ଆହୁରି ପଢନ୍ତୁ ଓଡିଶା ଖବର...
ସୁନ୍ଦରଗଡ: ସୁନ୍ଦରଗଡ଼ରେ ଆୟକର ବିଭାଗର ଚଢ଼ାଉ । ବ୍ୟବସାୟୀ ଘନଶ୍ୟାମ ଓ ଭାଇ ବବଲୁ ଡାଲମିଆଙ୍କ ଘରେ ରେଡ କରିଛି ଆଇଟି । ଏକକାଳୀନ ଘର, ଅଫିସ, ବ୍ୟବସାୟିକ ପ୍ରତିଷ୍ଠାନରେ ଚଢ଼ାଉ ହୋଇଛି । ସୁନ୍ଦରଗଡ, ରାଉରକେଲା, ଛତିଶଗଡ଼, ରାଏଗଡ଼, ରାଏପୁରରେ ଆୟକର ବିଭାଗ ପକ୍ଷରୁ ରେଡ ଚାଲିଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ : ଏଥର ଆଠମଲ୍ଲିକ, ଅନୁଗୋଳ ଏବଂ ଓଡ଼ିଶାରେ ନିଶ୍ଚୟ ପରିବର୍ତ୍ତନ ହେବ । ମୋଦୀ ଗ୍ୟାରେଣ୍ଟିରେ ସମାଜର ଅନ୍ତିମ ଶ୍ରେଣୀରେ ଥିବା ଲୋକମାନଙ୍କୁ ବିଶୁଦ୍ଧ ପାନୀୟ ଜଳ, ଉତ୍ତମ ସ୍ୱାସ୍ଥ୍ୟସେବା, ଗୁଣାତ୍ମକ ଶିକ୍ଷା ସୁବିଧା ସହ ରୋଜଗାର ଉପଲବ୍ଧ କରାଇବା ପାଇଁ ପରିବର୍ତ୍ତନ ହେବ ବୋଲି ଅନୁଗୋଳରେ ନିର୍ବାଚନ ପ୍ରଚାର କରିବା ଅବସରରେ କହିଛନ୍ତି ସମ୍ବଲପୁର ଲୋକସଭା ସାଂସଦ ପ୍ରାର୍ଥୀ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଶ୍ରୀ ପ୍ରଧାନ ଶନିବାର ଆଠମଲ୍ଲିକ ନିର୍ବାଚନମଣ୍ଡଳୀର ଅନ୍ତୁଳିଆରେ ଆୟୋଜିତ ହଜାର ହଜାର ଲୋକଙ୍କ ସହ ବିଶାଳ ପଦଯାତ୍ରାରେ ଯୋଗଦେଇ ଦଳୀୟ ପ୍ରାର୍ଥୀଙ୍କ ସମର୍ଥନରେ ପ୍ରଚାର କରିଛନ୍ତି । ସେଠାରେ ଅନୁଷ୍ଠିତ କର୍ମୀ ସମ୍ମିଳନୀରେ ଯୋଗଦେଇ କେନ୍ଦ୍ରମନ୍ତ୍ରୀ କହିଛନ୍ତି, ବିରୋଧୀମାନେ ବିକାଶକୁ ପାରୁନଥିବା ମୁଖ୍ୟମନ୍ତ୍ରୀ କହୁଛନ୍ତି । ଓଡ଼ିଶାର ଗାଁରେ ପିଇବା ପାଣି ନାହିଁ । ଚାଷ ଜମିରେ ପାଣି ନାହିଁ । ଡାକ୍ତରଖାନାରେ ଡାକ୍ତର ନାହାନ୍ତି । ସ୍କୁଲ ଗୁଡିକରେ ଶିକ୍ଷକ ନାହାନ୍ତି । ପିଲାମାନେ ଅଧାରୁ ପାଠପଢା ଛାଡୁଛନ୍ତି । ଗାଁରେ ଗାଁରେ କାମ ଧନ୍ଦା ଆଶାରେ ଲୋକମାନେ ବାହାରକୁ ଦାଦନ ଖଟିବାକୁ ଯାଉଛନ୍ତି । ଓଡ଼ିଶାରେ ୬୦ ପ୍ରତିଶତ ମହିଳା ରକ୍ତହୀନତା ଏବଂ ଶିଶୁମାନେ ଅପପୁଷ୍ଟିର ଶୀକାର । ଏହାକୁ ମୁଖ୍ୟମନ୍ତ୍ରୀ ବିକାଶ କହୁଛନ୍ତି କି ?
ମୁଖ୍ୟମନ୍ତ୍ରୀ ଭିଡିଓରେ ଅଛନ୍ତି । ମୁଖ୍ୟମନ୍ତ୍ରୀଙ୍କ ରିମୋର୍ଟ କଣ୍ଟ୍ରୋଲ ଅଣଓଡ଼ିଆ ଗୁମାସ୍ତା ପାଖରେ ପହଞ୍ଚିଲାଣି । ଏହା ଓଡ଼ିଆ ଅସ୍ମିତାର ପ୍ରଶ୍ନ । ଓଡ଼ିଶା କାହାର ବ୍ୟକ୍ତିଗତ ସମ୍ପତ୍ତି ନୁହେଁ । ଏକଛତ୍ରବାଦ କିମ୍ବା ରାଜତନ୍ତ୍ର ନୁହେଁ । ଏହା ଗଣତନ୍ତ୍ର । ଲୋକମାନେ ଯାହାକୁ ଚାହିଁବେ ତାକୁ ଜିତିବେ । ଓଡ଼ିଆ ଲୋକଙ୍କ କର ଖଜଣାରେ ଯେଉଁ ସରକାରୀ ବାବୁ ଦରମା ନେଇ ଓଡ଼ିଶାକୁ କବଜା କରିବାକୁ ଚାହୁଁଛନ୍ତି, ତାହା ବିରୁଦ୍ଧରେ ଜନମତ ହେବ ।
ଆମ ରାଜ୍ୟରେ ଓଡ଼ିଆ ଭାଷା, ସଂସ୍କୃତି ଏବଂ ଓଡ଼ିଆ ଲୋକଙ୍କର ଭବିଷ୍ୟତ ଆଜି ଅନ୍ଧାରରେ । ଆମ ରାଜ୍ୟର ନେତା ଓଡ଼ିଆ ଲୋକ ହେବା ଦରକାର । ଓଡ଼ିଶାରେ ଭ୍ରଷ୍ଟ, ଦୁର୍ନୀତିଗ୍ରସ୍ତ ଓ ଅତ୍ୟାଚାରୀ ସରକାରକୁ ବଦଳାଇବା ଦରକାର । ଓଡ଼ିଆ ଭାଷା, ଅସ୍ମିତା ଓ ସ୍ୱାଭିମାନକୁ ବଞ୍ଚାଇବା ପାଇଁ ଆମେ ସମସ୍ତେ ପଦ୍ମଫୁଲରେ ଭୋଟ୍ ଦେବା । ଓଡ଼ିଶା ଏବଂ ଦେଶରେ ବିଜେପି ସରକାର ଗଠନ କରିବା ପାଇଁ ଉପସ୍ଥିତ ଜନସାଧାରଣଙ୍କୁ ନିବେଦନ କରିଛନ୍ତି କେନ୍ଦ୍ରମନ୍ତ୍ରୀ ।
ଅଧିକ ପଢନ୍ତୁ ଓଡ଼ିଶା ଖବର
ସେ ଆହୁରି କହିଛନ୍ତି ଯେ ଆଜି ପ୍ରଧାନମନ୍ତ୍ରୀ ମୋଦୀଙ୍କ ପ୍ରତି ଲୋକପ୍ରିୟତା କ୍ରମାଗତ ଭାବେ ବଢିବାରେ ଲାଗିଛି । ନିର୍ବାଚନ ଯେତେ ପାଖେଇ ଆସିବ, ମୋଦୀଙ୍କ ପ୍ରତି ସମର୍ଥନ ସେତେମାତ୍ରାରେ ବୃଦ୍ଧି ପାଉଥିବ । ଲୋକସଭାକୁ ଏଥର ସର୍ବାଧିକ ସିଟ୍ ଓଡ଼ିଶା ଦେବ । ବିଧାନସଭାରେ ପଟ୍ଟ ପରିବର୍ତ୍ତନ ହେବ । ଭୁବନେଶ୍ୱରରେ ପ୍ରଥମ ଥର ଓ ଦିଲ୍ଲୀରେ ପ୍ରଧାନମନ୍ତ୍ରୀ ମୋଦୀଙ୍କ ସରକାର ହେବ । ପ୍ରଚାର କାଳରେ ଶ୍ରୀ ପ୍ରଧାନ ଓଗୀ ସ୍ଥିତ ମା’ ବନଦୁର୍ଗା ମନ୍ଦିରରେ ଦର୍ଶନ କରିଥିଲେ । ପଦଯାତ୍ରାରେ ଶତାଧିକ ଜନସାଧାରଣ, ମାତୃଶକ୍ତି ଓ ଯୁବବର୍ଗମାନେ କେନ୍ଦ୍ରମନ୍ତ୍ରୀଙ୍କୁ ସ୍ୱାଗତ କରିଥିଲେ ।
ଅର୍ଗସ ବ୍ୟୁରୋ : ଆଜିକାଲି ୨୦ରୁ ୩୦ ବର୍ଷ ଭିତରେ ଅନେକ ଲୋକ ହାର୍ଟ ଆଟାର୍କର ଶିକାର ହେଉଛନ୍ତି। ବୟସ୍କ ଲୋକଙ୍କଠୁ ଅଧିକ କମ୍ ବୟସର ପିଲାଙ୍କୁ ହେଉଛି ହାର୍ଟ ଆଟାର୍କ। କିନ୍ତୁ ଜାଣିଛନ୍ତି କି କାହିଁକି? ଏକ ରିସର୍ଚ୍ଚରୁ ଜଣାପଡିଛି ହୃଦଘାତରେ ମୃତ୍ୟୁବରଣ କରୁଥିବା ପ୍ରତି ୨୦ ଜଣଙ୍କ ମଧ୍ୟରେ ୭ ଜଣ ହେଉଛନ୍ତି ୨୦ ରୁ ୩୦ ବର୍ଷ ମଧ୍ୟରେ। ୨୦୦୦ ରୁ ୨୦୧୬ ମସିହା ପର୍ଯ୍ୟନ୍ତ ମୃତ୍ୟୁ ହାର ୨% ଲେଖାଏଁ ବଢ଼ୁଥିଲା କିନ୍ତୁ ଚଳିତ ବର୍ଷ ସୁଦ୍ଧା ୪% ବଢ଼ିସାରିଲାଣି।
ଏହାର କାରଣ କ'ଣ ?
ହୃଦଘାତ ହେବାର ପ୍ରମୁଖ କାରଣ ହେଉଛି ଉଚ୍ଚ ରକ୍ତଚାପ ଏବଂ ମଧୁମେହ । ଉଚ୍ଚ ରକ୍ତଚାପ ହାର୍ଟର ମାଂସପେଶୀକୁ ମୋଟା କରିଦିଏ ଯାହା ଦ୍ୱାରା ହୃଦଘାତ ହେବାର ଆଶଙ୍କା ଅଧିକ ବଢିଥାଏ ତାସହିତ ଯେତେବେଳେ ରକ୍ତରେ ଥିବା ଶର୍କରା ନିୟନ୍ତ୍ରିତ ହୋଇନଥାଏ ସେବେ ସମସ୍ୟା ସୃଷ୍ଟି ହୋଇଥାଏ । ଡାଇବେଟିସ ରୋଗୀଙ୍କ ଅନ୍ୟାନ୍ୟ ସ୍ୱାସ୍ଥ୍ୟ ଜନିତ ରୋଗ ହେବାର ଆଶଙ୍କା ଅଧିକ ଥାଏ | ଯାହା ଉଚ୍ଚ ରକ୍ତଚାପ, ହାଇ କୋଲେଷ୍ଟ୍ରଲ ସହ ହୃଦଘାତର ଆଶଙ୍କାକୁ ମଧ୍ୟ ବହୁ ମାତ୍ରାରେ ବଢ଼ାଇଥାଏ ।
ଅନ୍ୟ ଏକ କାରଣ ହେଉଛି ଆଜିକାଲିର ଲାଇଫ ଷ୍ଟାଇଲ୍। ଜଙ୍କଫୁଡ଼ ଖାଇବା ସହିତ ନିଶାଦ୍ରବ୍ୟର ସେବନ ବିଶେଷ କରି ଧୁମ୍ରପାନ। ଯୁବକମାନଙ୍କ କ୍ଷେତ୍ରରେ ହୃଦଘାତ ହେଉଥିବାର ସମସ୍ତ କାରଣରୁ ଧୁମ୍ରପାନ କରିବା ହେଉଛି ଅନ୍ୟତମ କାରଣ । ସିଗାରେଟରେ ଥିବା ନିକୋଟିନ ଏବଂ ଅନ୍ୟାନ୍ୟ ପଦାର୍ଥ ମାନ ହ୍ରୁଦସ୍ପନ୍ଦନକୁ ତ୍ୱରାନ୍ୱିତ କରିଥାଏ ଏବଂ ରକ୍ତଚାପକୁ ବଢ଼ାଇଥାଏ ଯାହାଦ୍ବାରା ହୃଦଘାତ ହେବାର 34% ଅଧିକ ସମ୍ଭାବନା ଥାଏ ।
ଅଧିକ ପଢ଼ନ୍ତୁ ସ୍ବାସ୍ଥ୍ୟ ଖବର
ଅର୍ଗସ ବ୍ୟୁରୋ: ପୁଣି ଆହତ ହେଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ସେ ହେଲିକପ୍ଟର ଭିତରେ ପଡିଯାଇଥିଲେ ବୋଲି ସୂଚନା ରହିଛି। ମମତା ଦୁର୍ଗାପୁରରୁ ଆସନସୋଲ ଯାଉଥିଲେ । ସେଠାରେ ସେ ଟିଏମସି ପ୍ରାର୍ଥୀ ଶତ୍ରୁଘ୍ନ ସିହ୍ନାଙ୍କ ସମର୍ଥନରେ ଏକ ର୍ୟାଲିକୁ ସମ୍ବୋଧିତ କରିବାର କାର୍ଯ୍ୟକ୍ରମ ଥିଲା । ଦୁର୍ଗାପୁରରେ ହେଲିକପ୍ଟର ଚଢିବା ସମୟରେ ମମତା ବାନାର୍ଜୀ ଆହତ ହୋଇଛନ୍ତି । ମମତା ଯେତେବେଳେ ହେଲିକପ୍ଟର ଭିତରକୁ ଯାଉଥିଲେ ସେତେବେଳେ ସନ୍ତୁଳନ ହରାଇ ସେ ପଡିଯାଇଥିଲେ । ବର୍ତ୍ତମାନ ତାଙ୍କ ଅବସ୍ଥା କିପରି ରହିଛି ତାହା ଜଣାପଡିନାହିଁ। ଏବେ ନିକଟରେ ମମତା ବାନାର୍ଜୀ ଆହତ ହୋଇଥିଲେ। ପୁଣି ଥରେ ଆହତ ହେବା କାରଣରୁ ଚିନ୍ତା ବଢ଼ୁଛି।
ଅଧିକ ପଢ଼ନ୍ତୁ ଦେଶ ଖବର: