ଖୋର୍ଦ୍ଧା : ମା ଦୁର୍ଗାଙ୍କ ଅପରାଜିତା ହୋମର କର୍ତା ସାଜିଲେ ମୁସଲମାନ । ଏଭଳି ନିଆରା ଦୃଶ୍ୟ ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ମାଣିକାଗୋଡା ଗ୍ରାମରେ । ଦୀର୍ଘ ପାଞ୍ଚଶହ ବର୍ଷ ତଳୁ ମାଣିକାଗୋଡା ଗ୍ରାମରେ ଚାଲିଆସିଛି ଅନନ୍ୟ ଭାଇଚାରାର ପର୍ଵ ଦଶହରା । ଦଶହରା ଦିନ ମଧ୍ୟରାତିରେ ଗ୍ରାମର ମୁସଲମାନ ଦଳବେହେରା ମିଜିବୁର ରେହମାନ ହିନ୍ଦୁ ରିତିନିତି ଅନୁସାରେ ହାତରେ କୁଶବଟୁ ଧାରଣ କରି ଅପରାଜିତା ହୋମରେ ଆହୁତି ପ୍ରଦାନ କରିଛନ୍ତି ।
ଏଭଳି ନିଆରା ଭାଇଚାରାର ପର୍ଵ ବିଶ୍ୱରେ ଅନ୍ୟ କେଉଁଠି ଦେଖିବାକୁ ମିଳିନଥାଏ । ମାଣିକାଗୋଡା ଗ୍ରାମରେ ୪୦ ଭାଗ ମୁସଲମାନ ଓ ୬୦ ଭାଗ ହିନ୍ଦୁ ଲୋକ ବାସକରୁଛନ୍ତି । ଧାର୍ମିକ ଚିନ୍ତାଧାରାର ଭିନ୍ନତା ସତ୍ତ୍ବେ ୫୦୦ ବର୍ଷ ଧରି ପୁରୁଷାନୁକ୍ରମେ ଚାଲି ଆସୁଛି ମା କନକ ଦୁର୍ଗାଙ୍କ ପୂଜାର୍ଚ୍ଚନା । ସପ୍ତମୀ ରାତ୍ରିରୁ ଆରମ୍ଭ ହୋଇଥିବା ଏହି ପର୍ବ ଦଶମୀ ତିଥିରେ ଉଦଯାପିତ ହୋଇଥାଏ । ଷୋଡଶ ଶତାବ୍ଦୀରୁ ଏହି ପର୍ବ ଏହି ଭଳି ପାଳନ କରାଯାଉଥିବା ଗ୍ରାମବାସୀଙ୍କ ଠାରୁ ଜଣାପଡିଛି ।
ଧର୍ମ ଓ ସଂସ୍କୃତି ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ: ସାଇବର ଠକର ଶିକାର ହେଲେ କଟକର ଯୁବତୀ । ହ୍ବାଟ୍ସଅପକୁ ଆସିଥିବା ଲିଙ୍କ କ୍ଲିକ୍ କରି ଆକାଉଣ୍ଟରୁ କଟିଗଲା ୯୦ ହଜାର ଟଙ୍କା। ଏନେଇ ଠକାମୀର ଶିକାର ହୋଇଥିବା ଯୁବତୀ ସାଇବର୍ ଥାନା ଓ ଚାଉଳିଆଗଞ୍ଜ ଥାନାରେ ଏତଲା ଦେଇଛନ୍ତି। ଅଭିଯୋଗକାରୀ ସରସ୍ଵତୀ ଲେଙ୍କା ଏକ ଘରୋଇ କମ୍ପାନୀରେ କାର୍ଯ୍ୟ କରନ୍ତି। କିଛି ଦିନତଳେ ଅନଲାଇନ୍ ସାଇଟରୁ କିଛି ଜିନିଷ କିଣିଥିଲେ ହେଲେ ତାଙ୍କ ପାଖକୁ କିଣିଥିବା ଜିନିଷ ବଦଳରେ ଭୁଲ ଜିନିଷ ଆସିବାରୁ ସେ ଏହାକୁ ରିଫଣ୍ଡ ପାଇଁ ସେହି ଅନଲାଇନ୍ ସଂସ୍ଥାକୁ ମେଲ୍ କରିଥିଲେ ରିଫଣ୍ଡ କରିବା ପାଇଁ।
ତାପରେ ଯୁବତୀଙ୍କ ପାଖକୁ ଠକ କଲରେ କଥା ହୋଇ ୱାଟଆପକୁ ଏକ ଲିଙ୍କ ପଠାଇ ଥିଲା ଲିଙ୍କ କ୍ଲିକ୍କଲେ ଟଙ୍କା ଆକାଉଣ୍ଟରେ ଡେବିଟ ହେଇଯିବ ବୋଲି କହିଥିଲେ ଠକ ହେଲେ ଲିଙ୍କରେ କ୍ଲିକ କରିବା ପରେ ଯୁବତୀଙ୍କ ଆକାଉଣ୍ଟରୁ 90 ହଜାର ଟଙ୍କା କଟି ଯାଇଥିଲା।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ରାଜ୍ୟସଭାରେ ଆଗତ ହେଲା "ନାରୀ ଶକ୍ତି ବନ୍ଦନ ବିଧେୟକ"। କେନ୍ଦ୍ର ଆଇନମନ୍ତ୍ରୀ ଅର୍ଜୁନରାମ ମେଘୱାଲ ମହିଳା ସଂରକ୍ଷଣ ବିଲ୍ ଆଗତ କରିଥିଲେ। ସେପଟେ, ଲୋକସଭାରେ ସର୍ବସମ୍ମତିରେ ବିଲ୍ ପାସ ହୋଇଥିବାରୁ ସମସ୍ତ ସାଂସଦଙ୍କୁ ଧନ୍ୟବାଦ ଜଣାଇଲେ ପ୍ରଧାନମନ୍ତ୍ରୀ। କହିଲେ, ଗତକାଲି ନିଆଯାଇଥିବା ନିଷ୍ପତ୍ତି ଭାରତୀୟ ସଂସଦୀୟ ଯାତ୍ରାର ସ୍ଵର୍ଣ୍ଣିମ ମୁହୁର୍ତ୍ତ। ଏହି ନିଷ୍ପତ୍ତି ମହିଳା ଶକ୍ତିର ଉର୍ଜା ବୃଦ୍ଧିରେ ହେବ ସହାୟକ। ସଂସଦର ସ୍ବତନ୍ତ୍ର ଅଧିବେଶନର ତୃତୀୟ ଦିନରେ ପାରିତ ହୋଇସାରିଛି ମହିଳା ସଂରକ୍ଷଣ ବିଲ୍ । ବିଲକୁ ବିପୁଳ ସମର୍ଥନ ମିଳିଥିଲା । ଏହା ସପକ୍ଷରେ ୪୫୪ ଭୋଟ୍ ପଡ଼ିଥିବା ବେଳେ ବିରୋଧରେ ମାତ୍ର ୨ଟି ଭୋଟ୍ ପଡ଼ିଥିଲା ।
ନାରୀଶକ୍ତି ବନ୍ଦନ ବିଧେୟକ କାର୍ଯ୍ୟକାରୀ ହେଲେ ଲୋକସଭା ସମେତ ସବୁ ରାଜ୍ୟ ବିଧାନସଭାରେ ମହିଳାଙ୍କ ପାଇଁ 33 ପ୍ରତିଶତ ଆସନ ସଂରକ୍ଷିତ ରହିବ । ଅର୍ଥାତ ଲୋକସଭାରେ 543 ଆସନ ଆସନ ମଧ୍ୟରୁ 181ଟି ଆସନ ମହିଳାଙ୍କ ପାଇଁ ସଂରକ୍ଷିତ ରହିବ । ସେହିପରି ଓଡ଼ିଶା ବିଧାନସଭାର 147 ଆସନ ମଧ୍ୟରୁ 49ଟି ଆସନ ରିଜର୍ଭ ରହିବ ମହିଳାଙ୍କ ପାଇଁ । ତେବେ ରାଜ୍ୟସଭା କିମ୍ବା ବିଧାନ ପରିଷଦ କ୍ଷେତ୍ରରେ ଏହା ଲାଗୁ ହେବ ନାହିଁ । ସେହିପରି ଏସସି ଏସଟି ମହିଳାଙ୍କ ପାଇଁ ବିଲରେ ଅଲଗା ସଂରକ୍ଷଣ ବ୍ୟବସ୍ଥା ନାହିଁ । ବର୍ତ୍ତମାନ ଏସସି ଏସଟି ବର୍ଗଙ୍କ ପାଇଁ ଥିବା ସଂରକ୍ଷିତ ଆସନ ମଧ୍ୟରୁ 33 ପ୍ରତିଶତ ସେହି ବର୍ଗର ମହିଳାଙ୍କ ପାଇଁ ସଂରକ୍ଷିତ ରହିବ ।
ଅଧିକ ପଢ଼ନ୍ତୁ ଦେଶ ଖବର:
ଭୁବନେଶ୍ୱର: ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ପଦରୁ ବରିଷ୍ଠ ବିଜେଡି ବିଧାୟିକା ପ୍ରମିଳା ମଲ୍ଲିକ ଇସ୍ତଫା ଦେବା ପରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସୁଦାମ ମାରାଣ୍ଡିଙ୍କୁ ମିଳିଛି ସେହି ବିଭାଗର ଅତିରିକ୍ତ ଦାୟିତ୍ବ । ପୂର୍ବରୁ ସୁଦାମ ମାରାଣ୍ଡି ମଧ୍ୟ ସେହି ବିଭାଗର ଦାୟିତ୍ୱରେ ଥିଲେ । ମାତ୍ର ପରେ ତାଙ୍କୁ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ପଦରୁ ହଟାଯାଇଥିଲା । ଏହାପରେ ସେ ବିଦ୍ୟାଳୟ ଓ ଗଣଶିକ୍ଷାମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଥିଲେ ।
ଆହୁରି ପଢନ୍ତୁ ଓଡିଶା ଖବର...
