ନୂଆଦିଲ୍ଲୀ : ଜଣାଶୁଣା କମେଡିଆନ୍ କପିଲ ଶର୍ମା ସବୁବେଳେ କିଛି ନାଁ କିଛି କାରଣକୁ ନେଇ ଚର୍ଚ୍ଚାରେ ଥାଆନ୍ତି । ଠିକ୍ ସେମିତି ନିକଟରେ ମଧ୍ୟ ସେ ତାଙ୍କର ଏକ ଫଟୋକୁ ନେଇ ବେଶ ଚର୍ଚ୍ଚାରେ ଅଛନ୍ତି । ଲୋକପ୍ରିୟ ଟିଭି ଶୋ’ ‘ଦ କପିଲ ଶର୍ମା ଶୋ’ ବନ୍ଦ ହେବା ପରେ ହାସ୍ୟ କଳାକାର କପିଲ ଶର୍ମା ପ୍ରଥମ ଥର ପାଇଁ ଏୟାରପୋର୍ଟରେ ନଜର ଆସିଛନ୍ତି । ହେଲେ ଆଶ୍ଚର୍ଯ୍ୟର କଥା ହେଉଛି , ସେଠାରେ ସେ ଏକ ହ୍ୱିଲ ଚେୟାର ବସିଥିବାର ଦେଖିବାକୁ ମିଳିଛି । ସେ ଜଣେ ଷ୍ଟାଫଙ୍କ ସହାୟତାରେ ବାହାରକୁ ଆସୁଥିବା ନଜର ଆସୁଛନ୍ତି । ତାଙ୍କର ଏହି ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ଫ୍ୟାନ୍ସମାନଙ୍କ ମନରେ ଏବେ କପିଲଙ୍କୁ ନେଇ ଅନେକ୍ ପ୍ରଶ୍ନ ଉଙ୍କି ମାରୁଛି ।
ଭାଇରାଲ ହେଉଥିବା ଏହି ଫଟୋରେ , କପିଲ ଏକ ବ୍ଲାକ୍ ଟ୍ରାକ୍ ସୁଟ୍ ପିନ୍ଧିଥିବା ସହିତ , ଜଣେ ଷ୍ଟାଫଙ୍କ ସହାୟତାରେ ସେ ହ୍ୱିଲ ଚେୟାରରେ ଯାଉଥିବା ଦେଖିବାକୁ ମିଳୁଛି । ହେଲେ କପିଲ କାହିଁକି ହ୍ୱିଲ ଚେୟାରରେ ବସି ଯାଉଛନ୍ତି, ଏ ପର୍ଯ୍ୟନ୍ତ ଏହାର କାରଣ ସ୍ପଷ୍ଟ ହୋଇନାହିଁ । ଏହା ଦେଖିବା ପରେ ତାଙ୍କ ଫ୍ୟାନ୍ସମାନେ ବାରମ୍ବାର ସୋସିଆଲ ମିଡିଆ ମାଧ୍ୟମରେ କପିଲଙ୍କ ହାଲ୍ଚାଲ୍ ବିଷୟରେ ପଚାରୁଛନ୍ତି ।
