ଆଜି ପୀଠରେ ବ୍ରହ୍ମଚାରିଣୀ ବେଶରେ ପୂଜା ପାଉଛନ୍ତି ଜଗତଜନନୀ ମା' ଦୁର୍ଗା 

ଅର୍ଗସ ବ୍ୟୁରୋ : ସାରା ଦେଶରେ ଶାରଦିୟ ନବରାତ୍ରୀ ଆରମ୍ଭ ହୋଇଯାଇଛି। 17 ଅକ୍ଟୋବରରୁ 24 ଅକ୍ଟୋବର ପର୍ଯ୍ୟନ୍ତ ପାଳନ କରାଯିବ । ହିନ୍ଦୁ ଧର୍ମରେ ନବରାତ୍ରୀର ବିଶେଷ ମହତ୍ତ୍ଵ ରହିଛି। ତେବେ ବର୍ଷରେ ଦୁଇଥର ନବରାତ୍ରୀ ପାଳନ କରାଯାଏ। ଗୋଟିଏ ଚୈତ୍ର ନବରାତ୍ରୀ ଓ ଅନ୍ୟଟି ଶାରଦୀୟ ନବରାତ୍ରୀ। ଚୈତ୍ର ନବରାତ୍ରୀ ହିନ୍ଦୁ ବର୍ଷର ଆରମ୍ଭରେ ପାଳନ କରାଯାଏ। ସେହିପରି ଶାରଦୀୟ ନବରାତ୍ରୀ ଅଧର୍ମ ଉପରେ ଧର୍ମ ଏବଂ ଅସତ୍ୟ ଉପରେ ସତ୍ୟର ବିଜୟର ପ୍ରତୀକ ହୋଇଥାଏ। ଏହାର ଅର୍ଥ ମା' ଦୁର୍ଗା ଯଦି ମମତାର ସୃଜନ ହୋଇଥାନ୍ତି ସେ ବିକଟାଳ ରୂପ ଧରି ଦୁଷ୍ଟଙ୍କର ସଂହାର ମଧ୍ୟ କରିପାରନ୍ତି। 
ନବରାତ୍ରରେ ଶକ୍ତି ପୀଠ ଗୁଡ଼ିକରେ ସ୍ୱତନ୍ତ୍ର ପୂଜାର ଆୟୋଜନ କରାଯାଇଥାଏ । ଅବକାଶ, ଅଭିଶେକ, ମାଜଣା, ଖେଚଡ଼ି, ରାଜଭୋଗ ଓ ପହୁଡ଼ ଆଦି ବିଭିନ୍ନ ରୀତିନୀତି ଅନୁଯାୟୀ ପୂଜାର୍ଚ୍ଚନା ହୋଇଥାଏ । ମଙ୍ଗଳଆଳତୀ, ମଇଲମ, ତଡ଼ପଲାଗି, ଶୋଢଶଉପଚାର, ମହାସ୍ନାନ, ଚଣ୍ଡିପାଠ, ହୋମଯଜ୍ଞ ଭଳି ନୀତିକାନ୍ତି କରାଯାଏ । ଏହା ଛଡ଼ା ନବରାତ୍ରୀରେ ମା' ବିଭିନ୍ନ ବେଶରେ ମଧ୍ୟ ଦର୍ଶନ ଦେଇଥାଆନ୍ତି । କୋଭିଡ଼ କଟକଣା ଯୋଗୁଁ ଭକ୍ତଙ୍କୁ ମନ୍ଦିର ଭିତରେ ପ୍ରବେଶ କରିବାକୁ ବାରଣ କରାଯାଇଛି ।