ଭଦ୍ରକ: ବାହାନଗା ଟ୍ରେନ ଟ୍ରାଜେଡିର ତନାଘନା କରୁଛି ସିବିଆଇ। ଗତକାଲି ଦିନ ୧୧ଟାରୁ ସିବିଆଇ ଟିମ୍ ଦୁର୍ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ଦୁର୍ଘଟଣାସ୍ଥଳରୁ ସିଗନାଲ ରୁମ ଯାଏ ସବୁ ଘଟଣାର ଖୋଳତାଡ କରିଥିଲା ଟିମ୍।
ଷ୍ଟେସନରେ ଥିବା ପ୍ୟାନେଲ ବୋର୍ଡ ଟ୍ୟାମ୍ପରିଂ ହୋଇଛି କି ନାହିଁ ସେ ଦିଗରେ ତଦନ୍ତ କରିଛି ଟିମ୍। ରାତିରେ ପୁଣି ସିବିଆଇର ଟେକ୍ନିକାଲ ଏକ୍ସପଟ ଟିମ ଆସି ଷ୍ଟେସନ ମ୍ୟାନେଜରଙ୍କ କାର୍ଯ୍ୟାଳୟରେ ଥିବା ପ୍ୟାନେଲ ବୋର୍ଡ ଏବଂ ଅପ ଲାଇନରୁ ଲୁପ ଲାଇନର ଟ୍ରାକକୁ ଦେଖିଥିଲେ। ଆଜି ବି ସିବିଆଇ ଟିମ୍ ତନାଘନା କରିପାରେ ବୋଲି ସୂଚନା ମିଳିଛି।
ଅଧିକ ପଢନ୍ତୁ ଓଡ଼ିଶା ଖବର
ବ୍ରହ୍ମପୁର: 30 ଫୁଟ୍ ତଳକୁ ଖସିଲା ଟ୍ରଲର । ଖଲ୍ଲିକୋଟ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥରେ ଥିବା ହରିଡାମୂଳ ନିକଟରେ ବଡଘାଟି ଉପରୁ ୩୦ ଫୁଟ୍ ତଳକୁ ଟ୍ରଲର ଖସି ପଡିଥିବା ଦେଖିବାକୁ ମିଳିଛି । ତେବେ ଅଳ୍ପକେ ଚାଳକ ଜଣଙ୍କ ବର୍ତ୍ତି ଯାଇଛନ୍ତି ।
ମିଳିଥିବା ସୂଚନା ଅନୁଯାୟୀ ଟ୍ରଲରଟି ବିଶାଖାପାଟଣାରୁ ଯାଜପୁର ଅଭିମୁଖେ ଯାଉଥିଲା । କୌଣସି କାରଣ ବସତଃ ଭାରସାମ୍ୟ ହରାଇ ତଳକୁ ଖସିପଡିଥିବାବେଳେ ଚାଳକ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି । ଚାଳକ ଜଣକ ହେଲେ ଦେବବ୍ରତ ସାହୁ ।
ଖବର ପାଇ ହାଇଓ୍ବେ ପେଟ୍ରୋଲିଂ ପୋଲିସ ଘଟଣାସ୍ଥଳରେ ପହଞ୍ଚି ଚାଳକଙ୍କୁ ଉଦ୍ଧାର କରି ନିକଟସ୍ଥ ଖଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ସେ ସାମାନ୍ୟ ଆହତ ହୋଇଥିବା ଜଣାପଡିଛି । ଘଟଣାସ୍ଥଳରେ ଖଲିକୋଟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ନାରୀଶକ୍ତି ବନ୍ଦନ ବିଧେୟକ ପ୍ରଧାନମନ୍ତ୍ରୀ ମୋଦିଙ୍କର ଏପରି ମାଷ୍ଟରଷ୍ଟ୍ରୋକ୍ ଯାହା ଦେଶର ମହିଳାଙ୍କୁ ରାଜନୀତିର ସର୍ବୋଚ୍ଚ ସ୍ତରରେ ନିଷ୍ପତ୍ତି ନେବାର ଅଧିକାର ଦେବ । ଆଉ ଏଥିପାଇଁ ବିଲକୁ ବିରୋଧୀ ବି ଅଟକାଇ ପାରୁନାହାଁନ୍ତି । ବୁଧବାର ଦିନ ମହିଳା ସଂରକ୍ଷଣ ବିଲ୍ ଦୁଇ ତୃତୀୟାଂଶ ସଂଖ୍ୟାଗରିଷ୍ଠତା ସହ ଲୋକସଭାରେ ପାରିତ ହୋଇଥିଲା । ଏହାର ସପକ୍ଷରେ ୪୫୪ ଭୋଟ୍ ଦିଆଯାଇଥିଲା ଏବଂ ଏହା ବିରୋଧରେ ୨ ଭୋଟ୍ ଦିଆଯାଇଥିଲା । ଏପଟେ ରାଜ୍ୟସଭାରେ ଏବେ ହୋଇଛି ଏହି ବିଲକୁ ନେଇ ଆଲୋଚନା । ପ୍ରଧାନମନ୍ତ୍ରୀ ଉଦବୋଧନ ଦେଇ କହିଛନ୍ତି , ଦେଶର ଏହି ସ୍ବର୍ଣ୍ଣିମ କ୍ଷଣର ସାଖୀ ସମସ୍ତ ଦଳର ସଦସ୍ୟ ରହିଛନ୍ତି, ଏହି ବିଲ୍ କାର୍ଯ୍ୟକାରୀ ହେବାପରେ ଦେଶର ମାତୃଶକ୍ତିଙ୍କ ଭୂମିକା ବଦଳିବ, ଯାହା ଦେଶକୁ ନୂତନ ଶିଖରରେ ପହଞ୍ଚାଇବ ।
ସେପଟେ ଏହି ବିଲକୁ ବିରୋଧ କରିପାରୁନାହାନ୍ତି କି ସବୁଶ୍ରେୟ ବିଜେପି ଓ ପ୍ରଧାନମନ୍ତ୍ରୀ ମୋଦିଙ୍କୁ ଯାଉଥିବା ଦେଖି ସହି ପାରୁନାହନ୍ତି। ବାଧ୍ୟବାଧକତାରେ ସବୁ ଦଳ କରିଛନ୍ତି ବିଲକୁ ସମର୍ଥନ। ମହିଳା ସଂରକ୍ଷଣ ବିଲ୍’ ମହିଳାମାନଙ୍କ ପ୍ରତି ସମାନତା ଆଣିବ ବୋଲି ଗୁରବାର ରାଜ୍ୟସଭାରେ ଏହି ବିଲ୍ ଆଗତ କରି ଉଦ୍ବୋଧନ ଦେବା ବେଳେ କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ୍ କହିଛନ୍ତି।
ସେପଟେ ରାଜ୍ୟସଭାରେ ଏହା ଉପରେ ହୋଇଛି ମାରାଥନ ବିତର୍କ । ରାଜ୍ୟସଭାରେ ବିତର୍କ ବେଳେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା କହିଛନ୍ତି, ପ୍ରଧାନମନ୍ତ୍ରୀ ସଦାବେଳେ WOMEN LED DEVELOMENT କୁ ଗୁରୁତ୍ବ ଦେଇ ଆସିଛନ୍ତି । ଏଣୁ ଏହି ବିଲ ଦେଶର ନାରୀଶକ୍ତିଙ୍କୁ ରାଷ୍ଟ୍ରନିର୍ମାଣରେ ସର୍ବୋଚ୍ଚ ଅଧିକାର ଦେବାର ମାଧ୍ୟମ ପାଲଟିବ ଏବେ।ଅନ୍ୟପଟେ ରାଜ୍ୟସଭା ବିତର୍କରେ ବିରୋଧୀ ବିଲକୁ ସମର୍ଥନ ଜଣାଇଥିଲେ ବି ଜୋରଦାର ବିତର୍କ ଦେଖିବାକୁ ମିଳିଥିଲା । ନାରୀ ଶକ୍ତି ବନ୍ଦନ ଅଧିନିୟମ ଚିଠା’ ସଂକ୍ରାନ୍ତ ବିତର୍କରେ ‘ବିଜେପି’ର ୧୪ଜଣ ମହିଳା ସାଂସଦ ଓ ମନ୍ତ୍ରୀ ଭାଗ ନେଇଥିଲେ।
ରାଷ୍ଟ୍ରପତିଙ୍କ ମୋହର ସହ ନାରୀଶକ୍ତି ବନ୍ଦନ ବିଧେୟକ କାର୍ଯ୍ୟକାରୀ ହେଲେ ଲୋକସଭା ସମେତ ସବୁ ରାଜ୍ୟ ବିଧାନସଭାରେ ମହିଳାଙ୍କ ପାଇଁ 33 ପ୍ରତିଶତ ଆସନ ସଂରକ୍ଷିତ ରହିବ। ଅର୍ଥାତ ଲୋକସଭାରେ 543 ଆସନ ଆସନ ମଧ୍ୟରୁ 181 ଟି ଆସନ ମହିଳାଙ୍କ ପାଇଁ ସଂରକ୍ଷିତ ରହିବ। ସେହିପରି ଓଡ଼ିଶା ବିଧାନସଭାର 147 ଆସନ ମଧ୍ୟରୁ 49ଟି ଆସନ ରିଜର୍ଭ ରହିବ ମହିଳାଙ୍କ ପାଇଁ। ତେବେ ରାଜ୍ୟସଭା କିମ୍ବା ବିଧାନ ପରିଷଦ କ୍ଷେତ୍ରରେ ଏହା ଲାଗୁ ହେବ ନାହିଁ। ସେହିପରି ଏସସି ଏସଟି ମହିଳାଙ୍କ ପାଇଁ ବିଲରେ ଅଲଗା ସଂରକ୍ଷଣ ବ୍ୟବସ୍ଥା ନାହିଁ। ବର୍ତ୍ତମାନ ଏସସି ଏସଟି ବର୍ଗଙ୍କ ପାଇଁ ଥିବା ସଂରକ୍ଷିତ ଆସନ ମଧ୍ୟରୁ 33 ପ୍ରତିଶତ ସେହି ବର୍ଗର ମହିଳାଙ୍କ ପାଇଁ ସଂରକ୍ଷିତ ରହିବ। ବର୍ତ୍ତମାନ ଲୋକସଭାରେ ଏସସି ବର୍ଗ ପାଇଁ 84ଟି ଆସନ ସଂରକ୍ଷିତ ଥିବା ବେଳେ ବିଲ ଲାଗୁ ହେଲେ ସେଥିରୁ 28ଟି ଆସନ ଏସସି ମହିଳାଙ୍କ ପାଇଁ ସଂରକ୍ଷିତ ହେବ। ସେହିପରି ଏସଟି ବର୍ଗ ପାଇଁ ଏବେ 47ଟି ଆସନ ସଂରକ୍ଷିତ ରହିଛି। ନାରୀ ଶକ୍ତି ବିଧେୟକ କାର୍ଯ୍ୟକାରୀ ହେଲେ ସେଥିରୁ 16ଟି ଆସନ ସଂରକ୍ଷିତ ରହିବ ଏସଟି ମହିଳାଙ୍କ ପାଇଁ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: କେନ୍ଦ୍ରରେ ମୋଦି ସରକାର ସଂସଦରେ ମହିଳା ସଂରକ୍ଷଣ ବିଲ୍ ଆଗତ କରିବାର 24 ଘଣ୍ଟା ନ ପୁରୁଣୁ ରାଜ୍ୟରେ ଖାଲି ପଡ଼ିଥିବା ବାଚସ୍ପତି ପଦ ପାଇଁ ଜଣେ ମହିଳାଙ୍କ ନାଁ ଘୋଷଣା କଲା ଶାସକ ବିଜୁ ଜନତା ଦଳ । ବାଚସ୍ପତି ପଦ ପାଇଁ ପ୍ରାର୍ଥିପତ୍ର ଦାଖଲ କଲେ ପ୍ରମିଳା ମଲ୍ଲିକ। କିନ୍ତୁ ନାମାଙ୍କନ ଭରୁ ଭରୁ ବାଚସ୍ପତି ପଦ ଭଳି ଫ୍ଲାଟଫର୍ମକୁ ବ୍ୟବହାର କଲେ ଦଳୀୟ ପ୍ରଚାର ପାଇଁ। ମହିଳା ବିଲ୍ କାଳେ ମୋଦିଙ୍କୁ ଅଧିକ ଲୋକପ୍ରିୟ କରିବ ସେଥିପାଇଁ ନବୀନଙ୍କୁ ଶ୍ରେୟ ଦେବାକୁ ଚେଷ୍ଟା କଲେ ପ୍ରମିଳା। ମହିଳା ସଶକ୍ତିକରଣ ସହ ବିଜେଡିର ଛବି ଯୋଡ଼ିବାକୁ ଯାଇ ମିଛ କହିବାକୁ ବି ପଛାଇଲେ ନାହିଁ ପ୍ରମିଳା ମଲ୍ଲିକ।
ପ୍ରମିଳାଙ୍କ ଅନୁସାରେ 5 ବର୍ଷ ତଳେ ନବୀନ ମହିଳା ସଂରକ୍ଷଣ ଦିଗରେ ଜୋରଦାର ଉଦ୍ୟମ କରିଥିଲେ। କିନ୍ତୁ ସତ ହେଲା 27 ବର୍ଷ ତଳେ ସଂସଦରେ ପ୍ରଥମେ ଆଗତ ହୋଇଥିଲା ମହିଳା ସଂରକ୍ଷଣ ବିଲ୍ । 1996ରେ ତତ୍କାଳୀନ ଏଚ୍ ଡି ଦେବେଗୌଡ଼ାଙ୍କ ସରକାର ପ୍ରଥମ ଥର ଏହି ବିଧେୟକ ଉପସ୍ଥାପନ କରିଥିଲେ। ତାପରେ ବାଜପେୟୀଙ୍କ ସରକାରରେ 1998, 1999, 2003ରେ ଏବଂ ମନମୋହନ ସିଂହଙ୍କ ସରକାରରେ 2004 ଓ 2008ରେ ବି ଏହି ବିଧେୟକ ଆଗତ କରାଯାଇଥିଲା। ସଂସଦରେ ମହିଳା ସଂରକ୍ଷଣ ବିଲର ଇତିହାସ 27 ବର୍ଷର । କିନ୍ତୁ ତାର ଢେର ପୂର୍ବରୁ 1974 ମସିହାରୁ, ବିଜେପିର ମୂଳ ଦଳ ଜନସଂଘ ସାମ୍ବିଧାନିକ ବ୍ୟବସ୍ଥାରେ ମହିଳାଙ୍କ ପାଇଁ ସଂରକ୍ଷଣ ସୁନିଶ୍ଚିତ କରିବାକୁ ଦାବି ହୋଇଆସୁଥିଲା। ପୁଣି ନରେନ୍ଦ୍ର ମୋଦି ଗୁଜୁରାଟର ମୁଖ୍ୟମନ୍ତ୍ରୀ ହେବାର ଢେର ପୂର୍ବରୁ ଗୁଜରାଟ ବିଜେପିର ମହାସଚିବ ଥିବାବେଳେ ନିଜ ଦଳର ସାଂଗଠନିକ ପଦରେ ମହିଳାଙ୍କ ପାଇଁ ଏକ ତୃତୀୟାଂଶ ସ୍ଥାନ ସଂରକ୍ଷଣ କରାଇଥିଲେ।
ଏସବୁ ବୟାନ ପ୍ରମାଣିତ କରୁଛି ବିଜୁ ଜନତା ଦଳ ସୃଷ୍ଟି ହେବାର ଢେର ପୂର୍ବରୁ ରହିଛି ମହିଳା ସଂରକ୍ଷଣ ବିଲର ଇତିହାସ। ଆଉ ନବୀନ ପଟ୍ଟନାୟକଙ୍କ ରାଜନୀତିକୁ ଆସିବାର ଢେର ପୂର୍ବରୁ ରହିଆସିଛି ମହିଳା ସଶକ୍ତିକରଣ ଦିଗରେ ଉଦ୍ୟମ। ତେବେ ପ୍ରଶ୍ନ ହେଲା ନିଜ ନେତାଙ୍କର ପ୍ରଶଂସା କରୁ କରୁ କାହିଁକି ମିଛ କହିବାକୁ ପଛାଇଲେ ନାହିଁ ବିଜେଡିର ବାଚସ୍ପତି ପ୍ରାର୍ଥୀ ପ୍ରମିଳା ମଲ୍ଲିକ। ପ୍ରମିଳାଙ୍କ ଏହି ବୟାନ ପଛରେ ବିଜେଡିର ଭୟ ଲୁଚି ରହିଛି କି ? ବିଜେଡିକୁ ଏବେ ଘାରିଲାଣି କି ମହିଳା ଭୋଟ୍ ବ୍ୟାଙ୍କ ହରାଇବାର ଭୟ ?
ଆହୁରି ପଢନ୍ତୁ ଭାରତ ଖବର...
