ଅର୍ଗସ ବ୍ୟୁରୋ : ଜଣେ ନାବାଳିକା ଯୌନ ଶୋଷଣ ମାମାଲାର ଦୋଷୀକୁ ୧୦ ବର୍ଷ ସଶ୍ରମ କାରାଦଣ୍ଡ ଓ ୨୫ ହଜାର ଟଙ୍କା ଜରିମାନ ଓ ଅନାଦେୟ ପୁନଶ୍ଚ ୬ ମାସ ଜେଲ ଦଣ୍ଡ ଆଦେଶ ଦେଇଛନ୍ତି ଭଦ୍ରକ ସ୍ୱତନ୍ତ୍ର ପୋକ୍ସ କୋର୍ଟର ବିଚାରପତି ମୁକ୍ତି ରଞ୍ଜନ । ବିବରଣୀ ଅନୁଯାୟୀ ୧୫ ବର୍ଷର ଜନୈକା ନାବାଳିକାକୁ ବିବାହର ପ୍ରତିଶ୍ରୁତି ଦେଇ ବାରମ୍ବାର ଶାରୀରିକ ସମ୍ପର୍କ ରଖି ପରେ ବିବାହ କରିବାକୁ ମନା କରିବାରୁ ପୀଡିତା ନିଜେ ନାୟାକାଣିଡ଼ିହି ଥାନରେ ୨୦୧୪ ମସିହା ମଇ ମାସ ୧୧ ତାରିଖରେ ଲିଖିତ ଅଭିଯୋଗ କରିଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ପୋଲିସ ୭୩/୧୪ରେ ଏକ ମାମଲା ପୋଲିସ ରୁଜୁ କରି ରଜନୀକାନ୍ତକୁ ଗିରଫ କରି କୋର୍ଟ ଚାଲାଣ କରିଥିଲା । ସେ ଗିରଫ ହେବା ପରେ ପୀଡ଼ିତା ନିଜର ଅଭିଯୋଗ ନ ଥିବାରୁ ଦର୍ଶାଇ ସତ୍ୟପାଠ ଦାଖଲ କରିବାରୁ ସେତେବେଳେ ତାକୁ ମାନ୍ୟବର କୋର୍ଟ ଜାମିନ ପ୍ରଦାନ କରିଥିଲେ । ମାତ୍ର ଚାର୍ଜସିଟ ଦାଖଲ ପରେ କୋର୍ଟରେ ନିଜର ବାୟାନ ବଦଳାଇ ରତିକାନ୍ତଙ୍କ ବିରୁଦ୍ଧରେ ବାୟାନ ଦେବାରୁ ମାନ୍ୟବର କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରି ଉପରୋକ୍ତ ଦଣ୍ଡରେ ଆଜି ଦଣ୍ଡିତ କରିଛନ୍ତି । ପୀଡ଼ିତାଙ୍କ ପାଇଁ ସ୍ୱତନ୍ତ୍ର ସରକାରୀ ଓକିଲ ବଟକୃଷ୍ଣ ଦାସ ମାମାଲା ପରିଚାଳନା କରୁଥିଲେ ।
ଅର୍ଗସ ବ୍ୟୁରୋ : ସାଲେପୁର ବାଲିସାହି ପୋଲ ନିକଟ ଅଘଟଣ । କେନ୍ଦ୍ରାପଡା କେନାଲ ଭିତରକୁ ଭାରସ୍ୟମ ହରାଇ ଗ୍ୟାସ ବୋଝେଇ ଅଟୋ ଗାଡି । ଅଳ୍ପକେ ମୃତ୍ୟୁ ମୁଖରୁ ବର୍ତ୍ତିଲେ ଅଟୋ ଡ୍ରାଇଭର । ସ୍ଥାନୀୟ ଲେକେ ଅଟୋ ଡ୍ରାଇଭରକୁ କଲେ ଉଦ୍ଧାର ।
ଅଧିକ ପଢନ୍ତୁ ଓଡ଼ିଶା ଖବର
ସୂଚନା ମୁତାବକ ସ୍ଥାନୀୟ କେନ୍ଦୁପାଟଣା ଅଞ୍ଚଳରେ ଥିବା ପ୍ରିୟା ଗ୍ୟାସ ଏଜେନ୍ସି ନାମକ ର ଗ୍ୟାସ ବୋଝେଇ ଅଟୋ ଗାଡି ବୋଲି ଜଣା ପଡ଼ିଛି । ଘଟଣା ସ୍ଥଳରେ ସାଲେପୁର ପୋଲିସ ପହଞ୍ଚି ଅଟୋ ଗାଡିକୁ ଜବତ କରିଛି । ଗ୍ୟାସ ଭଳି ବିପଦପୂର୍ଣ୍ଣ ଦ୍ରବ୍ୟ ପରିବହନ କରୁଥିବା ଅଟୋ ଗାଡିର କାଗଜପତ୍ର ଯାଞ୍ଚ କରିବା ସହ କେଉଁଆଡୁ ଗ୍ୟାସ ଯାଉଥିବା ଏନେଇ ପୋଲିସ ଖୋଲତାଡ଼ କରୁଥିବାର ସୂଚନା ମିଳିଛି ।
ଅର୍ଗସ ବ୍ୟୁରୋ: ଆଜିକାଲି କେଶର ସୌନ୍ଦର୍ଯ୍ୟ ବଢ଼ାଇବା ପାଇଁ ଝିଅମାନେ ବିଭିନ୍ନ ପଦ୍ଧତି ଆପଣାଉଛନ୍ତି ଯେମିତି କି କେଶ ସିଧା କରିବା,କେରାଟିନ୍ ଟ୍ରିଟମେଣ୍ଟ ,ସ୍ପା ଆଦି । ଏସବୁ କଲେ କେଶରେ ବିଭିନ୍ନ କେମିକାଲ କ୍ରିମ ପ୍ରୟୋଗ କରାଯାଏ ଯାହା ଦ୍ବାରା ଏକ ନିର୍ଦ୍ଧିଷ୍ଟ ସମୟ ପାଇଁ କେଶର ଚମକ ତ ବଢ଼େ ହେଲେ ତା'ର ସାଇଡ଼ ଇଫେକ୍ଟ ବି ଥାଏ ଯାହା ସ୍ବାସ୍ଥ୍ୟ ପାଇଁ ହାନିକାରକ।
ବର୍ତ୍ତମାନ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି ଯେ କେରାଟିନ୍ ଟ୍ରୀଟମେଣ୍ଟ ଦ୍ବାରା କିଡ଼ନୀ ଉପରେ ଖରାପ ପ୍ରଭାବ ପଡ଼ିଥାଏ। ସୁଚନା ଅନୁଯାୟୀ କେରାଟିନ୍ ପାଇଁ ବ୍ୟବହୃତ ହେଉଥିବା ପ୍ରଡ଼କ୍ଟସରେ ଗ୍ଲାଇଅକ୍ସିଲିକ ଏସିଡ଼ ମିଶାଯାଇଥାଏ। ଯେତେବେଳେ ଏହା କେଶରେ ପ୍ରୟୋଗ କରାଯାଏ ତାହା ଅକ୍ସାଲେଟ୍ ସ୍ଫଟିକରେ ପରିଣତ ହୋଇଥାଏ ଯାହାଦ୍ବାରା କିଡ଼ନୀ ଖରାପ ହେବାର ଆଂଶକା ବଢ଼ିଯାଏ।
ବିଶେଷଜ୍ଞଙ୍କ ଅନୁଯାୟୀ, ଯେତେବେଳେ ଗ୍ଲାଇକୋଲିକ୍ ଏସିଡ୍ ମେଟାବୋଲାଇଜ୍ ହୁଏ,ତାହା ଗ୍ଲାଇଅକ୍ସିଲିକ୍ ଏସିଡ୍ ହୋଇଯାଏ ଏବଂ ଅକ୍ସାଲେଟ୍ ସୃଷ୍ଟି କରିଥାଏ। ଏହା କିଡନୀକୁ କ୍ଷତି ପହଞ୍ଚାଇଥାଏ। ଏହି ଗ୍ଲାଇକୋଲିକ୍ ଏସିଡ୍ ରକ୍ତରେ ତରଳିଯାଏ ଏବଂ ଅକ୍ସାଲେଟ୍ ରେ ପରିଣତ ହୁଏ ଯାହାଦ୍ବାରା କିଡନୀ ନଷ୍ଟ ହୋଇପାରେ। ତେବେ ଏହି ଗ୍ଲାଇକୋଲିକ୍ ଏସିଡ଼ ଅନେକ ବ୍ୟୁଟି ପ୍ରଡ଼କଟ୍ସ ଯେମିତି କି ଟୋନର, ସିରମ, ମଇଶ୍ଚରାଇଜରରେ ମଧ୍ୟ ବ୍ୟବହାର କରାଯାଇଥାଏ।
ଧ୍ୟାନ ରଖନ୍ତୁ କେରାଟିନ୍ ଟ୍ରୀଟମେଣ୍ଟ ସମୟରେ ଗ୍ଲୋଭସ୍ ଏବଂ ମାସ୍କ ପିନ୍ଧନ୍ତୁ। କୌଣସି ବି ପ୍ରକାରେ ଯେମିତି ଏହି ଏସିଡ଼ ଆପଣଙ୍କ ଶରୀର ଭିତରକୁ ପ୍ରବେଶ ନକରୁ ସେ ପ୍ରତି ସଚେତନ ରୁହନ୍ତୁ।
ଅଧିକ ପଢ଼ନ୍ତୁ ଜୀବନଶୈଳୀ ଖବର
