ଅର୍ଗସ ବ୍ୟୁରୋ : ବ୍ରହ୍ମପୁର ବିନାୟକ ଆଚାର୍ଯ୍ୟ କଲେଜରେ ଛାତ୍ରୀଙ୍କୁ ରାଗିଂ କରିବା ଘଟଣା । ରାଗିଂ କରୁଥିବା ମୁଖ୍ୟ ଅଭିଯୁକ୍ତ ବିଜେଡିର କଲେଜ କ୍ୟାମ୍ପସ ଆବାହକ ଅଭିଷେକ ନାୟକ । ଅଭିଷେକ ବିଜେଡି ଆବାହକ ଥିବା ଏକ ଚିଠି ଏବେ ଭାଇରାଲ ହେଉଛି । ସେପଟେ ଏହି ଘଟଣାରେ 12 ଜଣ ଛାତ୍ରଛାତ୍ରୀଙ୍କୁ କଲେଜରୁ ବହିଷ୍କୃତ କରାଯାଇଛି ।
ଅଭିଷେକ ସହ ତିନି ଜଣ ଗିରଫ ହୋଇଥିବା ବେଳେ ଦୁଇଜଣ ନାବାଳକଙ୍କୁ ଜୁଭେନାଲ ଗୃହକୁ ପଠାଯାଇଥିବା ସୂଚନା ମିଳିଛି । ତେବେ ଛାତ୍ର ସଂସଦ ନିର୍ବାଚନ ବଦଳରେ କ୍ୟାମ୍ପସ କମିଟି ଗଠନ ଯୋଗୁ ଏଭଳି ରାଗିଂ ମାମଲା ବୃଦ୍ଧି ପାଉଛି । ଏଠି ପ୍ରଶ୍ନ ଉଠୁଛି, ଏମିତି ରାଗିଂ କରିବାକୁ କେଉଁଠୁ ସାହସ ପାଇଲେ ଅଭିଷେକ । ଇଲେକ୍ସନ ନ କରି ସିଲେକ୍ସନ କରୁଥିବା ଛାତ୍ର ଅଭିଷେକ କି ? ନା ବିଜେଡିର ଆବାହକ ଥିବା ଯୋଗୁ ଏଭଳି ସାହସ ପାଇ ରାଗିଂ କରୁଛନ୍ତି ଅଭିଷେକ ?
ଅପରାଧ ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ: ରାଜ୍ୟସଭାରେ ଆଗତ ହେଲା "ନାରୀ ଶକ୍ତି ବନ୍ଦନ ବିଧେୟକ"। କେନ୍ଦ୍ର ଆଇନମନ୍ତ୍ରୀ ଅର୍ଜୁନରାମ ମେଘୱାଲ ମହିଳା ସଂରକ୍ଷଣ ବିଲ୍ ଆଗତ କରିଥିଲେ। ସେପଟେ, ଲୋକସଭାରେ ସର୍ବସମ୍ମତିରେ ବିଲ୍ ପାସ ହୋଇଥିବାରୁ ସମସ୍ତ ସାଂସଦଙ୍କୁ ଧନ୍ୟବାଦ ଜଣାଇଲେ ପ୍ରଧାନମନ୍ତ୍ରୀ। କହିଲେ, ଗତକାଲି ନିଆଯାଇଥିବା ନିଷ୍ପତ୍ତି ଭାରତୀୟ ସଂସଦୀୟ ଯାତ୍ରାର ସ୍ଵର୍ଣ୍ଣିମ ମୁହୁର୍ତ୍ତ। ଏହି ନିଷ୍ପତ୍ତି ମହିଳା ଶକ୍ତିର ଉର୍ଜା ବୃଦ୍ଧିରେ ହେବ ସହାୟକ। ସଂସଦର ସ୍ବତନ୍ତ୍ର ଅଧିବେଶନର ତୃତୀୟ ଦିନରେ ପାରିତ ହୋଇସାରିଛି ମହିଳା ସଂରକ୍ଷଣ ବିଲ୍ । ବିଲକୁ ବିପୁଳ ସମର୍ଥନ ମିଳିଥିଲା । ଏହା ସପକ୍ଷରେ ୪୫୪ ଭୋଟ୍ ପଡ଼ିଥିବା ବେଳେ ବିରୋଧରେ ମାତ୍ର ୨ଟି ଭୋଟ୍ ପଡ଼ିଥିଲା ।
ନାରୀଶକ୍ତି ବନ୍ଦନ ବିଧେୟକ କାର୍ଯ୍ୟକାରୀ ହେଲେ ଲୋକସଭା ସମେତ ସବୁ ରାଜ୍ୟ ବିଧାନସଭାରେ ମହିଳାଙ୍କ ପାଇଁ 33 ପ୍ରତିଶତ ଆସନ ସଂରକ୍ଷିତ ରହିବ । ଅର୍ଥାତ ଲୋକସଭାରେ 543 ଆସନ ଆସନ ମଧ୍ୟରୁ 181ଟି ଆସନ ମହିଳାଙ୍କ ପାଇଁ ସଂରକ୍ଷିତ ରହିବ । ସେହିପରି ଓଡ଼ିଶା ବିଧାନସଭାର 147 ଆସନ ମଧ୍ୟରୁ 49ଟି ଆସନ ରିଜର୍ଭ ରହିବ ମହିଳାଙ୍କ ପାଇଁ । ତେବେ ରାଜ୍ୟସଭା କିମ୍ବା ବିଧାନ ପରିଷଦ କ୍ଷେତ୍ରରେ ଏହା ଲାଗୁ ହେବ ନାହିଁ । ସେହିପରି ଏସସି ଏସଟି ମହିଳାଙ୍କ ପାଇଁ ବିଲରେ ଅଲଗା ସଂରକ୍ଷଣ ବ୍ୟବସ୍ଥା ନାହିଁ । ବର୍ତ୍ତମାନ ଏସସି ଏସଟି ବର୍ଗଙ୍କ ପାଇଁ ଥିବା ସଂରକ୍ଷିତ ଆସନ ମଧ୍ୟରୁ 33 ପ୍ରତିଶତ ସେହି ବର୍ଗର ମହିଳାଙ୍କ ପାଇଁ ସଂରକ୍ଷିତ ରହିବ ।
ଅଧିକ ପଢ଼ନ୍ତୁ ଦେଶ ଖବର:
ଭୁବନେଶ୍ୱର: ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ପଦରୁ ବରିଷ୍ଠ ବିଜେଡି ବିଧାୟିକା ପ୍ରମିଳା ମଲ୍ଲିକ ଇସ୍ତଫା ଦେବା ପରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସୁଦାମ ମାରାଣ୍ଡିଙ୍କୁ ମିଳିଛି ସେହି ବିଭାଗର ଅତିରିକ୍ତ ଦାୟିତ୍ବ । ପୂର୍ବରୁ ସୁଦାମ ମାରାଣ୍ଡି ମଧ୍ୟ ସେହି ବିଭାଗର ଦାୟିତ୍ୱରେ ଥିଲେ । ମାତ୍ର ପରେ ତାଙ୍କୁ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ପଦରୁ ହଟାଯାଇଥିଲା । ଏହାପରେ ସେ ବିଦ୍ୟାଳୟ ଓ ଗଣଶିକ୍ଷାମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଥିଲେ ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: "ସ୍କୁଲ ନାହିଁ ତ ଭୋଟ୍ ନାହିଁ " । ଏଭଳି ଅଭିନବ ସ୍ଲୋଗାନ ଦେଇ ଛାତ୍ରଛାତ୍ରୀ ମାନଙ୍କ ସାଥୀରେ ପ୍ରତିବାଦ କରିଛନ୍ତି ଅଭିଭାବକମାନେ । ନିଜ ଅଞ୍ଚଳରେ ବନ୍ଦ କରାଯାଇଥିବା ବିଦ୍ୟାଳୟକୁ ପୁନଃ ଚାଲୁ କରିବାକୁ ଦାବି କରିଛନ୍ତି ଅଭିଭାବକ ଓ ଛାତ୍ରଛାତ୍ରୀ ମାନେ। କମ ଉପସ୍ଥାନ ଦର୍ଶାଇ ବନ୍ଦ ହୋଇଥିବା ବିଦ୍ୟାଳୟକୁ ପୁନଃ କାର୍ଯ୍ୟକ୍ଷମ ଦାବିରେ ତେଜିଛି ଆନ୍ଦୋଳନ
ପୂର୍ବତନ ଗଣଶିକ୍ଷା ମନ୍ତ୍ରୀ ପ୍ରତାପ ଜେନାଙ୍କ ନିର୍ବାଚନ ମଣ୍ଡଳୀ କଟକ ଜିଲ୍ଲା ମାହାଙ୍ଗାରେ। କିନ୍ତୁ ପ୍ରାଥମିକ ସ୍କୁଲ ପିଲାଙ୍କ ସମସ୍ୟା ନ କହିବା ଭଲ। ଘର ଠାରୁ ପାଖାପାଖି ୨ କିଲୋମିଟରକୁ ସ୍କୁଲକୁ ଶିକ୍ଷା ବିଭାଗ ମିଶ୍ରଣ କରିଥିବାରୁ କୁନି କୁନି ଛାତ୍ରଛାତ୍ରୀମାନଙ୍କର କଷ୍ଟ ଏବେ ବାପ-ମା'ଙ୍କୁ ଗ୍ରାସିଲାଣି।
ସରକାରୀ କାଇଦା କାନୁନ ଭିତରେ ୭୫ ବର୍ଷ ତଳର ଏକ ପୁରୁଣା ପ୍ରାଇମେରୀ ସ୍କୁଲକୁ ହଠାତ ବନ୍ଦ କରିବାକୁ ପ୍ରଶାସନ ନିଷ୍ପତ୍ତି ପରେ ସମ୍ପୃକ୍ତ ଅଞ୍ଚଳରେ କୁହୁଳୁଥିଲା ଜନ ଅସନ୍ତୋଷ। ଯାହା ଏବେ ଅଞ୍ଚଳବାସୀଙ୍କୁ ଏଭଳି ନିଷ୍ପତ୍ତି ନେବାକୁ ବାଧ୍ୟ କଲାଣି ବୋଲି କହିଛନ୍ତି ଅଭିଭାବକ।
ନିଜ ନିଜ ପିଲାମାନେ ନିଜ ଗାଁ ଠାରୁ ୨ ତିନି କିଲୋମିଟର ଦୂରରେ ଥିବା ଅନ୍ୟ ଏକ ସ୍କୁଲକୁ ପାଠ ପଢିବାକୁ ଯାଇ ନାହିଁ ନଥିବା ଅସୁବିଧାର ସମ୍ମୁଖୀନ ହେବା ଘଟଣା ସାରା ଗାଁରେ ଅସନ୍ତୋଷ ସୃଷ୍ଟି କରିବାରୁ ଏବେ ଭୋଟ ବର୍ଜ୍ଜନ ପାଇଁ ନିଷ୍ପତ୍ତି ନେଇଛନ୍ତି ସମସ୍ତ ଗ୍ରାମବାସୀ ।
ଏହି ଅବ୍ୟବସ୍ଥା ଦେଖିବାକୁ ମିଳିଛି ମାହାଙ୍ଗାର ବାଜପୁରା ପଞ୍ଚାୟତରେ। ଏଠାରେ ବନ୍ଦ ହୋଇ ଯାଇଥିବା ଏକ ପୁରୁଣା ସ୍କୁଲକୁ ପୁନର୍ବାର ଖୋଲିବା ପାଇଁ ଦାବି ଯୋର ଧରିଛି। ସରକାରଙ୍କ ନିଷ୍ପତ୍ତି ବିରୁଦ୍ଧରେ ଅଭିଭାବକ ଓ ଗ୍ରାମବାସୀ ମାନେ ଏକଜୁଟ ହୋଇ ଦୃଢ଼ ପ୍ରତିବାଦ କରିଛନ୍ତି। ଛୋଟ ଛୋଟ ପିଲାମାନେ ସେମାନଙ୍କ ପାଠ ପଢିବା ବୟସରେ ରାଜ ରାସ୍ତାରେ ପ୍ରତିବାଦ ସଭା କରିବା ଘଟଣାଟି ଆଜି ରାଜ୍ୟ ସରକାରଙ୍କ ସର୍ବଶିକ୍ଷା ଅଭିଯାନ ଗୁମର ଖୋଲି ଦେଇଛି। ଏହି ବିଦ୍ୟାଳୟ ୧୯୫୪ ମସିହାରେ ପ୍ରତିଷ୍ଠା ହୋଇଥିଲା ବେଳେ ୨୦୨୧ ମସିହାରେ ସରକାର କମ ପିଲା ଦେଖାଇ ବିଦ୍ୟାଳୟଟିକୁ ବନ୍ଦ କରିଦେଲେ।
କିଲୋମିଟର ରୁ ଉର୍ଦ୍ଧରେ ଥିବା କୂଳଗୋପାଳପୁର ପ୍ରାଥମିକ ବିଦ୍ୟାଳୟ ରେ ଏହି ବିଦ୍ୟାଳୟ କୁ ମିଶେଇ ଦେବା ଫଳରେ ଛୋଟ ଛୋଟ ପିଲାମାନେ ବିଦ୍ୟାଳୟକୁ ଯିବା ଆସିବା ପାଇଁ ବଡ଼ କଷ୍ଟ ପାଉଛନ୍ତି। ଏନେଇ ବାରମ୍ବାର ସ୍ଥାନୀୟ ବିଧାୟକ ଓ ଶିକ୍ଷା ବିଭାଗର ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇବା ପରେ କେହି ଶୁଣିନଥିବା କହିଥିଲେ ଗ୍ରାମବାସୀ। ଆଜି ଗ୍ରାମର ସବୁ ପିଲା ଓ ଗ୍ରାମର ମହିଳା ପୁରୁଷ ଏକ ଜୁଟ ହୋଇ ଦାବି କରିଥିଲେ ବିଦ୍ୟାଳୟକୁ ପୁନର୍ବାର ଖୋଲାଯାଉ। ଯଦି ଆଗାମୀ ଦିନରେ ବିଦ୍ୟାଳୟ ଖୋଲା ନ ଯାଏ ତେବେ ଗ୍ରାମବାସୀ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଥିବା ଦେଖିବାକୁ ମିଳିଛି।
ଅଧିକ ପଢ଼ନ୍ତୁ ଓଡ଼ିଶା ଖବର
