ଗତ 22 ତାରିଖ ଦିନ ଦୀପାଳି ଦାସ ଡିଆରଡିଏ କାର୍ଯ୍ୟାଳୟରେ ଏକ ସଭାର ଆୟୋଜନ କରିଥିଲେ । ଯେଉଁଥିରେ ପାଖାପାଖି 60 ରୁ 70 ଜଣ ଏକତ୍ରିତ ହୋଇଥିବାର ଚିତ୍ର ସାମ୍ନାକୁ ଆସିଥିଲା । ଏପରିକି ସାମାଜିକ ଦୂରତ୍ୱ ସହିତ ଅଧିକାଂଶ ମାସ୍କ ମଧ୍ୟ ବ୍ୟବହାର କରି ନଥିବାର ଦେଖା ଯାଇଥିଲା । କେନ୍ଦ୍ର ସରକାରଙ୍କ ସମେତ ରାଜ୍ୟ ସରକାର ନିର୍ଦେଶନାମାରେ ସ୍ପଷ୍ଟ ଭାବେ ଉଲ୍ଲେଖ କରାଯାଇଛି ଯେ କରୋନା କଟକଣା ସମୟରେ କେହି ବି ସଭା କରି ପାରିବେ ନାହିଁ ।
ଯାହାକି ସ୍ୱାସ୍ଥ୍ୟମନ୍ତ୍ରୀଙ୍କ ଝିଅ ଦୀପାଳି ଦାସ କୋଭିଡ-19 ନିୟମକୁ ଉଲଙ୍ଘନ କରିଥିବାର ଦେଖାଯାଇଥିଲା । କିନ୍ତୁ ଦୀର୍ଘ 6 ଦିନ ବିତି ଯାଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିଲା । ତେବେ ଗତକାଲି ଜିଲ୍ଲାପାଳ ଏହି ବିଷୟରେ ଜାଣି ନଥିଲେ ବୋଲି ପ୍ରତିକ୍ରିୟା ଦେଇଥିଲେ । ଯଦି କେହି ବି ଏହିଭଳି ନିୟମକୁ ଉଲଙ୍ଘନ କରିଛି ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଯଦିଓ ଆଜି ଦୀପାଳିଙ୍କ ନାଁରେ ଏତଲା ହୋଇଛି କିନ୍ତୁ ଦୃଢ଼ କାର୍ଯ୍ୟନୁଷ୍ଠାନ ହେବ ନା ନାହିଁ ସେନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି ।
