Today, Pihu's mother is sitting outside Odisha State Commission for Protection of Child Rights.

ଅର୍ଗସ ବ୍ୟୁରୋ: ଛତୁଆ ବଣ୍ଟନରେ ବ୍ୟାପକ କେଳେଙ୍କାରୀ ନେଇ ପୁଣି ବିବାଦକୁ ଆସିଛି ଧର୍ମଶାଳା ନିର୍ବାଚନ ମଣ୍ଡଳୀ । ଆଉ ପଦାରେ ପଡିଛି ଧର୍ମଶାଳା ଆଇସିଡିଏସର କେଳାଙ୍କାରୀ । ଦେଖନ୍ତୁ ଏହି ଦୃଶ୍ୟକୁ କେମିତି ଛତୁଆ ନପାଇ ହତାଶ ହୋଇ ଫେରୁଛନ୍ତି ଗର୍ଭବତୀ ମହିଳା ଓ କୁନିଶିଶୁ ।  ଛତୁଆ ବଣ୍ଟନ ଦିବସରେ ମିଳିପାରିଲାନି ଛତୁଆ I କୁନି କୁନି ପିଲା ମାନଙ୍କ ପ୍ରତି ସରକାର ଙ୍କ ବୈମାତୃକ କାହିଁକି I ଅଭିଭାବକ ମାନଙ୍କ ମନରେ ପ୍ରଶ୍ନ ଶିଶୁ ମାନଙ୍କ ପାଇଁ ଉଦିଷ୍ଟ ଛତୁଆ ବିକ୍ରି ପାଇଁ ହେଉନାହିଁ ତ ମସୁଧା I  ଧର୍ମଶାଳା ବ୍ଲକ ର 45 ପଂଚାୟତ ରେ 14ସେକ୍ଟର ରେ 321 ଅଙ୍ଗନବାଡି କେନ୍ଦ୍ର ଅଛି I ସେଥିମଧ୍ୟରୁ ଧର୍ମଶାଳା ର ଦୁଇଟି ସ୍ୱଂ-ସହାୟକ ଗୋଷ୍ଠୀ ଯଥାକ୍ରମେ 9 ଟି ଓ 6 ଟି ସେକ୍ଟର କୁ ଛତୁଆ ଦେଉଥିଲେ I ସେଥିମଧ୍ୟରୁ ଗୋଟିଏ ଏସଏଚଜି କୁ ବଣ୍ଟନ ଦାୟିତ୍ୱ ରୁ ବାଦ ଦିଆଯାଇଛି ଗୋଟିଏ ଏସଏଚଜି କୁ ବ୍ଲକ ର 45ପଂଚାୟତ ର 321କେନ୍ଦ୍ରରେ ଛତୁଆ ପହଞ୍ଚାଇବାକୁ ନିର୍ଦେଶ ଥିବାବେଳେ ଏ ପର୍ଯ୍ୟନ୍ତ 3ସେକ୍ଟର ଥିବା ଅଙ୍ଗନବାଡି କେନ୍ଦ୍ରରେ ଛତୁଆ ପହଁଚିପାରିନାହିଁ I ପ୍ରତିମାସ 25ରୁ 30ତାରିଖ ମଧ୍ୟରେ ସବୁ କେନ୍ଦ୍ର ମାନଙ୍କରେ ଛତୁଆ ପହଁଚି ଯାଇଥାଏ I 1ତାରିଖ ଦି ଛତୁଆ ବଣ୍ଟନ ଦିବସରେ କୁନି କୁନି ପିଲା ଓ ଗର୍ଭବତୀ ମହିଳା ଙ୍କ ଛତୁଆ ବଣ୍ଟନ କରାଯାଏ I କିନ୍ତୁ ଛତୁଆ ବଣ୍ଟନ ଦିବସରେ ଶିଶୁ ଓ ଗର୍ଭବତୀ ମହିଳା ମାନେ ଛତୁଆ ପାଇବାରୁ ବଞ୍ଚିତ ହୋଇଛନ୍ତି I ଧର୍ମଶାଳା ବ୍ଲକ କବାଟ ବନ୍ଧ ଓ ବୃନ୍ଦାଦେଇପୁର ପଂଚାୟତ ରେ ଥିବା ଅଙ୍ଗନବାଡି କେନ୍ଦ୍ର ରେ ଦେଖିବାକୁ ମିଳିଛି ଏହିଭଳି ଦୃଶ୍ୟ I ଯାହାକି ହିତାଧିକାରୀ ମାନେ ଅଙ୍ଗନବାଡି କେନ୍ଦ୍ର ଆସି ନିରାଶ ରେ ଫେରୁଛନ୍ତି I ସେପଟେ ନିର୍ବାଚନ ମଣ୍ଡଳୀରେ ହୋଇଥିବା ଛତୁଆ କେଳାଙ୍କାରୀକୁ ନେଇ ସରକାରଙ୍କ ଉପରେ ବର୍ଷିଛନ୍ତି ବିଜେପି ନେତ୍ରୀ ସ୍ମୁତିରେଖା ପହି । ଆଉ କହିଛନ୍ତି ଏ ସବୁ କେଳାଙ୍କାରୀ ପଛରେ ରହିଛି ଶାସକ ଦଳର ହାତ ।ସମନ୍ହିତ ଶିଶୁ ବିକାଶ ଯୋଜନା, ଧର୍ମଶାଳା ର ଅଧିକାରୀ ଙ୍କ ଖାମଖିଆଲ ମନୋଭାବ ପାଇଁ ଛତୁଆ ବଣ୍ଟନ ଦିବସ ରେ ଛତୁଆ ପାଇବାରୁ ବଂଚିତ ହେଲେ 3 ସେକ୍ଟର ଅଙ୍ଗନବାଡି କେନ୍ଦ୍ର ହିତାଧିକାରୀ I ଆଉ କାହାର ଭୁଲ୍ ପାଇଁ ଆଜି ଏପରି ଘଟଣା ଘଟିଲା ଏନେଇ ସରକାର ନେବେ ତ କାର୍ଯ୍ୟାନୁଷ୍ଠାନ । ଅଧିକ ପଢ଼ନ୍ତୁ ଓଡିଶା ଖବର: 

ଅର୍ଗସ ବ୍ୟୁରୋ : ଉତରପ୍ରଦେଶରେ ଆୟୋଜିତ ତୃତୀୟ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ା ୨୦୨୩ରେ ଓଡ଼ିଶା ରିଲାଏନ୍ସ ଫାଉଣ୍ଡେସନ ଆଥ୍‌ଲେଟିକ୍ସ ଏଚ୍‌ପିସିର ସାତ ଜଣ କ୍ରୀଡ଼ାବିତ୍ ଚମତ୍କାର ପ୍ରଦର୍ଶନ କରି ମୋଟ ସାତଟି ମେଡାଲ୍ ଜିତିଛନ୍ତି । ଓଡ଼ିଶା ରିଲାଏନ୍ସ ଫାଉଣ୍ଡେସନ ଆଥ୍‌ଲେଟିକ୍ସ ହାଇ ପରଫରମାନ୍ସ ସେଂଟର୍‌ର ମୁଖ୍ୟ ପ୍ରଶିକ୍ଷକ ମାର୍ଟିନ୍ ଓୱେନ୍‌ସ କହିଛନ୍ତି ଯେ, “ତୃତୀୟ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ା ୨୦୨୩ରେ କ୍ରୀଡ଼ାବିତ୍‌ମାନେ ବହୁତ ଭଲ ପ୍ରଦର୍ଶନ କରିଛନ୍ତି । ତାଲିମ ସମୟରେ ସେମାନେ ନିଜ ଭିତରେ ଯଥା ସମ୍ଭବ ଉନ୍ନତି ଆଣିବାକୁ ଉଦ୍ୟମ କରିଥିଲେ ଯାହା ସେମାନେ ହାସଲ କରିଥିବା ସଫଳତାରେ ପ୍ରତିଫଳିତ ହୋଇଛି । ଆମର ସାତ ଜଣ କ୍ରୀଡ଼ାବିତ୍ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ ଏବଂ ସେମାନେ ସମସ୍ତେ ବିଜେତା ଭାବେ ପୋଡିୟମ୍ ଦଖଲ କରି ପ୍ରତ୍ୟାବର୍ତନ କରିଛନ୍ତି ।’’ ଅଧିକ ପଢନ୍ତୁ ଓଡ଼ିଶା ଖବର ନିକଟରେ ରାଂଚିରେ ଶେଷ ହୋଇଥିବା ସିନିୟର ଫେଡେରେସନ୍ କପ୍‌ରେ ଉଲ୍ଲେଖନୀୟ ପ୍ରଦର୍ଶନ କରିଥିବା ପ୍ରଜ୍ଞା ପ୍ରଶାନ୍ତୀ ସାହୁ ଏଠାରେ ୧୩.୬୩ ସେକେଣ୍ଡ୍ ସହ ୧୦୦ ମିଟର ବାଧାଦୌଡ଼ ପ୍ରତିଯୋଗିତାରେ ସ୍ୱର୍ଣ୍ଣ ଜିତି ଚମତ୍କାର ପ୍ରତ୍ୟାବର୍ତନ କରିଛନ୍ତି । ଅଭିଷେକ ଦଳବେହେରା ୧୦୦ ମିଟର ଦୌଡ଼ରେ ତୃତୀୟ ସ୍ଥାନରେ ରହିବା ସହିତ ଚଳିତ ମାସରେ ଭୁବନେଶ୍ୱରରେ ହେବାକୁ ଥିବା ଆନ୍ତଃ-ରାଜ୍ୟ ଦୌଡ଼କୁଦ ଚାମ୍ପିଅନ୍‌ସିପ୍ ପାଇଁ ସେ ଯୋଗ୍ୟତା ସମୟ ମଧ୍ୟ ଅତିକ୍ରମ କରିବାରେ ସଫଳ ହୋଇଛନ୍ତି । କ୍ରୀଡ଼ାବିତ ପ୍ରଜ୍ଞା ସାହୁ କହିଛନ୍ତି ଯେ, “ସିନିୟର ଫେଡେରେସନ୍ କପ୍‌ରେ ମୋ ପ୍ରଦର୍ଶନ ପରେ ଏହି ବିଜୟ ମୋ ପାଇଁ ନିହାତି ଜରୁରୀ ଥିଲା, କାରଣ ସେଠାରେ ମୁଁ ଅଳ୍ପକେ ମେଡାଲ୍‌ରୁ ବଂଚିତ ହୋଇ ଚତୁର୍ଥ ସ୍ଥାନରେ ରହିଥିଲି । ଦ୍ରୁତ ଆରମ୍ଭ କରିବା ମୋ ପାଇଁ ଗୁରୁତ୍ୱପୂର୍ଣ୍ଣ ଥିଲା ଏବଂ ତାହାକୁ ହାସଲ କରିବାରେ ସଫଳ ହୋଇଥିବାରୁ ମୁଁ ବେଶ ସନ୍ତୁଷ୍ଟ । ଉଚ୍ଚ ପ୍ରଦର୍ଶନ ଜାରି ରଖିବା ଏବଂ ପରବର୍ତୀ ପ୍ରତିଯୋଗିତା ପାଇଁ ତାଲିମ ନେବା ଲାଗି ଏହି ସ୍ୱର୍ଣ୍ଣ ପଦକ ମୋତେ ଉତ୍ସାହିତ କରିବ । ଆମ ପ୍ରଶିକ୍ଷକଙ୍କ ମୋ ଉପରେ ବିଶ୍ୱାସ ରହିଛି ଏବଂ ନିରନ୍ତର ପ୍ରଦର୍ଶନ ଜାରି ରଖିବାକୁ ମୁଁ ସୁନିଶ୍ଚିତ କରିବାକୁ ଚାହୁଛି ।’’ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାର ତୃତୀୟ ସଂସ୍କରଣରେ ସାରା ଦେଶର ଶ୍ରେଷ୍ଠ ୨୦୫ ବିଶ୍ୱବିଦ୍ୟାଳୟର ପ୍ରାୟ ୪୦୦୦ କ୍ରୀଡ଼ାବିତ୍‌ଙ୍କୁ ୨୧ ପ୍ରକାର ବିଭିନ୍ନ କ୍ରୀଡ଼ାରେ ୨୭ଟି ବର୍ଗରେ ପ୍ରତିଦ୍ୱନ୍ଦ୍ୱିତା କରିବା ଦେଖିବାକୁ ମିଳିଥିଲା । ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାରେ ଚମତ୍କାର ପ୍ରଦର୍ଶନ କରିଥିବା ଓଡ଼ିଶା ରିଲାଏନ୍ସ ଫାଉଣ୍ଡେସନ ଏଚ୍‌ପିସିର କ୍ରୀଡ଼ାବିତ୍‌ମାନେ ହେଉଛନ୍ତି: ପ୍ରଜ୍ଞା ପ୍ରଶାନ୍ତୀ ସାହୁ ୧୩.୬୩ ସେକେଣ୍ଡ୍‌ ସହିତ ମହିଳା ୧୦୦ ମିଟର ବାଧାଦୌଡ଼ରେ ଜିତିଛନ୍ତି ସ୍ୱର୍ଣ୍ଣ । ସୁସ୍ମିତା ଟିଗା ୧୦:୪୨.୪୩ ସମୟ ସହିତ ମହିଳା ୩୦୦୦ ମିଟର ଷ୍ଟିପଲ୍‌ଚେଜ୍‌ରେ ଜିତିଛନ୍ତି ସ୍ୱର୍ଣ୍ଣ । ମନିଷା ମେରେଲ୍ ମହିଳା ଲମ୍ବ ଡିଆଁରେ ୬ ମିଟର  ଡିଆଁ ସହିତ ଜିତିଛନ୍ତି ସ୍ୱର୍ଣ୍ଣ ପଦକ । ଲାଲୁ ପ୍ରସାଦ ଭୋଇ ଓ ଅଭିଷେକ ଦଳବେହେରାଙ୍କୁ ପୁରୁଷ ୧୦୦ ମିଟର ଦୌଡ଼ରେ ଯଥାକ୍ରମେ ରୌପ୍ୟ (୧୦.୬୦) ଓ ବ୍ରୋଞ୍ଜ (୧୦.୭୨) ପଦକ । ସ୍ୱାଧୀନ ମାଝି ୨.୧୧ ମିଟର ଡିଆଁ ସହ ପୁରୁଷ ଉଚ୍ଚ ଡିଆଁରେ ଜିତିଛନ୍ତି ରୌପ୍ୟ । ମୌମିତା ମଣ୍ଡଳ ୫.୮୭ ମିଟର ଡେଇଁ ମହିଳା ଲମ୍ବ ଡିଆଁରେ ଜିତିଛନ୍ତି ରୌପ୍ୟ ପଦକ । ଓଡ଼ିଶା ସରକାର ଓ ରିଲାଏନ୍ସ ଫାଉଣ୍ଡେସନର ଏକ ମିଳିତ ସହଯୋଗିତା ଓଡ଼ିଶା ରିଲାଏନ୍ସ ଫାଉଣ୍ଡେସନ ଆଥ୍‌ଲେଟିକ୍‌ସ ହାଇ-ପରଫରମାନ୍ସ ସେଂଟର ଭାରତର ଶ୍ରେଷ୍ଠ କ୍ରୀଡ଼ା ପ୍ରତିଭାମାନଙ୍କୁ ବିଶ୍ୱ ସ୍ତରୀୟ ପ୍ରଶିକ୍ଷଣ, ଉପକରଣ, କ୍ରୀଡ଼ା ଔଷଧ ଓ ଥଇଥାନ ଭଳି ବ୍ୟାପକ ସହଯୋଗ ପ୍ରଦାନ କରୁଛି । ବିଭିନ୍ନ କ୍ରୀଡ଼ା ଶୃଙ୍ଖଳାରେ ୫୦ରୁ ଅଧିକ କ୍ରୀଡ଼ାବିତ୍ ପ୍ରଶିକ୍ଷଣ ହାସଲ କରୁଥିବା ବେଳେ ଏହି କେନ୍ଦ୍ର ଶୁଭାରମ୍ଭ ହେବା ପରଠାରୁ ଚମତ୍କାର ଫଳାଫଳ ପ୍ରଦାନ କରୁଛି ।

ଅର୍ଗସ ବ୍ୟୁରୋ : ରାଜ୍ୟରେ ଜାରି ରହିଛି ଗ୍ରୀଷ୍ମ ପ୍ରବାହ । ତତଲା କଡେଇରେ ସିଝୁଛି ଓଡିଶା । ସକାଳ 8ଟା ପରେ ଘରୁ ବାହାରିବା ମୁସ୍କିଲ ହୋଇପଡୁଛି ।  ଆଉ ଏହାରି ଭିତରେ ଆଜି ଦିନ ସାଢେ ୨.୩୦ଟା ସୁଦ୍ଧା ରେକର୍ଡ କରାଯାଇଥିବା ତାପମାତ୍ରା । ଆଜି ଦିନ ୨.୩୦ ସୁଦ୍ଧା ଭୁବନେଶ୍ୱରରେ ୪୧.୪ ଡ଼ିଗ୍ରୀଡ଼ିଗ୍ରୀ ତାପମାତ୍ରା ରେକର୍ଡ ହୋଇଛି ।  ଅଧିକ ପଢନ୍ତୁ ଓଡ଼ିଶା ଖବର ସେହିପରି ସମ୍ବଲପୁର :୪୪.୨ ଡ଼ିଗ୍ରୀ, ଝାରସୁଗୁଡା : ୪୩.୪ ଡ଼ିଗ୍ରୀ, ହୀରାକୁଦ : ୪୨.୮ ଡ଼ିଗ୍ରୀ, କେନ୍ଦୁଝର : ୩୬.୬ ଡ଼ିଗ୍ରୀ, ଗୋପାଳପୁର: ୩୫.୪ ଡ଼ିଗ୍ରୀ,  ପୁରୀ: ୩୪.୬ ଡ଼ିଗ୍ରୀ, ପାରାଦୀପ: ୩୨.୮ ଡ଼ିଗ୍ରୀ, ବାଲେଶ୍ୱର: ୩୨.୬ ଡ଼ିଗ୍ରୀ ଚାନ୍ଦବାଲି: ୨୬.୮ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି । ସେହିପରି ଆଗାମୀ ୩ ଘଣ୍ଟା ଭିତରେ ମୟୂରଭଞ୍ଜ ଓ କେନ୍ଦୁଝରରେ କାଳବୈଶାଖୀ ହେବାର ସମ୍ଭାବନା ରହିଛି । ପ୍ରବଳ ବର୍ଷା ସହ ଘଣ୍ଟାକୁ ୩୦ରୁ ୪୦ କିମି ବେଗରେ ବହିପାରେ ପବନ । ବିଜୁଳି ଘଡ଼ଘଡ଼ି ବର୍ଷା ହେବାର ସମ୍ଭାବନା ରହିଛି । ତେଣୁ ବଜ୍ରପାତ ଅଘଟଣରୁ ରକ୍ଷା ପାଇବା ପାଇଁ ଲୋକଙ୍କୁ ସତର୍କ ରହିବା ପାଇଁ ସଚେତନ କରିଛି ପାଣିପାଗ ବିଭାଗ ।