dont-create-panic-about-cyclone-dana-apeal-deputy-chief-minister-kanaka-bardhana-singhdeo

ମୋଟ ୪୪୨୧ ଆସନ୍ନ ପ୍ରସବାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ସେଥିମଧ୍ୟରୁ ପ୍ରାୟ ୧୬ ଶହ ଗର୍ଭବତୀ ପ୍ରସବ କରିସାରିଛନ୍ତି। ତେବେ ଭିତରକନିକାରେ ଏକ ପରିବାର ଦାନା ସମୟରେ ଛୁଆଟି ଜନ୍ମ ହୋଇଥିବାରୁ ତା ନାଁ ଦାନା ଦେବା ନେଇ କହିଛନ୍ତି । 

ପାଞ୍ଚ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଆଗାମୀ 3 ଘଣ୍ଟା ପାଇଁ ରାଜ୍ୟର 5 ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ରହିଛି । ବାଲେଶ୍ବର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର ପାଇଁ ୱାର୍ଣ୍ଣିଂ ଜାରି ରହିଛି । ଘଡ଼ଘଡ଼ି ସହ ବର୍ଷା ହେବା ନେଇ ସତର୍କ କରାଇଲା ପାଣିପାଗ ବିଭାଗ । ଲୋକଙ୍କୁ ସୁରକ୍ଷିତ ସ୍ଥାନକୁ ଯିବାକୁ ପରାମର୍ଶ ଦିଆଯାଇଛି । 

ଲ୍ୟାଣ୍ଡଫଲ୍‌ ପୂର୍ବରୁ ଧାମରା ଓ ଭିତରକନିକାରେ ପ୍ରଭାବ ଦେଖାଦେଇଛି । ଧାମରାରେ ଝିପିଝିପି ବର୍ଷା, ପବନର ବେଗ କ୍ରମଶଃ ବଢ଼ୁଛି । କେନ୍ଦ୍ରାପଡ଼ା ଭିତରକନିକାରେ ମଧ୍ୟ ବର୍ଷା ଲାଗି ରହିଛି । ବାଲେଶ୍ବରରେ ବର୍ଷା ସହ ହାଲୁକା ପବନ ହେଉଛି । 

ଭିତରକନିକାରେ ବଢ଼ିଛି ବର୍ଷାର ପରିମାଣ । ବଢ଼ୁଛି ପବନର ବେଗ । ଘର ଭିତରେ ପଶିଲାଣି ପାଣି । ଭାଙ୍ଗିଲାଣି ବଡ ବଡ ଗଛ । ଧାମରାରେ ପବନର ବେଗ ବଢ଼ିବାରେ ଲାଗିଛି । ସୁ ସୁ କରି ଗର୍ଜନ କରୁଛି ପବନ । ଆଉ ବେଳେବେଳେ ଝଟକା ମଧ୍ୟ ଅନୁଭୁତ ହେଉଛି । ବର୍ଷା ମଧ୍ୟ ବଢ଼ିବାରେ ଲାଗିଛି । ଏବେଠୁ ସକାଳ ପର୍ଯ୍ୟନ୍ତ ଲ୍ୟାଣ୍ଡଫଲ ପ୍ରକ୍ରିୟା ଚାଲିବ ।

ଚୁଡା ,ଡାଲି, ତେଲ ସାମଗ୍ରୀ ଅଧିକ ଟଙ୍କାରେ ବିକ୍ରି ହେଉଥିଲା । ପ୍ରଥମରୁ କୁହାଯାଇଛି କଳାବଜାରୀ କିମ୍ବା ହୋଡ଼ିଂ କରିବ ତାହା ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । କିନ୍ତୁ ଏହି ଦୁର୍ବିପାକ ସମୟରେ ଲୋକଙ୍କୁ ହଇରାଣ କରନ୍ତୁନାହିଁ ।  ବର୍ତ୍ତମାନ ମାଲଗୋଦାମରେ ଖାଦ୍ୟ ସାମଗ୍ରୀ ପର୍ଯ୍ୟାପ୍ତ ପରିମାଣରେ ରହିଛି । ତେଣୁ ବାତ୍ୟାକୁ ଭୟ ନକରି ସଚେତନ ରହିବା ପାଇଁ ଲୋକ ମାନଙ୍କୁ ନିବେଦନ କରିଛନ୍ତି ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । 

ଅନ୍ୟପଟେ ମନ୍ତ୍ରୀଙ୍କୁ କିଏ ଭୁଲ ସୂଚନା ଦେଉଛି ।  ପୂର୍ବରୁ ମାଲଗୋଦାମ ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲେ ଯେ ଏହି ପ୍ରାକୃତିକ ଦୁର୍ବିପାକ ସମୟରେ କଳାବଜାରୀ ହେଉ କି ଚଢା ଦର କିଛି ବି ବରଦାସ୍ତ କରାଯିବନି । ବାତ୍ୟା ପ୍ରଭାବିତ ହେବାକୁ ଥିବା ଭଦ୍ରକ, ବାଲେଶ୍ଵର , ଜଗତସିଂହପୁର , କେନ୍ଦ୍ରାପଡା ପାଇଁ  ଏଯାବତ ତ୍ରୁଟିଶୂନ୍ୟ ଭାବରେ ରିଲିଫ ଯାଇ ସାରିଛି ।  ସକାଳୁ ବନ୍ଦ ରହିଛି ମାଲଗୋଦାମ । କେହି ଜାଣିକି ଗୋଦାମ ବନ୍ଦ କରି ନାହାନ୍ତି । ତେଣୁ ମନ୍ତ୍ରୀଙ୍କ ଏହି ଅତର୍କିତ ଗସ୍ତକୁ ନାପସନ୍ଦ କରିବା ସହ ଆସିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ବୋଲି କହିଛନ୍ତି ମାଲଗୋଦାମ ବ୍ୟବସାୟୀ ସଂଘର କର୍ମକର୍ତ୍ତା । ଏହି ଗସ୍ତ ସମୟରେ ଛତ୍ରବଜାରରେ ଷ୍ଟକ ଯାଞ୍ଚ୍ କରିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ ।