନ୍ଦ୍ରଟିଏ ବି ନାହିଁ । କୁନି କୁନି ପିଲା ପାଠପଢା ପାଇଁ ଅନ୍ୟ ଗାଁକୁ ଯାଉଛନ୍ତି । କିଛି ଦିନ ତଳେ ପାଣି ପାଇଁ ନବୀନ ସରକାରଙ୍କୁ ଟାର୍ଗେଟ୍ କରିଥିଲେ ପ୍ରଧାନମନ୍ତ୍ରୀ ମୋଦି ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଇଏ ତ ଭାତହାଣ୍ଡିରୁ କେତୋଟି । ପାଣି ପାଇଁ ସାରା ରାଜ୍ୟରେ ହାହାକାର ସ୍ଥିତି । ବେଣୀପଥର ଗାଁରେ କିଡନୀ ରୋଗରେ ଆଉ କେତେ ଜୀବନ ଗଲେ ଚେତିବେ ବିଜେଡି ସରକାର ? । 24 ବର୍ଷର ପ୍ରତାରଣା ଯୋଗୁଁ ଏଥର ଭୋଟ୍ ବର୍ଜନ ପାଇଁ ଗ୍ରାମବାସୀଙ୍କ ଚେତାବନୀ ।

ଅଧିକ ପଢନ୍ତୁ ଓଡିଶା ଖବର

ସୁବର୍ଣ୍ଣପୁରର ଦୁଇ ବିଧାନସଭା ନିର୍ବାଚନ ମଣ୍ଡଳୀରେ ହେବ ମତଦାନ

by Manini Pattanayak

Tomorrow is the second phase of elections in Odisha.Voting will be held in two assembly constituencies of Subarnapur district in this order.

ସୁବର୍ଣ୍ଣପୁର: ଆସନ୍ତାକାଲି ଓଡ଼ିଶାରେ ଦ୍ବିତୀୟ ପର୍ଯ୍ୟାୟ ନିର୍ବାଚନ। ଏହି କ୍ରମରେ ସୁବର୍ଣ୍ଣପୁର ଜିଲ୍ଲା ଦୁଇ ବିଧାନସଭା ନିର୍ବାଚନ ମଣ୍ଡଳୀରେ ହେବ ମତଦାନ । ଜିଲ୍ଲାର ସୋନପୁର ବିଧାନସଭା ନିର୍ବାଚନ ମଣ୍ଡଳୀ (୬୫) ମୋଟ ୨ ଲକ୍ଷ ୫୪ ହଜାର ୬୯୬ ଭୋଟର ନିଜର ମତ ସାବ୍ୟସ୍ତ କରିବେ ଏଥିପାଇଁ ୩୧୯ ଟି ମତଦାନ କେନ୍ଦ୍ର କରାଯାଇଥିବାବେଳେ ସେଥି ମଧ୍ୟରେ ୮ ଟି ସଖୀ ବୁଥ ରହିଛି । ସେହିପରି ବୀରମହାରାଜପୁର ବିଧାନସଭା ନିର୍ବାଚନ ମଣ୍ଡଳୀ (୬୪) ମୋଟ ୨ଲକ୍ଷ ୧୫ ହଜାର ୩୫୩ ଭୋଟର ଭୋଟ ଦେବେ । ଏଥିପାଇଁ ୨୬୭ ଟି ବୁଥ ହୋଇଥିବାବେଳେ ୫ ଟି ସଖୀ ବୁଥ କରାଯାଇଥିବା ସୂଚନା ମିଳିଛି ।

ଆଜି ସମସ୍ତ ମତଦାନ କେନ୍ଦ୍ରରେ ପହଞ୍ଚିବେ ପୋଲିଙ୍ଗ୍ ପାର୍ଟି । ଏଥିପାଇଁ କଡ଼ା ସୁରକ୍ଷା ମଧ୍ୟରେ ଇଭିଏମ୍ ସହିତ ପୋଲିସଙ୍ଗ ପାର୍ଟିମାନକୁ ପଠାଯାଉଛି। ସୁବର୍ଣ୍ଣପୁର ଜିଲ୍ଲାରେ ସମୁଦାୟ ୫୮୬ ବୁଥ ରହିଛି । ସମ୍ବେଦନଶୀଳ ଓ ଅତି ସମ୍ବେଦନଶୀଳ ବୁଥ ପାଇଁ ବ୍ୟାପକ ପୋଲିସ୍ ବ୍ୟବସ୍ଥା କରାଯାଇଛି । ଏହା ସହିତ ପ୍ରବଳ ଖରା ହେଉଥିବାରୁ ପ୍ରତ୍ୟେକ ବୁତରେ ପାନିୟ ଜଳର ବ୍ୟବସ୍ଥା କରିବା ସହିତ ମେଡିକାଲ୍ ଟିମ୍ ମଧ୍ୟ ସଜାଗ ରହିଛନ୍ତି । ଦୁଇ ନିର୍ବାଚନ ମଣ୍ଡଳୀରେ ମୋଟ ୯୦ ଟି ସମ୍ବେଦନଶୀଳ ଓ ୩୦ ଟି ଅତି ସମ୍ବେଦନଶୀଳ ବୁଥ୍ ଚିହ୍ନଟ କରାଯାଇଛି । ଏଥିପାଇଁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିବା ଜିଲ୍ଲା ଆରକ୍ଷୀ ଅଧିକ୍ଷକ ସୂଚନା ଦେଇଛନ୍ତି । ଅନ୍ୟପଟେ ବୁଥକୁ ଯାଉଥିବା ପ୍ରିଯାଇଡିଂ ଅଫିସରମାନେ ସମସ୍ତ ବ୍ୟବସ୍ଥାକୁ ନେଇ ଖୁସି ବ୍ୟକ୍ତ କରିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

କେନ୍ଦ୍ର ସରକାରଙ୍କ ଯୋଜନା,ଅଳ୍ପ ଟଙ୍କାରେ ବଢ଼ିଆ ଲାଭ

by Arpita Mohanty

ଅର୍ଗସ ବ୍ୟୁରୋ: ଯଦି ଆପଣ ମଧ୍ୟ ନିଜ ବ୍ୟବସାୟ ଆରମ୍ଭ କରିବାକୁ ଯୋଜନା କରୁଛନ୍ତି ତାହା ପୁଣି ସ୍ୱଳ୍ପ ବଜେଟରେ ତାହେଲେ କେନ୍ଦ୍ର ସରକାର ଆପଣଙ୍କ ପାଇଁ ଆଣିଦେଇଛନ୍ତି ଏକ ସୁବର୍ଣ୍ଣ ସୁଯୋଗ । ଯାହା ଦ୍ଵାରା ଆପଣ ବହୁତ କମ୍ ବିନିଯୋଗରେ ଆୟ କରିପାରିବେ । ଆଜ୍ଞା ହଁ ଆମେ କହୁଛୁ 'ପ୍ରଧାନମନ୍ତ୍ରୀ ଭାରତୀୟ ଜନ ଓୌଷଧୀ କେନ୍ଦ୍ର' ବିଷୟରେ । ଦେଶରେ କ୍ରମାଗତ ଭାବେ ଏହାର ସଂଖ୍ୟା ବୃଦ୍ଧି ପାଉଛି । ଏହି ଯୋଜନା ମାଧ୍ୟମରେ ଲୋକଙ୍କୁ ସୁଲଭ ମୂଲ୍ୟରେ ଔଷଧ ଯୋଗାଇବା ହେଉଛି ସରକାରଙ୍କ ଉଦ୍ଦେଶ୍ୟ।

ବର୍ତ୍ତମାନ ପର୍ଯ୍ୟନ୍ତ ଦେଶରେ ୧୦,୦୦୦ରୁ ଅଧିକ ପ୍ରଧାନମନ୍ତ୍ରୀ ଜନ ଔଷଧୀ କେନ୍ଦ୍ର ଖୋଲାଯାଇଛି ଏବଂ ସରକାରଙ୍କ ତରଫରୁ ଏହାର ସଂଖ୍ୟା ଆହୁରି ବଢ଼ାଇବାକୁ ଗ୍ବରୁତ୍ବ ଦିଆଯାଉଛି। ଏହି ଓୌଷଧ କେନ୍ଦ୍ରଗୁଡିକରେ ୧୮୦୦ ପ୍ରକାରର ଔଷଧ ଏବଂ ୨୮୫ଟି ଡାକ୍ତରୀ ଉପକରଣ ରଖାଯାଏ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ବ୍ରାଣ୍ଡେଡ୍ ଔଷଧ ତୁଳନାରେ ଜନ ଔଷଧୀ କେନ୍ଦ୍ରରେ ଔଷଧ ଗୁଡ଼ିକର ମୂଲ୍ୟ ୫୦ ରୁ ୯୦ ପ୍ରତିଶତ କମ୍ ମୂଲ୍ୟରେ ଉପଲବ୍ଧ ।

ପ୍ରଧାନମନ୍ତ୍ରୀ ଜନ ଔଷଧ କେନ୍ଦ୍ର ଖୋଲିବାକୁ ହେଲେ ଆପଣଙ୍କୁ ଏକ ଆବେଦନ କରିବାକୁ ପଡିବ, ଯାହାର ମୂଲ୍ୟ ୫୦୦୦ ଟଙ୍କା ଅଟେ। ଏହି କେନ୍ଦ୍ରଗୁଡିକ ଖୋଲିବାକୁ ହେଲେ ଆବେଦନକାରୀଙ୍କ ପାଖରେ ଡି ଫାର୍ମା କିମ୍ବା ବି ଫାର୍ମାର ସାର୍ଟିଫିକେଟ୍ ରହିବା ଜରୁରୀ ତାସହିତ ଆପଣଙ୍କ ପାଖରେ ୧୨୦ ବର୍ଗଫୁଟର ସ୍ଥାନ ମଧ୍ୟ ଥିବା ଆବଶ୍ୟକ। ସ୍ବତନ୍ତ୍ର ବର୍ଗ ତଥା ସ୍ବତନ୍ତ୍ର କ୍ଷେତ୍ରର ଆବେଦନକାରୀଙ୍କ ପାଇଁ ସରକାରଙ୍କ ତରଫରୁ ଶୁକ୍ଳ ରିହାତିର ମଧ୍ୟ ବ୍ୟବସ୍ଥା ରହିଛି। ପ୍ରଧାନମନ୍ତ୍ରୀ ଜନ ଔଷଧ କେନ୍ଦ୍ର ଖୋଲିବା ପରେ ସରକାରଙ୍କ ତରଫରୁ ଆର୍ଥିକ ସହାୟତା ପ୍ରଦାନ କରାଯାଉଛି। କେନ୍ଦ୍ରରେ ମାସକୁ ୫ ଲକ୍ଷ ଟଙ୍କାର ଔଷଧ କିଣିଲେ ୧୫ ପ୍ରତିଶତ ଛାଡ ରହିବ। ନିର୍ଦ୍ଦିଷ୍ଟ ବର୍ଗ କିମ୍ବା ଅଞ୍ଚଳରେ ଭିତ୍ତିଭୂମି ବ୍ୟୟ ପରିଶୋଧ ପାଇଁ ସରକାରଙ୍କ ତରଫରୁ ଦୁଇ ଲକ୍ଷ ଟଙ୍କା ଅତିରିକ୍ତ ପ୍ରୋତ୍ସାହନ ରାଶି ଭାବେ ମଧ୍ୟ ଦିଆଯାଉଛି। ଏଥିରେ ଆବେଦନ ପାଇଁ ଆବଶ୍ୟକ ଡକ୍ୟୁମେଣ୍ଟସ୍ ହେଉଛି ଆଧାର କାର୍ଡ,ଫାର୍ମାସିଷ୍ଟ ପଞ୍ଜୀକରଣ ପ୍ରମାଣପତ୍ର,ପାନ୍ କାର୍ଡ,ଠିକଣା ପ୍ରମାଣ ଏବଂ ମୋବାଇଲ୍ ନମ୍ବର।

କେମିତି ଆବେଦନ କରିବେ?

ପ୍ରଥମେ ଅଫିସିଆଲ୍ ୱେବସାଇଟ୍ janaushadhi.gov.in କୁ ଯାଆନ୍ତୁ
ମୂଳପୃଷ୍ଠାରେ ଥିବା ମେନୁରେ Apply For Kendra ଉପରେ କ୍ଲିକ୍ କରନ୍ତୁ
ନୂତନ ପୃଷ୍ଠାରେ Click here to Apply ଉପରେ କ୍ଲିକ୍ କରନ୍ତୁ
ବର୍ତ୍ତମାନ ସାଇନ୍ ଇନ୍ ଫର୍ମରେ Register now ଚୟନ କରନ୍ତୁ
Registration formରେ ଆବଶ୍ୟକ ସୂଚନା ପୂରଣ କରନ୍ତୁ
ଏହା ପରେ, ଡ୍ରପ୍ ବକ୍ସରେ ରାଜ୍ୟ ଚୟନ କରନ୍ତୁ ଏବଂ ID ପାସୱାର୍ଡ ବିଭାଗରେ ନିଶ୍ଚିତ ହୋଇଥିବା ପାସୱାର୍ଡ ଦିଅନ୍ତୁ
Terms and Conditions ଉପରେ କ୍ଲିକ୍ କରି ସବମିଟ୍ କରନ୍ତୁ