Upgradation of the school was not done in the previous BJD Govt

ପୂର୍ବ ବିଜେଡି ସରକାରରେ ହୋଇ ପାରିଲାନି ସ୍କୁଲର ଉନ୍ନତିକରଣ

by Manini Pattanayak

Upgradation of the school was not done in the previous BJD Govt

କଳାହାଣ୍ଡି: ଅବ୍ୟବସ୍ଥାରେ ମାଣ୍ଡେଲ ପ୍ରାଥମିକ ବିଦ୍ୟାଳୟ । ବିଗତ 25ବର୍ଷର ସ୍ଥିର ସରକାର ସ୍କୁଲମାନଙ୍କର ଉନ୍ନତି ପାଇଁ କୋଟି କୋଟି ଟଙ୍କା ଖର୍ଚ କରିଥିବା ବେଳେ କଳାହାଣ୍ଡି ଜିଲ୍ଲା ନର୍ଲା ବ୍ଲକ ମାଣ୍ଡେଲ ଗ୍ରାମ ରେ ରହିଥିବା ପ୍ରାଥମିକ ବିଦ୍ୟାଳୟ ରେ ବ୍ୟତିକ୍ରମ ଦେଖିବାକୁ ମିଳିଛି l ଏ ଦୃଶ୍ୟ ହେଉଛି କଳାହାଣ୍ଡି ଜିଲ୍ଲା ନର୍ଲା ବ୍ଲକ ମାଣ୍ଡେଲ ଉଚ୍ଚ ପ୍ରାଥମିକ ବିଦ୍ୟାଳୟ । ସ୍କୁଲରେ 150ରୁ ଅଧିକ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ହେଲେ ନା ରହିଛି ଛାତ୍ରଛାତ୍ରୀଙ୍କ ପାଇଁ ପିଇବା ପାଣିର ବ୍ୟବସ୍ଥା ନା ରହିଛି ଶୌଚାଳୟ ବ୍ୟବସ୍ଥା । ରୋଷେଇ ଘରର କଥା ନ କହିବା ଭଲ । ଏମିତିକି ବିଦ୍ୟାଳୟ ପରିସର ଆର୍ବଜନା ଅଳିଆରେ ଭର୍ତ୍ତି । ତେଣୁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଛାତ୍ରଛାତ୍ରୀ ।

ବିଦ୍ୟାଳୟର ନଳକୂଅ ଦୀର୍ଘ ଏକ ବର୍ଷରୁ ଉର୍ଦ୍ଧ ସମୟ ହେବ ଅଚଳ ଅବସ୍ଥାରେ ପଡ଼ିରହିଛି । ଛାତ୍ରଛାତ୍ରୀଙ୍କ ମଧ୍ୟାହ୍ନ ଭୋଜନ ପାଇଁ ରୋଷେୟା ବାହାରୁ ପାଣି ଆଣି ରୋଷେଇ କରୁଥିବା ବେଳେ ଛାତ୍ରଛାତ୍ରୀମାନେ ପିଇବା ପାଣି ପାଇଁ ବାହାର ନଳକୂପ ଉପରେ ନିର୍ଭର କରୁଛନ୍ତି । ଯେଉଁ ଶୌଚାଳୟ ଅଛି ତାହା ସମ୍ପୂର୍ଣ ଭାବେ ଭାଙ୍ଗିଯାଇଛି । ସ୍କୁଲରେ ଥିବା ସମସ୍ୟାର ସମାଧାନ କରିବାକୁ ଦାବି ହୋଇଛି । ତେବେ ଏନେଇ ନର୍ଲା ଗୋଷ୍ଠି ଶିକ୍ଷା ଅଧିକାରୀଙ୍କୁ ପଚାରିବାରୁ ସେ କହିଛନ୍ତି, ଶୌଚାଳୟ, ପିଇବା ପାଣି ଓ ରୋଷେଇ ଘର ନିର୍ମାଣ ଓ ମରାମତି କାମ ଆମ ଅଧୀନରେ ଆସୁନାହିଁ । ପୂର୍ବ ବିଜେଡି ସରକାରରେ ହୋଇ ପାରିଲା ନାହିଁ ବିଦ୍ୟାଳୟର ଉନ୍ନତି । ନୂଆ ସରକାରଙ୍କ ପାଖରେ ସମସ୍ୟା ସମାଧାନ ହେବ ବୋଲି ଆଶା ରଖିଛନ୍ତି ଅଭିଭାବକ ।
ଅଧିକ ପଢନ୍ତୁ ଓଡ଼ିଶା ଖବର

Download Argus News App

Upgradation of the school was not done in the previous BJD Govt

Download Mobile App