jharsuguda by poll on may 10

 ନୂଆଦିଲ୍ଲୀ:  ମେ ୨୦୨୩ରେ ଦେଶର ଜିଏସଟି ଆଦାୟ ୧ ଲକ୍ଷ ୫୭ ହଜାର କୋଟିକୁ ବୃଦ୍ଧି ପାଇଛି। ଏହା ମେ ୨୦୨୨ ତୁଳନାରେ ୧୨ ପ୍ରତିଶତ ଅଧିକ । କିନ୍ତୁ ଏପ୍ରିଲ  ୨୦୨୩ରେ ଆଦାୟ ହୋଇଥିବା ରେକର୍ଡ ୧ ଲକ୍ଷ ୮୭ ହଜାର କୋଟିର ଜିଏସଟି ସଂଗ୍ରହ ତୁଳନାରେ ୧୭ ପ୍ରତିଶତ କମ । ଅର୍ଥ ମନ୍ତ୍ରଣାଳୟ ଆଜି ଏହି ତଥ୍ୟ ଜାରି କରିଛି । ମାର୍ଚ୍ଚରେ ମୋଟ ଜିଏସଟି ଆଦାୟ ମଧ୍ୟରେ ୨୮,୪୧୧ କୋଟି ଟଙ୍କାର ସିଜିଏସଟି, ୩୫୮୨୮ କୋଟି ଟଙ୍କାର ଏସଜିଏସଟି ଏବଂ ରେକର୍ଡ ୮୧୩୬୩ କୋଟି ଟଙ୍କାର ଆଇଜିଏସଟି ଅନ୍ତର୍ଭୁକ୍ତ । ଏଥିରେ ୧୧,୪୮୯ କୋଟି ଟଙ୍କା ସେସ୍ ଅନ୍ତର୍ଭୁକ୍ତ, ଯେଉଁଥିରୁ ୧୦୫୭ କୋଟି ଟଙ୍କା ସାମଗ୍ରୀ ଆମଦାନୀରୁ ଆସିଛି ବୋଲି ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି । ଗତ ମେ ମାସରେ ଓଡ଼ିଶାରେ ୪୩୯୮ କୋଟି ଟଙ୍କାର ଜିଏସଟି ଆଦାୟ ହୋଇଛି, ଯାହାକି ମାର୍ଚ୍ଚ ୨୦୨୨ରେ ୩୯୫୬ କୋଟି ଟଙ୍କା ଥିଲା । ଏଣୁ ଗତ ଆର୍ଥିକ ବର୍ଷର ମେ ମାସ ତୁଳନାରେ ମେ ୨୦୨୩ରେ ଓଡ଼ିଶାର ଜିଏସଟି ସଂଗ୍ରହ ୧୧ ପ୍ରତିଶତ ବୃଦ୍ଧି ପାଇଛି ।  ଅଧିକ ପଢନ୍ତୁ ଭାରତ ଖବର 

ଭୁବନେଶ୍ୱର: ଆଜି ପ୍ରକାଶ ପାଇବ OJEE ରେଜଲ୍ଟ । ଆଜି ପୂର୍ବାହ୍ନ 11ଟାରେ ପ୍ରକାଶ ପାଇବ ଫଳ । OJEE ୱେବସାଇଟରେ www.ojee.nic.in ରେ ରେଜଲ୍ଟ ଦେଖିପାରିବେ ପରୀକ୍ଷାର୍ଥୀ । ଏଥର ପରୀକ୍ଷା ଦେଇଥିଲେ ୫୫ ହଜାର ୯୭୯ ଜଣ ପରୀକ୍ଷାର୍ଥୀ । ଏଥିପାଇଁ ରାଜ୍ୟରେ ୪୪ଟି କେନ୍ଦ୍ର ସହ ରାଜ୍ୟ ବାହାରେ ୩ଟି କେନ୍ଦ୍ର କରାଯାଇଥିଲା । ରାଜ୍ୟରେ ଥିବା ସରକାରୀ ଓ ଘରୋଇ ବେଷୟିକ ଶିକ୍ଷାନୁଷ୍ଠାନର ଏମ୍‌ବିଏ, ଏମ୍‌ସିଏ, ଏମଏସ୍‌ସି, ଏମେ୍‌ଟେକ ଭଳି ୧୧ଟି ପାଠ୍ୟକ୍ରମରେ ନାମଲେଖା ଲାଗି ଗତ ମେ’ ମାସ ୮ରୁ ୧୫ତାରିଖ ପର୍ଯ୍ୟନ୍ତ ପରୀକ୍ଷା ହୋଇଥିଲା। ଏଥିପାଇଁ ମୋଟ ୪୭ ପରୀକ୍ଷା କେନ୍ଦ୍ର ହୋଇଥିଲା । ଚଳିତବର୍ଷ ସମ୍ପୂର୍ଣ୍ଣ କମ୍ପ୍ୟୁଟର ବସଡ୍‌ ମୋଡରେ ହୋଇଥିଲା ପରୀକ୍ଷା। ତେବେ ଆଜି ପୂର୍ବାହ୍ନ 11ଟାରେ  OJEE ରେଜଲ୍ଟ ପ୍ରକାଶ ପାଇବ ।   ଅଧିକ ପଢନ୍ତୁ ଓଡ଼ିଶା ଖବର

ଅର୍ଗସ ବ୍ୟୁରୋ : ଏବେ ବି ବଞ୍ଚିଛି କାଳିସୀ ପରମ୍ପରା । ନିଜ ନିଜର ବିଭିନ୍ନ ସମାସ୍ୟା ସହ ରୋଗ ଭଲ ପାଇଁ କାଳେସୀଙ୍କ ନିକଟରେ ଲାଗୁଛି ଲୋକଙ୍କ ଭିଡ଼ । ଏଭଳି ଘଟଣା ଦେଖିବାକୁ ମିଳିଛି ପୁରୀଜିଲ୍ଲା ଗୋପ ବ୍ଲକ ଜମରା ଗାଁ ଦଳିତ ସାହିରେ । ସେହି ସାହିର ପ୍ରତାପ ଭୋଇଙ୍କ ଠାରେ ମା ମଙ୍ଗଳା ଆସୁଥିବାର ଦାବି କରିଛନ୍ତି ସ୍ଥାନୀୟ ଲୋକେ । ମାଙ୍କ କୃପା ଲାଭ ପାଉଁ ପ୍ରତି ମଙ୍ଗଳାବାରରେ ହୁକୁମ ନେବାକୁ ଏଠି ଲାଗୁଛି ଭିଡ଼ । ମାନସିକ ରଖି ଶତାଧିକ ଲୋକେ କିଏ ରୋଗ ଭଲ ପାଇଁ ଆସୁଛି ତ କିଏ ନିଜ ପରିବାର ସମସ୍ୟା ସମାଧାନ ପାଇଁ ଆସୁଛନ୍ତି । ଯାହା ମାନସିକ କରୁଛନ୍ତି ତାହା ମିଳୁଛି ବୋଲି ଏଠାକୁ ଆସୁଥିବା ଲୋକେ ଦାବି କରୁଛନ୍ତି ।  ଅଧିକ ପଢନ୍ତୁ ଓଡ଼ିଶା ଖବର ଅନ୍ୟ ପକ୍ଷରେ ପିଲାଦିନୁ ମା ମଙ୍ଗଳାଙ୍କୁ ପୂଜାର୍ଚ୍ଚନା କରି ଆସୁଥିବା ପ୍ରତାପ ନବମ ଶ୍ରେଣୀରେ ପାଠ ପଢୁଠୁବା ବେଳେ ତାଙ୍କ ଦେହରେ ଏକ ଶକ୍ତି ଅନୁଭବ କରିଥିଲେ । ଶକ୍ତି ଆସିବା ପରେ 5 ବର୍ଷ ହେଲା ସେ ବିନା ପଇସାରେ ହୁକୁମ ଦେଇ ଆସୁଛନ୍ତି ବୋଲି ସେ କହିଛନ୍ତି ।  ପ୍ରତ୍ୟହ ମଙ୍ଗଳାବାରରେ ଦ୍ବିପ୍ରହରରେ ପ୍ରତାପ ନାରି ବେଶରେ ସଜେଇ ହୋଇ ମାଙ୍କୁ ପୂଜାର୍ଚ୍ଚନା କରିବା ପରେ ନିଆଁ ବଳିତା ଖାଇବା, ନିଆଁରେ ଚାଲିବା ଓ ଝୁଣା ଧୂଆଁ ଖାଇବା ଦୃଶ୍ୟ ଉପସ୍ଥିତ ଲୋକଙ୍କୁ ଚକିତ କରିଥାଏ । କାଳେସି ଲାଗିବା ପରେ ସେ ଜଣ ଜଣ କରି ଲୋକଙ୍କ କଥା ଶୁଣିବା ସହ ତାହାର ପ୍ରତିକାର ବତାଇଥାନ୍ତି । ଅନେକ ଲୋକ ଏଠାକୁ ବିଶ୍ୱାସରେ ଆସୁଥିବା ବେଳେ କେହି କେହି ଏହାକୁ ଏକ ଅନ୍ଧ ବିଶ୍ୱାସ ବୋଲି ଭାବିଥାନ୍ତି ।