ଘର
ଓଡ଼ିଶା
ଦିନକ ପରେ ଆରମ୍ଭ ହେବ ଧାନ କିଣା ପ୍ରକ୍ରିୟା
ଦିନକ ପରେ ଆରମ୍ଭ ହେବ ଧାନ କିଣା ପ୍ରକ୍ରିୟା
by Smruti Parija
NEWS HIGHLIGHTS
- ଦିନକ ପରେ ଆରମ୍ଭ ହେବ ଧାନ କିଣା ପ୍ରକ୍ରିୟା
- ୨୦୦ ଟି ବୃହତ ମଣ୍ଡିରେ କରାଯାଇଛି ଅତ୍ୟାଧୁନିକ ବ୍ୟବସ୍ଥା
- ସବୁ ମଣ୍ଡିରେ ଚାଷୀଙ୍କ ପାଇଁ ଖାଇବା ପିଇବା ସହ ଶୌଚାଳୟର ବ୍ୟବସ୍ଥା
- ମନଇଛା କଟନୀ ଛଟନୀ ହେବନି ବୋଲି କହିଲେ ଉପ ମୁଖ୍ୟମନ୍ତ୍ରୀ
- କେଜିଏ ବି ଧାନ କାହାକୁ ଦିଅନ୍ତୁ ନାହିଁ ବୋଲି ଚାଷୀଙ୍କୁ ଅପିଲ କଲେ ସମବାୟ ମନ୍ତ୍ରୀ
- କହିଲେ 3100 ଟଙ୍କାରେ ସବୁ ଧାନ କିଣିବେ ରାଜ୍ୟ ସରକାର
- ବାହାର ବେପାରୀଙ୍କ ଉପରେ ସରକାରଙ୍କ ରହିଛି କଡା ନଜର
- ଯିଏ ଗାଁ ଭିତରେ ହାବୁଡ଼େ ପଡ଼ିବ ତାକୁ ଧରାଯାଇ କଠୋର ଦଣ୍ଡ ଦିଆଯିବ
ଅର୍ଗସ ବ୍ୟୁରୋ: ଦିନକ ପରେ ଅର୍ଥାତ ୨୦ ତାରିଖରୁ ବରଗଡ଼ ଜିଲ୍ଲାରୁ ଆରମ୍ଭ ହେବ ଧାନ କିଣା । ସେହିପରି ୨୨ ତାରିଖରୁ ସମ୍ବଲପୁରରୁ ମଧ୍ୟ ଆରମ୍ଭ ହେଉଛି ଧାନ କିଣା । ସେଥିପାଇଁ ସବୁ ମଣ୍ଡି ଗୁଡିକୁ ସରକାର ପ୍ରସ୍ତୁତ କରି ରଖିଛନ୍ତି । ପ୍ରଥମ ଥର ପାଇଁ ଧାନର ସର୍ବନିମ୍ନ ସହାୟକ ମୂଲ୍ୟ ଉପରେ ୮୦୦ଟଙ୍କା ଅଧିକ ଦିଆଯାଉଥିବାରୁ ଚାଷୀ ଙ୍କ ଉତ୍ସାହ ବେଶ ବଢିଛି । ତେଣୁ ମଣ୍ଡିରେ ଚାଷୀ ଙ୍କ ଯେମିତି କୌଣସି ଅସୁବିଧା ନ ହୁଏ ସେମିତି ସବୁ ପ୍ରକାର ବ୍ୟବସ୍ଥା କରିଛନ୍ତି ରାଜ୍ୟ ସରକାର । ଉପମୁଖ୍ୟମନ୍ତ୍ରୀ କେ ଭି ସିଂ ଦେଓ କହିଛନ୍ତି କଟନୀ ଛଟନୀକୁ ବନ୍ଦ କରିବା ପାଇଁ ମିଲରମାନେ ମଣ୍ଡିରେ ଉପସ୍ଥିତ ରହିବେ । ପ୍ରତ୍ୟେକ ଜିଲ୍ଲାରେ ଚାଷୀଙ୍କ ସୁବିଧା ପାଇଁ କଣ୍ଟ୍ରୋଲ ରୁମ ବ୍ୟବସ୍ଥା ରହିବ । ସମ୍ପୂର୍ଣ୍ଣ ପ୍ରକ୍ରିୟାକୁ ସ୍ବଚ୍ଛ ଭାବେ କରାଯିବ । ଏଥି ନିମନ୍ତେ ମଣ୍ଡିରେ ନୋଡ଼ାଲ ଅଫିସର, ସୁପରଭାଇଜର ନିଯୁକ୍ତ କରାଯାଇଛି ।
ମଣ୍ଡିରେ ସବୁ ବ୍ୟବସ୍ଥା ହୋଇଥିବା ବେଳେ କେଜିଏ ବି ଧାନ କାହାକୁ ଦିଅନ୍ତୁ ନାହିଁ ବୋଲି ଚାଷୀଙ୍କୁ ଅପିଲ କରିଛନ୍ତି ସମବାୟ ମନ୍ତ୍ରୀ । କହିଛନ୍ତି ବାହାର ବେପାରୀଙ୍କ ଉପରେ ସରକାରଙ୍କ କଡା ନଜର ରହିଛି । ଯିଏ ଗାଁ ଭିତରେ ହାବୁଡ଼େ ପଡ଼ିବ ତାକୁ ଧରାଯାଇ କଠୋର ଦଣ୍ଡ ଦିଆଯିବ । ସେଥିପାଇଁ ସମସ୍ତ ବିଧାୟକ ସ୍ଥାନୀୟ ନେତୃବୃନ୍ଦ ମାନଙ୍କୁ ମଧ୍ୟ ଦାୟିତ୍ବ ଦିଆଯାଇଛି । ମଣ୍ଡିରେ ସିସିଟିଭି ବ୍ୟବସ୍ଥା ହୋଇଛି, ପ୍ୟାଡି କ୍ଲିନର, ଗ୍ରେନ ଆନାଲାଇଜର,ତାରପୋଲୀନ ବ୍ୟବସ୍ଥା ହୋଇଛି । ଚାଷୀ ମାନେ ମଣ୍ଡି ଙ୍କୁ ଆସିଲେ ସେମାନଙ୍କ ଖାଇବା ପିଇବା ବ୍ୟବସ୍ଥା କରାଯିବା ସହ ସବୁଠି ଶୌଚାଳୟ, ପିଇବା ପାଣି ର ବ୍ୟବସ୍ଥା କରାଯାଇଛି ।
ଏପଟେ ଏଥର ଆଗରୁ ମଣ୍ଡି ଖୋଲୁ ଥିବାରୁ ଚାଷୀ ଖୁସ.. ଅମଳରେ ବ୍ୟସ୍ତ ପାଇକମାଳର ପୁରେନା ଗାଁର ଚାଷୀ..ପାଇକମାଳରେ ପାଖାପାଖି 60 ପ୍ରତିଶତ ଚାଷୀ ଅମଳ କଲେଣି.. ଅଧିକାଂଶ ଚାଷୀଙ୍କ ଟୋକନ ଆସିଗଲାଣି
ଡ଼ିସେମ୍ବର ମାସ ୭ ତାରିଖ ସୁଦ୍ଧା ମଣ୍ଡିରେ ଧାନ ଦେଇଥିବା ସମସ୍ତ ଚାଷୀ ଏକାଥରକେ କୁଇଣ୍ଟାଲ ପିଛା ୮୦୦ ଟଙ୍କା ପାଇବେ । ଏହି ବଣ୍ଟନ କାର୍ଯ୍ୟ ମୁଖ୍ୟମନ୍ତ୍ରୀଙ୍କ ଦ୍ଵାରା ଆସନ୍ତା ୮ ତାରିଖରେ ବରଗଡ଼ ଜିଲ୍ଲାର ସୋହେଲାରୁ ଆରମ୍ଭ କରିବାକୁ ସ୍ଥିର କରିଛନ୍ତି ରାଜ୍ୟ ସରକାର ।
