ଅର୍ଗସ ବ୍ୟୁରୋ: ଆନନ୍ଦପୁର ଉପଖଣ୍ଡ ହାଟଡିହି ଠାରେ ଥିବା Ecart ନାମକ ଏକ କୋରିଅର ସଂସ୍ଥାରେ କାର୍ଯ୍ୟରତ କର୍ମଚାରୀ ଆଶିଷ ବେହେରାଙ୍କ ସଡକ ଦୁର୍ଘଟଣାରେ ମୃତ୍ୟୁ ଘଟିଛି । ଗତକାଲି ପାର୍ସଲ ଡେଲିଭେରିସମୟରେ ଫକିରପୁର ଠାରେ ତାଙ୍କ ବାଇକ୍ ସହ ଅନ୍ୟଏକ ବାଇକ୍ ଧକ୍କା ହେବାରୁ ତାଙ୍କର ମୃତ୍ୟୁ ଘଟିଥିଲା ।
ଗତକାଲି ଠାରୁ ମୃତ୍ୟୁ ଘଟିଥିଲେ ମଧ୍ୟ କମ୍ପାନୀ ପକ୍ଷରୁ କୌଣସି ସୁବିଧା ଦିଆ ନଯାଇଥିବା ଅଭିଯୋଗ ହେଇଛି । ଦିନରାତି ଅନବରତ ପାର୍ସଲ ବ୍ୟାଗ୍ ନିଜ ବାଇକ୍ ରେ ଲଦି ଠିକଣା ସ୍ଥାନରେ ପହଁଞ୍ଚାଉଥିବା କର୍ମଚାରୀଙ୍କ ପାଇଁ କମ୍ପାନି ତରଫରୁ ନା ବିମା ସୁବିଧା ରହିଛି, ନା ଇଏସ୍ଆଇ ର ସୁବିଧା ।
ତୁରନ୍ତ ମୃତକ ପରିବାରକୁ କମ୍ପାନୀ ପକ୍ଷରୁ କ୍ଷତିପୁରଣ ଓ ସମସ୍ଥ କର୍ମଚାରୀ ଙ୍କ ବିମା , ଇଏସ୍ଆଇ ଓ ପିଏଫ ଲାଗୁ ଦାବିରେ ହାଟଡିହି ଓ ଆନନ୍ଦପୁର ଶୈଲଙ୍ଗ ଛକରେ ଥିବା ହବ କୁ ବନ୍ଦ କରି ଆନ୍ଦୋଳନ ଚଳାଇଛନ୍ତି ସମସ୍ତ କର୍ମଚାରୀ ।
ଓଡିଶା ଖବର ଆହୁରି ପଢ଼ନ୍ତୁ ।
ସୁବର୍ଣ୍ଣପୁର: ମାହୁନ୍ତକୁ କଚାଡି ହାତୀ ଫେରାର । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଧନୁଯାତ୍ରାରେ ଅଘଟଣ । ଧନୁଯାତ୍ରାରେ ସାମିଲ ଥିବା ହାତୀ ମାହୁନ୍ତକୁ କଚାଡି ଫେରାର ମାରିଥିବା ସୂଚନା ରହିଛି । ତେବେ ମାହୁନ୍ତ ଜଣକ ସୁରକ୍ଷିତ ଥିବା ଜଣାପଡିଛି । ହାତୀଟି ଗାଁ ମୁହାଁ ହୋଇଥିବା ସୂଚନା ମିଳିଛି ।
ଆଜି ଧନୁଯାତ୍ରାର ଚତୁର୍ଥ ରଜନୀ । କଂସ ମହାରାଜକୁ ହାତୀ ନେଇଥିବାବେଳେ ହଠାତ୍ ହାତୀଟି ପଳାଇବାରେ ଲାଗିଥିଲା । ମାହୁନ୍ତ ଜଣକ ହାତୀକୁ ନିୟନ୍ତ୍ରଣ କରିବା ପାଇଁ ଚେଷ୍ଟା କରିଥିଲେ ହେଁ ହାତୀ ଟି ନିୟନ୍ତ୍ରଣ ହରାଇ ମାହୁନ୍ତକୁ କଚାଡି ଦୌଡ଼ି ପଳେଇ ଥିଲା । ତେବେ ଅନ୍ଧାର ହୋଇଥିବାରୁ ହାତୀକୁ ଖୋଜିବାରେ ବାଧା ସୃଷ୍ଟି ହୋଇଛି । ବର୍ତ୍ତମାନ ପର୍ଯ୍ୟନ୍ତ ହାତୀର ସନ୍ଧାନ ମିଳି ପାରି ନାହିଁ । ଏବେ ସମସ୍ତେ ହାତୀଟିକୁ ଖୋଜିବାରେ ଲାଗିଥିବାବେଳେ ଯାତ୍ରା ମଧ୍ୟ ବାଧାପ୍ରାପ୍ତ ରହିଛି ।
ଆହୁରି ପଢନ୍ତୁ ଓଡିଶା ଖବର...
