ଚଢାଦରରେ ଆଳୁ ବିକ୍ରି ଅଭିଯୋଗରେ ଛତ୍ରବଜାର ଓ ଭୁବନେଶ୍ୱର 4 ନଂ ମାର୍କେଟରେ ଯୋଗାଣ ବିଭାଗ ପକ୍ଷରୁ ରେଡ୍ କରାଯାଇଛି ।
ସେପଟେ ଉତ୍ତରପ୍ରଦେଶରୁ ଆସି ଓଡ଼ିଶାରେ ପହଞ୍ଚିଲା ଆଳୁ । ଭୁବନେଶ୍ବର, କଟକ ସମେତ ବିଭିନ୍ନ ସ୍ଥାନରେ ପହଞ୍ଚିଲା ଆଳୁ ଗାଡ଼ି । ଆଜି ସୁଦ୍ଧା ଉତ୍ତରପ୍ରଦେଶରୁ ଆହୁରି ୭୦ଟି ଗାଡ଼ି ଆସିବ । ଏହା ସହ ପଶ୍ଚିମବଙ୍ଗରୁ ୩୦ ଗାଡ଼ି ଆସିବ । ଆଳୁ ଆସିବା ପରେ ବର୍ଦ୍ଧିତ ଦରରେ ଲାଗିପାରେ ରୋକ୍ ।
ଆଜି ଉତ୍ତରପ୍ରଦେଶରୁ 300 ଟ୍ରକ୍ ଆଳୁ ଗାଡ଼ି ଆସିବ ବୋଲି ଗତକାଲି ସୂଚନା ଦେଇଥିଲେ ଖାଦ୍ୟ ଯୋଗାଣ ମନ୍ତ୍ରୀ । ଚଳିତ ବର୍ଷ ଦ୍ବିତୀୟ ଥର ପାଇଁ ଓଡ଼ିଶାକୁ ଆଳୁ ଚାଲାଣ ବନ୍ଦ କରି ଦେଇଥିଲେ ମମତା ସରକାର । ପଶ୍ଚିମବଙ୍ଗର ମନମାନୀ ଯୋଗୁଁ ରାଜ୍ୟ ସାରା ଦେଖାଦେଇଛି ଆଳୁ ସଂକଟ । ତେଣୁ ପଶ୍ଚିମବଙ୍ଗର ମନମାନୀ ଭାଙ୍ଗିବାକୁ ୟୁପିକୁ ବିକଳ୍ପ ଭାବେ ବାଛିଛନ୍ତି ରାଜ୍ୟ ସରକାର।
