ଅର୍ଗସ ବ୍ୟୁରୋ : ପୁଣି କୋଲକାତାରେ ଘଟିଲା ବଡ଼ ଧରଣର ଅଘଟଣ । ଏହି ଦୁର୍ଘଟଣାରେ ୧୦ଜଣଙ୍କ ମୃତ୍ୟୁ ହୋଇଥିବା ଜଣା ପଡ଼ିଛି । ସୂଚନା ଅନୁସାରେ, କୋଲକାତା ଗାର୍ଡେନ ରିଚ ଅଞ୍ଚଳରେ ରବିବାର ବିଳମ୍ବିତ ରାତିରେ ୫ମହଲା କୋଠା ଭୁଶୁଡି ଏହି ଦୁର୍ଘଟଣା ଘଟିଥିବା ଜଣାପଡିଛି । ଏହି ଅଘଟଣରେ ୧୦ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଅନେକ ଭଗ୍ନାବଶେଷ ତଳେ ଚାପି ହୋଇ ରହିଥିଲେ ।
ଅନେକଙ୍କୁ ଉଦ୍ଧାର କରି ମେଡିକାଲରେ ଭର୍ତି କରାଯାଇଛି । କୋଲକାତା ମୁନିସପାଲିଟି ଅଂଚଳରେ ଏହି ନିର୍ମାଣଧୀନ କୋଠାଟି ରହିଥିଲା । ଅଘଟଣରେ କୋଠା ତଳେ ରହିଥିବା ଅନେକ ଛୋଟ ଛୋଟ ଘର ଗୁଡିକ ମଧ୍ୟ କ୍ଷତିଗ୍ରସ୍ତ ହୋଇଛି । ବେଆଇନ ଭାବେ କୋଠା ନିର୍ମାଣ କରାଯାଇଥିବା ସ୍ଥାନୀୟ ଅଂଚଳବାସୀ ଅଭିଯୋଗ କରିଛନ୍ତି ।
ଅଧିକ ପଢନ୍ତୁ ଭାରତ ଖବର
ସେପଟେ ବିଲ୍ଡିଂ ଭୁଶୁଡ଼ିବା ଘଟଣାରେ ଘଟଣାସ୍ଥଳକୁ ଯାଇ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ଗତ ସପ୍ତାହରେ ତାଙ୍କ ମୁଣ୍ଡରେ ଆଘାତ ଲାଗିଥିଲା । ମୁଣ୍ଡରେ ପଟି ବାନ୍ଧି ମମତା ବାନାର୍ଜୀ ଘଟଣାସ୍ଥଳ ପରିଦର୍ଶନ କରିଥିବା ଦେଖିବାକୁ ମିଳିଛି ।
ଭୁବନେଶ୍ୱର: ଘଷିପୁରା ବିଧାନସଭା ଆସନରୁ ଲଢିପାରନ୍ତି ସୌମ୍ୟ ରଞ୍ଜନ ପଟ୍ଟନାୟକ ? ଚୂଡାନ୍ତ ହୋଇନଥିଲେ ମଧ୍ୟ ଚର୍ଚ୍ଚା ଜୋର ଧରିଛି। ତେବେ ଆଜି ଏନେଇ ଇଙ୍ଗିତ କରିଛନ୍ତି ଖଣ୍ଡପଡା ବିଧାୟକ ସୌମ୍ୟରଞ୍ଜନ। ଘଟଗାଁ ମା ତାରିଣୀଙ୍କ ଦର୍ଶନ ଅବସରରେ ଗଣମାଧ୍ୟମକୁ ସୂଚନା ଦେଇଛନ୍ତି। ଏଠାରୁ ଲଢିବା ପାଇଁ ଏ ନିର୍ଦ୍ଧିଷ୍ଟ ଦଳ ପକ୍ଷରୁ ପ୍ରସ୍ତାବ ଆସିଛି ବୋଲି କହିଛନ୍ତି ସୌମ୍ୟରଞ୍ଜନ ପଟ୍ଟନାୟକ। ଏଠାକାର ସ୍ଥାନୀୟ ଲୋକ ମଧ୍ୟ ମୋ ଉପରେ ଚାପ ପକାଉଛନ୍ତି ବୋଲି କହିଛନ୍ତି ସୌମ୍ୟ। ଏନେଇ ମୋତେ ସଦ୍ବୁଦ୍ଧି ଦେବାକୁ ମା'ଙ୍କ ଦର୍ଶନ କରିବାକୁ ଆସିଛି ବୋଲି କହିଛନ୍ତି ସୌମ୍ୟ। ତେବେ ଖଣ୍ଡପଡା ସମ୍ପର୍କରେ ମଧ୍ୟ ରୋଚକ ମନ୍ତବ୍ୟ ଦେଇଛନ୍ତି ସୌମ୍ୟ। କହିଛନ୍ତି ବିଜେଡି ଏଯାଏଁ ଖଣ୍ଡପଡା ପାଇଁ ପ୍ରାର୍ଥୀ ଘୋଷଣା କରିନାହିଁ। କାହିଁକି ପ୍ରାର୍ଥୀ ଘୋଷଣା କରିନି ? କଣ ରହସ୍ୟ ରହିଛି ବୋଲି କହିଛନ୍ତି ସୌମ୍ୟ ରଞ୍ଜନ ପଟ୍ଟନାୟକ।
ସୂଚନାମୁତାବ, ଆଜି ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଘଟଗାଁ କୁ ଦର୍ଶନ କରିବା ପାଇଁ ଆସିଥିବାବେଳେ ଘସିପୁରା ନିର୍ବାଚନ ମଣ୍ଡଳୀ ର ରାମଚନ୍ଦ୍ରପୁର, ଖଲଣା, ବରପଦା, ସୁଆଁପଦା, ହସନପୁର ଠାରେ ଶହଶହ ସମର୍ଥକ ତାଙ୍କୁ ସ୍ୱାଗତ ଜଣାଇଥିଲେ। ଗତ କିଛିଦିନ ଧରି ଘସିପୁରା ଏବଂ ଘଟଗାଁ ବ୍ଲକ ର ଅନେକ ଲୋକ ଭୁବନେଶ୍ବର ଯାଇ ସୌମ୍ୟରଞ୍ଜନ ପଟ୍ଟନାୟକ ଙ୍କୁ ଭେଟିବା ସହ ଘସିପୁରା ନିର୍ବାଚନ ମଣ୍ଡଳୀ ର ଦାୟିତ୍ୱ ନେଇ ନିର୍ବାଚନ ଲଢ଼ିବା ପାଇଁ ଅନୁରୋଧ କରୁଥିଲେ । ନିର୍ବାଚନ ଲଢ଼ିବା ନେଇ ଦିନେ ଦୁଇଦିନରେ ସବୁ ସ୍ପଷ୍ଟ ହେବ ବୋଲି କହିଛନ୍ତି । ଦଳ ଗୁରୁତ୍ୱପୂର୍ଣ୍ଣ ନୁହେଁ ଓଡ଼ିଆ ଅସ୍ମିତା ସହ ସାଧାରଣ ଲୋକଙ୍କର ସ୍ନେହ ଶ୍ରଦ୍ଧା ଓ ଭଲପାଇବା ମୋତେ ଏଠାକୁ ଟାଣି ଆଣିଛି ଆଗାମୀ ଦିନରେ ଯାହା ହେବ ଭଲ ହେବ ଆପଣ ମାନେ ଜାଣି ପାରିବେ ବୋଲି ଶ୍ରୀଯୁକ୍ତ ପଟ୍ଟନାୟକ କହିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ : ବିଜେଡି ଉପରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବିଜୁ ଜନତା ଦଳର ଲୋକସଭା ପ୍ରାର୍ଥୀ ପ୍ରଦୀପ ମାଝି କେନ୍ଦ୍ର ଗୃହମନ୍ତ୍ରୀଙ୍କ ବିରୋଧରେ ଫେକ ଭିଡିଓ ଦେଖାଇ ମନ୍ତବ୍ୟ ଦେଇଥିଲେ । ବାହାରିଆ ନେତା ଗୁମାସ୍ତା ନେତାଙ୍କ କଥାରେ ପଡି ଏଭଳି ବୟାନ ଦେଉଛନ୍ତି । ପ୍ରଦୀପ ମାଝୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ଧର୍ମେନ୍ଦ୍ର ପ୍ରଧାନ । ଏନେଇ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ କରାଯିବ ବୋଲି କହିଛନ୍ତି ଧର୍ମେନ୍ଦ୍ର ।
ଅଧିକ ପଢନ୍ତୁ ଓଡ଼ିଶା ଖବର
ନିର୍ବାଚନ ପ୍ରଚାର ଆଭିଯାନ ବେଳେ ଗତକାଲି ପ୍ରଚାର କରିଲା ବେଳେ ବିଜୁ ଜନତା ଦଳର ଲୋକସଭା ପାର୍ଥି ମାନନୀୟ ଗୃହମନ୍ତ୍ରୀ ଙ୍କ ବିରୋଧରେ ଫେକ ଭିଡିଓ ଦେଖାଇ ମନ୍ତବ୍ୟ ଦେଇଥିଥିଲେ । ବାହାରିଆ ନେତା ଗୁମାସ୍ତା ନେତାଙ୍କ କଥାରେ ପଡି ଏଭଳି ଶ୍ରୀ ମାଝୀ ଏଭଳି ବୟାନ ଦେଉଛନ୍ତି । ପ୍ରଦୀପ ମାଝୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରୁଚି କହିଲେ ଧର୍ମେନ୍ଦ୍ର ପ୍ରଧାନ । ମୁଖ୍ୟ ନିର୍ବାଚନ ଅଧିକାରିଙ୍କ ନିକଟରେ ଫେରାଦ ହେବୁ । ଭୁବନେଶ୍ୱର ଯାଇ ଥାନାରେ ମାମଲା ବି କରିବୁ । ଫେକ ଭିଡ଼ିଓ ଯାରି କରିଥିବା ଲୋକଙ୍କ ବିରୋଧରେ ମାମଲା ରୁଜୁ ହୋଇ ସାରିଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
