Nita Ambani receives ‘Humanitarian Award’ at Miss World finale

ତାଙ୍କୁ ପ୍ରଥମେ ଧର୍ମଗଡ଼ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ଗୁରୁତର ହେବାରୁ ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତରଖାନାକୁ ନେବା ସମୟରେ ବାଟରେ ପୁଣି ଗୁରୁତର ହୋଇଥିଲେ । ସଙ୍ଗେ ସଙ୍ଗେ ଜୁନାଗଡ଼ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଶିକ୍ଷକ ମକରଧ୍ଵଜ ନାଗଙ୍କ ମୃତ୍ୟୁ ହୋଇଥିଲା । 

ଘଟଣାସ୍ଥଳରେ ପୁଲିସ ପହଞ୍ଚି ଶବକୁ ଜବତ କରିଛି । ଆସନ୍ତାକାଲି ଶବ ବ୍ୟବଚ୍ଛେଦ କରାଯିବ । ମୃତ ମକରଧ୍ଵଜ ନାଗ ମଦନପୁର ରାମପୁର ଗ୍ରାମର ହୋଇଥିବାବେଳେ ସେ ରେଗଡା ସ୍କୁଲରେ ସହକାରୀ ଶିକ୍ଷକ ଭାବେ କର୍ଯ୍ୟ କରୁଥିଲେ । 

ଆହୁରି ପଢନ୍ତୁ ଓଡିଶା ଖବର...
 

୨୦୨୦ ମସିହା ମାର୍ଚ୍ଚ ୨୦ ତାରିଖରେ କେନ୍ଦ୍ର ପର୍ଯ୍ୟଟନ ଓ ସଂସ୍କୃତି ମନ୍ତ୍ରଣାଳୟର ମନ୍ତ୍ରୀ ପ୍ରହ୍ଲାଦ ସିଂ ପଟେଲ ରାଜ୍ୟ ସରକାରଙ୍କୁ ଦିଆଯାଇଥିବା ଅନୁଦାନ ସମ୍ପର୍କରେ ଗୋଟି ଗୋଟି ତଥ୍ୟ ଦେଇଥିଲେ । କେଉଁ ଯୋଜନା ବାବଦକୁ କେତେ ଟଙ୍କା ଦିଆଯାଇଛି ତାହାର ବି ହିସାବ ଦେଲେ । ଚିଠିରେ ସ୍ପଷ୍ଟ ଭାବରେ ଲେଖାଯାଇଛି ଟଙ୍କା କେତେ ଦିଆଯାଇଛି । ଇଏ ପୁଣି ସରକାରୀ ଦସ୍ତାବିଜରେ ଜଳଜଳ ହୋଇ ଦିଶୁଛି । କିନ୍ତୁ କେଉଁ ମୁହଁରେ ପାଣ୍ଡିଆନ କହୁଛନ୍ତି କେନ୍ଦ୍ର ମାତ୍ର ୧୦ କୋଟି ଦେଲା କହିଲେ ତାହାକୁ ନେଇ ଏବେ ପ୍ରଶ୍ନ ଉଙ୍କି ମାରୁଛି ।

କଥା ହେଲା ସଂଘୀୟ ବ୍ୟବସ୍ଥାରେ ରାଜ୍ୟର ବିକାଶ ଲାଗି କେନ୍ଦ୍ର ଅନୁଦାନ ଦିଏ । ମୋଦି ସରକାର ଆସିବା ପରେ ପୂର୍ବ ସରକାର ଅପେକ୍ଷା ଅଧିକ ଅନୁଦାନ ମିଳୁଛି ଏଥିରେ କୌଣସି ଦ୍ଵିମତ ନାହିଁ । କେବଳ ପ୍ରସାଦ ଯୋଜନାରେ ରାଜ୍ୟକୁ ୫୦ କୋଟି ଟଙ୍କା ଦେଇଥିଲେ । ହେଲେ ରାଜ୍ୟ ସରକାର କେମିତି ଟଙ୍କା ଖର୍ଚ୍ଚ ହେବ ସେନେଇ କୌଣସି ଯୋଜନା କଲେନି । ଏପିରିକି ସ୍ଵୀକୃତ ହୋଇଥିବା ୫୦ କୋଟିରୁ ପୈଠ ହୋଇଥିବା ୧୦ କୋଟି ଟଙ୍କାର ଏଯାବତ କୌଣସି ଯୁଟିଲାଇଜେସନ ସାର୍ଟିଫିକେଟ୍‌ ହିଁ ଦେଲେନି । କିନ୍ତୁ ବିନା ହିସାବରେ କେମିତି ଟଙ୍କା ମିଳିବ ? ସେନେଇ ରାଜ୍ୟ ସରକାର ବିତଣ୍ଡା ଯୁକ୍ତି କରିବାରେ ବ୍ୟସ୍ତ ଅଛନ୍ତି ।  

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରେସମିଟ କରି କହିଥିଲେ, ଶ୍ରୀକ୍ଷେତ୍ରର ବିକାଶ ଲାଗି କେନ୍ଦ୍ର ସରକାର ପ୍ରାୟ ୫୦ କୋଟି ଦେଲେ । ଏହା ପରେ ବି କେନ୍ଦ୍ର ଉପରେ ଦୋଷ ଲଦିବା ସହ କେନ୍ଦ୍ର ସରକାରଙ୍କ ଉପରେ ମିଛ ଆରୋପ ବି ଲଗାଇଛନ୍ତି । ହେଲେ ସେ କଥା ଯେ ଡାହା ମିଛ ଆଜି ପୂରା ସ୍ପଷ୍ଟ ହୋଇଗଲା ।
  

ପ୍ରଧାନମନ୍ତ୍ରୀଙ୍କୁ ବିଜେଡିର ସମାଲୋଚନା ପରେ ପୂରା ଆଟାକିଂ ମୋଡରେ ରାଜ୍ୟ ବିଜେପି । ଦଳର ଟପ୍ ଫାଇଭ୍ ଲିଡରଙ୍କ ଟାର୍ଗେଟରେ ଶଙ୍ଖଦଳ । ଏକା ସାଙ୍ଗରେ ସାମ୍ବାଦିକ ସମ୍ମିଳନୀ କରି ପ୍ରସଙ୍ଗ ଭିତ୍ତିରେ ମୁଖ୍ୟମନ୍ତ୍ରୀ ନବୀନ ଓ ପାଣ୍ଡିଆନଙ୍କୁ କଲେ ଟାର୍ଗେଟ୍ । ପ୍ରଧାନମନ୍ତ୍ରୀଙ୍କ ବାବଦରେ ମୁଖ୍ୟମନ୍ତ୍ରୀଙ୍କ ଭିଡିଓ ବାର୍ତ୍ତା ଡିପଫେକ୍ ବୋଲି ଅଭିଯୋଗ କରି ଖୋଲାମଞ୍ଚରେ କିମ୍ବା ସର୍ବସାଧାରଣରେ ତାଙ୍କୁ ଏହି ବାର୍ତ୍ତା ରଖିବାକୁ ଚ୍ୟାଲେଞ୍ଜ ଦେଇଛନ୍ତି ବୈଜୟନ୍ତ । ଏହାସହ ନବୀନ ବାବୁଙ୍କୁ ବନ୍ଦୀ ଅବସ୍ଥାରୁ ଉଦ୍ଧାର କରିବା ଦରକାର ପଡୁଛି ବୋଲି ବି କହିଛନ୍ତି। 

ଖାଲି ବୈଜୟନ୍ତ ନୁହେଁ ବରଂ ବାଲେଶ୍ଵରର ବିଜେପି ସାଂସଦ ପ୍ରତାପ ଷଡଙ୍ଗୀ ବି ଆଣିଛନ୍ତି ସାଂଘାତିକ ଅଭିଯୋଗ । କନ୍ଧମାଳରେ ସ୍ୱାମୀ ଲକ୍ଷ୍ମଣାନନ୍ଦ ସ୍ୱରସ୍ୱତୀଙ୍କ ହତ୍ୟା ପଛରେ ମୁଖ୍ୟମନ୍ତ୍ରୀଙ୍କ ହାତ ଥିବା ସେ ଅଭିଯୋଗ କରିଛନ୍ତି । ସେତେବେଳେ ହିନ୍ଦୁଙ୍କ ବିରୋଧରେ ସାଂପ୍ରଦାୟିକ ଷଡଯନ୍ତ୍ର ହୋଇଥିଲା । ହତ୍ୟା ଘଟଣାରେ ବିଜେଡି ସାଂସଦ ସସ୍ମିତ ପାତ୍ରଙ୍କ ବାପାଙ୍କ ଭୂମିକା ଏବେ ବି ସନ୍ଦେହ ଘେରରେ ବୋଲି କହିଛନ୍ତି ।

ସେପଟେ ଭୁବନେଶ୍ଵର ବିଜେପି ସାଂସଦ ଅପରାଜିତା ଷଡଙ୍ଗୀ, ଜଗନ୍ନାଥ ମନ୍ଦିର ଓ ପରିକ୍ରମା ପ୍ରକଳ୍ପ କଥା ଉଠାଇ ସାଂଘାତିକ ପ୍ରଶ୍ନ ବାଣରେ ସରକାରଙ୍କୁ ଘାଇଲା କରିଛନ୍ତି । ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାମରେ କାହିଁକି ଭୁଲ୍ ଡିପିଆର କରାଗଲା, ଅଭିଜ୍ଞତା ନଥାଇ କାହିଁକି ଦକ୍ଷିଣ ଭାରତର ଭୂମିପୁତ୍ର ନାମକ ଏକ କଂପାନୀକୁ କାମ ଦିଆଯାଇଥିଲା ? ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନାଁରେ ଏମାର ମଠ, ରଘୁନନ୍ଦନ ଲାଇବ୍ରେରୀ, ଗୁରୁ ନାନକ ମଠ ପରି ଶହ ଶହ ବର୍ଷ ପୁରୁଣା ମଠ ମନ୍ଦିରକୁ କାହିଁକି ରାଜ୍ୟ ସରକାର ଭାଙ୍ଗିଦେଲେ ବୋଲି ପଚାରିଛନ୍ତି ? ଏଥିସହ ବିଜେଡି ମାନିଫେଷ୍ଟୋରେ ମାଗଣା ବିଜୁଳି କଥା ଉଠାଇ ଓଡିଶାରେ ଉତ୍ପାଦନ ହେଉଥିବା ବିଜୁଳି ଓଡିଶାରେ ମହଙ୍ଗା, ଚେନ୍ନାଇରେ ଶସ୍ତା କାହିଁକି ବୋଲି ବି ପ୍ରଶ୍ନ କରିଛନ୍ତି ।

ମୋଟ୍‌ ଉପରେ ରାଜ୍ୟରେ ଚାଲିଥିବା ଶାସନକୁ ନେଇ ଶାସକ ଦଳକୁ ଏକାସାଙ୍ଗରେ ଘେରିଥିଲେ ବିରୋଧୀ । ଆଉ ମିଛ କହିବାକୁ ପୂର୍ବରୁ ପ୍ରସ୍ତୁତି ନଥିବାରୁ ବାଉଳାଚାଉଳା ହୋଇ ଅପ୍ରାସଙ୍ଗିତ ପ୍ରେସମିଟ କରି ଡାହା ମିଛ କହିଥିଲା ବିଜେଡି । ଯାହା କି ଆଗାମୀ ଭୋଟ୍‌ରେ ବିଜେଡିକୁ ମହଙ୍ଗା ପଡିବ ।