ଅର୍ଗସ ବ୍ୟୁରୋ: ବଲିଉଡର ‘ବେବି ଡଲ’ ସନ୍ନି ଲିଓନି ତାଙ୍କ ବୋଲ୍ଡ ଲୁକ ପାଇଁ ଅନେକ ସମୟରେ ଚର୍ଚ୍ଚାରେ ରହିଥାନ୍ତି। ଏବେ ସେ ଦ୍ୱିତୀୟ ବିବାହ କରି ଆଲୋଚନାର କେନ୍ଦ୍ରବିନ୍ଦୁ ସାଜିଛନ୍ତି। ଡାନିଏଲ ୱେବରଙ୍କ ସହିତ ୧୩ ବର୍ଷ ବିବାହ ପରେ ପ୍ରଶଂସକମାନେ ଉତ୍ସାହିତ ଅଛନ୍ତି ଯେ ସନ୍ନି ଦ୍ୱିତୀୟ ଥର କାହାକୁ ବିବାହ କରିଛନ୍ତି।
ସନ୍ନି ଲିଓନ ଦ୍ୱିତୀୟ ଥର ବିବାହ କରିଥିବା ବ୍ୟକ୍ତି ତାଙ୍କ ସ୍ବାମୀ ଡାନିଏଲ ୱେବରଙ୍କ ବ୍ୟତୀତ ଅନ୍ୟ କେହି ନୁହଁନ୍ତି। ୨୦୧୧ ମସିହାରେ ସନ୍ନି ଏବଂ ଡାନିଏଲ ବିବାହ କରିଥିଲେ। ବିବାହର ୧୩ ବର୍ଷ ପରେ, ଏହି ଦମ୍ପତି ପୁନର୍ବାର ମାଲଦ୍ୱୀପରେ ବିବାହ କରିଛନ୍ତି ଏବଂ ସେମାନଙ୍କର ତିନି ସନ୍ତାନଙ୍କ ସାମ୍ନାରେ ସମସ୍ତ ଶପଥ ପୁନରାବୃତ୍ତି କଲେ।
ସୋସିଆଲ ମିଡିଆରେ ଡାନିଏଲ ଏବଂ ସନ୍ନିଙ୍କ ଦ୍ୱିତୀୟ ବିବାହର ଫଟୋ ଭାଇରାଲ ହେଉଛି। ଫଟୋରେ ସନ୍ନି ଏକ ଧଳା ପୋଷାକରେ ‘ବେବି ଡଲ’ଙ୍କ ପରି ଦେଖାଯାଉଛି। ଡାନିଏଲ ମଧ୍ୟ ଏକ ଧଳା ସୁଟରେ ବହୁତ ଚମତ୍କାର ଦେଖାଯାଉଛନ୍ତି।
ଅଧିକ ପଢ଼ନ୍ତୁ ମନୋରଞ୍ଜନ ଖବର
ଅର୍ଗସ ବ୍ୟୁରୋ: କଟକ ବାଲିଯାତ୍ରାକୁ ନେଇ ବଡ଼ ଖବର। ଉପର ପଡ଼ିଆରେ ବି ହୋଇପାରେ ବାଲିଯାତ୍ରା। ଉପର ପଡ଼ିଆରେ ବାଲିଯାତ୍ରା ନକରିବା ନେଇ ପ୍ରଶାସନକୁ ହାଇକୋର୍ଟ ପରାମର୍ଶ ଦେଇଥିଲେ। ଏ ପ୍ରସଙ୍ଗରେ ଆଜି କଟକ ଜିଲ୍ଲାପାଳଙ୍କ ଅଧ୍ୟକ୍ଷତାରେ ବିଭାଗୀୟ ଅଧିକାରୀଙ୍କ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ବୈଠକ ପରେ କଟକ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଦେ କହିଛନ୍ତି। ଉପରେ ପଡ଼ିଆରେ ହେବ ବାଲିଯାତ୍ରା।
ଆଜି କୋର୍ଟରେ ସତ୍ୟପାଠ ଦାଖଲ ହେବ। ବ୍ୟବସାୟୀଙ୍କ ହିତ, କଟକବାସୀଙ୍କ ଭାବାବେଗକୁ ବାଧା ନଦେବା ଭଳି ନିଷ୍ପତ୍ତି ନିଆଯାଇଛି। ଯାହା ସତ୍ୟପାଠ ଜରିଆରେ କୋର୍ଟରେ ଦାଖଲ କରାଯିବ। କୌଣସି ବ୍ୟବସାୟୀ କିମ୍ବା ଷ୍ଟେକ୍ ହୋଲଡରଙ୍କୁ ଭୟଭୀତ ହେବାର ଆବଶ୍ୟକତା ନାହିଁ। ଯାହା କୋର୍ଟ ନିର୍ଦ୍ଦେଶ ଦେବେ ସେହି ଅନୁଯାୟୀ ପଦକ୍ଷେପ ନିଆଯିବ ବୋଲି କହିଛନ୍ତି ଜିଲ୍ଲାପାଳ।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ଭୁବନେଶ୍ବର ବିମାନବନ୍ଦରରେ ଜରୁରୀ ଅବତରଣ । ବିଜୁ ପଟ୍ଟନାୟକ ବିମାନବନ୍ଦରରେ ପୁଣି ବୋମା ଧମକ । ବିସ୍ଫୋରଣ କରି ବିମାନବନ୍ଦର ଉଡ଼ାଇବେବାକୁ ଧମକ । ସୋମବାର ରାତିରେ ଭୁବନେଶ୍ବରରୁ ଦିଲ୍ଲୀ ଆଭିମୁଖେ ଯାତ୍ରା କରୁଥିବା ଇଣ୍ଡିଗୋ ବିମାନରେ ବୋମା ଥିବା ନେଇ ଧମକ ଆସିଥିଲା ।
ଇଣ୍ଡିଗୋ ବିମାନ 179 ଯାତ୍ରୀଙ୍କୁ ନେଇ ରନ୍ୱେରେ ଇଡ଼ାଣ ଭରିବକୁ ଯାଉଥିବା ବେଳେ ବିମାନବନ୍ଦର କର୍ତ୍ତୃପକ୍ଷଙ୍କ ନିର୍ଦ୍ଦେଶ ପରେ ବିମାନ ସିଆଇଏସ୍ଏଫ କର୍ମଚାରୀ, ବୋନା ନିଷ୍କ୍ରିୟକାରୀ ଦଳ ଓ ପୋଲିସ ଟିମ୍ ପହଞ୍ଚି ଯାତ୍ରୀଙ୍କୁ ସୁରକ୍ଷିତ ଭାବେ ବିମାନରୁ ଓହ୍ନାଇ ତନତନ କରି ଯାଞ୍ଚ କରିଥିଲେ । ହେଲେ ବିମାନ କି ଯାତ୍ରୀ କାହାରିଠାରୁ ସେଭଳି କୌଣସି ଆପତ୍ତିଜନକ ବିସ୍ଫୋରକ ସାମଗ୍ରୀ ମିଳିନଥିଲା।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: କାନାଡ଼ାରେ ପୁଣି ହିନ୍ଦୁ ମନ୍ଦିର ଉପରେ ଆକ୍ରମଣ ଘଟଣାକୁ ପ୍ରଧାନମନ୍ତ୍ରୀ ମୋଦିଙ୍କ ଦୃଢ ନିନ୍ଦା। ଏଭଳି ହିଂସାକାଣ୍ଡ ଭାରତର ସଂକଳ୍ପକୁ କେବେ ବି ଦୁର୍ବଳ କରିବ ନାହିଁ। କାନାଡା ସରକାର ନ୍ୟାୟ ସୁନିଶ୍ଚିତ କରିବା ସହ ଆଇନର ଶାସନ ବଜାୟ ରଖିବେ ବୋଲି ଆମେ ଆଶା କରୁଛୁ ବୋଲି ଏକ୍ସ ପୋଷ୍ଟରେ ଲେଖିଛନ୍ତି ପ୍ରଧାନମନ୍ତ୍ରୀ । ଆଜି କାନାଡ଼ାର ବ୍ରାମ୍ପଟନରେ ଥିବା ହିନ୍ଦୁ ମହାସଭା ମନ୍ଦିର ଉପରେ ଖଲିସ୍ତାନୀ ଆତଙ୍କବାଦୀ ଏବଂ ବିଚ୍ଛିନ୍ନତାବାଦୀ ଆକ୍ରମଣ କରିଥିବା ଭିଡିଓ ଭାଇରାଲ ହୋଇଥିଲା । ମନ୍ଦିରକୁ ଆସିଥିବା ଶ୍ରଦ୍ଧାଳୁଙ୍କ ଉପରେ ଆକ୍ରମଣ ମନ୍ଦିରରେ ଭଙ୍ଗାରୁଜା ହୋଇଥିବା ଅଭିଯୋଗ ହୋଇଛି।
ହିନ୍ଦୁ ସଂଗଠନ ପକ୍ଷରୁ ମାମଲା ରୁଜୁ ହେବାପରେ ପୋଲିସ ଘଟଣାରେ ୩ ଜଣଙ୍କୁ ଗିରଫ କରିଛି । ବେଦେଶିକ ମନ୍ତ୍ରଣାଳୟ ଘଟଣାର ଦୃଢ଼ ନିନ୍ଦା କରିଛି। କାନାଡ଼ା ସରକାର ଘଟଣାକୁ ଗୁରୁତର ସହ ନେଇ ଅଭିଯୁକ୍ତମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ପୂଜାସ୍ଥଳଗୁଡ଼ିକର ନିରାପତ୍ତା ନିଶ୍ଚିତ କରିବାକୁ ଭାରତ ବୈଦେଶିକ ମନ୍ତ୍ରଣାଳୟ ମୁଖପାତ୍ର ରଣଧୀର ଜୟସ୍ବାଲ ଦାବି କରିଛନ୍ତି। ଖଲିସ୍ତାନୀ ଆତଙ୍କବାଦୀ ନିଜାର ମୃତ୍ୟୁ ପ୍ରସଙ୍ଗକୁ ନେଇ ଭାରତ ଏବଂ କାନାଡ଼ା ସମ୍ପର୍କରେ ତିକ୍ତତା ବୃଦ୍ଧି ପାଇବାରେ ଲାଗିଛି। ଖଲିସ୍ତାନୀ ବିଚ୍ଛିନ୍ନତାବାଦୀଙ୍କୁ କାନାଡ଼ା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ସୁରକ୍ଷା ଦେଉଥିବାରୁ ଭାରତ ଏହାର ତୀବ୍ର ବିରୋଧ କରିଛି।
ଅଧିକ ପଢ଼ନ୍ତୁ ବିଦେଶ ଖବର
