ଅର୍ଗସ ବ୍ୟୁରୋ: ସଞ୍ଜ ନଇଁଲେ ମାତ୍ରେ ବଢିଲା ଟେନସନ୍ । ଶୂନଶାନ୍ ହୋଇଯାଉଛି ରାସ୍ତାଘାଟ । ଗାଁରୁ ବାହାରିବାକୁ ଲାଗୁଛି ଭୟ । ସବୁଠି ବିଜୁଳି ନଥିବାବେଳେ କିଟ୍ କିଟ୍ ଅନ୍ଧାରରେ ପାଦେ ପାଦେ ବିପଦ । ସ୍ବାଧୀନତାର ଦୀର୍ଘ ବର୍ଷ ପରେ ବି ଏଭଳି ଦୟନୀୟ ଅବସ୍ଥାରେ ଜୀବନ କାଟୁଛନ୍ତି 30ରୁ ଅଧିକ ଆଦିବାସୀ ପରିବାର । ଆମେ କହୁଛୁ ଗଜପତି ଜିଲ୍ଲା ଆର. ଉଦୟଗିରି ବ୍ଲକ୍ ଡାବରା ଗୁଡ଼ା ପଞ୍ଚାୟତର କରଞ୍ଜସାହି ଗାଁ କଥା । ଗାଁକୁ ଭଲ ରାସ୍ତା ଖଣ୍ଡିଏ ଆଜି ଯାଏଁ ହୋଇପାରିଲା ନାହିଁ । ଦେଢ ହାତ ଓସାରିଆ ମାଟି ପଥର ଖାଲ ଖମାର ରାସ୍ତା । ତା ଉପରେ ରାତି ହୋଇଗଲେ ଯାତୟତ ପଥରେ ଆଲୁଅର ନାହିଁ ବ୍ୟବସ୍ଥା । ଆଉ ୟେ ଚିତ୍ର ହେଉଛି ତାର ପ୍ରମାଣ । ଟର୍ଚ୍ଚ ଆଲୁଅ ମାରି ୟେ ଜଙ୍ଗଲ ରାସ୍ତାରେ କିଏ ବା ଯିବାକୁ ସାହାସ୍ କରିବ । ପାରୁନଥିବାବେଳେ କୁନି କୁନି ପିଲା ୟେ ରାସ୍ତାରେ ସ୍କୁଲ୍ ଯିବାକୁ କୁଣ୍ଠାବୋଧ କରନ୍ତି ।
ଖାଲି ସେତିକି ନୁହେଁ, ପାଣି ପାଇଁ ବି ଏଠି ନିତି ସଂଘର୍ଷ । ବର୍ଷା ଦିନେ ପରିତ୍ୟକ୍ତ କୂଅର ଗୋଳିଆ ପାଣି ହିଁ ଭରସା । ଆଉ ଖରାଦିନେ ଦୀର୍ଘ କିମି ଚାଲି ଚାଲି ଯାଇ ନଦୀରୁ ପାଣି ଆଣଥାନ୍ତି । ଶିକ୍ଷା, ସ୍ବାସ୍ଥ୍ୟ ଭଳି ଅନେକ ସରକାରୀ ସୁବିଧାରୁ ବଞ୍ଚିତ ଗ୍ରାମବାସୀ । ଦୀର୍ଘ ବର୍ଷ ହେଲା ସମସ୍ୟା ସଂପର୍କରେ ବ୍ଲକ ପ୍ରଶାସନଠୁ ଆରମ୍ଭ କରି ଜିଲ୍ଲା ପ୍ରଶାସନ ଯାଏଁ ଗୁହାରି କରି ଆସିଛନ୍ତି । ହେଲେ 24 ବର୍ଷର ବିଜେଡି ସରକାରର କାନରେ ପଡିଲାନି ଗୁହାରି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ବଦଳିଛି ସରକାର, ବଦଳିଛି ଯୁଗ | ଏବେ ଚାଲିଛି ଡବଲ ଇଞ୍ଜିନ ସରକାରର ଶାସନ, ଅନ୍ତ ହୋଇଛି ଚାଷୀ ଶୋଷଣ | ଆଜି ପ୍ରଧାନମନ୍ତ୍ରୀ ମହାରାଷ୍ଟ୍ରର ୱାସୀମରୁ 9.4 କୋଟି ଚାଷୀଙ୍କ ଖାତାକୁ 20 ହଜାର କୋଟି ଟଙ୍କା ପ୍ରଦାନକରି ପାର୍ବଣର ଉପହାର ଦେଇଛନ୍ତି | ଚାଷୀଙ୍କୁ ମିଳିଛି ପିଏମ କିସାନ ସମ୍ମାନ ନିଧି ଯୋଜନାରେ 18ତମ କିସ୍ତି | ଓଡିଶାର 31 ଲକ୍ଷ 51 ହଜାର 700 ଚାଷୀଙ୍କ ଆକାଉଣ୍ଟକୁ ଯାଇଛି ଟଙ୍କା.. ଯାହା ଗତ କିସ୍ତିରେ ମିଳିଥିବା ଚାଷୀଙ୍କ ସଂଖ୍ୟାରୁ 1 ଲକ୍ଷ 77 ହଜାର ଅଧିକ.. ଆହୁରି ବହୁତ ଚାଷୀ ଯୋଗ୍ୟ ଥିବା ବେଳେ ସେମାନଙ୍କୁ ତାଲିକାର ସାମିଲ ପାଇଁ ନୂଆ ସରକାର ପ୍ରୟାସ କରୁଛନ୍ତି...
ଅଧିକ ପଢନ୍ତୁ : ଏକକାଳୀନ ୧୬ ହଜାର ଶିକ୍ଷକ ଶିକ୍ଷୟତ୍ରୀଙ୍କୁ ନିଯୁକ୍ତି ପତ୍ର ବାଣ୍ଟିଲେ ମୁଖ୍ୟମନ୍ତ୍ରୀ
ପୂର୍ବରୁ ନୂଆଖାଇରେ ସମ୍ବଲପୁରରେ ସିଏମ କିସାନ ଯୋଜନର ଶୁଭାରମ୍ଭ କରି ଓଡ଼ିଶାର 46 ଲକ୍ଷ କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀଙ୍କୁ ଡିବିଟି ମାଧ୍ୟମରେ 925 କୋଟି ପ୍ରଧାନ କରିଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ | ଅର୍ଥାତ ଡବଲ ଇଜିଂନ ସରକାର ହେବା ପରେ ଓଡ଼ିଶାର ଚାଷୀ 5ଟି କିସ୍ତିରେ ପାଇବେ ବର୍ଷକୁ 10 ହଜାର ଟଙ୍କା ..ଏଇଥିପାଇଁ ତ ଚାଷ ହସୁଛି ଆଉ ଚାଷୀ ମଧ୍ୟ |କେବଳ ପିଏମ କି ସିଏମ କିଷାନ ନୁହେଁ । ମହିଳାଙ୍କ ପାଇଁ ସବୁଠୁ ବଡ ଯୋଜନା ସୁଭଦ୍ରାରେ ରାଜ୍ୟ ସରକାର 25 ଲକ୍ଷ ମହିଳାଙ୍କୁ ପ୍ରଥମ ପର୍ଯ୍ୟାୟରେ 5 ହଜାର ଟଙ୍କା ଦେଇଥିବା ଅକ୍ଟୋବର 9 ତାରିଖରେ ପୁଣି 40 ଲକ୍ଷ ଲକ୍ଷ ମହିଳାଙ୍କୁ ମିଳିବ ପ୍ରଥମ କିସ୍ତିର ଟଙ୍କା..ନୂଆ ସରକାର ଏହା ଭିତରେ ବାର୍ଦ୍ଦକ୍ୟ ଭତ୍ତା ବଢାଇଥିବାରୁ ରାଜ୍ୟର ପ୍ରାୟ 4 ଲକ୍ଷ ବୟସ୍କଙ୍କୁ ମିଳିବ 3 ହଜାର ଟଙ୍କା..ମଧୁ ବାବୁ ଓ ଜାତୀୟ ବାର୍ଦ୍ଦକ୍ୟ ଭର୍ତ୍ତାରେ 60ରୁ 79 ବର୍ଷ ମଧ୍ୟରେ ପ୍ରାୟ 50 ଲକ୍ଷ ହିତାଧିକାରୀଙ୍କୁ ମିଳୁଛି 1 ହଜାର ଟଙ୍କା... ପୂଜା ବଜାରରେ ଏମାନଙ୍କ ହାତରେ ଟଙ୍କା ଆସିବା ପରେ ସମସ୍ତେ ଖୁସ୍
ପିଏମ କିଷାନରେ ଦୁଇଟି କିସ୍ତିରେ ରାଜ୍ୟ ଚାଷୀଙ୍କୁ ମିଳିଛି 6 ହଜାର ଟଙ୍କା... ସେହିପରି ସିଏମ କିଷାନର ଗୋଟିଏ କିସ୍ତି ନୂଆଖାଇରେ ମିଳିଥିବା ବେଳେ ଦୀତୀୟ କିସ୍ତିର ଟଙ୍କା ଚାଷ ଅନୁକୁଳ ପୂର୍ବରୁ ଅକ୍ଷୟ ତୃତୀୟରେ ମିଳିବ.
ଅର୍ଗସ ବ୍ୟୁରୋ : ରାଜ୍ୟରେ ଶିକ୍ଷା ଭିତ୍ତିଭୂମି ସୁଦୃଢ କରିବା ପାଇଁ ବିଜେପି ସରକାର ନେଇଛନ୍ତି ବଡ଼ ପଦକ୍ଷେପ । ରାଜ୍ୟର ବିଭିନ୍ନ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟ ଗୁଡିକରେ ୧୬ ହଜାର ୯ ଜଣ କନିଷ୍ଠ ଶିକ୍ଷକ-ଶିକ୍ଷୟିତ୍ରୀ ପାଇଛନ୍ତି ନିଯୁକ୍ତି । ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଆୟୋଜିତ ନିଯୁକ୍ତି ସମାରୋହରେ ଶିକ୍ଷକ ଶିକ୍ଷୟିତ୍ରୀଙ୍କୁ ନିଯୁକ୍ତି ପତ୍ର ବାଣ୍ଟିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । କେନ୍ଦ୍ର ଶିକ୍ଷା ମନ୍ତ୍ରୀ ବିଶିଷ୍ଟ ଅତିଥି ଭାବେ ଯୋଗ ଦେଇ ନବନିଯୁକ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି।
କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଶ୍ରୀ ନିତ୍ୟାନନ୍ଦ ଗଣ୍ଡ, ଉଚ୍ଚ ଶିକ୍ଷାମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଯୋଗ ଦେଇଥିଲେ। ରାଜ୍ୟରେ ଶିକ୍ଷାଦାନକୁ ଗୁଣାତ୍ମକ କରିବା ଦିଗରେ ଏହି ନିଯୁକ୍ତି ଏକ ବଡ଼ ପଦକ୍ଷେପ। ସରକାରୀ ସ୍କୁଲ ହେଉଛି ରାଜ୍ୟର ଭବିଷ୍ୟତର ଏନ୍ତୁଡ଼ିଶାଳ । ଶିକ୍ଷକ ହେଉଛନ୍ତି ଏହାର ମୂଳ ଆଧାର । ଏବେ ଉପଯୁକ୍ତ ଟ୍ରେନ୍ଡ ଟିଚର ନୂଆପୀଢୀକୁ ତିଆରି କରିବେ ।
ଅଧିକ ପଢନ୍ତୁ : ରାଜ୍ୟରେ ନିଯୁକ୍ତି ପାଇବେ ୧୬,୦୦୯ କନିଷ୍ଠ ଶିକ୍ଷକ ଶିକ୍ଷୟିତ୍ରୀ
ବୌଦ୍ଧିକ ଦୃଷ୍ଟିରୁ ଓଡ଼ିଶା ଦୁର୍ବଳ ହୋଇ ଥାଇପାରେ, କିନ୍ତୁ ଭୌତିକ ଦୃଷ୍ଟିରୁ ନୁହେଁ । କିନ୍ତୁ ବିଜେଡି ସରକାର ଶିକ୍ଷାର ବିକାଶ, ସ୍କୁଲ ରୂପାନ୍ତରୀକରଣ ନାଁରେକେବଳ ପୁରୁଣା କୋଠାରେ ରଙ୍ଗବୋଳିଥିଲେ। କିନ୍ତୁ ବିଜେପି ସରକାର ଆସିବା ପରେ ରାଜ୍ୟରେ ଶିକ୍ଷା ଭିତ୍ତିଭୂମି ସୁଦୃଢ଼ କରିବା ଏବଂ ପିଲାଙ୍କ ଭବିଷ୍ୟତ ଗଢିବା ଦିଗରେ ଦେଉଛନ୍ତି ସ୍ବତନ୍ତ୍ର ଗୁରୁତ୍ବ। ରାଜ୍ୟ ସରକାର ୨୦୩୬ ସୁଦ୍ଧା ବିକଶିତ ଓଡିଶା ଗଠନର ଲକ୍ଷ୍ୟ ରଖିଥିବା ବେଳେ ଏହି ପଦକ୍ଷେପ ଲକ୍ଷ୍ୟ ପୂରଣ ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।
