ଇରାନ୍‌ ଉପରେ ଆମେରିକାର ଦ୍ୱିତୀୟ ଥର ଏୟାର ଷ୍ଟ୍ରାଇକ୍‌, ୬ ଫାଇଟର ମୃତ

ନୂଆଦିଲ୍ଲୀ: ଆମେରିକା ଲଗାତାର ଭାବେ ଦ୍ୱିତୀୟ ଥରପାଇଁ ଇରାନ୍‌ ଉପରେ ଆକ୍ରମଣ କରିଛି । ଉତ୍ତରୀ ବଗଦାଦରେ ତାଜି ରୋଡ ନିକଟରେ ଆଜି ଅର୍ଥାତ ଶନିବାର ସକାଳେ ଏହି ଏୟାର ଷ୍ଟ୍ରାଇକ୍‌ରେ 6ଜଣଙ୍କର ମୃତ୍ୟୁ ଘଟିଛି । ଏହି ଆକ୍ରମଣ ପୂର୍ବରୁ ଶୁକ୍ରବାର ଦିନ ବାଗଦାଦର ଏୟାରପୋର୍ଟରେ  ଆମେରିକା ଏୟାର ଷ୍ଟ୍ରାଇକ୍‌ କରି  ଜେନେରାଲ କାସିମ୍‌ ସୁଲେମାନିଙ୍କୁ ନିହତ କରିଥିଲା ।

ଇରାନ୍‌ର ସରକାରୀ ଅଧିକାରୀମାନଙ୍କ କହିବାନୁଯାୟୀ, ଏୟାର ପୋର୍ଟରେ ଥିବା ଦୁଇଟି କାର୍‌ ଉପରେ ଆକ୍ରମଣ କରାଯାଇଥିଲା ଯେଉଁଥିରେ  ଇରାନ୍‌ର ବାହାଦୁର ଫାଇଟର ଥିଲେ । ଅଧିକାରୀଙ୍କ କହିବା କଥା ଯେ, ଏହି ଆକ୍ରମଣରେ ହଶଦ-ଅଲ-ସାବୀ ର 6 ଫାଇଟର ମୃତ୍ୟୁବରଣ କରିଛନ୍ତି ।  ସୁଚନାନୁସାରେ ଆମେରିକା  ଏହି ଆକ୍ରମଣରେ  ଇରାନ୍‌ର ହଶଦ-ଅଲ-ସାବିର କମାଣ୍ଡରର କାଫିଲଙ୍କୁ ଟାର୍ଗେଟ କରିଥିଲା ।

ଏପଟେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶୁକ୍ରବାର ଦିନ  ବିଳମ୍ବିତ ରାତିରେ ପ୍ରତିକ୍ରିୟା ଦେଇ କହିଛନ୍ତି ଯେ, ଜେନେରାଲ କାସିମ୍‌  ସୁଲମାନିଙ୍କୁ ମାରିବାର ନିଷ୍ପତ୍ତି କେବଳ ଇରାନ୍‌ ଓ ଆମେରିକା ମଧ୍ୟରେ ଚାଲିଥିବା ସମ୍ଭାବିତ ଯୁଦ୍ଧକୁ ବନ୍ଦ କରିବାକୁ ଥିଲା । ଟ୍ରମ୍ପ ଆହୁରି ମଧ୍ୟ କହିଛନ୍ତି ଆମେରିକା ସେନାର ଆକ୍ରମଣରେ ବିଶ୍ୱର ଏକ ନମ୍ବର ଆତଙ୍କୀ ଜେନେରାଲ ସୁଲେମାନିର ମୃତ୍ୟ ହୋଇଛି । ଏହି ଆତଙ୍କୀର ମୃତ୍ୟୁ ସହିତ ଅଞ୍ଚଳରେ  ଆତଙ୍କର ରାଜ୍‌ ଶେଷ ହୋଇଛି ବୋଲି  ଟ୍ରମ୍ପ କହିଛନ୍ତି ।

ଆମେରିକାର ଏହି ଆକ୍ରମଣରେ  ଜଣେ ଇରାନି ଜେନେରାଲର ମୃତ୍ୟୁ ପରେ  ସୃଷ୍ଟି ହୋଇଥିବା ପରିସ୍ଥିତିକୁ ମଧ୍ୟନଜରରେ ରଖି ପଶ୍ଚିମ ଏସିଆରେ ଆମେରିକା  ତିନି ହଜାର  ସୈନିକ ପଠାଇଛି । ତେବେ ଏହି ସୂଚନା ପ୍ରତିରକ୍ଷା ଅଧିକାରୀ ଦେଇଛନ୍ତି ।