କଟକ : ଗଞ୍ଜେଇ ବେପାରୀକୁ ୧୦ ବର୍ଷର ସଶ୍ରମ କାରାଦଣ୍ଡାଦେଶ ପାଇଁ ନିର୍ଦ୍ଦେଶ ଦେଲେ କଟକ ଦ୍ଵିତୀୟ ଅତିରିକ୍ତ ଜିଲ୍ଲା ଦୌରା ଜଜ କୋର୍ଟ। ଏହା ସହ ଏକ ଲକ୍ଷ ଟଙ୍କାର ଜୋରିମାନା ଦେବା ପାଇଁ ନିର୍ଦ୍ଦେଶ ଦେଇଛନ୍ତି । ପଶ୍ଚିମବଙ୍ଗର ଗଞ୍ଜେଇ ବେପାରୀ ମାଣିକ ଅଲି ଶେଖକୁ ଏହି ଦଣ୍ଡାଦେଶ ଶୁଣେଇଲେ କୋର୍ଟ। ଜୋରିମାନା ଅନାଦେୟ ଅଧିକ ୬ ମାସ କାରାଦଣ୍ଡାଦେଶ ପାଇଁ ନିର୍ଦ୍ଦେଶ ଦେଇଛନ୍ତି କୋର୍ଟ।
ଅଧିକ ପଢନ୍ତୁ : ୧ କୁଇଣ୍ଟାଲ ଗଞ୍ଜେଇ ଜବତ, ୨ ଗିରଫ
୦୭ ଅଗଷ୍ଟ ୨୦୨୨ ମସିହାରେ କଟକ ଓଏମପି ଓଭର ବ୍ରିଜ ଉପରେଏକ କାରରେ ପ୍ଲାଷ୍ଟିକ ବ୍ୟାଗ ଭର୍ତ୍ତି ଗଞ୍ଜେଇ ଚାଲାଣ ସମୟରେ ଧରିଥିଲା କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ। ଏଥିରେ ପାଖାପାଖି ୮୧ କେଜି ଗଞ୍ଜେଇ ଚାଲାଣ ହେଉଥିଲା। ଏହି ଗଞ୍ଜେଇ ପଶ୍ଚିମବଙ୍ଗକୁ ଚାଲାଣ ହେଉଥିଲା।
ଭୁବନେଶ୍ୱର: ଘଷିପୁରା ବିଧାନସଭା ଆସନରୁ ଲଢିପାରନ୍ତି ସୌମ୍ୟ ରଞ୍ଜନ ପଟ୍ଟନାୟକ ? ଚୂଡାନ୍ତ ହୋଇନଥିଲେ ମଧ୍ୟ ଚର୍ଚ୍ଚା ଜୋର ଧରିଛି। ତେବେ ଆଜି ଏନେଇ ଇଙ୍ଗିତ କରିଛନ୍ତି ଖଣ୍ଡପଡା ବିଧାୟକ ସୌମ୍ୟରଞ୍ଜନ। ଘଟଗାଁ ମା ତାରିଣୀଙ୍କ ଦର୍ଶନ ଅବସରରେ ଗଣମାଧ୍ୟମକୁ ସୂଚନା ଦେଇଛନ୍ତି। ଏଠାରୁ ଲଢିବା ପାଇଁ ଏ ନିର୍ଦ୍ଧିଷ୍ଟ ଦଳ ପକ୍ଷରୁ ପ୍ରସ୍ତାବ ଆସିଛି ବୋଲି କହିଛନ୍ତି ସୌମ୍ୟରଞ୍ଜନ ପଟ୍ଟନାୟକ। ଏଠାକାର ସ୍ଥାନୀୟ ଲୋକ ମଧ୍ୟ ମୋ ଉପରେ ଚାପ ପକାଉଛନ୍ତି ବୋଲି କହିଛନ୍ତି ସୌମ୍ୟ। ଏନେଇ ମୋତେ ସଦ୍ବୁଦ୍ଧି ଦେବାକୁ ମା'ଙ୍କ ଦର୍ଶନ କରିବାକୁ ଆସିଛି ବୋଲି କହିଛନ୍ତି ସୌମ୍ୟ। ତେବେ ଖଣ୍ଡପଡା ସମ୍ପର୍କରେ ମଧ୍ୟ ରୋଚକ ମନ୍ତବ୍ୟ ଦେଇଛନ୍ତି ସୌମ୍ୟ। କହିଛନ୍ତି ବିଜେଡି ଏଯାଏଁ ଖଣ୍ଡପଡା ପାଇଁ ପ୍ରାର୍ଥୀ ଘୋଷଣା କରିନାହିଁ। କାହିଁକି ପ୍ରାର୍ଥୀ ଘୋଷଣା କରିନି ? କଣ ରହସ୍ୟ ରହିଛି ବୋଲି କହିଛନ୍ତି ସୌମ୍ୟ ରଞ୍ଜନ ପଟ୍ଟନାୟକ।
ସୂଚନାମୁତାବ, ଆଜି ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଘଟଗାଁ କୁ ଦର୍ଶନ କରିବା ପାଇଁ ଆସିଥିବାବେଳେ ଘସିପୁରା ନିର୍ବାଚନ ମଣ୍ଡଳୀ ର ରାମଚନ୍ଦ୍ରପୁର, ଖଲଣା, ବରପଦା, ସୁଆଁପଦା, ହସନପୁର ଠାରେ ଶହଶହ ସମର୍ଥକ ତାଙ୍କୁ ସ୍ୱାଗତ ଜଣାଇଥିଲେ। ଗତ କିଛିଦିନ ଧରି ଘସିପୁରା ଏବଂ ଘଟଗାଁ ବ୍ଲକ ର ଅନେକ ଲୋକ ଭୁବନେଶ୍ବର ଯାଇ ସୌମ୍ୟରଞ୍ଜନ ପଟ୍ଟନାୟକ ଙ୍କୁ ଭେଟିବା ସହ ଘସିପୁରା ନିର୍ବାଚନ ମଣ୍ଡଳୀ ର ଦାୟିତ୍ୱ ନେଇ ନିର୍ବାଚନ ଲଢ଼ିବା ପାଇଁ ଅନୁରୋଧ କରୁଥିଲେ । ନିର୍ବାଚନ ଲଢ଼ିବା ନେଇ ଦିନେ ଦୁଇଦିନରେ ସବୁ ସ୍ପଷ୍ଟ ହେବ ବୋଲି କହିଛନ୍ତି । ଦଳ ଗୁରୁତ୍ୱପୂର୍ଣ୍ଣ ନୁହେଁ ଓଡ଼ିଆ ଅସ୍ମିତା ସହ ସାଧାରଣ ଲୋକଙ୍କର ସ୍ନେହ ଶ୍ରଦ୍ଧା ଓ ଭଲପାଇବା ମୋତେ ଏଠାକୁ ଟାଣି ଆଣିଛି ଆଗାମୀ ଦିନରେ ଯାହା ହେବ ଭଲ ହେବ ଆପଣ ମାନେ ଜାଣି ପାରିବେ ବୋଲି ଶ୍ରୀଯୁକ୍ତ ପଟ୍ଟନାୟକ କହିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
