ଅର୍ଗସ ବ୍ୟୁରୋ : ଏବେ କିଛି ଦିନ ପାଇଁ ଚିକେନ୍ ନଖାଇବା ଭଲ । ବାର୍ଡ ଫ୍ଲୁ ନେଇ ଜିଲ୍ଲା ଗୁଡିକୁ ଆଡ଼ଭାଇଜରୀ ଜାରି କଲେ ସ୍ବାସ୍ଥ୍ୟ ନିର୍ଦ୍ଦେଶକ । ଜିଲ୍ଲାୱାରୀ ଫିଭର ସର୍ଭିଲାନ୍ସ ଚାଲିଛି । ପିପିଲି ବାର୍ଡ ଫ୍ଲୁର ହଟସ୍ପଟ୍ । ତେଣୁ ଆଜି ରାପିଡ୍ ରେସପନ୍ସ ଟିମ୍ ପିପିଲି ଯାଇଛି । ଯେଉଁ ଏରିଆରୁ ବାର୍ଡ ଫ୍ଲୁ ବାହାରିଛି ସେ ଅଞ୍ଚଳକୁ କଣ୍ଟେନମେଣ୍ଟ କରିଦିଆଯାଉଛି । ବାର୍ଡ ଫ୍ଲୁ ହେଲେ ତୁରନ୍ତ କୁକୁଡ଼ାକୁ ମାରିଦେଇ ପୋତି ଦେବା ଦରକାର ।
ଅଧିକ ପଢନ୍ତୁ : ରାଞ୍ଚିର ଏକ କୁକୁଡ଼ା ଫାର୍ମରେ ବାର୍ଡ ଫ୍ଲୁ ଠାବ
ସବୁ ଦିନ ପବ୍ଲିକ ହେଲ୍ଥ ୟୁନିଟ୍ ଦ୍ବାରା ତଥ୍ୟ ସଂଗ୍ରହ କରାଯାଉଛି । ବାର୍ଡ ଫ୍ଲୁ କୁକୁଡ଼ାର କଂଟାକ୍ଟରେ ମଣିଷ ଆସିବା ଉଚିତ ନୁହେଁ । ବାର୍ଡ ଫ୍ଲୁରେ ସଂକ୍ରମଣ ହେଲେ ପ୍ରଥମେ ଜ୍ବର ହେବ । ଏଥିପାଇଁ ସତର୍କ ରହିବାକୁ ସୂଚାଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
