ନିଷ୍ପତ୍ତିର ପୁନର୍ବିଚାର କରିବା ପାଇଁ ରାଜ୍ୟ ସରକାରଙ୍କୁ ଅନୁରୋଧ କରାଯିବ ବୋଲି ଆଜିର ସାଧାରଣ ସଭାରେ ସର୍ଵସମ୍ମତି କ୍ରମେ ନିଷ୍ପତ୍ତି ନିଆଯାଇଛି । ଆଶା ସହରବାସୀଙ୍କ ଭାବାବେଗକୁ ସରକାର ବିଚାରକୁ ନେବେ । ଜୀବନ ଜୀବିକା ସହିତ ଭାବାବେଗକୁ ମଧ୍ୟ ସମ୍ମାନ ଦିଆଯିବା ଉଚିତ । ମୁଖ୍ୟମନ୍ତ୍ରୀ ଲୋକଙ୍କ ଭାବାବେଗକୁ ବୁଝିବେ ବୋଲି ବୈଠକ ପରେ କହିଛନ୍ତି କଟକ ସାଂସଦ ଭର୍ତ୍ତୃହରି ମହତାବ ।
ତେବେ 17 ତାରିଖ ଦିନ ଶାନ୍ତି କମିଟି ଓ ପୂଜା କମିଟିର ଆଉ ଏକ ବୈଠକ ଅନୁଷ୍ଠିତ ହେବ ଏବଂ ସେହି ବୈଠକରେ କମିଟି ପୂଜା ସମ୍ପର୍କରେ ତାର ପରବର୍ତ୍ତୀ ନିଷ୍ପତ୍ତି ନେବ ବୋଲି କହିଛନ୍ତି ପୂଜା କମିଟି ସମ୍ପାଦକ ପ୍ରଭାତ ତ୍ରିପାଠୀ । କଟକ ଦୁର୍ଗା ପୂଜାରେ ମୂର୍ତ୍ତିର ଉଚ୍ଚତା ବୃଦ୍ଧି ଓ ସର୍ବସାଧାରଣଙ୍କ ଦର୍ଶନ ଦାବିକୁ ରାଜ୍ୟ ସରକାର ଅଗ୍ରାହ୍ୟ କରିବା ପରେ ଏହାକୁ ନେଇ କଟକ ପୂଜା କମିଟି ଓ ଶାନ୍ତି କମିଟିର ବୈଠକ ଡାକାଯାଇଥିଲ। । ତେବେ ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ବକ୍ତବ୍ୟ ରଖୁଥିବା ବେଳେ କମିଟି ସଦସ୍ୟମାନେ ହୋହଲ୍ଲା କରିଥିଲେ ।
