ପ୍ରତ୍ୟେକ ଦିନ ଖାଇବାରେ ଖାଲି ଡାଲି ଭାତ ଦିଆ ଯାଉଥିବା ନା ଅଣ୍ଡା ନା ମାଛ କିଛି ଦିଆଯାଏ ନାହିଁ। ଏପରି କି ପ୍ରତିଦିନ ସକାଳ 9 ଟାରେ ଓ ରାତ୍ର 8 ଟାରେ ଖାଇବାକୁ ଦିଆ ଯାଏ। କିନ୍ତୁ ଜଳଖିଆ କିଛି ନାହିଁ। ଏପରିକି ରୋଷେଇ ପାଇଁ କାଠ ମଧ୍ୟ ଛାତ୍ରମାନେ ଜଙ୍ଗଲରୁ ନିଜେ ଆଣନ୍ତି। ଛାତ୍ରମାନେ ଭଲ ଡାଲି କି ତରକାରୀ ନ ପାଇବାରୁ ଜଙ୍ଗଲରୁ ବାଉଁଶ କରଡ଼ି ଆଣି ଖାଉଥିବା ମଧ୍ୟ କହିଛନ୍ତି ଗ୍ରାମବାସୀ। ପିଲାଙ୍କ ଲାଗି ଶୌଚାଳୟ ଥିଲେ ମଧ୍ୟ ତାହାକୁ ଶିକ୍ଷକମାନେ ତାଳପକାଇ ରଖିଥିବା କହିଛନ୍ତି ଛାତ୍ରମାନେ। ଶିକ୍ଷକ ମାନେ ପ୍ରତ୍ୟେକ ଦିନ ବିଳମ୍ବରେ ଆସି ଜଲଦି ଚାଲି ଯାଉଛନ୍ତି।
ପାହଡ ଓ ଜଙ୍ଗଲ ନିକଟରେ ସ୍କୁଲ ହଷ୍ଟେଲ ଥିବା ସତ୍ତ୍ବେ କୌଣସି ସୁପେରିଟେଣ୍ଡ ପିଲାଙ୍କ ନିମନ୍ତେ ରହୁନଥିବା ଅଭିଯୋଗ ହୋଇଛି। ଛାତ୍ରଙ୍କ ସମସ୍ୟା ସମ୍ପର୍କରେ ଜିଲ୍ଲା ମଙ୍ଗଳ ଅଧିକାରୀ ଓ ବ୍ଲକ୍ ଶିକ୍ଷାଧିକାରୀ ପଚାରିବାରୁ ସେମାନେ ନିଜ ବିଭାଗ କହି କଥା ଟାଳିଦେଲେ। ଏନେଇ ଅତିରିକ୍ତ ଜିଲ୍ଲାପାଳ ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ନେବି ବୋଲି ପ୍ରତିଶ୍ରୁତି ଦେଇଛନ୍ତି। ଦୁର୍ଗମ ଅଞ୍ଚଳର ନିରୀହ ଆଦିବାସୀ ଛାତ୍ରଛାତ୍ରୀଙ୍କ ସମସ୍ୟାର ସମାଧାନ ଲାଗି ବ୍ଲକ୍ ଓ ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ଦାବି ହେଉଛି।
ଅଧିକ ପଢ଼ନ୍ତୁ ଓଡିଶା ଖବର:
