ମୟୂରଭଞ୍ଜ: ପାଖଉଛି ଦାନା । ବଢୁଛି ଭୟ । ବର୍ତ୍ତମାନ ବାତ୍ୟା ଦାନା ପାରାଦୀପରୁ 180 କିମି ଦୂରରେ ଅଛି । ଆକଳନ ଅନୁଯାୟୀ ଆଜି ମଧ୍ୟରାତ୍ରୀରୁ ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହେବ । 24 ରାତିରୁ 25 ସକାଳ ମଧ୍ୟରେ ଲ୍ୟାଣ୍ଡଫଲ୍ କରିବ ବାତ୍ୟା ।
ତେବେ ଏହାର ପ୍ରଭାବରେ ଅନେକାଂଶ ସ୍ଥାନରେ ବର୍ଷା ସାଙ୍ଗକୁ ପବନ ଆରମ୍ଭ ହୋଇଗଲାଣି । କେଉଁଠି ବଡ ବଡ ଗଛ ଉପୁଡିପଡିଲାଣି ତ କେଉଁଠି ରାସ୍ତା ଅବରୋଧ ହେଲାଣି । ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ୍ ବୈଶିଙ୍ଗା ଥାନା ଅଞ୍ଚଳର ବୈଶିଙ୍ଗା-ରୁପ୍ସାର ମୁଖ୍ୟ ରାସ୍ତା କଦଳିଆ ଛକ ଠାରେ ଦେଖୁ ଦେଖୁ ରାସ୍ତା ଉପରେ ଗଡି ପଡ଼ିଲା ଦୀର୍ଘ ବର୍ଷର ବରଗଛ । ଫଳରେ ଯାତାୟତ ବାଧାପ୍ରାପ୍ତ ହୋଇଛି । ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ସେହି ବାଟ ଦେଇ ଯାଉଥିବାବେଳେ ଗାଡି ଅଧ ରାସ୍ତାରୁ ଫେରିଯାଇଛି । ଓଡ୍ରାଫ୍ ଟିମ୍ ପହଞ୍ଚି ରାସ୍ତା ସଫା କରୁଥିବା ଦେଖିବାକୁ ମିଳିଛି ।
ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସନ୍ଧ୍ୟାରେ ଟେଲିଫୋନ ଯୋଗେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସହିତ ଓଡ଼ିଶାରେ ବାତ୍ୟା ମୁକାବିଲା ପାଇଁ ପ୍ରସ୍ତୁତି ସଂପର୍କରେ ଆଲୋଚନା କରିଛନ୍ତି ।
#WATCH | Prime Minister Narendra Modi & Union Home Minister Amit Shah speak to #Odisha Chief Minister Mohan Charan Majhi to take stock of cyclone #Dana preparedness#CycloneDana #CycloneInOdisha #PMModi pic.twitter.com/IkjhMAxfmO — Argus News (@ArgusNews_in) October 24, 2024
ଆଲୋଚନା ସମୟରେ, ମୁଖ୍ୟମନ୍ତ୍ରୀ ରାଜ୍ୟରେ ଚାଲିଥିବା ଲୋକଙ୍କ ସ୍ଥାନାନ୍ତର ପ୍ରକ୍ରିୟା ସଂପର୍କରେ ବିସ୍ତୃତ ସୂଚନା ଦେଇଥିଲେ । ଏହା ସହିତ ଲୋକଙ୍କ ସୁରକ୍ଷା ପାଇଁ ନିଆ ଯାଇଥିବା ସୁରକ୍ଷା ବଳ, NDRF, ODRAF ଆଦି ମୁତୟନ ସଂପର୍କରେ ମଧ୍ୟ ସୂଚନା ଦେଇଥିଲେ ।
ଆଲୋଚନା ପରେ ବାତ୍ୟା ମୁକାବିଲା ପ୍ରସ୍ତୁତି ସଂପର୍କରେ ପ୍ରଧାନମନ୍ତ୍ରୀ ସନ୍ତୋଷ ବ୍ୟକ୍ତ କରିଛନ୍ତି । କେନ୍ଦ୍ର ଗୃହ ମନ୍ତ୍ରୀ ଅମିତ୍ ଶାହା ମଧ୍ୟ ଏ ସଂପର୍କରେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ସମସ୍ତ ସାହାଯ୍ୟ ସହଯୋଗ ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି ।
ଅର୍ଗସ ବ୍ୟୁରୋ: ସ୍ଥଳ ଭାଗ ମୁହାଁ ବାତ୍ୟା। ସଚିବାଳୟରେ ଘନ ଘନ ବୈଠକ । ସ୍ଥିତିର ସମୀକ୍ଷା କରୁଛନ୍ତି ମୁଖ୍ୟମନ୍ତ୍ରୀ । ବିଭିନ୍ନ ମନ୍ତ୍ରୀ ବିଭାଗୀୟ ସଚିବ ଓ ଜିଳ୍ଲପାଳ ଙ୍କ ସହ ଆଲୋଚନା କରି ପ୍ରସ୍ତୁତି ବିଷୟରେ ବୁଝିଛନ୍ତି ମୁଖ୍ୟମନ୍ତ୍ରୀ । ବୈଠକ ପରେ ମୁଖ୍ୟମନ୍ତ୍ରୀ କହିଛନ୍ତି 11 ଜିଲ୍ଲାର 38 ବ୍ଲକ ରେ ଥିବା 1653 ପଞ୍ଚାୟତ ଓ 9 ପୌରାଞ୍ଚଳ ପ୍ରଭାବିତ ହେବ । ଯାହାକୁ ଦୃଷ୍ଟିରେ ରଖି 3 ଲକ୍ଷ 62 ହଜାର କୋକଙ୍କୁ ସ୍ଥାନାନ୍ତର କରାଯାଇଛି । ଗାଈ ଗୋରୁ ଙ୍କୁ ମଧ୍ୟ ସ୍ଥାନାନ୍ତରିତ କରାଯାଉଛି । ଯେଉଁମାନେ ସ୍ଥାନାନ୍ତରିତ ହୋଇ ଆସିଛନ୍ତି ସେମାନଙ୍କୁ 7285 ବାତ୍ୟା ଆଶ୍ରୟ ସ୍ଥଳୀରେ ରଖା ଯାଇଛି ।
ଯେଉଁଥିରେ 842 ଟି ବହୁ ମୁଖି ଓ 6043 ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀ ରହିଛି । ସେହିପରି 2 ହଜାର 338 ଗର୍ଭବତୀ ଙ୍କୁ ମେଡିକାଲ ସ୍ଥାନାନ୍ତିରତ କରାଯାଇଛି । ବାତ୍ୟା ମୁକାବିଲା ପାଇଁ NDRFର 19ଟି ଟିମ ,ଓଡ୍ରାଫର 51,ଅଗ୍ନିଶମର 220 ଟିମ ଓ 158 ପ୍ଲାଟୁନ ପୋଲିସ ଫୋର୍ସ ମୁତୟନ ଅଛନ୍ତି | ଗାଁ ରେ ପୋଲିସ ପେଟ୍ରୋଲିଙ୍ଗ ହେଉଛି | | ହସ୍ପିଟାଲ ରେ ବ୍ୟାପକ ପାୱାର ସପ୍ଲାଇ ପାଇଁ ବ୍ୟବସ୍ଥା ହୋଇଛି | ବାତ୍ୟା ଲ୍ୟାଣ୍ଡ ପଲ ପରେ ବିଦ୍ୟୁତ ସଂଯୋଗ ପାଇଁ ଟିମ ପ୍ରସ୍ତୁତ ଅଛି | 11 ଟି ଜିଲ୍ଲା କୁ ସଚିବ ସ୍ତରୀୟ IAS ମାନେ ପ୍ରଭାବିତ ଜିଲ୍ଲାର ଗାଁ କୁ ଯାଇ ତଦାରଖ କରୁଛନ୍ତି |
ସେପଟେ ରାଜସ୍ୱ ମନ୍ତ୍ରୀ କହିଛନ୍ତି ଭଦ୍ରକ, ବାଲେଶ୍ୱର ଓ କେନ୍ଦ୍ରାପଡ଼ା ଜିଲ୍ଲା ରେ ବାତ୍ୟା ର ପ୍ରବାବ ବେଶୀ ରହିବ ତେଣୁ ସେହି ଜିଲ୍ଲା ରେ ସ୍ଥାନାନ୍ତରିତ ପ୍ରକ୍ରିୟା ବେଶୀ କରାଯାଇଛି । 300 ରେସକ୍ୟୁ ଟିମ ର ସହଯୋଗ ସହ ଭୋଜନ ର ବ୍ୟବସ୍ଥା କରିଛି ଜିଲ୍ଲା ପ୍ରଶାସନ ।
ଅନ୍ୟପଟେ ପ୍ରାଣୀ ସମ୍ପଦ ମନ୍ତ୍ରୀ କହିଛନ୍ତି ପ୍ରଭାବିତ ହେବାକୁ ଥିବା ଜିଲ୍ଲା ଗୁଡିକରେ 60 ହଜାର ପଶୁଙ୍କୁ ଆଶ୍ରୟ ସ୍ଥଳୀକୁ ଅଣାଯିବା ପାଇଁ ବ୍ୟବସ୍ଥା ହୋଇଛି । 1 ହଜାର ଗାଈଗୋରୁ ଆଶ୍ରୟ ସ୍ଥଳୀ ହୋଇଛି । 1 ହଜାର ଟନ୍ କୁଣ୍ଡା, ଶୁଖିଲା ଖାଦ୍ୟ, ଘାସ ବ୍ୟବସ୍ଥା ହୋଇଛି । ପଶୁ ଅସୁସ୍ଥ ବା ଆଘାତ ହେଲେ 1962କୁ ଯୋଗାଯୋଗ କରନ୍ତୁ । 166 ଟି ମୋବାଇଲ ଭେଟ୍ରେନାରୀ ୟୁନିଟ ଭ୍ୟାନ ବ୍ୟବସ୍ଥା ହୋଇଛି । 294 ଭେଟନାରୀ ଅଧିକାରୀ ପ୍ରସ୍ତୁତ ଅଛନ୍ତି।
202 ଟି ରାପିଡ଼ ରେସ୍ପନ ଟିମ ପ୍ରସ୍ତୁତ ଅଛନ୍ତି । ଲାଇଭ ସେଭିଂ ଟିମ 14 ଟି ଜିଲ୍ଲାରେ ଅଛନ୍ତି । 1862 ଲାଇଭ ଷ୍ଟକ ଇନିସ୍ପେକ୍ଟର ପ୍ରସ୍ତୁତ ଅଛନ୍ତି । ସାଗର ମିତ୍ର ମାନେ ମତ୍ସ୍ୟଜିବୀ ଏବଂ ଲୋକଙ୍କୁ ସମୁଦ୍ରକୁ ନଯିବା ପାଇଁ ବାର୍ତ୍ତା ଦେବା ସହ ସୁରକ୍ଷିତ ଜାଗାକୁ ଆଣିବାକୁ କାମ କରୁଛନ୍ତି । ପଘାରେ ଗାଈ ଗୋରୁଙ୍କୁ ନବାନ୍ଧି ଉଚ୍ଚ ସ୍ଥାନକୁ ଆଣିବା ପାଇଁ ନିବେଦନ କଲେ ପ୍ରାଣୀ ସମ୍ପଦ ମନ୍ତ୍ରୀ।
ଅଧିକ ପଢ଼ନ୍ତୁ ଓଡ଼ିଶା ଖବର
