ଅଧିକ ପଢନ୍ତୁ : ବନ୍ଦ ଘରେ ଦମ୍ପତିଙ୍କ ମୃତଦେହ
ସେମାନଙ୍କ ଔରସରୁ ୨ଟି ଶିଶୁପୁତ୍ର ଜନ୍ମ ନେଇଛନ୍ତି । ସ୍ବାମୀ ଦୟାନିଧୂ ପେଶାରେ ଜଣେ ଇଲେକ୍ଟ୍ରିସିଆନ । କରୋନା କାଳରେ ଅର୍ଥାତ ୨୦୨୦ ମସିହାରେ ସେ ବାହାନଗା ବ୍ଲକ ଦେବେନ୍ଦ୍ରପୁର ଅଞ୍ଚଳରେ ବିଦ୍ୟୁତ ସଜାଡୁଥିବା ସମୟରେ କରେଣ୍ଟ ଖାଇ ତାଙ୍କ ଡାହାଣ ହାତ ନଷ୍ଟ ହୋଇଥିବାବେଳେ ଦୁଇ ଆଖରେ ମଧ୍ୟ ଦୃଷ୍ଟିଶକ୍ତି ହରାଇଛନ୍ତି । ଏଭଳି ପରିସ୍ଥିତିରେ ତାଙ୍କ ସ୍ତ୍ରୀ ନୀଳଗିରି କଚେରୀରେ ମୋହରିର ଭାବେ କାର୍ଯ୍ୟ କରୁଥିଲେ । କିନ୍ତୁ ଘରୋଇ କଳି ଯୋଗୁ ଗତ ୨୧ ତାରିଖରେ ତାଙ୍କ ସ୍ତ୍ରୀ ନୀଳଗିରି କଚେରୀକୁ ଆସି କୁଆଡ଼େ ଅନ୍ତର୍ଦ୍ଧାନ ହୋଇଯାଇଥିବା ଅଭିଯୋଗ କରିଛନ୍ତି ସ୍ୱାମୀ। ସ୍ତ୍ରୀଙ୍କୁ ନପାଇ ସ୍ବାମୀ ଈଶ୍ଵରପୁର ଫାଣ୍ଡିରେ ଏକ ଏତଲା ଦାଏର କରିଛନ୍ତି । ସେପଟେ ତୁରନ୍ତ ଘରକୁ ସ୍ତ୍ରୀ ଫେରିଆସିବା ପାଇଁ ମାନସିକ କରି ଆଜି ସ୍ଵାମୀ ଦୟାନିଧୀ ବଡ଼ପୁଅକୁ ଧରି ନୀଳଗିରି ଗୁଣ୍ଡିଚା ମନ୍ଦିରରୁ ବାହାରି ବଡ଼ଦାଣ୍ଡରେ ଦଣ୍ଡମାରି ଜଗନ୍ନାଥ ମନ୍ଦିର ପହଞ୍ଚିଛନ୍ତି । ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ତାଙ୍କ ଦୁଃଖ ଜଣାଇଛନ୍ତି । ତେବେ ସ୍ତ୍ରୀକୁ ପାଇବା ପାଇଁ ଦିବ୍ୟାଙ୍ଗ ସ୍ବାମୀ ଜଣକ ଏଭଳି କଷ୍ଟ କରିବା ଘଟଣା ଦେଖଣାହାରୀଙ୍କୁ ସ୍ତବ୍ଧ କରି ଦେଇଛି । ପୁଲିସ ପକ୍ଷରୁ ଏହି ନିଖୋଜ ମହିଳାଙ୍କୁ ଖୋଜି ବାହାର କରିବାକୁ ସ୍ବାମୀ ଓ ପ୍ରତ୍ୟକ୍ଷଦର୍ଶୀ ନିବେଦନ କରିଛନ୍ତି ।
