Supreme Court Backs Centre On Scrapping Of Jammu & Kashmir Special Status

୬ ତାରିଖରେ ଯାଇ ୧୦ ତାରିଖରେ ପୁଣି ଦୁଇ ଦିନିଆ ଓଡ଼ିଶା ଗସ୍ତରେ ଆସିବେ ପ୍ରଧାନମନ୍ତ୍ରୀ। ରାଜଧାନୀରେ କରିବେ ବିଶାଳ ରୋଡ଼ ସୋ। ଭୁବନେଶ୍ୱରର ତିନିଟି ବିଧାନସଭା ନିର୍ବାଚନ ମଣ୍ଡଳୀ ଏକାମ୍ର, ଉତ୍ତର ଓ ମଧ୍ୟ ଭୁବନେଶ୍ୱର କ୍ଷେତ୍ରରେ ହେବ ପ୍ରଧାନମନ୍ତ୍ରୀଙ୍କ ରାଲି।ଏହାସହ ୧୧ ତାରିଖରେ ବଲାଙ୍ଗୀରରେ ନିର୍ବାଚନୀ ପ୍ରଚାର କରିବେ ପିଏମ ମୋଦି। ମୋଦିଙ୍କ ଗସ୍ତ ପାଇଁ  ବିମାନବନ୍ଦରଠାରୁ ରାଜଭବନ ପର୍ଯ୍ୟନ୍ତ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । CISF ଆଉ ପୋଲିସ ମୁତୟନ ହୋଇଛନ୍ତି ।

ଅଧିକ ପଢ଼ନ୍ତୁ ଓଡିଶା ଖବର: 

ପୂର୍ବରୁ ତ ଯାହା ମିଛ କହୁଥିଲେ କହୁଥିଲେ ଏବେ ଷଡ଼ଯନ୍ତ୍ର କରି ମିଛ କହୁଛନ୍ତି । ବିନା ତଥ୍ୟରେ, ବିନା ଦସ୍ତାବିଜ୍‌ରେ ଗୁଜବ ପ୍ରଚାର କରିବାକୁ ଚକ୍ରାନ୍ତ କରିଥିଲେ । ବବିଙ୍କ ଅଭିଯୋଗ ଅନୁସାରେ, ଯେତେବେଳେ ଶ୍ରୀ ଧର୍ମେନ୍ଦ୍ର ପ୍ରଧାନ ନିର୍ବାଚନ ଲଢ଼ିବା ପାଇଁ ସ୍ଥିର କଲେ, ମିଶନ ଶକ୍ତି ମା'ଙ୍କ ଦୁବାଇ ଯିବା ବନ୍ଦ କରିଦେଲେ । ଆଉ ଯେବେ ସେ ନାମାଙ୍କନ ଦାଖଲ କଲେ ମିଶନ ଶକ୍ତି ସଚିବ, କେନ୍ଦ୍ରାପଡ଼ାର ଝିଅ ସୁଜାତା ରାଉତଙ୍କୁ ବାହାର କରିଦେଲେ । ବାସ୍‌ କିଛି ଏମିତି ମିଛ ଗପ ଲେଖିଛନ୍ତି ବବି । ଯାହାକୁ ନେଇ ସୋସିଆଲ ମିଡିଆରେ ଏବେ ଚର୍ଚ୍ଚା ଜୋର । ହେଲେ ବବି ବୁଝିବା ଦରକାର, ମିଶନ ଶକ୍ତି ବିଭାଗ କେନ୍ଦ୍ର ନୁହେଁ ବରଂ ରାଜ୍ୟ ସରକାରଙ୍କ ଅଧୀନରେ ଆସୁଛି । ତେଣୁ ଧର୍ମେନ୍ଦ୍ରଙ୍କ ସହ ଏହି ବିଭାଗ ସହ କୌଣସି ସମ୍ପର୍କ ହିଁ ନାହିଁ । ଏହା ପରେ ବି କେନ୍ଦ୍ରମନ୍ତ୍ରୀଙ୍କୁ ସେ ଯେମିତି ପ୍ରଶ୍ନ କଲେ ତାହା ତାଙ୍କ ଶିକ୍ଷାଗତ ଯୋଗ୍ୟତା ଉପରେ ବି ପ୍ରଶ୍ନ ଉଠାଇଲାଣି ।

ବବିଙ୍କ ସୋସିଆଲ ପୋଷ୍ଟ ପରେ ବିରୋଧୀ ଦଳ ନେତା ତଥା ସମ୍ବଲପୁର ବିଜେପି ବିଧାୟକ ପ୍ରାର୍ଥୀ ଜୟନାରାୟଣ କହିଛନ୍ତି, ମୋଦି ସରକାର ଲକ୍ଷପତି ଦିଦି ବନାଇବା କାର୍ଯ୍ୟରେ ଲାଗିଛନ୍ତି । ମିଶନ ଶକ୍ତି ବିଜୁ ଜନତା ଦଳର ଜାଗିର୍ ନୁହେଁ । ମିଶନ ଶକ୍ତିର ମାଆଙ୍କୁ ସ୍ଵାବଲମ୍ବୀ ଓ ସଶକ୍ତ କରିବା ପାଇଁ ମୋଦୀ ସରକାର ସଂକଳ୍ପବଦ୍ଧ । ମିଶନ ଶକ୍ତି ସଚିବ ବିଜେଡିର କର୍ମୀ ଭାବରେ କାର୍ଯ୍ୟ ଯଦି କରିବେ, ତାଙ୍କ ପ୍ରତି କାର୍ଯ୍ୟାନୁଷ୍ଠାନ ନିଆଯିବ, ଏହାକୁ ଅନୁଚିତ କହିବା ରାଜନୈତିକ ଅପରିପକ୍ଵତାର ନିଦର୍ଶନ ବୋଲି ଜୟନାରାୟଣ କହିଛନ୍ତି । 

ଖାଲି ଏତିକି ନୁହେଁ ବରଂ ବିଜେଡି କେଉଁ ଅବସ୍ଥାରେ ଅଛି, ତାହା ତାଙ୍କୁ ଭଲ ଭାବରେ ଜଣା । ବିଜେଡି ଦଳର ମାଲିକ ଜଣେ ଗୁମାସ୍ତା ସାଜିଛନ୍ତି । ପ୍ରଣବଙ୍କ ଭଳି ନେତୃତ୍ବ ଆଜି ଦ୍ବାରପାଳ ଓ  ଟ୍ରାଫିକ କାର୍ଯ୍ୟରେ ନିୟୋଜିତ ହେବା ସହ ଗୁମାସ୍ତାଙ୍କ ପାଇଁ ଷ୍ଟେଜ ସଜାଡିବା, ପାଲ ପାରିବା ସହ ଚେୟାର ପକାଇବାର କାମ କରୁଛନ୍ତି , ଯାହା ଲଜ୍ଜ୍ୟାଜନକ । କଥା ହେଲା ନିର୍ବାଚନ ବୈତରଣୀ ପାର ହେବା ପାଇଁ ବିଜେଡି ଯେଉଁ ପରି ଭାବରେ ହୀନ ରାଜନୀତି କରୁଛି ତାହାକୁ ନେଇ ଜୋରଦାର ଚର୍ଚ୍ଚା ହେଉଥିବା ବେଳେ ବବିଙ୍କୁ କିନ୍ତୁ ଜୋରଦାର ଟ୍ରୋଲ କରାଯାଉଛି ।
 

ମନ୍ଦିର ପାର୍ଶ୍ଵବର୍ତ୍ତୀ ଅଂଚଳକୁ ସୁନ୍ଦର କରିବା ବୋଲି କଣ ମଠ ଭାଙ୍ଗିଦେବା ? ଆମ ଇତିହାସ ଆମ ପାଇଁ ଗର୍ବ । ସାଢେ ଚାରିକୋଟି ଓଡ଼ିଆଙ୍କ ପ୍ରାଣର କେନ୍ଦ୍ର ଜଗନ୍ନାଥଙ୍କ ରଥଯାତ୍ରା ବନ୍ଦ କରିବାକୁ ଏ ସରକାର ପ୍ଲାନ୍‌ କରିଥିଲା । ମନ ସେତିକିରେ ଶାନ୍ତି ହେଲାନି ଯେ ରତ୍ନଭଣ୍ଡାରର ଚାବି ହଜାଇଲା, ୧୩୦୦ ଶତାବ୍ଦୀର ସିଂହ ମୂର୍ତ୍ତିକୁ ବାହାର ଅଳିଆ ଗଦାରେ ପକାଇଦେଲା । କଥାରେ ଅଛି ଗାଁ ପରିବେଶ ଧୋବା ତୁଠରୁ...ଠିକ୍‌ ସେମିତି ମଠ, ମନ୍ଦିର ଓ ପରମ୍ପରା ଲାଗି ଆମ ରାଜ୍ୟ ସୁନ୍ଦର । ଆମେ ବିକାଶକୁ ଆଦୌ ବିରୋଧ କରୁନୁ କି ବାଟ ଓଗାଳୁନୁ...କେବଳ ଯାହା ପ୍ରଶ୍ନ କରୁଛୁ , ଘର ସୁନ୍ଦର କରିବାକୁ ପିତୃପୁରୁଷଙ୍କ ଫଟୋ ଆମେ ଫୋପାଡି ଦେବା କି ? ଠିକ୍‌ ସେହିପରି ଏ ସରକାର ଯେମିତି ଭାବରେ ଓଡ଼ିଆ ଅସ୍ମିତା ସହ ସାଙ୍ଘାତିକ ଖେଳ ଖେଳୁଛି ସେଥିରୁ ଗୋଟିଏ କଥା ସ୍ପଷ୍ଟ, ଓଡ଼ିଆଙ୍କ ଲାଗି ଆଦୌ ଚିନ୍ତିତ ନୁହେଁ ବିଜେଡି ସରକାର ।

ମନେଥିବ ସେ ଦିନର କଥା । ଯେତେବେଳେ ନଅଁକ ଦୁର୍ବିକ୍ଷ ହୋଇଥିଲା ସେତେବେଳେ ଏଇ ଓଡ଼ିଆ ଜନତା କହିଥିଲେ, ଆମେ ଭୋକରେ ମରୁ ପଛେ ଜଗାର ଭୋଗ ବନ୍ଦ ନହେଉ । ହେଲେ ଏ ସରକାର କ'ଣ କରୁଛି ? କେବଳ ଓଡ଼ିଆଙ୍କ ଅସ୍ମିତାକୁ ନଷ୍ଟ କରୁଛି । ଏଠାରେ କହିରଖୁଛୁ କି, କେବଳ ଜଗନ୍ନାଥ ମନ୍ଦିର ନୁହେଁ ବରଂ ଲିଙ୍ଗରାଜ ମନ୍ଦିରର ବି ଐତିହ୍ୟକୁ ବିପଦରେ ପକାଇବାକୁ ସେ ପଛାଇଲେନି । ଶୁକସାରି ମନ୍ଦିର ପାଖରୁ ସପ୍ତମ ଶତାବ୍ଦୀର ଗୋଟିଏ ଦେବୀ ପ୍ରତିମା ମିଳିଲା, ହେଲେ ସେ ପ୍ରତିମା କୁଆଡ଼େ ଗଲା ବୋଲି ପ୍ରଶ୍ନ କଲେ  ସରକାର କହୁଛି ବିରୋଧୀ ।

ଖାଲି ଏତିକି ନୁହେଁ ବରଂ ଯାଜପୁର ପାରାଭାଡି ପାହାଡରେ ଅଷ୍ଟମ ଶତାବ୍ଦୀର ବୌଦ୍ଧ ସ୍ତୁପକୁ ଭାଙ୍ଗି ଚୁରମାର କରି OMC ଖଣି ଖୋଳେଇଛନ୍ତି । ବିକାଶ ବହୁତ ଜରୁରୀ, ହେଲେ ବିକାଶ ଆମ ଇତିହାସ ବା ସଂସ୍କୃତିକୁ ବର୍ବାଦ କରି ହିଁ ଆସିବ ? ଯେଉଁ ପରମ୍ପରାର କଥା କହୁଛନ୍ତି ରାଜ୍ୟ ସରକାର ତାଙ୍କର ମନେ ରଖିବା ଦରକାର, ବରୁଣେଇ ପାହାଡ ତଳେ ବକ୍ସି ଜଗବନ୍ଧୁଙ୍କ ଗୋଟିଏ ସ୍ମାରକୀ ନିର୍ମାଣ ପାଇଁ ୨୦୦ କୋଟିର ପାଣ୍ଠି କେନ୍ଦ୍ରରୁ ଆସିଥିଲା, ହେଲେ ବିଭିନ୍ନ ବାହାନ ଦେଖାଇ ସରକାର କଲେନି । 

କଥା ହେଲା, କିଛି ଓଡ଼ିଆ ଲୋକ ନିଜର ବାହାଦୁରୀ ଦେଖାଇବା ପାଇଁ ମନ୍ଦିରକୁ ଫାଇଭଷ୍ଟାର ହୋଟେଲ ପରି ଗଢି ତୋଳି ବାଃ ବାଃ ନେବାରେ ବ୍ୟସ୍ତ । ଆଜି ଜଗନ୍ନାଥ ମନ୍ଦିରର ବାହାରେ ଅନେକ କାମ ହୋଇଛି ସତ କିନ୍ତୁ ଜଗନ୍ନାଥଙ୍କ ଦର୍ଶନ ପାଇଁ ବୁଢାବୁଢ଼ୀ ହନ୍ତସନ୍ତ ହେଉଛନ୍ତି । ବଡ଼ବଡ଼ିଆ ଲୋକ ଆସିଲେ ତାଙ୍କୁ ନେଇ ବେଢା ପରିକ୍ରମା କରୁଛନ୍ତି ହେଲେ ଗରିବଙ୍କ କଥା ଭୁଲିଯାଉଛନ୍ତି । ଏମିତି ଜାତୀୟ ସ୍ତରର ସାମ୍ବାଦିକଙ୍କୁ ଅଧ ରାତିରେ ମନ୍ଦିର ବୁଲାଉଛନ୍ତି ବାବୁ । 

ଖାଲି ଏତିକି ନୁହେଁ ବରଂ ବିଜେଡି କହୁଛି ଜଗନ୍ନାଥ ମନ୍ଦିରର ବିକାଶ ସେମାନେ କରୁଛନ୍ତି । ହେଲେ କେମିତି ଜଗନ୍ନାଥଙ୍କ ମୂର୍ତ୍ତି ବାହାରେ ପକାଉଛନ୍ତି ସେ ଦୃଶ୍ୟ ବି ଆମେ ଦେଖିଛେ । ମୋଟ୍‌ ଉପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ କଟାକ୍ଷ ତାଙ୍କ ମନର କ୍ଷୋଭକୁ ଦର୍ଶାଉଛି । ଆଜି ଓଡିଶାରେ ଓଡ଼ିଆ ଠାକୁର ଅବହେଳିତ. ଓଡ଼ିଆ ମଳିମୁଣ୍ଡିଆ ଭକ୍ତ ଠାକୁର ଦର୍ଶନରୁ ବଂଚିତ. ହେଲେ instagram ଓ ବାହାର ଖବରକାଗଜରେ ଆଜି ମନ୍ଦିର ରୂପାନ୍ତରିତ..