ସମ୍ବଲପୁର: ଜଣେ ନାବାଳିକାର ପୁତ୍ର ସନ୍ତାନ ଜନ୍ମ ଅଭିଯୋଗରେ ୬୨ ବର୍ଷ ବୟସର ବୃଦ୍ଧଙ୍କୁ ଗିରଫ କରିଛି ପୋଲିସ l ଗିରଫ ବୃଦ୍ଧ ଜଣକ ହେଲେ କିସିଣ୍ଡା ଥାନା ଅନ୍ତର୍ଗତ ରଞ୍ଜା ଗ୍ରାମର ଦୀନବନ୍ଧୁ ଦେହୁରୀ l ପୋଲିସ ଦେଇଥିବା ସୂଚନା ଅନୁସାରେ ଜଣେ ୧୫ ବର୍ଷୀୟା ନାବାଳିକା ଗ୍ରାମ ନିକଟରେ ଥିବା ଜଙ୍ଗଲକୁ ଗାଈ ଚରାଇବାକୁ ଯାଇଥିବା ବେଳେ ତାହାର ସରଳତାର ସୁଯୋଗ ନେଇ ଅଭିଯୁକ୍ତ ଦୀନବନ୍ଧୁ ଶାରୀରିକ ସମ୍ପର୍କ ରଖିଥିଲେ l
ଅଧିକ ପଢନ୍ତୁ ଓଡିଶା ଖବର
ଫଳରେ ନାବାଳିକା ଜଣକ ଗର୍ଭବତୀ ହୋଇଯାଇଥିଲେ l ନିକଟରେ ନାବାଳିକାଙ୍କ ଗର୍ଭ ଯନ୍ତ୍ରଣା ହେବାରୁ ପରିବାର ଲୋକେ ବୁର୍ଲା ଡାକ୍ତରଖାନାରେ ଭର୍ତି କରିଥିଲେ l ସେଠାରେ ସେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ l ଏନେଇ ନାବାଳିକାଙ୍କ ବାପା କିସିଣ୍ଡା ଥାନାରେ ଅଭିଯୋଗ ପରେ ପୋଲିସ ଅଭିଯୁକ୍ତ ଦୀନବନ୍ଧୁଙ୍କୁ ଗିରଫ କରି କୋର୍ଟ ଚାଲାଣ କରିଛି l
