Hundreds of women and men are standing in front of the panchayat office asking for water

ପଞ୍ଚୟତ କାର୍ଯ୍ୟାଳୟ ଆଗରେ ଗରା-ମାଠିଆ ରଖି ପାଣି ମାଗୁଛନ୍ତି ଶହ ଶହ ମହିଳା ଓ ପୁରୁଷ

by Manini Pattanayak

Hundreds of women and men are standing in front of the panchayat office asking for water

କୋରାପୁଟ: ପାନୀୟ ଜଳ ଯୋଗାଇବାରେ ବିଫଳ 24 ବର୍ଷର ସ୍ଥିର ବିଜେଡି ସରକାର । କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ ବିଜାପୁର ପଞ୍ଚାୟତରେ ତାତିଲେ ଲୋକେ । ପଞ୍ଚୟତ କାର୍ଯ୍ୟାଳୟ ଆଗରେ ଗରାମାଠିଆ ରଖି ପାଣି ମାଗୁଛନ୍ତି ଶହ ଶହ ମହିଳା ଓ ପୁରୁଷ । ଏହି ପଞ୍ଚାୟତର ବଣ୍ଡାଗୁଡା ଗାଁରେ ୭୦୦ ପରିବାର ବସବାସ କରୁଛନ୍ତି । ବର୍ଷ ବର୍ଷ ଧରି ପିଇବା ଜଳ ସମସ୍ୟାରେ ଜର୍ଜରିତ । ଗାଁରେ ଥିବା ନଳକୂପରୁ ଗୋଳିଆ ଓ ଆଇରନ ଯୁକ୍ତ ପାଣି ବାହାରୁଛି ।

ଯାହାକି ପିଇବା ଅନୁପଯୋଗୀ । ପାଇପ ଯୋଗେ ଜଳ ଯୋଗାଣ ବ୍ୟବସ୍ଥା ମଧ୍ୟ ବନ୍ଦ ରହିଛି । ଫଳରେ ଗାଁର ୧ କିମି ଦୂରରେ ଥିବା ଏକମାତ୍ର ନଳକୂପ ହିଁ ସେମାନଙ୍କ ଭରସା । ପ୍ରବଳ ଖରାରେ ପ୍ରତିଦିନ ପାଣି ବୁନ୍ଦାଏ ଲାଗି ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡୁଛି । ଜନ ପ୍ରତିନିଧିଙ୍କଠୁ ଆରମ୍ଭ କରି ଜିଲ୍ଲା ପ୍ରଶାସନ ଯାଏ ଗୁହାରି କରିଥିଲେ ବି ସମାଧାନ ହେଉନି । ବାଧ୍ୟ ହୋଇ ଆଜି ରାସ୍ତାକୁ ଓହ୍ଲାଇ ପ୍ରତିବାଦ କରୁଛନ୍ତି ଗାଁର ମହିଳା ଓ ପୁରୁଷ ।
ଅଧିକ ପଢନ୍ତୁ ଓଡ଼ିଶା ଖବର

ତତଲା କଢେଇରେ ଭାଜି ହେଉଛି ଓଡିଶା

by Banajyotshna Ray

ଅର୍ଗସ ବ୍ୟୁରୋ: ତତଲା କଢେଇରେ ସାରା ଓଡ଼ିଶା। ଆଜି ବି ଅସହ୍ୟ ତାତି ଅନୁଭୁତ ହେବ । ସକାଳୁ ସକାଳୁ ପ୍ରବାଳ ଗରମ ହେଉଛି । ସକଳ 8.30 ସୁଦ୍ଧା ଭୁବନେଶ୍ୱରରେ ପାରଦ 34.6 ରେକର୍ଡ କରାଯାଇଛି । ଗତ 3 ଦିନ ହେବ ରାଜ୍ୟରେ ବଢିଛି ତାପମାତ୍ରା । ସକାଳ ସାଢେ ୫ଟାରୁ ଆସିଯାଉଛି ଖରା । ଖରାକୁ ନେଇ ସତର୍କ ସୂଚନା ଜାରି କଲା ଆଞ୍ଚଳିକ ପାଣିପାଗ ବିଭାଗ । ଆଜି ବି ହେବ ଅସହ୍ୟ ତାତି ।ସକାଳୁ ସକାଳୁ ପ୍ରବଳ ଗରମ ଅନୁଭୂତ। ସକାଳ 8.30 ସୁଦ୍ଧା ଭୁବନେଶ୍ବରେ ପାରଦ 34.6 ଡିଗ୍ରୀ। ପାଣିପାଗ ବିଭାଗର ଆକଳନ ୪ରୁ ୫ ଦିନ ମଧ୍ୟରେ ୨ରୁ ୪ ଡିଗ୍ରି ବଢିବ ତାପମାତ୍ରା। ତେବେ ବାହାରକୁ ଯାଉଥିବାବେଳେ ସତର୍କତା ଅବଲମ୍ୱନ କରି ଯିବାକୁ ପଡିବ।

ଅଧିକ ପଢ଼ନ୍ତୁ ଓଡିଶା ଖବର:

ଦ୍ୱିତୀୟ ପର୍ଯ୍ୟାୟ ମତଦାନ; ଭୋଟ ଦେବେ ୭୯ ଲକ୍ଷ ୬୯ ହଜାର ଭୋଟର

by Smruti Parija

Second round of voting; 79 lakh 69 thousand voters will vote

ଭୁବନେଶ୍ୱର: ଆସନ୍ତା ସୋମବାର ଦିନ ରାଜ୍ୟରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ । 5 ଟି ସଂସଦୀୟ କ୍ଷେତ୍ରର 35 ଟି ନିର୍ବାଚନ ମଣ୍ଡଳୀରେ ନିର୍ବାଚନ ହେବ । ଯେଉଁଠି ମୋଟ ଭୋଟର ସଂଖ୍ୟା 79 ଲକ୍ଷ 69 ହଜାର 887 । ଏହି ସ୍ଥାନରେ 9162 ଟି ମତଦାନ କେନ୍ଦ୍ର ରହିବ । 1041 ଟି ବୁଥ୍ ମହିଳା ପୁଲିଂ କର୍ମଚାରୀଙ୍କ ଦ୍ଵାରା ପରିଚାଳିତ । 25 ଟି ବୁଥ୍ pwd କର୍ମଚାରୀଙ୍କ ଦ୍ଵାରା ପରିଚାଳିତ ହେବ । 1541 ଆଦର୍ଶ ବୁଥ୍ ହେବ ।

24 ପ୍ରତିଶତ ସମ୍ବେଦନଶୀଳ ବୁଥ୍ ରହିଛି । ଏହିଠାରେ 102 କମ୍ପାନୀ କେନ୍ଦ୍ରୀୟ ସୁରକ୍ଷା ବଳ ନିୟୋଜିତ ହେବେ । ସବୁଠାରୁ ଅଧିକ କନ୍ଧମାଳ 22, ଗଞ୍ଜାମରେ 20, ସୁନ୍ଦରଗଡ 16, ବଲାଙ୍ଗୀର ଓ ବରଗଡ଼ରେ 14 ଲେଖାଏଁ, ଝାରସୁଗୁଡା ଓ ବୌଦ୍ଧ 5 ଲେଖାଏଁ, ସୁବର୍ଣ୍ଣପୁର 4, ନୟାଗଡ଼ରେ 2 । 35 ଟି ବିଧାନସଭା ନିର୍ବାଚନ ମଣ୍ଡଳୀ ପାଇଁ 265 ଜଣ ପ୍ରାର୍ଥୀ ରହିଛନ୍ତି । ସେଥି ମଧ୍ୟରୁ 41 ଜଣ ମହିଳା ପ୍ରାର୍ଥୀ । 5 ସଂସଦୀୟ କ୍ଷେତ୍ରରେ 40 ଜଣ ପ୍ରାର୍ଥୀ ରହିଛନ୍ତି ।

ରାଜ୍ୟରେ ଜବତ ଟଙ୍କାର ତଥ୍ୟ
କ୍ୟାସ 17 କୋଟି 18 ଲକ୍ଷ
31 ଲକ୍ଷ ଲିଟର ମଦ ଜବତ
73 କୋଟି ଟଙ୍କାର ଡ୍ରଗସ୍ ଜବତ
ସବୁଠାରୁ ଅଧିକ ବରଗଡ଼ରେ 1 କୋଟି ରୁ ଅଧିକ ଟଙ୍କାର କ୍ୟାସ ଜବତ ହୋଇଛି ।

ଆହୁରି ପଢନ୍ତୁ ରାଜନୀତି ଖବର...

୨୪ ବର୍ଷର ସରକାରର ଅପାରଗତାରୁ ରାଜ୍ୟବାସୀ ଭୋଗୁଛନ୍ତି ଦୁର୍ଦ୍ଦଶା

by Banajyotshna Ray

ଅର୍ଗସ ବ୍ୟୁରୋ: ଦାଦନ ଯନ୍ତ୍ରଣାରେ ଛଟପଟ ସାରା ଓଡ଼ିଶା । 24 ବର୍ଷର ସରକାରର ଅପାରଗତାରୁ ରାଜ୍ୟବାସୀ ଭୋଗୁଛନ୍ତି ଦୁର୍ଦ୍ଦଶା । କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ବେନୁପାଳ ଗାଁରୁ ଆସିଲା ପୁଣି ଦାଦନ ମୃତ୍ୟୁ ଖବର । ଗାଁର ସଞ୍ଜୟ ସ୍ୱାଇଁ ଦାଦନ ଖଟିବାକୁ ସୁରତର ଏକ ସୂତା ମିଲକୁ ଯାଇଥିଲେ । ହେଲେ ଏବେ ବାହାର ରାଜ୍ୟରେ ପଡ଼ି ରହିଛି ତାଙ୍କ ମୃତ ଦେହ । କାନ୍ଦ ବୋବାଳିରେ ପୂରା ପରିବେଶ ଫାଟି ପଡୁଥିବା ବେଳେ ମୃତ ଶରୀରକୁ ଫେରାଇ ଆଣିବାକୁ ଆକୁଳ ନିବେଦନ କରୁଛନ୍ତି ସଞ୍ଜୟଙ୍କ ସ୍ତ୍ରୀ ।

ସ୍ୱାମୀ ସଞ୍ଜୟର ମରଶରୀରକୁ ଫେରାଇ ଆଣିବା ସହ ଆର୍ଥିକ ସହାୟତା ରାଶି ପ୍ରଦାନ ପାଇଁ ସରକାରଙ୍କୁ ଆକୁଳ ନିବେଦନ କରିଛନ୍ତି ପରିବାର ଲୋକ । ଅନ୍ୟପଟେ ରାଜ୍ୟରେ ଅପାର ସମ୍ଭାବନା ସତ୍ତ୍ୱେ ନିଯୁକ୍ତି ଦେବାରେ ବିଫଳ 24 ବର୍ଷ ହେଲା ଶାସନ ଗାଦିରେ ବସିଥିବା ବିଜେଡି ସରକାର। ଆଉ ରାଜ୍ୟ ସରକାରଙ୍କ ବିଫଳତା ଓ ଅପାରଗତା ଯୋଗୁଁ ବଢୁଛି ଓଡ଼ିଶାବାସୀଙ୍କ ଦୁର୍ଦ୍ଦଶା।

ଅଧିକ ପଢ଼ନ୍ତୁ ଓଡିଶା ଖବର:

Download Argus News App

Hundreds of women and men are standing in front of the panchayat office asking for water

Download Mobile App