Ralibeda, an inaccessible village in the 5-G era

 ଫରେଷ୍ଟର ସଞ୍ଜୟ ନାୟକଙ୍କ ମୃତ୍ୟୁକୁ ୧୯ ଦିନ ପୁରିଥିବାବେଳେ ନ୍ୟାୟ ଅପେକ୍ଷାରେ ପରିବାର । ମା, ବାପା ଏବଂ ବଡ଼ ଭାଇଙ୍କ ଆଖିରୁ ଶୁଖୁନି ଲୁହ । ସଞ୍ଜୟଙ୍କ ପତ୍ନୀ ଦୁଇ ଛୁଆଙ୍କୁ ଧରି ବାପଘରକୁ ପଳାଇ ଥିବାବେଳେ 60 ବର୍ଷୀୟ ରୋଗୀଣା ବୁଢା ବାପା ହୋଟେଲରେ କାମ କରି ପରିବାର ଚଳାଉଛନ୍ତି । ସଞ୍ଜୟଙ୍କ ସୁଇସାଇଡ଼ ନୋଟ୍ ଯାଞ୍ଚ ଏବଂ କ୍ରସ୍ ମ୍ୟାଚିଂ କରିବାକୁ ଦାବି କରିଛନ୍ତି । କେବଳ ନିଲମ୍ବନ ନୁହେଁ ଡିଏଫଓଙ୍କୁ ଗିରଫ କଲେ ହିଁ ସଞ୍ଜୟଙ୍କ ଆତ୍ମା ଶାନ୍ତି ପାଇବ କହିଛନ୍ତି ପରିବାର ଲୋକେ ।  ବିଜେଡି ଶାସନରେ ସୁପର ପାୱାର ପାଇଥିବା ଡିଏଫଓ ଦେବେନ୍ଦ୍ର ବେହେରା ସଞ୍ଜୟଙ୍କୁ ମାଗିଥିଲେ ପିସି । ପିସି ନଦେଲେ ବଦଳି ସହ ସସପେଣ୍ଡ କରିବା ନେଇ ଦେଉଥିଲେ ଧମକ । ସଞ୍ଜୟ ପ୍ରାୟ ୧୦ ଲକ୍ଷ ଟଙ୍କା ପିସି ଦେବା ସହ ରାୟଗଡ଼ା ଡିଏଫଓଙ୍କ ଘରେ ଏସି ଓ ବୋରୱେଲ ଖୋଳାଇ ଥିଲେ । ଏପରିକି ମନ୍ଦିର ବାବଦକୁ ୪୦ ହଜାର ଟଙ୍କା ଚାନ୍ଦା ମଧ୍ୟ ଦେଇଥିଲେ । ଏଭଳି ସାଘାଂତିକ ଅଭିଯୋଗ ଥିବା ଡିଏଫଓ କେବେ ଗିରଫ ହେବେ ତାହାକୁ ନେଇ ଉଠିଛି ପ୍ରଶ୍ନ   ।

ଅଧିକ ପଢନ୍ତୁ ଓଡ଼ିଶା ଖବର 

ମୃତ୍ୟୁର କରାଳ ଛାୟା ..ଆହତଙ୍କ ଆର୍ତ ଚିତ୍କାରରେ କମ୍ପୁଛି ମଧ୍ୟପ୍ରାଚ୍ୟ...ଇସ୍ରାଏଲ୍ ହିଜବୁଲ୍ଲା ଜଙ୍ଗ୍ ଚରମ ସୀମାରେ ଥିବାବେଳେ ଏବେ ପୁଣି ଥରେ ଗାଜାରେ ଏୟାରଷ୍ଟ୍ରାଇକ୍‌ ଆରମ୍ଭ କରିଛି ଇସ୍ରାଏଲ। ରବିବାର ଗାଜାର ଏକ ମସଜିଦ ଉପରେ ଇସ୍ରାଏଲ ରକେଟ୍‌ ମାଡ଼ କରିଛି। ଏଥିରେ  ୨୪ ଜଣଙ୍କ ମୃତ୍ୟୁ ହୋଇଛି।  ଇସ୍ରାଏଲ ଓ ହମାସ ଯୁଦ୍ଧକୁ ଏକ ବର୍ଷ ପୂର୍ତ୍ତି ହେବାକୁ ଯାଉଥିବା ବେଳେ ହମାସ କୁ ନେତାନାହୁ ଙ୍କ ଏହା ଏକ ଚେତାବନୀ ବୋଲି କୁହାଜାଉଛି। ଡେର ଅଲ ବାଲା ଅଞ୍ଚଳରେ ଥିବା ଶୁହାଦା ଅଲ-ଅକ୍ସା ମସ୍‌ଜିଦ ଭିତରେ ହମାସ ଆତଙ୍କବାଦୀ ଗତିବିଧି ପରିଚାଳନା କରୁଥିଲା। ଏହି ମସଜିଦ ଭିତରେ ହମାସର କମାଣ୍ଡ ସେଣ୍ଟର ଓ କଣ୍ଟ୍ରୋଲ ରୁମ୍‌ ଚଳାଉଥିଲା ଯାହାର ଭନକ୍ ଆଡିଏଫକୁ ଲାଗିବା ପରେ ଏହି ଆଟାକ୍ କରାଯାଇଛି। ଇସ୍ରାଏଲ୍ ର ଲେବାନନ୍ ଆଟାକ୍ ଭୟଙ୍କର ହେବା ସହିତ ନେକ୍ସ ଆଟାକ୍ ଇରାନ୍ ଉପରେ କରିବା ନେଇ ନେତାନାହୁ ଇସାରା କରିସାରିଛନ୍ତି। ଏହା ପୂର୍ବରୁ ଫ୍ରାନସ୍ ଇସ୍ରାଏଲ କୁ ଯୁଦ୍ଧାସ୍ତ୍ର ସପ୍ଲାଇ ବନ୍ଦ କରିଛି। ଜାହାକୁ ନେଇ ଭଡକିଛନ୍ତି ନେତାନାହୁ।  
 

ସୁଭଦ୍ରା ଯୋଜନା ଚାରି 'ସ' ପୂରଣ ପାଇଁ କାମ କରୁଛି । ସୁଭଦ୍ରାର ଅର୍ଥ ମହିଳାଙ୍କ ସଶକ୍ତିକରଣ, ସମ୍ମାନ, ସ୍ୱାଭିମାନ ଏବଂ ସମୃଦ୍ଧି ବୋଲି କହିଛନ୍ତି ଉପମୁଖ୍ୟମନ୍ତ୍ରୀ । ମାର୍ଚ୍ଚ ୮ ପୂର୍ବରୁ କୋଟିଏରୁ ଉର୍ଦ୍ଧ୍ଵ ଯୋଗ୍ୟ ହିତାଧିକାରୀଙ୍କୁ ମିଳିବ ସୁଭଦ୍ରାର ପ୍ରଥମ କିସ୍ତି ଟଙ୍କା । ସେପଟେ ୯ ତାରିଖର ଭବ୍ୟ ଆୟୋଜନ ପାଇଁ ମା ସୁଭଦ୍ରାଙ୍କ କ୍ଷେତ୍ର ବାରିପଦାରେ ଚାଲିଛି ପ୍ରସ୍ତୁତି । ସୁଭଦ୍ରା ସମ୍ମିଳନୀ ପାଇଁ ଛଉ ପଡିଆ ଓ କଲେଜ ପଡିଆରେ ଉତ୍ସବର ପରିବେଶ । ମଞ୍ଚ ସଜଡା ଠାରୁ ଆରମ୍ଭ କରି ଟେଣ୍ଟ ବାନ୍ଧିବାରେ ଲାଗି ପଡିଛନ୍ତି କାରିଗର । ଦାୟିତ୍ଵ ନେବା ପରେ ମୟୁରଭଞ୍ଜ ଜିଲ୍ଲାକୁ ପ୍ରଥମ ଥର ଗସ୍ତ କରିବେ ମୁଖ୍ୟମନ୍ତ୍ରୀ ମୋହନ ମାଝୀ । ତେଣୁ ମୁଖ୍ୟମନ୍ତ୍ରୀ ସୁଭଦ୍ରା ଟଙ୍କା ଦେବା ପାଇଁ ବାରିପଦା ଆସିବା ଜାଣି ମହିଳାଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଛି । 

ସୁଭଦ୍ରା ଓଡ଼ିଶା ଇତିହାସର ସବୁଠୁ ବଡ଼ ଯୋଜନା । ଯେଉଁଥିରେ ୧ କୋଟିରୁ ଉର୍ଦ୍ଧ୍ଵ ମହିଳା ସାମିଲ ହୋଇ ସ୍ଵାବଲମ୍ବୀ ହେବାର ରାହା ପାଇବେ । ୨୪ ନିର୍ବାଚନରେ ଗେମ୍ ଚେଞ୍ଜର୍ ଥିଲା ସୁଭଦ୍ରା ଯୋଜନାର ପ୍ରତିଶ୍ରୁତି । ସୁଭଦ୍ରା ଯୋଜନା ଭାଙ୍ଗି ଦେଲା ବିଜେଡ଼ିର ମହିଳା ଭୋଟ ବ୍ୟାଙ୍କ୍ ବଳ । ରାଜ୍ୟ ରାଜନୀତିର ସମୀକରଣକୁ ବଦଳାଇ ୨୪ ବର୍ଷର ସରକାରକୁ ଗାଦିଚ୍ୟୁତ କରିବାରେ ବଡ଼ ସହାୟକ ହୋଇଥିଲା ବିଜେପିର ଏହି ଘୋଷଣା । ତେବେ ସେପ୍ଟେମ୍ବର ୧୭ରେ ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଆସି ସୁଭଦ୍ରା ଯୋଜନାର ଶୁଭାରମ୍ଭ କରିଥିଲେ । ସେଦିନ ପ୍ରଥମ ପର୍ଯ୍ୟାୟରେ ୨୫ ଲକ୍ଷରୁ ଅଧିକ ହିତାଧିକାରୀଙ୍କୁ ସହାୟତା ରାଶି ମିଳିଥିବା ବେଳେ ଦ୍ଵିତୀୟ ପର୍ଯ୍ୟାୟରେ ଅକ୍ଟୋବର ୯ ଦିନ ୪୦ ଲକ୍ଷ ମହିଳାଙ୍କୁ ମିଳିବାକୁ ଯାଉଛି ପ୍ରଥମ କିସ୍ତି ।

ଅଧିକ ପଢ଼ନ୍ତୁ ଓଡିଶା ଖବର...