କେନ୍ଦ୍ରାପଡା: ରାଜକନିକା ଥାନା ଅନ୍ତର୍ଗତ ଓଳାଭର ବାଲିସାହି ଛକ ନିକଟରେ ଥିବା ଅବସରପ୍ରାପ୍ତ ଡାକ୍ତରଙ୍କ ଘରୁ ଚୋରି। ଘଟଣା ସ୍ଥଳରେ ସାଇଣ୍ଟିଫିକ ଟିମ, ସନ୍ଧାନୀ କୁକୁର ଓ ରାଜକନିକା ପୋଲିସର ତଦନ୍ତ ଆରମ୍ଭ। ମିଳିଥିବା ସୂଚନା ମୁତାବକ ଅବସରପ୍ରାପ୍ତ ଡାକ୍ତର ଶ୍ୟାମ ପ୍ରସାଦ ନାୟକ ଓ ତାଙ୍କର ପରିବାର ଦୁଇଦିନ ତଳେ ଭୁବନେଶ୍ୱର ଯାଇଥିଲେ ଆଜି ଭୋର ୬ ଟା ସମୟରେ ତାଙ୍କର ବାଡ଼ିକୁ ଫୁଲ ତୋଳିବାକୁ ଆସିଥିବା ଜଣେ କର୍ମଚାରୀ ଡାକ୍ତରଙ୍କର ଘର ପଛପଟ ଝରକା ତଡା ହୋଇଥିବା ଦେଖି ଡାକ୍ତରଙ୍କୁ ଖବର କରିଥିଲେ।
ଦିନ ଦଶଟା ବେଳେ ଡାକ୍ତର ନିଜ ଘରେ ସପରିବାର ସହ ପହଁଚି ଘଟଣା ବିଷୟରେ ରାଜକନିକା ପୋଲିସକୁ ଜଣାଇଥିଲେ। ରାଜକନିକା ପୋଲିସ ସାଇନଟିଫିକ ଟିମ ଓ ସନ୍ଧନୀ କୁକୁର ସହିତ ଆସି ଘଟଣାସ୍ଥଳରେ ଦିନ ବାରଟା ବେଳେ ପହଁଚି ତଦନ୍ତ କରିବା ସହ ବିଭିନ୍ନ ଦିଗରୁ ନମୁନା ସଂଗ୍ରହ କରିଥିବା ଜଣାପଡିଛି। ତେବେ ଅନୁମାନ କରାଯାଉଛି ଗତକାଲି ରାତିରେ ଚୋରମାନେ ଡାକ୍ତରଙ୍କର ଘରର ପଛପଟ ଝରକା ତାଡି ଘରଭିତରେ ପଶି ଚୋରି କରିଛନ୍ତି। ତେବେ ଏହି ଚୋରିରେ ଡାକ୍ତରଙ୍କର ଲକ୍ଷାଧିକ ଟଙ୍କାର ସୁନା ଅଳଙ୍କାର ଓ ଟଙ୍କା ଚୋରି ହୋଇଥିବା ଡାକ୍ତର ଥାନାରେ ଲିଖିତ ଅଭିଯୋଗ କରିଛନ୍ତି।
ଅଧିକ ପଢନ୍ତୁ ଓଡିଶା ଖବର
ଅର୍ଗସ ବ୍ୟୁରୋ : ୫ରେ ପୁଣି ଓଡିଶା ଆସୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା । ଗସ୍ତ ନେଇ ବିଜେପି ଉପ ସଭାପତି ଗୋଲକ ମହାପାତ୍ର ସୂଚନା ଦେଇଛନ୍ତି । ପୂର୍ବରୁ ଏପ୍ରିଲ ୨୮ ତାରିଖରେ ଓଡିଶା ଆସି ହାଇ ଭୋଲ୍ଟେଜ ପ୍ରଚାର କରିଥିଲେ ।
ଅଧିକ ପଢନ୍ତୁ : ସୁପର Sundayରେ ସୁପର ସୋ'
୨୪ ନିର୍ବାଚନକୁ ନେଇ ରାଜ୍ୟ ରାଜନୀତି ସରଗରମ ଥିଲା ବେଳେ ନିର୍ବାଚନ ରଣକ୍ଷେତ୍ରକୁ ଆହୁରି ଦୃଢ କରିବାକୁ ପୁଣି ଓଡିଶାରେ ରଣହୁଙ୍କାର ଦେବେ ନଡ୍ଡା । ଭୁବନେଶ୍ବରରେ ରହିଛି ଦଳୀୟ କାର୍ଯ୍ୟକ୍ରମ ।
ଅର୍ଗସ ବ୍ୟୁରୋ: ଶବ୍ଦର ଚଞ୍ଚକତା କରି ବିଜେଡି ନେତା ପାଣ୍ଡିଆନ କହିଛନ୍ତି ସେ ହିଁ ନବୀନ ପଟ୍ଟନାୟକଙ୍କ ଶବ୍ଦର ଚଞ୍ଚକତା କରି ବିଜେଡି ନେତା ଭି.କେ. ପାଣ୍ଡିଆନ କହିଛନ୍ତି ସେ ହିଁ ନବୀନ ପଟ୍ଟନାୟକଙ୍କ ଉତ୍ତରାଧିକାରୀ । ସିଧା ସିଧା ଉତ୍ତରାଧିକାରୀ ବଦଳରେ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାରେ କହିଛନ୍ତି, ସେ ନବୀନ ପଟ୍ଟନାୟକଙ୍କ ମୂଳବୋଧର ଉତ୍ତରାଧିକାରୀ । ଦଳ ଓ ନିର୍ବାଚନ ପରିଚାଳନାରେ ସେ ସର୍ବେସର୍ବା ଏକଥା ଅଛପା ନାହିଁ । ପ୍ରଚାର ମଇଦାନରେ ଦୁଇ ନମ୍ବର । ପୂର୍ବରୁ ଓଡିଶା ଲୋକ ତାଙ୍କର ଉତ୍ତରାଧିକାରୀ ବାଛିବେ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବରୁ କହିଥିଲେ । କିନ୍ତୁ ବିଜେଡିର ନିର୍ବାଚନ ପରିଚାଳନା, ନବୀନଙ୍କ ଇସାରା ଓ ପାଣ୍ଡିଆନଙ୍କ ବୟାନ ସ୍ପଷ୍ଟ କରୁଛି ସେ ଉତ୍ତରାଧିକାରୀ । ଖୋଦ ପାଣ୍ଡିଆନ ପ୍ରଥମ ପୁରୁଷ ଏକ ବଚନରେ ଏକ ଜାତୀୟ ଗଣମାଧ୍ୟମକୁ କହିଛନ୍ତି, ସେ ହିଁ ନବୀନ ପଟ୍ଟନାୟକଙ୍କ ମୂଲ୍ୟବୋଧର ଉତ୍ତରାଧିକାରୀ ।
ସମଝଦାରୋ କୋ ଇସାରା କାଫି ହୈ । କିନ୍ତୁ ଉତ୍ତରାଧିକାରୀ ଏଥର ନିର୍ବାଚନ ଲଢୁନାହାନ୍ତି । କାରଣ ପାଣ୍ଡିଆନ୍ ଓଡିଶାର ମୂଳ ବାସିନ୍ଦା ନୁହନ୍ତି । ଅନ୍ୟପକ୍ଷରେ ନିର୍ବାଚନରେ ଓଡିଆ ଅସ୍ମିତା, ସ୍ବାଭିମାନ ଓ ସଂସ୍କୃତିକୁ ବିଜେପି ମୁଖ୍ୟ ନିର୍ବାଚନୀ ପ୍ରସଙ୍ଗ କରିଛି । ଖୋଦ ପ୍ରଧାନମନ୍ତ୍ରୀ କହିଛନ୍ତି ଓଡିଆ ଭାଷା ଓ ସଂସ୍କୃତି ସଙ୍କଟରେ ପଡିଛି। ପାଣ୍ଡିଆନ ନିର୍ବାଚନ ଲଢିଲେ ଓଡିଆ ସ୍ବାଭିମାନ ସହ ହୋଇପାରେ ଲଢେଇ । ଦୁଇ ଆସନରୁ ଲଢୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୋଟିଏ ଆସନରୁ ଉପନିର୍ବାଚନ କରିବାକୁ ହେଉଛି ଷଡଯନ୍ତ୍ର । ଏବେ ପ୍ରଶ୍ନ ବିଜୁବାବୁଙ୍କ ପୁଅ ନବୀନ ପଟ୍ଟନାୟକଙ୍କ ଖଣ୍ଡି ଓଡିଆକୁ ଓଡିଶାବାସୀ ଗ୍ରହଣ କରିଛନ୍ତି । ମାତ୍ର ଅଣ ଓଡିଆ ଅଫିସରଙ୍କ ଉତ୍ତରାଧିକାରୀ ପ୍ରସଙ୍ଗକୁ ଓଡିଶାବାସୀ ଗ୍ରହଣ କରିବେ କି ପ୍ରତ୍ୟାଖାନ କରିବେ ତାକୁ ଅପେକ୍ଷା।
ଅଧିକ ପଢ଼ନ୍ତୁ ଓଡ଼ିଶା ଖବର
ଢେଙ୍କାନାଳ : ହେଲିକପ୍ଟର ଯୋଗେ ଅନୁଗୁଳରୁ ଢେଙ୍କାନାଳ ପହଂଚିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଅବତରଣ ପରେ ଢେଙ୍କାନାଳ ସ୍ଥିତ ସିଧ ବଳରାମ ଜୀଉ ମନ୍ଦିର ଅଭିମୁଖେ କେନ୍ଦ୍ରମନ୍ତ୍ରୀ । ସେଠାରେ ଦଳୀୟ ପ୍ରାର୍ଥୀଙ୍କ ସହ ପୂଜାର୍ଚ୍ଚନା ପରେ ବାଇକ ଶୋଭାଯାତ୍ରାରେ ସହର ପରିକ୍ରମା କରି ଜିଲାପାଳ ଙ୍କ କାର୍ଯ୍ୟଳୟରେ ପହଞ୍ଚିବେ କେନ୍ଦ୍ରମନ୍ତ୍ରୀ ।
ଅଧିକ ପଢନ୍ତୁ : ଏଥର ସମ୍ବଲପୁରରୁ ଧର୍ମେନ୍ଦ୍ର : ଓଡ଼ିଆଙ୍କ ସ୍ଵାଭିମାନ ଲାଗି କରିବେ ଲଢେଇ
ଆଜି ଢେଙ୍କାନାଳ ଲୋକସଭା ନିର୍ବାଚନ ମଣ୍ଡଳୀ ପାଇଁ ବରିଷ୍ଠ ବିଜେପି ନେତା ରୁଦ୍ର ନାରାୟଣ ପାଣିଙ୍କର ରହିଛି ନାମାଙ୍କନ ପତ୍ର ଦାଖଲ କାର୍ଯ୍ୟକ୍ରମ ।
