ଅର୍ଗସ ବ୍ୟୁରୋ: ପୁଣି ପଦାରେ ପଡିଲା ରାଜ୍ୟ ସରକାରଙ୍କ ଆମ ଓଡ଼ିଶା ନବୀନ ଓଡ଼ିଶା ନାଁରେ ମିଛ ପ୍ରଚାର । କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ଭଣ୍ଡା ପଂଚାୟତରେ ଧରାପଡିଛି ବିଜୁସ୍ୱାସ୍ଥ୍ୟ କଲ୍ୟାଣ ଯୋଜନାର ମିଥ୍ୟା ପ୍ରଚାର । ପଞ୍ଚାୟତର ଚିତ୍ରମଣି ମହାରଣା ନାମକ ମହିଳା ସଂପୂର୍ଣ୍ଣ ସୁସ୍ଥ ଥିବାବେଳେ, BSKY କାର୍ଡରେ ହାର୍ଟ ପ୍ରତିରୋପଣରେ ୫ଲକ୍ଷ ଟଙ୍କାର ଦେୟମୁକ୍ତ ଚିକିତ୍ସା ସୁବିଧା ପାଇଥିବା ଦର୍ଶାଯାଇଛି ।
ସବୁଠୁ ବଡ଼ କଥା ହେଲା, ବିଜ୍ଞାପନରେ ଚିତ୍ରମଣି ମହାରଣାଙ୍କ ଫଟୋ ଲାଗିଥିଲାବେଳେ ତାଙ୍କ ନାଁ ଯାଇମଣି ମହାରଣା ଛପାଯାଇଛି । ତେବେ ଏଭଳି ମିଛ ପ୍ରଚାରକୁ ନେଇ ଚିତ୍ରମଣିଙ୍କ ପରିବାର ଉଦବେଗ ପ୍ରକାଶ କରିବା ସହ ମାନାହାନି ମାମଲା କରିବେ ବୋଲି କହିଛନ୍ତି । ସେପଟେ ଶୀଘ୍ର ସଂଶୋଧନ ହେବା ନେଇ ସଫେଇ ଦେଇଛନ୍ତି ଚମ୍ପୁଆ ବିଡିଓ ରାଜା ରଞ୍ଜିତ ପ୍ରତାପ ବଳ ।
ଅଧିକ ପଢ଼ନ୍ତୁ ଓଡିଶା ଖବର:
ଆସିଲା ବିଜେଡିର ଅଷ୍ଟମ ପର୍ଯ୍ୟାୟ ବିଧାନସଭା ପ୍ରାର୍ଥୀ ତାଲିକା । ୬ଜଣରୁ ୩ ଜଣଙ୍କ ନାଁ ଘୋଷଣା କଲେ ବିଜେଡି ସୁପ୍ରିମୋ ।
ଖୋର୍ଦ୍ଧା - ରାଜେନ୍ଦ୍ର ସାହୁ
ବେଗୁନିଆ- ପ୍ରଦୀପ କୁମାର ସାହୁ
ଭୋଗରାଇ- ଗୌତମବୁଦ୍ଧ ଦାସ
ଅଧିକ ପଢନ୍ତୁ : ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ବିଜେଡି
ଅର୍ଗସ ବ୍ୟୁରୋ : କ'ଣ ଆପଣ ନିଜ ମୋବାଇଲ ଠାରୁ ଅଳ୍ପ ସମୟ ବି ଦୁରେଇ ରହିପାରୁନାହାନ୍ତି କି ? ତାହାଲେ ଆପଣଙ୍କୁ ବି ହୋଇପାରେ 'ନୋମୋଫୋବିୟା' ( NO MObile PHone PhoBIA) ଆମ ଦୈନନ୍ଦିନ ଜୀବନରେ ମୋବାଇଲ ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଯାଇଛି । ଫୋନ ଠାରୁ ଦୂରେଇରହିବା ଅସମ୍ଭବ । କିନ୍ତୁ କ'ଣ ଆପଣ ଏତେ ନିର୍ଭର ହୋଇଯାଇଛନ୍ତି ଯେ ଏହା ଆପଣଙ୍କ ମାନସିକ ସ୍ବାସ୍ଥ୍ୟ ଉପରେ ପ୍ରଭାବ ପକାଉଛି ? ଯଦି ହଁ ତାହାଲେ ସାବଧାନ ହୋଇଯାଆନ୍ତୁ କାରଣ ଏହା 'ନୋମୋଫୋବିୟା' ର ସଙ୍କେତ ହୋଇପାରେ ।
ନୋମୋଫୋବିୟା କ'ଣ ଏବଂ କିପରି ହୁଏ?
'ନୋମୋଫୋବିୟା' ହେଉଛି ମାନସିକ ସ୍ୱାସ୍ଥ୍ୟବସ୍ଥା । ଏଥିରେ ଜଣେ ଲୋକ ଯଦି ନିଜର ଫୋନ ଠାରୁ ଦୁରେଇ ରୁହେ ତେବେ ସେ ବ୍ୟକ୍ତି ଭୟ ,ଚିନ୍ତା ,ଉତ୍ତେଜନା ଏବଂ ଶ୍ୱାସକ୍ରିୟାରେ ଅସୁବିଧା ଆଦି ଲକ୍ଷଣ ଅନୁଭବ କରିଥାଏ। ସ୍ୱାସ୍ଥ୍ୟ ବିଶେଷଜ୍ଞ ମାନେ ଏହା ମଧ୍ୟ କହିଛନ୍ତି ଯେ ନୋମୋଫୋବିୟା ଅନ୍ୟ କିଛି ସମସ୍ୟା ମଧ୍ୟ ସୃଷ୍ଟି କରିପାରେ ଯାହାକୁ ଧ୍ୟାନ ଦେବା ନିହାତି ଦରକାର । ଯଥା ମୋବାଇଲ ଠାରୁ କିଛି ସମୟ ଦୁରେଇ ରହିଲେ ଶରୀରରେ କମ୍ପନ ସୃଷ୍ଟି ହେବା, ଝାଳ ବୋହିବା, ଚିଡଚିଡା ଲାଗିବା ତାସହିତ କେତେକ ପରିସ୍ଥିତିରେ ହୃଦସ୍ପନ୍ଦନରେ ଅନିୟମିତତା ଭଳି ସମସ୍ୟା ସୃଷ୍ଟି ହେବା ଇତ୍ୟାଦି। ନୋମୋଫୋବିୟା ସମସ୍ୟାକୁ ଅବସେସିଭ୍ ବାଧ୍ୟତାମୂଳକ ଡିସଅର୍ଡର୍ (ଓସିଡି) ରୋଗୀ ଭାବେ ବିବେଚନା କରାଯାଇପାରେ ।
୨୦୨୦ ମସିହାରେ ହୋଇଥିବା ଏକ ରିସର୍ଚ୍ଚରୁ ଜଣା ପଡିଛି ଯେ ଏହି ଫୋବିଆ ସେହି ମାନଙ୍କୁ ହୋଇଥାଏ ଯେଉଁମାନେ ସ୍ମାର୍ଟ ଫୋନକୁ ବାଧ୍ୟତାମୂଳକ ଭାବେ ବ୍ୟବହାର କରିଥାନ୍ତି | ଏହା ବ୍ୟତୀତ ଯେଉଁ ବ୍ୟକ୍ତି ନିଜ ଭାବନାକୁ ଅନ୍ୟମାନଙ୍କ ସହ ବାଣ୍ଟିବାକୁ ସକ୍ଷମ ନହୋଇଥାନ୍ତି ସେହିମାନେ ଏହି ଫୋବିଆର ଶିକାର ହୋଇଥାନ୍ତି।
'ନୋମୋଫୋବିୟା' ଆପଣଙ୍କ ଚିନ୍ତାଧାରାକୁ ପ୍ରଭାବିତ କରିପାରେ | ଯେହେତୁ 'ନୋମୋଫୋବିୟା' ଏକ ଆନୁଷ୍ଠାନିକ ଭାବେ ମାନସିକ ବିକୃତି ନୁହେଁ। ବର୍ତ୍ତମାନ ପର୍ଯ୍ୟନ୍ତ ଏହାର କୌଣସି ପ୍ରକାରର ଚିକିତ୍ସା ନାହିଁ । କିଛି ଥେରାପି ଏବଂ ପରାମର୍ଶ ଏହି ଫୋବିଆ ଠାରୁ ଆପଣଙ୍କୁ ଦୁରେଇ ରଖିବାରେ ସହାୟକ ହେଵ । କିନ୍ତୁ ତା ପାଇଁ ସର୍ବପ୍ରଥମେ ଆପଣଙ୍କୁ ଏହା ଦୃଷ୍ଟିରେ ରଖିବାକୁ ପଡିବ ଯେ ଯଦି ଆପଣ ଏଭଳି କୌଣସି ପ୍ରକାରର ଲକ୍ଷଣ ଆପଣଙ୍କ ନଜରକୁ ଆସେ ତେବେ ପ୍ରଥମେ ଆପଣ ମାନସିକ ରୋଗୀ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ ଏବଂ ଯଥା ସମ୍ଭବ ବାହାର ପରିବେଶରେ ନିଜ ସମୟ ଅତିବାହିତ କରନ୍ତୁ ।
ଅଧିକ ପଢ଼ନ୍ତୁ ସ୍ବାସ୍ଥ୍ୟ ଖବର
ଅର୍ଗସ ବ୍ୟୁରୋ : କଟକ ବାରବାଟୀ ବିଜେଡି ପ୍ରାର୍ଥୀ ପାଇଁ ନାହାଁନ୍ତି କଟକିଆ ନେତା । ଦୀର୍ଘ ୨୫ ବର୍ଷ ଧରି ସାଲେପୁର ବିଧାନସଭା ନିର୍ବାଚନ ମଣ୍ଡଳୀରେ କାମ କରୁଥିବା ନେତାଙ୍କ ଭରସାରେ ଏବେ ବିଜୁ ଜନତା ଦଳ । ପ୍ରକାଶ ଚନ୍ଦ୍ର ବେହେରାଙ୍କୁ କଟକ ବାରବାଟୀ ଆସନ ପାଇଁ ବିଜେଡି ପ୍ରାର୍ଥୀ କରିବା ପରଠାରୁ ଏପରି ଢଙ୍ଗରେ ବିଜେଡ଼ିକୁ କାଉଣ୍ଟର କରିଛନ୍ତି କଟକ ବାରବାଟୀ ବିଧାୟକ ତଥା ବରିଷ୍ଠ କଂଗ୍ରେସ ନେତା ମହମ୍ମଦ ମୋକିମ । ଦୀର୍ଘ ୨୫ ବର୍ଷ ଧରି କଟକ ମାଟିରୁ ଜଣେ ଯୋଗ୍ୟ ନେତାଙ୍କୁ ବିଜେଡି ତିଆରି କରିପାରିଲା ନାହିଁ ବୋଲି କଟାକ୍ଷ କରିଛନ୍ତି ମୋକିମ । ଯାହାର ଉଚିତ୍ ଜବାବ କଟକ ସହରବାସୀ ଦେବେ ବୋଲି କହି ବିଜେଡିକୁ ଆଟାକ କରିଛନ୍ତି ମୋକିମ । କଟକ ମାଟିର ସ୍ୱାଭିମାନ, ସହରର ଉନ୍ନତି, ବିକାଶ ପାଇଁ ଏହି ଲଢେଇ ହେବ ବୋଲି ମୋକିମ କହିଛନ୍ତି । ଯାହାକୁ ନେଇ ଏବେ କଟକରେ ବିଜେଡି କଂଗ୍ରେସ ମଧ୍ୟରେ ଜୋର୍ ଧରିଛି ରାଜନୀତି ।
ଅନ୍ୟପଟେ ମୋକିମଙ୍କ ମନ୍ତବ୍ୟ ନେଇ ତାଙ୍କୁ କାଉଣ୍ଟର କରିଛନ୍ତି କଟକ ଜିଲ୍ଲା ବିଜେଡି ସଭାପତି ତଥା ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ । ମୋକିମ ନିଜେ କେନ୍ଦ୍ରାପଡାରୁ ଆସି କଟକ ସହରରେ ରାଜନୀତି କରି ଏଠୁ ବିଧାୟକ ହୋଇଛନ୍ତି । ଦେବାଶିଷ ନିଜେ କଟକ ମାଟିରେ ଜନ୍ମ ହୋଇ ତିର୍ତ୍ତୋଲରୁ ଲଢି ବିଧାୟକ ହୋଇଥିଲେ । ପ୍ରକାଶ ବେହେରାଙ୍କ ଘର କଟକ ସହରରରେ ଥିବା ବେଳେ ସେ ଷ୍ଟୁଆର୍ଟ କଲେଜ୍ ଛାତ୍ର ବୋଲି ଦେବାଶିଷ କହିଛନ୍ତି । ଦୀର୍ଘ ୫ ବର୍ଷ ଧରି ମୋକିମ କଟକ ପାଇଁ କଣ କରିଛନ୍ତି ବୋଲି ଦେବାଶିଷ ପ୍ରଶ୍ନ କରିଥିବା ବେଳେ ପେଟାନାଳର ପୁନରୁଦ୍ଧାର ଓ ସୌନ୍ଦର୍ଯ୍ୟକରଣ, ବକ୍ସ ଡ୍ରେନ କାର୍ଯ୍ୟ, ଜାଇକା ପ୍ରକଳ୍ପ, ନେତାଜୀ ବସ ଟର୍ମିନାଲ, ଶିଶୁ ଭବନର ନୂତନ ବିଲ୍ଡିଂ ନିର୍ମାଣ ଏହି ୫ ବର୍ଷ ମଧ୍ୟରେ ହୋଇଛି ବୋଲି କହିଛନ୍ତି ମହମ୍ମଦ ମୋକିମ ।
ଅଧିକ ପଢନ୍ତୁ ଓଡ଼ିଶା ଖବର
ପୂର୍ବରୁ କଟକ ବାରବାଟୀ ଆସନରେ ବିଧାୟକ ହୋଇଥିବା ନେତାଙ୍କ ରାଜନୈତିକ କ୍ୟାରିଅର କଟକ ସହରରୁ ହିଁ ଆରମ୍ଭ ହୋଇଥିଲା । ୧୯୫୧ ମସିହାରେ ଗଠନ ହୋଇଥିଲା କଟକ ସହର ବିଧାନସଭା ନିର୍ବାଚନ ମଣ୍ଡଳୀ । ପରେ ୨୦୦୯ ରେ ଏହା କଟକ ବାରବାଟୀ ଆସନ ହୋଇଥିଲା । ବୀରେନ ମିତ୍ର, ଭୈରବ ଚନ୍ଦ୍ର ମହାନ୍ତି, ଶ୍ରୀକାନ୍ତ ପଣ୍ଡା, ବିଶ୍ଵନାଥ ପଣ୍ଡିତ, ସୟଦ ମୁସ୍ତାଫିଜ ଅହମଦ, ସମୀର ଦେ, ଦେବାଶିଷ ସାମନ୍ତରାୟ ଓ ମହମ୍ମଦ ମୋକିମ ଏମାନେ ସମସ୍ତଙ୍କ ରାଜନୈତିକ କ୍ୟାରିଅର କଟକ ସହର ମାଟିରୁ ହିଁ ଆରମ୍ଭ ହୋଇଥିଲା । ବର୍ତ୍ତମାନ ବିଜେଡି ଏହି ଆସନ ପାଇଁ ସାଲେପୁର ନିର୍ବାଚନ ମଣ୍ଡଳୀ ନେତା ପ୍ରକାଶ ଚନ୍ଦ୍ର ବେହେରାଙ୍କୁ ପ୍ରାର୍ଥୀ କରିଥିବା ବେଳେ ଏହାକୁ ସହରବାସୀ କେତେଦୂର ପର୍ଯ୍ୟନ୍ତ ଗ୍ରହଣ କରୁଛନ୍ତି ତାହା ଦେଖିବାକୁ ବାକି ରହିଲା ।
