ଅର୍ଗସ ବ୍ୟୁରୋ:ଆଜି ବି ଉପକୂଳ ଓ ଆଭ୍ୟନ୍ତରୀଣ ଓଡିଶାରେ କାଳବୈଶାଖି ସମ୍ଭାବନା। ପଶ୍ଚିମ ଓଡିଶାରେ ଦେଖିବାକୁ ମିଳିବ ତାତିର ପ୍ରଭାବ। ପଶ୍ଚିମବଙ୍ଗ-ସିକିମ ହୋଇ ଏକ ଟ୍ରଫଲାଇନ ଆଭ୍ୟନ୍ତରୀଣ ଓଡିଶା ଉପରେ ଗତି କରୁଥିବା ବେଳେ ଏହାର ପ୍ରଭାବରେ ରାଜ୍ୟରେ ବିଜୁଳି, ଘଡଘଡି ଓ ବର୍ଷା ଜାରି ରହିଛି। ଏହି କ୍ରମରେ ଆଜି ମଧ୍ୟ ଆଭ୍ୟନ୍ତରୀଣ ଓଡ଼ିଶାର ବିଭିନ୍ନ ସ୍ଥାନରେ 40ରୁ 50କିମି ବେଗରେ ପବନ ବହିବା ସହ ବର୍ଷା ହେବାର ସମ୍ଭାବନା ରହିଛି। ଏନେଇ ଆଞ୍ଚଳିକ ପାଣି
ପାଗ ବିଜ୍ଞାନ କେନ୍ଦ୍ର ପକ୍ଷରୁ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାର 14ଟି ଜିଲ୍ଲାକୁ ଆର୍ଲଟ ଜାରି କରାଯାଇଛି।
ଏହି ସମସ୍ତ ଜିଲ୍ଲା ଗୁଡିକ ହେଉଛି ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଜପତି, ମୟୁରଭଞ୍ଜ, କନ୍ଧମାଳ ଓ ଢେଙ୍କାନାଳ। ସେପଟେ ଆହୁରି 5ଦିନ ଯାଏ ତାତିରେ ହନ୍ତସନ୍ତ ହେବ ପଶ୍ଚିମ ଓଡ଼ିଶା ବାସୀ। ଏଠାରେ ଦିନର ତାପମାତ୍ରା 42ଡିଗ୍ରୀ ଯାଏ ବୃଦ୍ଧି ପାଇବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର।
ଅଧିକ ପଢନ୍ତୁ ଓଡିଶା ଖବର
ଅର୍ଗସ ବ୍ୟୁରୋ : ରାଜ୍ୟରେ ଉନ୍ନତମାନର ସ୍ବାସ୍ଥ୍ୟ ସୁବିଧା ଯୋଗାଉଥିବାର ଡିଣ୍ଡିମ ପିଟୁଛନ୍ତି ରାଜ୍ୟ ସରକାର । ଏମିତିକି କେନ୍ଦ୍ରର ଅନେକ ଲୋକାଭିମୁଖୀ ଯୋଜନାକୁ ଏଡ଼ାଇ ନିଜର ସ୍ବତନ୍ତ୍ର ଯୋଜନା ଚଲାଉଛନ୍ତି । ହେଲେ ଏତେ ସବୁ ସତ୍ତ୍ବେ ରାଜ୍ୟବାସୀଙ୍କୁ ଉତ୍ତମ ସ୍ବାସ୍ଥ୍ୟ ସୁବିଧା ଯୋଗାଇଦେବାରେ ଫେଲ୍ ମାରିଛନ୍ତି ସରକାର । ରାଜ୍ୟରେ ଶିଶୁ ମୃତ୍ୟୁ ରୋକିବାରେ ଫେଲ୍ ମାରିଛି ସ୍ବାସ୍ଥ୍ୟ ବିଭାଗ । କଟକ ମହାନଗର ନିଗମ ଅଧୀନରେ ଥିବା ଜନ୍ମ ମୃତ୍ୟୁ ପଞ୍ଜିକରଣ ତଥ୍ୟ ଅନୁଯାୟୀ ମାତ୍ର ୨୦ ମାସରେ ଗଲାଣି ୩ ହଜାର ଶିଶୁଙ୍କ ଜୀବନ । ୨୦୨୨ ରୁ ୨୦୨୩ ଗୋଟିଏ ବର୍ଷ ମଧ୍ୟରେ ୩୪୮୭ ଜଣ ଶିଶୁ ଆବଶ୍ୟକୀୟ ସ୍ବାସ୍ଥ୍ୟ ସୁବିଧାର ବଞ୍ଚିତ ହୋଇ ଜୀବନ ହାରିଛନ୍ତି । ଅର୍ଥାତ ପ୍ରତିଦିନ ୫ ରୁ ୬ ଜଣ ଶିଶୁଙ୍କ ଜୀବନ ଯାଉଛି । ଯାହାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛି ବିଜେପି କଟକ ନଗର ମହିଳା ମୋର୍ଚ୍ଚା ।
ଅଧିକ ପଢନ୍ତୁ ଓଡ଼ିଶା ଖବର
ଶିଶୁ ମୃତ୍ୟୁର କାରଣ ଏବଂ ଏହାକୁ ରୋକିବା ପାଇଁ ଶିଶୁ ଭବନ ଅଧ୍ୟକ୍ଷଙ୍କୁ ଭେଟି ଆଲୋଚନା କରିବା ସହ ଏକ ଦାବି ପତ୍ର ଦେଇଛନ୍ତି । ଏଥି ସହ ଯଦି ଆଗାମୀ ଦିନରେ ଶିଶୁ ମୃତ୍ୟୁ ହାର କମ କରିବାରେ ରାଜ୍ୟ ସରକାର ସଫଲ ନହୁଅନ୍ତି ତେବେ ବିଜେପି ରାସ୍ତାକୁ ଓହ୍ଲାଇ ଏହାର ଜବାବ ମାଗିବ ବୋଲି ଚେତାବନୀ ଦେଇଛନ୍ତି । ଗୋଟଏ ପଟେ ରାଜ୍ୟରେ କମୁନି ଶିଶୁ ମୃତ୍ୟୁ ହାର ସେଇଠି ରାଜ୍ୟର ଏକ ମାତ୍ର ପ୍ରମୁଖ ଶିଶୁ ଚିକିତ୍ସା ପ୍ରତିଷ୍ଠାନ ଶିଶୁ ଭବନର ଅବହେଳିତ ଚିତ୍ର ସାମ୍ନାକୁ ଆସିଛି । ଚିକିତ୍ସା ପାଇଁ ଏଠାକୁ ପ୍ରତିଦିନ ହଜାର ହଜାର ଶିଶୁ ଆସୁଥିବା ବେଳେ ପାଇପାରୁନାହାନ୍ତି ଆବଶ୍ୟକୀୟ ସ୍ବାସ୍ଥ୍ୟ ସେବା ।
ଶିଶୁଭବନରେ ମାତ୍ର ୪୧୨ଟି ବେଡ଼ ରହିଛି । ସେହିପରି icu ସହ SNCUର ବେଡ଼ ମଧ୍ୟ ଯଥେଷ୍ଟ କମ ରହିଛି । ଏପଟେ ମାସେରୁ ଅଧିକ ସମୟ ହେଲାଣି ଶିଶୁ ଭବନର ଜି୭ ବିଲ୍ଡିଂ କାମ ହୋଇସାରିଥିଲେ ବି ଲୋକାପର୍ଣ ହୋଇପାରୁନି । ଆବଶ୍ୟକୀୟ ସ୍ବାସ୍ଥ୍ୟ ବିଶେଷଜ୍ଞ, ପାରାମେଡିକାଲ କର୍ମଚାରୀ ଓ ମେଡ଼ିକାଲ ଉପକରଣ ନଥିବାରୁ ଏହି ବିଲ୍ଡିଂର ଲୋକାର୍ପଣ ହୋଇ ପାରୁନାହିଁ । ମହାନଗରନିଗମ ତଥ୍ୟ ଅନୁଯାୟୀ ୨୦୨୨ ଜାନୁଆରୀରୁ ଡିସେମ୍ବର ଭିତରେ ୨୩୬୯ ଶିଶୁଙ୍କର ଚିକିତ୍ସା ଧୀନ ଅବସ୍ଥାରେ ମୃତ୍ୟୁ ହୋଇଛି । ସେହିପରି ୨୦୨୩ ଜାନୁଆରୀରୁ ଅଗଷ୍ଟ ମାସ ମଧ୍ୟରେ ୧୧୧୮ ଜଣ ଶିଶୁଙ୍କ ମୃତ୍ୟୁ ହୋଇଛି । ଚଳିତ ବର୍ଷ ଜାନୁଆରୀ ମାସରେ କେବଳ ୧୫୬ ଶିଶୁ ପ୍ରାଣ ହରାଇଥିବା ବେଳେ ଅଗଷ୍ଟରେ ଏହା ୧୬୨ରେ ପହଁଞ୍ଚିଛି ।
ନୂଆପଡ଼ା: ବାଟବଣା ପ୍ରାକ୍ ଶିକ୍ଷା । ଅଙ୍ଗନୱାଡ଼ି କେନ୍ଦ୍ରରେ ଲାଗିରହିଛି ଅବ୍ୟବସ୍ଥା । ଭଙ୍ଗା ଦଦରା ଘରେ ବସିବାକୁ ବାଧ୍ୟ ହେଉଛନ୍ତି ପିଲା । ନାହାନ୍ତି ଅଙ୍ଗନୱାଡ଼ି କର୍ମୀ, ପାଠପଢ଼ା ସମ୍ପୂର୍ଣ୍ଣ ଠପ୍ । ପୁରୁଣା ଗୃହରେ ଚାଲିଛି ଭବିଷ୍ୟତ ଗଢ଼ା । ଶୀଘ୍ର ଅଙ୍ଗନୱାଡ଼ି କର୍ମୀ ନିଯୁକ୍ତି କରିବାକୁ ଦାବି କରାଯାଇଛି । ଅଙ୍ଗନୱାଡ଼ି ଗୃହ ବିପଦ ସଙ୍କୁଳ ହୋଇଥିବାରୁ ଭଙ୍ଗା ଦଦରା ଘରେ ପଢିବାକୁ ବାଧ୍ୟ ହେଉଛନ୍ତି ଗଡ଼ଗଡ ଟେଟେଙ୍ଗ ପଡ଼ା ଗାଁର ଛୋଟ ଛୋଟ ପିଲା । ସ୍ଥାୟୀ କେନ୍ଦ୍ର ଥିଲେ ସୁଦ୍ଧା ସ୍ବଚ୍ଛତା ଏବଂ ରୋଷେଇ ଗୃହ ନଥିବାରୁ ଗୋଟିଏ ପୁରୁଣା ଗୃହରେ ଚାଲିଛି ଭବିଷ୍ୟତ ଗଢା ।
ସ୍ଥାୟୀ କେନ୍ଦ୍ର ଥୁଲେ ସୁଦ୍ଧା ପୁରୁଣା ଘର ହୋଇ ଥିବାରୁ 33 ଜଣ କୁନି କୁନି ପିଲା ଏବେ ବିପଦ ସଙ୍କୁଳ ଅବସ୍ଥାରେ ଅଛନ୍ତି । ବର୍ଷା ଦିନେ ସବୁବେଳେ ଛାତରୁ ପାଣି ଝରୁଥିବାରୁ ପାଠ ପଢିବାରେ ଅସୁବିଧା ହେଉଥିବା କହିଛନ୍ତି ଅଭିଭାବକ ମାନେ । ଏପଟେ ନୂଆପଡ଼ା ଉପଜିଲ୍ଲାପାଳ ଙ୍କୁ ପଚାରିବାରୁ , ଆମେ ସରକାରଙ୍କୁ ଏ ବିଷୟରେ ଜଣାଇବୁ ଏବଂ ଯଥାଶୀଘ୍ର ସମସ୍ୟା ର ସମାଧାନ କରାଯିବ ବୋଲି କହିଛନ୍ତି । ଶିଶୁଙ୍କ ପାଇଁ କେବେ ଯେ ସରକାର ଚିନ୍ତା କରିବେ ଆଉ ଯଥା ଶୀଘ୍ର ଅଙ୍ଗନୱାଡ଼ି କର୍ମୀ ନିଯୁକ୍ତି କରିବେ ତାହା ଦେଖିବାକୁ ବାକି ରହିଲା ।
ଅଧିକ ପଢନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ : କଟକ ଚୌଧୁରୀ ବଜାରରେ ଥିବା ଏକ ଶାଢ଼ୀ ଦୋକାନରେ ଲାଗିଥିଲା ଭୀଷଣ ନିଆଁ । ଦୀର୍ଘ ଚାରି ଘଣ୍ଟା ପରେ ଚୌଧୁରୀ ବଜାରର ଲୁଗା ଦୋକାନରେ ଲାଗିଥିବା ନିଆଁକୁ ଆୟତ୍ତ କରାଯାଇପାରିଛି । ଏବେ ବିପଦ ସଂପୂର୍ଣ୍ଣ ଟଳିଯାଇଛି । ଏନେଇ ଅଗ୍ନିଶମ ଅଧିକାରୀ ସୂଚନା ଦେଇଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ଏବେ ବି ଘଟଣାସ୍ଥଳରେ ଅଗ୍ନିଶମ ବାହିନୀର ୧୦ଟି ଟିମ୍ ନିଆଁ ଲିଭାଇବା ଲାଗି ଅକ୍ଳାନ୍ତ ପ୍ରଚେଷ୍ଟା ଜାରି ରଖିଛନ୍ତି । ଏଯାଏ ବହୁ ଲୁଗା ଓ ଅନ୍ୟାନ୍ୟ ଆସବାବପତ୍ର ଜଳିପୋଡ଼ି ଯାଇଥିବା ଜଣାଯାଇଛି । ନିଆଁ ଲାଗିଥିବା ଦୋକାନର ପାଖାପାଖି ଅନ୍ୟ କୌଣସି ଦୋକାନକୁ ନିଆଁ ବ୍ୟାପିନାହିଁ ।
