ଅର୍ଗସ ବ୍ୟୁରୋ: ଆତଙ୍କବାଦ ବିରୋଧରେ ଗୃହମନ୍ତ୍ରୀ ଅମିତ୍ ଶାହାଙ୍କ ବଡ ପଦକ୍ଷେପ। ଆତଙ୍କବାଦ ମୁକାବିଲା ଦିଗରେ ଟେକନୋଲୋଜିର ବ୍ୟବହାରକୁ ନେଇ 'Anti-Terror Conference-2024 ରେ କହିଛନ୍ତି ଶାହା। ଆତଙ୍କବାଦୀଙ୍କ ମୁକାବିଲା କରିବା ପାଇଁ ସୁରକ୍ଷାବଳକୁ ଟେକନୋଲୋଜି ବଳ ଦେବ।
ଆକ୍ରମଣ ପୂର୍ବରୁ ଏହି ଟେକନୋଲୋଜି ଦ୍ବାରା ସେମାନଙ୍କ ପ୍ଳାନକୁ ଜାଣିହେବ । ଯଦି ଆମକୁ ଆତଙ୍କବାଦର ସଠିକ୍ ମୁକାବିଲା କରିବାର ଅଛି ତେବେ ଆମର ଯୁବ ଅଧିକାରୀମାନଙ୍କୁ ସର୍ବୋଚ୍ଚ ପ୍ରଯୁକ୍ତିବିଦ୍ୟା ସହିତ ସଜାଇବାକୁ ପଡିବ ଏବଂ ତାଲିମ ଦିଆଯିବା ଦରକାର ବୋଲି କହିଛନ୍ତି ଅମିତ୍ ଶାହା। ଆତଙ୍କବାଦୀ ଏବଂ ଆତଙ୍କବାଦ ଇକୋସିଷ୍ଟମ୍ ଏଜେନ୍ସିଗୁଡ଼ିକ ସୂଚନା ପ୍ରଦାନ ଠାରୁ ଆରମ୍ଭ କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ଖୋଲିଲା କାମାକ୍ଷାନଗରର ଦେବୀଦତ୍ତ ସତ୍ୟସ୍ବରୂପ ମହାପାତ୍ରଙ୍କ ଆତ୍ମହତ୍ୟାର ରହସ୍ୟ। ଦେବୀଦତ୍ତଙ୍କ ମୋବାଇଲ ଖୋଲିଲା ତାଙ୍କର ଆତ୍ମହତ୍ୟାର କାରଣ। ତାଙ୍କ ମୋବାଇଲରୁ ମିଳିଛି ତାଙ୍କ ଉପରେ ହୋଇଥିବା ମାନସିକ ଓ ଆର୍ଥିକ ନିର୍ଯାତନାର କଥା। ଯାହାକି ସେ ନିଜେ ରେକର୍ଡିଂ କରିଥିଲେ ଆଉ ଏହାହିଁ ଥିଲା ତାଙ୍କର ଶେଷ କଥା। ତେବେ ଡାଇରୀରେ ଆହୁରି ମଧ୍ୟ ଅଧିକ ତଥ୍ୟ ଲୁଛି ରହିଛି ଯାହା ଲୋକ ଲୋଚନକୁ ଆସିବା ଦରକାର ବୋଲି ପରିବାର ଲୋକେ କହିଛନ୍ତି । କାମାକ୍ଷାନଗର ପୂର୍ବତନ ବିଡ଼ିଓ ତଥା ଅବିନାଶ ପାଣ୍ଡିଆ ବିଭିନ୍ନ ସରକାରୀ କାର୍ଯ୍ୟକ୍ରମର ଆୟୋଜନ ଦେବୀଙ୍କ ଦ୍ବାରା କରାଇଥିଲେ। ହେଲେ ବକେୟା ଟଙ୍କା ନଦେଇ ଧମକ ଦେଉଥିବା ସେ ମୋବାଇଲରେ ପ୍ରକାଶ କରିଛନ୍ତି।
କେବଳ ୫ ଲକ୍ଷ ଟଙ୍କା ପାଇଁ କି ତାଙ୍କର ଜୀବନ ଗଲା ତାହା ତଦନ୍ତ କରିବା ସହିତ ବିଡ଼ିଓ ଅବିନାଶ ପାଣ୍ଡିଆଙ୍କୁ ଗିରଫ କରିବା ପାଇଁ ତାଙ୍କର ବାପା ଓ ଭାଇ ଭୁବନରେ ବିଧାୟକଙ୍କୁ ଭେଟିବାକୁ ଆସିଥିବା ବେଳେ ଦାବି ଜଣାଇଛନ୍ତି। ତେବେ ଭୁବନେଶ୍ବର କଳିଙ୍ଗନଗର ସ୍ଥିତ ଏକ ହୋଟେଲରେ ଗତ ଅକ୍ଟୋବର ୧୯ ତାରିଖରେ ଦେବୀଦତ୍ତ ସତ୍ୟସ୍ବରୁପ ଆତ୍ମହତ୍ୟା କରିଥିଲେ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ମା' ତାରାତାରିଣୀଙ୍କୁ ଦୁବୃର୍ତ୍ତମାନେ ଛୁଇଁବା ପରେ ଆଜି ହେବ ମହାସ୍ନାନ । ପ୍ରଥମେ ପୂର୍ଣ୍ଣତୟା ଋଷିକୂଲ୍ୟା ନଦୀ ନିକଟରେ ଏକତ୍ରିତ ହେବେ ସେବାୟତ ପରିବାରର ମା ଭଉଣୀ । ନଦୀରେ ବିଭିନ୍ନ ରୀତିନୀତିରେ ପୂଜାର୍ଚ୍ଚନା କରାଯିବା ପରେ ୧୦୮ ଗରାରେ ପାଣି ଧରିବେ ସେବାୟତ । ୧୦୮ ଗରାରେ ପାଣି ଧରି ୯୯୯ ପାହାଚ ଚଢ଼ି ସେବାୟତମାନେ ମା'ଙ୍କ ମନ୍ଦିର ଉପରକୁ ଯିବେ । ମନ୍ଦିର ଉପରେ ମା'ଙ୍କୁ ପ୍ରଥମେ ମହାସ୍ନାନ କରାଯିବ ।
ଏହାପରେ ଶ୍ରୀ ସୁପ୍ତ, ଦେବୀ ସୁପ୍ତ ସହ ବାତ୍ରୀ ସୁପ୍ତ ଭଳି ଏହି ତିନୋଟି ସୁପ୍ତକୁ ୧୦୮ଥର ପଠନ କରାଯିବ । ଏହାପରେ ମା'ଙ୍କ ବିଭିନ୍ନ ରୀତିନୀତିରେ ପୂଜାର୍ଚ୍ଚନା କରାଯିବା ପରେ ଭକ୍ତମାନଙ୍କୁ ଦର୍ଶନ ଦେବେ ମା ତାରାତାରିଣୀ । ଗତ ୬ ତାରିଖରେ ମା'ଙ୍କ ମନ୍ଦିରରୁ ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ସହ ରୂପା ଅଳଙ୍କାରକୁ ଚୋରମାନେ ଚୋରି କରିଥିଲେ । ମା'ଙ୍କୁ ଚୋରମାନେ ସ୍ପର୍ଶ କରିଥିବା ଯୋଗୁଁ ମା'ଙ୍କୁ ଏଭଳି ମହାସ୍ନାନ କରାଯିବ।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: କଟକ ସହରରେ ଲଜ୍ଜା। କଲେଜ ଛାତ୍ରୀଙ୍କୁ ଗଣଦୁଷ୍କର୍ମ ଅଭିଯୋଗ। ଛାତ୍ରୀଙ୍କ ବୟଫ୍ରେଣ୍ଡ୍ ଓ ତା ସାଙ୍ଗ ମାନେ ମିଶି ଦିର୍ଘିଦିନ ଧରି ଗଣଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି। ଛାତ୍ରୀଙ୍କ ଅଶ୍ଲୀଳ ଭିଡିଓ କରିବା ସହ ତାଙ୍କୁ ବ୍ଲାକମେଲ କରିବାର ଅଭିଯୋଗ ହୋଇଛି। ଦଶହରା ସମୟରେ କଟକ ପୁରୀଘାଟ ଥାନା ଅଞ୍ଚଳରେ ଏକ କାଫେ ରେ ଛାତ୍ରୀ ଜଣକ ତାଙ୍କ ବୟଫ୍ରେଣ୍ଡ୍ ଙ୍କ ସହ ଜନ୍ମଦିନ ପାଳନ କରିଥିଲେ। ଏହାପରେ ସେଠାରେ ଛାତ୍ରୀଙ୍କ ଅଜାଣତରେ ଅଶ୍ଳୀଳ ଭିଡିଓ ଉତ୍ତୋଳନ କରିଥିଲେ ବୟଫ୍ରେଣ୍ଡ୍।
ଆଉ ଏଥିରେ ସହଯୋଗ କରିଥିଲେ କାଫେ ଚଳାଉଥିବା ଭରତପୁର ଅଞ୍ଚଳର ଯୁବକ। ଏହି ଭିଡିଓ ରଖି କାଫେ ମାଲିକ ଓ ବୟଫ୍ରେଣ୍ଡ୍ ର ସାଙ୍ଗମାନେ ତାଙ୍କୁ ବାରଙ୍ଗ ଅଞ୍ଚଳର ଏକ ଘରକୁ ଡାକିଥିଲେ। ଛାତ୍ରୀ ଜଣକ ସେଠାରେ ପହଁଞ୍ଚିବା ପରେ ତାଙ୍କୁ ଗଣଦୁଷ୍କର୍ମ କରିଥିବା ନେଇ ବାଦାମବାଡ଼ି ଥାନାରେ ଅଭିଯୋଗ ହୋଇଛି। ପୋଲିସ ଘଟଣାର ତଦନ୍ତ କରି ଛାତ୍ରୀଙ୍କ ବୟଫ୍ରେଣ୍ଡଙ୍କ ସହ ୬ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଅଧିକ ପଢ଼ନ୍ତୁ ଓଡ଼ିଶା ଖବର
